MARKU 16
16
1Muze te tangwa lia Sambata hiliapalika, Maria Ka-Mandala, ni Maria naye ya Tiangu, ni Salome, alanjile mbuto ya vumba lipema, hanga akaye, akamuwayise nayo. 2Ha chimenemene ha tangwa litangu lia semana, yaya ku fuka, muze te tangwa hiliavumbuka. 3O aliambile umwe kuli mukwo ni mukwo ngwo, Iya matulangumwina liwe ku chikolo cha fuka? 4O ha kuhetuka, yamona liwe halilangumunaho: mumu liapwile linene chikolo. 5O ha kunjila mu fuka, amwene mukweze kanatwama ha chindume, kanazala hina lia mukambo litoma, no akomokene chikolo, nikwivwa woma. 6Iye yamba kuli ayo ngwenyi, Kanda nukomoka: nunafupu Yesu, Ka-Nazare, yoze anakamuhachila ha kulusu: hahinduka; amuno keshimo: talenu, homa haze anakamusa! 7Alioze yénu, nukambulwile tumbaji twenyi ni Petulu, ngwenu, Manutetekela ku Ngalileya; kuze munukamumona, ngwe ambile kuli yenu. 8O atuhukile fuji, akachine ku fuka; mumu kuchikima ni kukomoka chaakwachile: o kambile nichimwe kuli niumwe; mumu evwile woma.
9Achi, muze te hahinduka chimenemene ha tangwa litangu lia semana, wasolokele hatangu kuli Maria Ka-Mandala, muli iye Watuhwishile andemoniu shimbiali. 10Iye wayile, wambulwilile waze apwile hamwe nenyi, shimbu ananenganyana nikulila. 11O muze evwile ngwo, Ni mwono ali, ni iye hamumona, kachifulieleleko.
12Ni kulutwe lia yino yuma walisolwele ni mujimba weka kuli aali a kuli ayo, shimbu anayi mu jila yo ya kuya ku minda. 13O ayile, ambulwilile akwo: chipwe ayo kaafulieleleko.
14Kulutwe walisolwele kuli e kumi ni kashi shimbu anatwama ku mesa; iye waámbilile, mumu kafulieleleko, ni mumu ha kukala cha mbunge, mumu kafulieleleko waze amumwene muze te hahinduka. 15Iye wambile kuli ayo ngwenyi, Yénu hashi heswe, nukambujole sango lipema kuli atu eswe. 16Yoze mafuliela, mamupapachisa, kumakamulamwina; alioze yoze keshi kufuliela, kumakamuhisa. 17Yino yilayi kumuyikakaula waze mafuliela: mu jina liami kumakatuhwisa andemoniu; kumakahanjika mu malimi aha. 18O kumakanda tupela, nyi kachi manwa chuma chimwe cha kufwa, kuchichi kaalemeka nichimwe; kumakasayika moko jo hali mieji, o kumakahinduka.
19Chocho Mwene Yesu, muze te hahanjika kuli ayo, amutambwile mwilu, iye Watwamine ku chindume cha Zambi. 20O yatuhuka, yambujola kweswe, ni Mwene walingile hamwe no, nikukolesa liji ni yilayi yize yakawile. Amene.
Iliyochaguliwa sasa
MARKU 16: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
MARKU 16
16
1Muze te tangwa lia Sambata hiliapalika, Maria Ka-Mandala, ni Maria naye ya Tiangu, ni Salome, alanjile mbuto ya vumba lipema, hanga akaye, akamuwayise nayo. 2Ha chimenemene ha tangwa litangu lia semana, yaya ku fuka, muze te tangwa hiliavumbuka. 3O aliambile umwe kuli mukwo ni mukwo ngwo, Iya matulangumwina liwe ku chikolo cha fuka? 4O ha kuhetuka, yamona liwe halilangumunaho: mumu liapwile linene chikolo. 5O ha kunjila mu fuka, amwene mukweze kanatwama ha chindume, kanazala hina lia mukambo litoma, no akomokene chikolo, nikwivwa woma. 6Iye yamba kuli ayo ngwenyi, Kanda nukomoka: nunafupu Yesu, Ka-Nazare, yoze anakamuhachila ha kulusu: hahinduka; amuno keshimo: talenu, homa haze anakamusa! 7Alioze yénu, nukambulwile tumbaji twenyi ni Petulu, ngwenu, Manutetekela ku Ngalileya; kuze munukamumona, ngwe ambile kuli yenu. 8O atuhukile fuji, akachine ku fuka; mumu kuchikima ni kukomoka chaakwachile: o kambile nichimwe kuli niumwe; mumu evwile woma.
9Achi, muze te hahinduka chimenemene ha tangwa litangu lia semana, wasolokele hatangu kuli Maria Ka-Mandala, muli iye Watuhwishile andemoniu shimbiali. 10Iye wayile, wambulwilile waze apwile hamwe nenyi, shimbu ananenganyana nikulila. 11O muze evwile ngwo, Ni mwono ali, ni iye hamumona, kachifulieleleko.
12Ni kulutwe lia yino yuma walisolwele ni mujimba weka kuli aali a kuli ayo, shimbu anayi mu jila yo ya kuya ku minda. 13O ayile, ambulwilile akwo: chipwe ayo kaafulieleleko.
14Kulutwe walisolwele kuli e kumi ni kashi shimbu anatwama ku mesa; iye waámbilile, mumu kafulieleleko, ni mumu ha kukala cha mbunge, mumu kafulieleleko waze amumwene muze te hahinduka. 15Iye wambile kuli ayo ngwenyi, Yénu hashi heswe, nukambujole sango lipema kuli atu eswe. 16Yoze mafuliela, mamupapachisa, kumakamulamwina; alioze yoze keshi kufuliela, kumakamuhisa. 17Yino yilayi kumuyikakaula waze mafuliela: mu jina liami kumakatuhwisa andemoniu; kumakahanjika mu malimi aha. 18O kumakanda tupela, nyi kachi manwa chuma chimwe cha kufwa, kuchichi kaalemeka nichimwe; kumakasayika moko jo hali mieji, o kumakahinduka.
19Chocho Mwene Yesu, muze te hahanjika kuli ayo, amutambwile mwilu, iye Watwamine ku chindume cha Zambi. 20O yatuhuka, yambujola kweswe, ni Mwene walingile hamwe no, nikukolesa liji ni yilayi yize yakawile. Amene.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.