UPUTUKILO 49
49
1Mba Yakomba yasanyika anenyi a malunga ngwenyi, Kungulukenu hamuwika ngunwambulwile chize muchinuwana ku matangwa a ku songo.
2Kungulukenu nwivwe, enu ana ja Yakomba
Panjikenu kuli tatenu Izalele.
3Rupene, ena uli mwe kapula-jimo, uli ndundo jami, we uputukilo wa tachi jami.
Wahiana ulemu, Wahiana ngolo.
4Wafulukila ngwe meya, kuchi kukumba,
mumu wakundamine ku muhela wa tatenu.
Wauchishile, wakundamine ku muhela wami.
5Simeone ni Levi, songo ni mutu.
Tutana two twapwa yitwa ya tachi.
6Mbunge yami kanda ukanjila mu punga yo;
uhenya wami kanda ulifutula no muze makunguluka.
Mumu mu utenu wo ashihile atu.
Mu pami jo apatwile tujilolo twa ngombe.
7Utenu wo ukashingiwe mumu wasashile chikolo.
Ufwatulo wo ukashingiwe mumu wapwile wa uswi.
Mungwahandununa muli Yakomba.
Mungwamwanga muli Izalele.
8Yunda, akwenu makuchichimieka.
Kwoko lie mulikakwata ha kota ja akwa kole je.
Ana ja tatenu makalihetamisa kuli yena.
9Yunda iye mwevu wa ndumba.
Mwanami, unachikatuka ku yifwo ya kushiha.
Iye wautamine, waliumbile ngwe ndumba,
ngwe chihwo cha ndumba. Iya mamuhindwisa?
10Lukanda kechi kakatuka kuli Yunda;
mbwechi ya mukwa kuyula kuyichi kakatuka
hakachi ka yiliato yenyi,
ndo mwenyayo makeza
mba kuli iye atu makazeyela.
11Yakashila mwana-chimbulu ku muuva,
yakashila mwana-chimbulu ku muuva upema.
Yakosela mazalo jenyi mu vinyu,
yakosela chikuto chenyi mu manyinga a uva.
12Meso jenyi machila ni vinyu,
mazo jenyi matoma ni yamwa.
13Zapulone makatwama ku ngenge ya kalunga-lwiji.
Makapwa zuzu ya mato.
Njiza yenyi muyikapwa ku Sendone.
14Isaka kapwa ngwe chimbulu wa tachi,
kanapatamina hakachi ka malimba a mapanga.
15Yamona uhwimino upema.
Yamona chifuchi chinawaha.
Wahetamishine chipaya chenyi akambate,
yalumuka kapinji mu milimo ya undungo.
16Ndane makapatwila atu jenyi,
ngwe vungu hakachi ka mavungu a Izalele.
17Ndane makapwa kapela mu jila.
Makapwa ngwe yenge mu jila,
makasuma tujilolo twa kavwalu,
mba mwenya kavwalu malimbukila kunyima.
18Yehova, ngunatwaminyina ulamwino we.
19Ngate, chizavu cha atu makamushinda,
alioze iye makashinda kashijino ko.
20Kulia cha Ashe muchikapwa cha kulumbama.
Neye makahana kulia cha mianangana.
21Napatali kapwa ngwe kai hamutusula.
Kakuhana maliji apema.
22José iye mutango wa kwima mihuko,
mutango wa mihuko ku fuji ha meya.
Ana jenyi kakutanjila ndusu sali lia chipanga.
23Ngashi amupinjishile chikolo,
amwashile, amuhungumionene.
24Hindu uta wenyi watwama ni tachi.
Moko jenyi aatakamishine ku moko ja
Mukwa-Ndundo wa Yakomba.
(Kwenako mukukatuka mwe kafunga, lie liwe lia Izalele;)
25Kwe kuli Zambi ya tatenu yoze makakukwasa.
Kuli mwe Mukwa-Ndundo-Jeswe yoze makakuwahisa
ni yiwape ya mwilu, ni yiwape ya kalunga-lwiji watwama kushi.
Ni yiwape ya mele, ni yiwape ya jimo.
26Kuwahisa cha tatenu hichahiana helu lia yiwape yeswe ya tulamba,
Yiwape ndo ku njiza yasula ya milundu ya mutolo.
Kumuyikapwa ha mutwe wa José.
He ha mbanda-mutwe wa yoze amuhandunwine kuli akwo.
27Mbenjamine kapwa ngwe kangunga yoze mapozonoka.
Ha chimene malia yifwo ya kushiha.
Ha chingoloshi matetateta yize hakwata.
28Wano e mavungu kumi ni aali a Izalele.
Chino tato wambile kuli ayo nikwawahisa. Eswe umwe ha umwe haawahisa nikulita ni kuwahisa chenyi. 29Mba yaaha shimbi ngwenyi, Mangutwala kuli atu jami. Nungufunde hamuwika ni atata mu chivwenge chili mu musenge wa Efrone mwe Ka-Hete. 30Mu chivwenge chili mu musenge wa Makapela hatalanganyi ni Mamare mu chifuchi cha Kanana. Chize Apalahama walanjile ni we musenge kuli Efrone mwe Ka-Hete chikapwe chifuka cha kuhinga. 31Kwenako afunjile Apalahama ni mukwo-pwo Sara. Kwenako afunjile Izake ni mukwo-pwo Rebeka. Kwenako nafunjile Liya. 32Mu musenge mu chivwenge chilimo, achilanjile kuli ana ja Hete. 33Muze Yakomba hamana kushika anenyi a malunga watandulwile molu jenyi ha muhela, yafwa, yaya kuli atu jenyi.
Iliyochaguliwa sasa
UPUTUKILO 49: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 49
49
1Mba Yakomba yasanyika anenyi a malunga ngwenyi, Kungulukenu hamuwika ngunwambulwile chize muchinuwana ku matangwa a ku songo.
2Kungulukenu nwivwe, enu ana ja Yakomba
Panjikenu kuli tatenu Izalele.
3Rupene, ena uli mwe kapula-jimo, uli ndundo jami, we uputukilo wa tachi jami.
Wahiana ulemu, Wahiana ngolo.
4Wafulukila ngwe meya, kuchi kukumba,
mumu wakundamine ku muhela wa tatenu.
Wauchishile, wakundamine ku muhela wami.
5Simeone ni Levi, songo ni mutu.
Tutana two twapwa yitwa ya tachi.
6Mbunge yami kanda ukanjila mu punga yo;
uhenya wami kanda ulifutula no muze makunguluka.
Mumu mu utenu wo ashihile atu.
Mu pami jo apatwile tujilolo twa ngombe.
7Utenu wo ukashingiwe mumu wasashile chikolo.
Ufwatulo wo ukashingiwe mumu wapwile wa uswi.
Mungwahandununa muli Yakomba.
Mungwamwanga muli Izalele.
8Yunda, akwenu makuchichimieka.
Kwoko lie mulikakwata ha kota ja akwa kole je.
Ana ja tatenu makalihetamisa kuli yena.
9Yunda iye mwevu wa ndumba.
Mwanami, unachikatuka ku yifwo ya kushiha.
Iye wautamine, waliumbile ngwe ndumba,
ngwe chihwo cha ndumba. Iya mamuhindwisa?
10Lukanda kechi kakatuka kuli Yunda;
mbwechi ya mukwa kuyula kuyichi kakatuka
hakachi ka yiliato yenyi,
ndo mwenyayo makeza
mba kuli iye atu makazeyela.
11Yakashila mwana-chimbulu ku muuva,
yakashila mwana-chimbulu ku muuva upema.
Yakosela mazalo jenyi mu vinyu,
yakosela chikuto chenyi mu manyinga a uva.
12Meso jenyi machila ni vinyu,
mazo jenyi matoma ni yamwa.
13Zapulone makatwama ku ngenge ya kalunga-lwiji.
Makapwa zuzu ya mato.
Njiza yenyi muyikapwa ku Sendone.
14Isaka kapwa ngwe chimbulu wa tachi,
kanapatamina hakachi ka malimba a mapanga.
15Yamona uhwimino upema.
Yamona chifuchi chinawaha.
Wahetamishine chipaya chenyi akambate,
yalumuka kapinji mu milimo ya undungo.
16Ndane makapatwila atu jenyi,
ngwe vungu hakachi ka mavungu a Izalele.
17Ndane makapwa kapela mu jila.
Makapwa ngwe yenge mu jila,
makasuma tujilolo twa kavwalu,
mba mwenya kavwalu malimbukila kunyima.
18Yehova, ngunatwaminyina ulamwino we.
19Ngate, chizavu cha atu makamushinda,
alioze iye makashinda kashijino ko.
20Kulia cha Ashe muchikapwa cha kulumbama.
Neye makahana kulia cha mianangana.
21Napatali kapwa ngwe kai hamutusula.
Kakuhana maliji apema.
22José iye mutango wa kwima mihuko,
mutango wa mihuko ku fuji ha meya.
Ana jenyi kakutanjila ndusu sali lia chipanga.
23Ngashi amupinjishile chikolo,
amwashile, amuhungumionene.
24Hindu uta wenyi watwama ni tachi.
Moko jenyi aatakamishine ku moko ja
Mukwa-Ndundo wa Yakomba.
(Kwenako mukukatuka mwe kafunga, lie liwe lia Izalele;)
25Kwe kuli Zambi ya tatenu yoze makakukwasa.
Kuli mwe Mukwa-Ndundo-Jeswe yoze makakuwahisa
ni yiwape ya mwilu, ni yiwape ya kalunga-lwiji watwama kushi.
Ni yiwape ya mele, ni yiwape ya jimo.
26Kuwahisa cha tatenu hichahiana helu lia yiwape yeswe ya tulamba,
Yiwape ndo ku njiza yasula ya milundu ya mutolo.
Kumuyikapwa ha mutwe wa José.
He ha mbanda-mutwe wa yoze amuhandunwine kuli akwo.
27Mbenjamine kapwa ngwe kangunga yoze mapozonoka.
Ha chimene malia yifwo ya kushiha.
Ha chingoloshi matetateta yize hakwata.
28Wano e mavungu kumi ni aali a Izalele.
Chino tato wambile kuli ayo nikwawahisa. Eswe umwe ha umwe haawahisa nikulita ni kuwahisa chenyi. 29Mba yaaha shimbi ngwenyi, Mangutwala kuli atu jami. Nungufunde hamuwika ni atata mu chivwenge chili mu musenge wa Efrone mwe Ka-Hete. 30Mu chivwenge chili mu musenge wa Makapela hatalanganyi ni Mamare mu chifuchi cha Kanana. Chize Apalahama walanjile ni we musenge kuli Efrone mwe Ka-Hete chikapwe chifuka cha kuhinga. 31Kwenako afunjile Apalahama ni mukwo-pwo Sara. Kwenako afunjile Izake ni mukwo-pwo Rebeka. Kwenako nafunjile Liya. 32Mu musenge mu chivwenge chilimo, achilanjile kuli ana ja Hete. 33Muze Yakomba hamana kushika anenyi a malunga watandulwile molu jenyi ha muhela, yafwa, yaya kuli atu jenyi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.