TĨĨGI WERE 44
44
Josef lam hẽẽre ɓen wo no
1Josef kal wii je ma ti tiŋ ɓen ga : Bag ndar jarn wo go mo lag de rege, nen maga á soɗ yaŋ doo ɓaara mono, ɓoʼ solay ma wosela ne hẽn jag ndar ɓen ni. 2Ni ndo ɓoʼ wehãn boo ma ɓin de solay coore blen ɓuy jag ndar mani ma klee no. Je ma ti tiŋn la kal joŋ fen maga Josef hay wãã ne hẽn mono.
3De jag toŋ, de maga ngel tee go mono, á kal men jar sen la wo mbaara rawge de gerhẽẽ ɓaaran wo mbaara so. 4Á hay laa wo wo go jag leege, bay wo de day ngel po wa ɗa, Josef wii je ma ti tiŋ ɓen ga : Baa blam jar wo no, hoo ra : Wii ra ga : Diŋ wer may ga nday coo de el de ɓlagge la? 5Waŋ ɓin jo diŋ ɓil wehãn boo se no, day ko ngel ma pel lay nà bay diŋ de wehãn boo sen wa? Nday joŋ doo sen no mo hãʼ nday joŋ ni gà. 6Je ma ti tiŋn la daʼ ra, kal dog wããre sen ne hara. 7Á kal wo wiigi ɓe ga : Waŋ ɓin wããre ma sen doo kay no mo kay wããge ne? Weere jããre ɓon bay wo nen joŋ joŋre ma doo kay no wa. 8De maga wùr fer le de solay maga wùr daʼn ɓil ndar wùr wo hãã le ɓi sir Kanaan mono. Sen joŋge joŋge ga wùr fer hoo solay noga boo biŋni liŋ ni waŋ ɓon freŋ ne? 9Yoo weere jõõre ɓon wo, je maga à daʼge mopo we doo ɓe mo huu go, day wùr de see wùr mo hay gebeere ma waŋ wùrn lay! 10Je ma ti tiŋn la day ga : De ele! Ndi joŋn ge diŋ ti jag ɓay so! Je maga ndi daʼge mopo ti ɓe mono joŋ ge diŋ gebee ɓi. Ma ɓayn mono re ɓay bay ni wa. 11Wosela kal ɓoʼ ɗee cwaa ndar ɓen go gesiŋ deparday bul jage. 12Je ma ti tiŋn la kal tĩĩ wer kiɗ nen fẽẽre ɓaaran ti ma nen kluu no, leʼ ti ma nen klee no. Á kal daʼ wehãn boon ɓi ndar mani Benjame no. 13Á kal wo ngar õõbe ma ti ɓaaran go, wosela fer maŋ ndar ne gerhẽẽ ti, fer wo ɓi leege.
Juda maŋ wããre ma kay ti Benjame
14Juda fer wo de hẽẽre ɓen liŋ ni Josef ti ngel maga saara hay le ni mo tigriŋ, á kal wo leɗge gesiŋ pel ɓe. 15Josef wii ra ga : Nday joŋ sen mokay diŋ may yaw ne? Nday bay de koge ga jobo doo ndi nono de kããge ma ko ngel ma pel wa? 16Juda kal fer wããre ga : À wãã baa ne waŋ ɓin mokay gahãy pala? À wãã diŋ may pala? À kneʼnge bà mokay la kneʼge pala? Baa daʼ weere jõõre ɓon wo de joŋge ni gà so lay. Wùr mo lag diŋ gebeere waŋ ɓin de je maga à daʼ wehãn boo ti ɓe mo ɓuy mbe so. 17Doo kay nono, Josef day ga : Joŋ foo gà ndi joŋ doosen no gà. Je maga à daʼ wehãn boo ti ɓe gwaʼge diŋ gebee ɓi. Ama, ma ɓayn wo we mbay daʼ pan ɓay jame.
18Doo kay, Juda kal yaʼ see ɓe ɓiŋ ɓe wiin ga : Ko mbo decoo ɓi waŋ ɓi no, men wejõõ ɓon fer wããre ne waŋ ɓin ɗa pa, nen maga jiili ɓo mo cee mo wa. Ko ɗa, ndo nà doo Farawoŋ ne tuu mono. 19Waŋ ɓin wii jag weere jõõre ɓen wo ga : Pan ɓay noga hẽn ɓay yaŋ yawla? 20Wùr kal fer wããre ga : Pan wùr yaŋ de tããbe, hẽn wùr ma klee yaŋ maga á biŋn nen tããbe ɓen lay. Wel sen la hẽn ɓe hay yaŋ maga á wo jar ni wãy, day se huu go. Á gwaʼ nà boŋ tuu, day pan ɓe da ne. 21Ndo hay wii weere jõõre ɓon wo ga : Baan we le go la ndi kon de nen ɓi de see ɓi ɗa. 22Wùr hay fer wããre ne waŋ ɓin ga : Weln bay ma men pan ɓe go wa. Á yaʼ we go see ɓe la no pan wùr huu gi go. 23Ndo hay wii weere jõõre ɓon wo ga : Hayga hẽn ɓay ma kleen á we wer ɓay gà no, naa yiŋgi pel gà so. 24De maga wùr fer wo see wejõõ ɓon pan wùr lam so no, wùr hay bag blam wããre mani waŋ ɓin ne hẽne. 25Pan wùr day ga : Fer we yee rege le ne naa meʼ ɗa pa la. 26Wùr hay fer wããre ne hẽn ga : Wùr kãã ma ferge gà. Day, hayga hẽn wùr ma kleen yaŋ wer wùr ni no, ni wùr wo yaŋ mbe, werga wùr kãã ma yiŋ pel de bloo sen gà say ni hẽn wùr ma kleen mo hay wer wùr ni. 27Wejõõ ɓon pan wùr hay wii wùr ga : Nday de koge ga wãy ɓin hay biŋ weere me ɓoge. 28Ma boŋn hay kal wo go liŋ see ɓi la, ndi ɗig nà ga mopo joŋ baan mbe go an so, hãã patala ndi ko nen ɓe gà. 29Nday raw we de ma kay la pa no, day re po daʼn we no, nday laage riŋ ɓi ma depuyn wo nen lawge ni jar ɓi tuu wo. 30Patala ndi fer we wo liŋ ɓiŋ wejõõ ɓon pan wùr ga wel maga ɗiggi ɓe de saʼge de ɓe bay we wer wùr ni wa no, 31á huu gi go, de maga á kola ga weln bay wer wùr la ni wa mono. Day weere jõõre ɓon joŋ ge wo nen laa riŋ wejõõ ɓo pan wùrn nen lawge wo ni jar ɓi tuu wo. 32Werga wejõõ ɓon hay fer wããre ti weln ne pan wùr ga : Hayga ndi fer we le de weln see ɓo gà no, ndi joŋ ge mbi see ɓo diŋ je joŋ re ma ti ngel ɓe gà tum so. 33Ndi kam ndo, patala men ga wejõõ ɓon mo gwaʼ joŋ gebee mo ti ngel wel no, day weln mo raw liŋ wer hẽẽre ɓen wo no. 34Ndi fer ge wo daʼ pan ɓi mo caw la daʼge ne, hayga weln bay we wer ɓi ni wa mono? O! Daga ndi mo ko lawge pan ɓin wa!
Iliyochaguliwa sasa
TĨĨGI WERE 44: TUP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tupuri Bible © Bible Society of Cameroon, 2016. All rights reserved.
TĨĨGI WERE 44
44
Josef lam hẽẽre ɓen wo no
1Josef kal wii je ma ti tiŋ ɓen ga : Bag ndar jarn wo go mo lag de rege, nen maga á soɗ yaŋ doo ɓaara mono, ɓoʼ solay ma wosela ne hẽn jag ndar ɓen ni. 2Ni ndo ɓoʼ wehãn boo ma ɓin de solay coore blen ɓuy jag ndar mani ma klee no. Je ma ti tiŋn la kal joŋ fen maga Josef hay wãã ne hẽn mono.
3De jag toŋ, de maga ngel tee go mono, á kal men jar sen la wo mbaara rawge de gerhẽẽ ɓaaran wo mbaara so. 4Á hay laa wo wo go jag leege, bay wo de day ngel po wa ɗa, Josef wii je ma ti tiŋ ɓen ga : Baa blam jar wo no, hoo ra : Wii ra ga : Diŋ wer may ga nday coo de el de ɓlagge la? 5Waŋ ɓin jo diŋ ɓil wehãn boo se no, day ko ngel ma pel lay nà bay diŋ de wehãn boo sen wa? Nday joŋ doo sen no mo hãʼ nday joŋ ni gà. 6Je ma ti tiŋn la daʼ ra, kal dog wããre sen ne hara. 7Á kal wo wiigi ɓe ga : Waŋ ɓin wããre ma sen doo kay no mo kay wããge ne? Weere jããre ɓon bay wo nen joŋ joŋre ma doo kay no wa. 8De maga wùr fer le de solay maga wùr daʼn ɓil ndar wùr wo hãã le ɓi sir Kanaan mono. Sen joŋge joŋge ga wùr fer hoo solay noga boo biŋni liŋ ni waŋ ɓon freŋ ne? 9Yoo weere jõõre ɓon wo, je maga à daʼge mopo we doo ɓe mo huu go, day wùr de see wùr mo hay gebeere ma waŋ wùrn lay! 10Je ma ti tiŋn la day ga : De ele! Ndi joŋn ge diŋ ti jag ɓay so! Je maga ndi daʼge mopo ti ɓe mono joŋ ge diŋ gebee ɓi. Ma ɓayn mono re ɓay bay ni wa. 11Wosela kal ɓoʼ ɗee cwaa ndar ɓen go gesiŋ deparday bul jage. 12Je ma ti tiŋn la kal tĩĩ wer kiɗ nen fẽẽre ɓaaran ti ma nen kluu no, leʼ ti ma nen klee no. Á kal daʼ wehãn boon ɓi ndar mani Benjame no. 13Á kal wo ngar õõbe ma ti ɓaaran go, wosela fer maŋ ndar ne gerhẽẽ ti, fer wo ɓi leege.
Juda maŋ wããre ma kay ti Benjame
14Juda fer wo de hẽẽre ɓen liŋ ni Josef ti ngel maga saara hay le ni mo tigriŋ, á kal wo leɗge gesiŋ pel ɓe. 15Josef wii ra ga : Nday joŋ sen mokay diŋ may yaw ne? Nday bay de koge ga jobo doo ndi nono de kããge ma ko ngel ma pel wa? 16Juda kal fer wããre ga : À wãã baa ne waŋ ɓin mokay gahãy pala? À wãã diŋ may pala? À kneʼnge bà mokay la kneʼge pala? Baa daʼ weere jõõre ɓon wo de joŋge ni gà so lay. Wùr mo lag diŋ gebeere waŋ ɓin de je maga à daʼ wehãn boo ti ɓe mo ɓuy mbe so. 17Doo kay nono, Josef day ga : Joŋ foo gà ndi joŋ doosen no gà. Je maga à daʼ wehãn boo ti ɓe gwaʼge diŋ gebee ɓi. Ama, ma ɓayn wo we mbay daʼ pan ɓay jame.
18Doo kay, Juda kal yaʼ see ɓe ɓiŋ ɓe wiin ga : Ko mbo decoo ɓi waŋ ɓi no, men wejõõ ɓon fer wããre ne waŋ ɓin ɗa pa, nen maga jiili ɓo mo cee mo wa. Ko ɗa, ndo nà doo Farawoŋ ne tuu mono. 19Waŋ ɓin wii jag weere jõõre ɓen wo ga : Pan ɓay noga hẽn ɓay yaŋ yawla? 20Wùr kal fer wããre ga : Pan wùr yaŋ de tããbe, hẽn wùr ma klee yaŋ maga á biŋn nen tããbe ɓen lay. Wel sen la hẽn ɓe hay yaŋ maga á wo jar ni wãy, day se huu go. Á gwaʼ nà boŋ tuu, day pan ɓe da ne. 21Ndo hay wii weere jõõre ɓon wo ga : Baan we le go la ndi kon de nen ɓi de see ɓi ɗa. 22Wùr hay fer wããre ne waŋ ɓin ga : Weln bay ma men pan ɓe go wa. Á yaʼ we go see ɓe la no pan wùr huu gi go. 23Ndo hay wii weere jõõre ɓon wo ga : Hayga hẽn ɓay ma kleen á we wer ɓay gà no, naa yiŋgi pel gà so. 24De maga wùr fer wo see wejõõ ɓon pan wùr lam so no, wùr hay bag blam wããre mani waŋ ɓin ne hẽne. 25Pan wùr day ga : Fer we yee rege le ne naa meʼ ɗa pa la. 26Wùr hay fer wããre ne hẽn ga : Wùr kãã ma ferge gà. Day, hayga hẽn wùr ma kleen yaŋ wer wùr ni no, ni wùr wo yaŋ mbe, werga wùr kãã ma yiŋ pel de bloo sen gà say ni hẽn wùr ma kleen mo hay wer wùr ni. 27Wejõõ ɓon pan wùr hay wii wùr ga : Nday de koge ga wãy ɓin hay biŋ weere me ɓoge. 28Ma boŋn hay kal wo go liŋ see ɓi la, ndi ɗig nà ga mopo joŋ baan mbe go an so, hãã patala ndi ko nen ɓe gà. 29Nday raw we de ma kay la pa no, day re po daʼn we no, nday laage riŋ ɓi ma depuyn wo nen lawge ni jar ɓi tuu wo. 30Patala ndi fer we wo liŋ ɓiŋ wejõõ ɓon pan wùr ga wel maga ɗiggi ɓe de saʼge de ɓe bay we wer wùr ni wa no, 31á huu gi go, de maga á kola ga weln bay wer wùr la ni wa mono. Day weere jõõre ɓon joŋ ge wo nen laa riŋ wejõõ ɓo pan wùrn nen lawge wo ni jar ɓi tuu wo. 32Werga wejõõ ɓon hay fer wããre ti weln ne pan wùr ga : Hayga ndi fer we le de weln see ɓo gà no, ndi joŋ ge mbi see ɓo diŋ je joŋ re ma ti ngel ɓe gà tum so. 33Ndi kam ndo, patala men ga wejõõ ɓon mo gwaʼ joŋ gebee mo ti ngel wel no, day weln mo raw liŋ wer hẽẽre ɓen wo no. 34Ndi fer ge wo daʼ pan ɓi mo caw la daʼge ne, hayga weln bay we wer ɓi ni wa mono? O! Daga ndi mo ko lawge pan ɓin wa!
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tupuri Bible © Bible Society of Cameroon, 2016. All rights reserved.