UPUTUKILO 50
50
1Mba José walimbilile ha meso ja tato, yalililaho, yamwaha mbeju. 2Yatu ma ngamba jenyi ndotolo akase yitumbo hali tato kuchina mapola, mba ndotolo chocho yalinga kuli Izalele. 3Amumanwine makumi awana a matangwa hali iye, mumu chocho chakupwa matangwa a kusa yitumbo yize. A-Engitu amulilile makumi shimbiali a matangwa.
4Muze matangwa a kumulila hahwa, José yamba kuli akwa zuwo lia Falau ngwenyi. Nyi nwanguvwila vumbi kumeso jenu, hanjikenu mu matwi ja Falau ngwenu, José yamba ngwenyi, 5Tata wangushingishile ngwenyi, Mungufwa, alioze ukangufunde mu fuka lize nafulile mu chifuchi cha Kanana. Kashika ngutayize kama, nguye ngukafunde tata, mba mungwiza nawa. 6Falau yamba ngwenyi, Yénu nufunde tatenu, se anushingishile. 7José yaya mukufunda tato. Kwayile hamwe nenyi ngamba eswe a Falau, ni makulwana a mu zuwo lienyi, ni makulwana eswe a chifuchi cha Engitu. 8Ni akwa zuwo lia José, ni ayayo, ni akwa zuwo lia tato. Ahichikile ana jo wika mu chifuchi cha Ngoshone, hamwe ni yimuna jo. 9Wayile ni matemba ni akwa tuvwalu, mbunga yinene. 10Chocho yaheta ku chizungwilo cha Atate sali lize lia Yordau. Kwenako alilile mbimbi nikulishimwoka kuhiana. Walilile tato matangwa shimbiali. 11Muze enyembo, e A-Kanana, hamona kulila chize ku chizungwilo cha Atate yamba ngwo, Chino chapwa kulila chikalu cha chinyengo kuli A-Engitu. Kashika yalukako ngwo, Abele-mizerame, sali lize lia Yordau. 12Ana jenyi a malunga yamulinga chizechene yaatuma iye. 13Ana jenyi a malunga amumbachile nikumutwala ku chifuchi cha Kanana. Yamufunda mu chivwenge mu musenge wa Makapela chize Apalahama walanjile hamuwika ni we musenge, chikapwe chifuka cha kuhinga. Wachilanjile kuli Efrone mwe Ka-Hete kulutwe lia Mamare. 14Mba muze hafunda tato José yahiluka ku Engitu, ni ayayo, ni waze eswe ayile no mukufunda.
15Muze ayayo a José amwene tato hanafu ambile ngwo, Hanji José matuvwila kole nikutufwetesa chipi cheswe twamulingile. 16Kashika yatuma liji kuli José ngwo, Tatenu wahanyine shimbi shimbu kandafwa ngwenyi, 17Ambenu kuli José ngwenu, Ukonekene kama mutonga wa ayayenu ni shili yo ha kukulinga chipi. Kashika tunaliumbu, utukonekene mulonga wetu, yetu ngamba ja Zambi ya tatenu. José yalila muze ahanjikile chocho. 18O yaya nawa yafulamana kumeso jenyi ngwo, Talenu, tuli ngamba jenu. 19José yamba ngwenyi, Kanda nwivwa woma. Te yami nguli mu chitwamo cha Zambi? 20Nyi yenu, e, nwangunyongenene chipi, alioze Zambi wangupalilecho chipema, hanga akachilinge akafunge atu anji ni mwono; chocho chapwa musono. 21Kashika kanda nwivwa woma. Mungunuhoka hamuwika ni ana jenu. Chocho yaalembejeka nikuhanjika ku mbunge jo.
22José yatwama mu Engitu hamuwika ni akwa zuwo lia tato eswe. José Watwamine ni mwono kulakaji ni kumi lia miaka. 23José yamona ana ja Eframe ndo ku chisemuko chamuchitatu. Ni e ana ja Makire mwana wa Manase asemukine mu kondo ya José. 24Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba. 25José yashingisa ana ja Izalele ngwenyi, Pundu Zambi makanunangisa mba munukambata yifwaha yami nukayichize ku kuno. 26Chocho José wafwile ni kulakaji lia miaka ni kumi lia miaka. Yamusa yitumbo kuchina mapola, yamusa mu kashau mu Engitu.
Iliyochaguliwa sasa
UPUTUKILO 50: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 50
50
1Mba José walimbilile ha meso ja tato, yalililaho, yamwaha mbeju. 2Yatu ma ngamba jenyi ndotolo akase yitumbo hali tato kuchina mapola, mba ndotolo chocho yalinga kuli Izalele. 3Amumanwine makumi awana a matangwa hali iye, mumu chocho chakupwa matangwa a kusa yitumbo yize. A-Engitu amulilile makumi shimbiali a matangwa.
4Muze matangwa a kumulila hahwa, José yamba kuli akwa zuwo lia Falau ngwenyi. Nyi nwanguvwila vumbi kumeso jenu, hanjikenu mu matwi ja Falau ngwenu, José yamba ngwenyi, 5Tata wangushingishile ngwenyi, Mungufwa, alioze ukangufunde mu fuka lize nafulile mu chifuchi cha Kanana. Kashika ngutayize kama, nguye ngukafunde tata, mba mungwiza nawa. 6Falau yamba ngwenyi, Yénu nufunde tatenu, se anushingishile. 7José yaya mukufunda tato. Kwayile hamwe nenyi ngamba eswe a Falau, ni makulwana a mu zuwo lienyi, ni makulwana eswe a chifuchi cha Engitu. 8Ni akwa zuwo lia José, ni ayayo, ni akwa zuwo lia tato. Ahichikile ana jo wika mu chifuchi cha Ngoshone, hamwe ni yimuna jo. 9Wayile ni matemba ni akwa tuvwalu, mbunga yinene. 10Chocho yaheta ku chizungwilo cha Atate sali lize lia Yordau. Kwenako alilile mbimbi nikulishimwoka kuhiana. Walilile tato matangwa shimbiali. 11Muze enyembo, e A-Kanana, hamona kulila chize ku chizungwilo cha Atate yamba ngwo, Chino chapwa kulila chikalu cha chinyengo kuli A-Engitu. Kashika yalukako ngwo, Abele-mizerame, sali lize lia Yordau. 12Ana jenyi a malunga yamulinga chizechene yaatuma iye. 13Ana jenyi a malunga amumbachile nikumutwala ku chifuchi cha Kanana. Yamufunda mu chivwenge mu musenge wa Makapela chize Apalahama walanjile hamuwika ni we musenge, chikapwe chifuka cha kuhinga. Wachilanjile kuli Efrone mwe Ka-Hete kulutwe lia Mamare. 14Mba muze hafunda tato José yahiluka ku Engitu, ni ayayo, ni waze eswe ayile no mukufunda.
15Muze ayayo a José amwene tato hanafu ambile ngwo, Hanji José matuvwila kole nikutufwetesa chipi cheswe twamulingile. 16Kashika yatuma liji kuli José ngwo, Tatenu wahanyine shimbi shimbu kandafwa ngwenyi, 17Ambenu kuli José ngwenu, Ukonekene kama mutonga wa ayayenu ni shili yo ha kukulinga chipi. Kashika tunaliumbu, utukonekene mulonga wetu, yetu ngamba ja Zambi ya tatenu. José yalila muze ahanjikile chocho. 18O yaya nawa yafulamana kumeso jenyi ngwo, Talenu, tuli ngamba jenu. 19José yamba ngwenyi, Kanda nwivwa woma. Te yami nguli mu chitwamo cha Zambi? 20Nyi yenu, e, nwangunyongenene chipi, alioze Zambi wangupalilecho chipema, hanga akachilinge akafunge atu anji ni mwono; chocho chapwa musono. 21Kashika kanda nwivwa woma. Mungunuhoka hamuwika ni ana jenu. Chocho yaalembejeka nikuhanjika ku mbunge jo.
22José yatwama mu Engitu hamuwika ni akwa zuwo lia tato eswe. José Watwamine ni mwono kulakaji ni kumi lia miaka. 23José yamona ana ja Eframe ndo ku chisemuko chamuchitatu. Ni e ana ja Makire mwana wa Manase asemukine mu kondo ya José. 24Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba. 25José yashingisa ana ja Izalele ngwenyi, Pundu Zambi makanunangisa mba munukambata yifwaha yami nukayichize ku kuno. 26Chocho José wafwile ni kulakaji lia miaka ni kumi lia miaka. Yamusa yitumbo kuchina mapola, yamusa mu kashau mu Engitu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.