MARKU 15
15
1Haze hene ha chimenemene, asasendote akwa lutwe hamwe ni makulwana ni akwa kusonyeka, ni akwa kuyula, yatwama punga, yakasa Yesu, yamutwala, yamukunjika kuli Pilatu. 2Pilatu wamuhulile ngwenyi, Mwanangana wa A-Yunda, yena nyi? Iye wamukumbulwile, ngwenyi, Yena wachamba. 3Mba asasendote akwa lutwe amusumine yuma yinji. 4Pilatu wamuhulile cheka nawa ngwenyi, Kushi kukumbulula nichimwe, nyi? Ivwa, yuma yipwa haha kanakusumu. 5Alioze Yesu kakumbulwile nichimwe; chocho Pilatu wakomokene.
6Alioze ha chiwanyino wapwile ni ndako ya kutusula kuli ayo funge umuwika, yoze mamwita. 7Kwapwile umwe jina lienyi, Mbarapa, wa kukasa hamuwika ni waze akolemene hamwe nenyi, eno ashihile mutu ha kukolema. 8Mba mbunga nikukololoka aputukile kumwita alinge kuli ayo nikulita ni ndako yenyi. 9Alioze Pilatu waakumbulwile ngwenyi, Nunazange ngutusule kuli yenu Mwanangana wa A-Yunda, nyi? 10Mumu wanyingikine asasendote akwa lutwe amukunjikile mumu ha lufwachinda.
11Alioze asasendote akwa lutwe avundwile mbunga hanga Shinaho atusule Mbarapa kuli ayo. 12Pilatu waakumbulwile cheka nawa, ngwenyi, Mba kuchi nunazange ngulinge kuli yoze nunamuvuluka ngwenu, Mwanangana wa A-Yunda? 13O akololokele cheka nawa ngwo, Muhachilenu ha kulusu. 14Pilatu wambile kuli ayo ngwenyi, Kuchi te, chipi chika hanalingi? Alioze akololokele kuhiana ngwo, Muhachilenu ha kulusu. 15Mba Pilatu se wapalile kuhutula mbunga, waatuswilile Mbarapa, wakunjikile Yesu, muze te hamulamba ni shikote, hanga akamuhachile ha kulusu.
16Maswalale amutwalile ku yize, kwenako ku palasiu, yatambika chihuji cheswe cha maswalale alikungulule. 17O yamujika hina lia ufungo, yamuyinjila chipangula cha mbimbo, yachisa ha mutwe wenyi. 18O aputukile kumumeneka ngwo, Vulie! Mwanangana wa A-Yunda! 19Alambile mutwe wenyi ni lumbungu, amufwilile mate, o nikuliumba makungunwa jo, amuwayilile. 20Muze te hamukekuna, yamuzula hina lia ufungo, yamujika mahina jenyi. O yamutwala haze mukumuhachila ha kulusu.
21O yakamba umwe mukwa kupalika te kanakatuka ku minda, Semone, Ka-Serene, tato ya Alezandre ni Rufu, aye no hanga ambate kulusu yenyi. 22Yamuneha kuma anavulukako ngwo, Ngolongota, chinalumbunuka ngwo, Chihela cha kola. 23Amuhele vinyu chinge ni mira; alioze kayitambwileko. 24O yamuhachila ha kulusu, yalianyina mahina jenyi hakachi ko, nikuta chela chize mweswe matambula. 25Hapwile ola yamuchitatu, no amuliachilile ha kulusu. 26Chisoneko cha chitela chenyi chasonewene helu ngwo, Mwe Mwanangana wa A-Yunda. 27Hamwe nenyi yaliachila ha makulusu mihuza aali, umwe ku chindume chenyi ni mukwo ku chimeso chenyi. 28Mba chisoneko chamanunukine chize chinambe ngwo, Amwalwile hamwe ni yitanguke. 29Waze apalikile amutukile, nikulihunga mitwe yo ngwo, Wóló! Yena Wakwonwona tembele, wakuyitunga ha matangwa atatu, 30Ulamwine yena mwene, sunuka ku kulusu. 31Chizechene asasendote akwa lutwe nawa ni akwa kusonyeka, ha kumulenya hakachi ko, ambile ngwo, Walamwinyine akwo; kahashile kulilamwina mwene. 32Kristu, mwe Mwanangana wa Izalele, asunuke haliapwila ku kulusu, hanga tumone, tufuliele. Chipwe waze aahachilile ha makulusu hamwe nenyi amuchokele.
33Muze hapwile ola yamuchisambano, kwapwile milima ha chifuchi cheswe ndo ola yamuchilivwa. 34Mba ha ola yamuchilivwa, Yesu wakololokele ni liji linene ngwenyi, Eloi, Eloi, lama sambatani? Chinalumbunuka ngwo, Zambi yami, Zambi yami, kuchi te wangwehuka? 35Mba amwe a kuli waze amanyineko, muze achivwile ambile ngwo, Kumanyi, kanatambika Eliya. 36Mba umwe wazombokele, neye nikuzalisa shiponje ni vinagre, wayisele ha lumbungu akamunwiseyo, ngwenyi, Mwechenu, tutale kachi Eliya meza mukumusunwisa. 37Yesu wakololokele ni liji linene, mba wechele mwiku wenyi. 38Chikalakala cha hina cha tembele chapulikile mukachi, kwilu ndo hashi. 39Ni kapitau, yoze wamanyine hatalanganyi nenyi, muze amwene ngwe akololokele ni chocho wechele mwiku wenyi, wambile ngwenyi, Chamwenemwene, yono mutu mwe Mwana Zambi.
40Kwapwile mapwo nawa nikutalila kusuku, hakachi ko apwile Maria Ka-Mandala, ni Maria naye ya Tiangu mukepe ni ya Jose, ni Salome; 41aze nawa muze apwile mu Ngalileya, amukawile nikumuvumbika, ni mapwo anji akwo waze akandukile hamwe nenyi ku Yerusaleme.
42Muze hapwile chingoloshi, mumu chapwile Kululika, chenacho tangwa lia kutetekela Sambata. 43José wa ku Arimatea, mukwa kuyula mulemu, iye nawa wapwile nikutatatata wanangana wa Zambi; iye nikuhunuka, wanjilile kuli Pilatu, wechile mujimba wa Yesu. 44Pilatu wakomokene kachi hanafu kulu: iye ha kutambika kapitau, wamuhulile kachi hanafu kulu. 45Muze achivwile kuli kapitau, wechele mujimba kuli José. 46Iye walanjile hina lia linyu, ni muze hamusunwisa, wamuvungile mu hina lia linyu, wamusele mu fuka lia kutota mu liwe; iye walangumwine liwe ku chikolo cha fuka. 47Ni Maria Ka-Mandala, ni Maria naye ya José amwene muze amusele.
Iliyochaguliwa sasa
MARKU 15: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
MARKU 15
15
1Haze hene ha chimenemene, asasendote akwa lutwe hamwe ni makulwana ni akwa kusonyeka, ni akwa kuyula, yatwama punga, yakasa Yesu, yamutwala, yamukunjika kuli Pilatu. 2Pilatu wamuhulile ngwenyi, Mwanangana wa A-Yunda, yena nyi? Iye wamukumbulwile, ngwenyi, Yena wachamba. 3Mba asasendote akwa lutwe amusumine yuma yinji. 4Pilatu wamuhulile cheka nawa ngwenyi, Kushi kukumbulula nichimwe, nyi? Ivwa, yuma yipwa haha kanakusumu. 5Alioze Yesu kakumbulwile nichimwe; chocho Pilatu wakomokene.
6Alioze ha chiwanyino wapwile ni ndako ya kutusula kuli ayo funge umuwika, yoze mamwita. 7Kwapwile umwe jina lienyi, Mbarapa, wa kukasa hamuwika ni waze akolemene hamwe nenyi, eno ashihile mutu ha kukolema. 8Mba mbunga nikukololoka aputukile kumwita alinge kuli ayo nikulita ni ndako yenyi. 9Alioze Pilatu waakumbulwile ngwenyi, Nunazange ngutusule kuli yenu Mwanangana wa A-Yunda, nyi? 10Mumu wanyingikine asasendote akwa lutwe amukunjikile mumu ha lufwachinda.
11Alioze asasendote akwa lutwe avundwile mbunga hanga Shinaho atusule Mbarapa kuli ayo. 12Pilatu waakumbulwile cheka nawa, ngwenyi, Mba kuchi nunazange ngulinge kuli yoze nunamuvuluka ngwenu, Mwanangana wa A-Yunda? 13O akololokele cheka nawa ngwo, Muhachilenu ha kulusu. 14Pilatu wambile kuli ayo ngwenyi, Kuchi te, chipi chika hanalingi? Alioze akololokele kuhiana ngwo, Muhachilenu ha kulusu. 15Mba Pilatu se wapalile kuhutula mbunga, waatuswilile Mbarapa, wakunjikile Yesu, muze te hamulamba ni shikote, hanga akamuhachile ha kulusu.
16Maswalale amutwalile ku yize, kwenako ku palasiu, yatambika chihuji cheswe cha maswalale alikungulule. 17O yamujika hina lia ufungo, yamuyinjila chipangula cha mbimbo, yachisa ha mutwe wenyi. 18O aputukile kumumeneka ngwo, Vulie! Mwanangana wa A-Yunda! 19Alambile mutwe wenyi ni lumbungu, amufwilile mate, o nikuliumba makungunwa jo, amuwayilile. 20Muze te hamukekuna, yamuzula hina lia ufungo, yamujika mahina jenyi. O yamutwala haze mukumuhachila ha kulusu.
21O yakamba umwe mukwa kupalika te kanakatuka ku minda, Semone, Ka-Serene, tato ya Alezandre ni Rufu, aye no hanga ambate kulusu yenyi. 22Yamuneha kuma anavulukako ngwo, Ngolongota, chinalumbunuka ngwo, Chihela cha kola. 23Amuhele vinyu chinge ni mira; alioze kayitambwileko. 24O yamuhachila ha kulusu, yalianyina mahina jenyi hakachi ko, nikuta chela chize mweswe matambula. 25Hapwile ola yamuchitatu, no amuliachilile ha kulusu. 26Chisoneko cha chitela chenyi chasonewene helu ngwo, Mwe Mwanangana wa A-Yunda. 27Hamwe nenyi yaliachila ha makulusu mihuza aali, umwe ku chindume chenyi ni mukwo ku chimeso chenyi. 28Mba chisoneko chamanunukine chize chinambe ngwo, Amwalwile hamwe ni yitanguke. 29Waze apalikile amutukile, nikulihunga mitwe yo ngwo, Wóló! Yena Wakwonwona tembele, wakuyitunga ha matangwa atatu, 30Ulamwine yena mwene, sunuka ku kulusu. 31Chizechene asasendote akwa lutwe nawa ni akwa kusonyeka, ha kumulenya hakachi ko, ambile ngwo, Walamwinyine akwo; kahashile kulilamwina mwene. 32Kristu, mwe Mwanangana wa Izalele, asunuke haliapwila ku kulusu, hanga tumone, tufuliele. Chipwe waze aahachilile ha makulusu hamwe nenyi amuchokele.
33Muze hapwile ola yamuchisambano, kwapwile milima ha chifuchi cheswe ndo ola yamuchilivwa. 34Mba ha ola yamuchilivwa, Yesu wakololokele ni liji linene ngwenyi, Eloi, Eloi, lama sambatani? Chinalumbunuka ngwo, Zambi yami, Zambi yami, kuchi te wangwehuka? 35Mba amwe a kuli waze amanyineko, muze achivwile ambile ngwo, Kumanyi, kanatambika Eliya. 36Mba umwe wazombokele, neye nikuzalisa shiponje ni vinagre, wayisele ha lumbungu akamunwiseyo, ngwenyi, Mwechenu, tutale kachi Eliya meza mukumusunwisa. 37Yesu wakololokele ni liji linene, mba wechele mwiku wenyi. 38Chikalakala cha hina cha tembele chapulikile mukachi, kwilu ndo hashi. 39Ni kapitau, yoze wamanyine hatalanganyi nenyi, muze amwene ngwe akololokele ni chocho wechele mwiku wenyi, wambile ngwenyi, Chamwenemwene, yono mutu mwe Mwana Zambi.
40Kwapwile mapwo nawa nikutalila kusuku, hakachi ko apwile Maria Ka-Mandala, ni Maria naye ya Tiangu mukepe ni ya Jose, ni Salome; 41aze nawa muze apwile mu Ngalileya, amukawile nikumuvumbika, ni mapwo anji akwo waze akandukile hamwe nenyi ku Yerusaleme.
42Muze hapwile chingoloshi, mumu chapwile Kululika, chenacho tangwa lia kutetekela Sambata. 43José wa ku Arimatea, mukwa kuyula mulemu, iye nawa wapwile nikutatatata wanangana wa Zambi; iye nikuhunuka, wanjilile kuli Pilatu, wechile mujimba wa Yesu. 44Pilatu wakomokene kachi hanafu kulu: iye ha kutambika kapitau, wamuhulile kachi hanafu kulu. 45Muze achivwile kuli kapitau, wechele mujimba kuli José. 46Iye walanjile hina lia linyu, ni muze hamusunwisa, wamuvungile mu hina lia linyu, wamusele mu fuka lia kutota mu liwe; iye walangumwine liwe ku chikolo cha fuka. 47Ni Maria Ka-Mandala, ni Maria naye ya José amwene muze amusele.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.