UPUTUKILO 43
43
1Alioze kapunga wapwile mukalu mu chifuchi. 2Kashika muze te halia mbuto yize yeswe asakile ku Engitu, tato yamba kuli ayo ngwenyi, Yénu cheka nawa, nukatulanjile kakulia. 3Yunda yamba kuli iye ngwenyi, Mwe lunga watushikile pundupundu ngwenyi, Meso jami kunuchi kwamona ndo mwanakwenu munwiza nenyi. 4Nyi mutuma mwanakwetu hamwe ni yetu mutuya mutunulanjila kulia. 5Alioze nyi kwatayile kumutuma kutuchi kuyako. Mumu mwe lunga wambile ngwenyi, Meso jami kunuchi kwamona ndo mwanakwenu munwiza nenyi. 6Izalele yamba ngwenyi, Chuma chikalu nwangulingile. Kuchi te nwamulwezele ngwenu, Umwe mwanakwetu tuli nenyi? 7O ngwo, Mwe lunga yatuhulahula ha kutwala kuli yetu ni usoko wetu ngwenyi, Tatenu ni mwono ali? Mwanakwenu mukwo nuli nenyi? Chocho twamulwezele nikulita ni maliji ano. Te mutuhasa kunyingika ngwetu, Matutuma kusaka mwanakwetu? 8Yunda yamba kuli tato Izalele ngwenyi, Tuma mwe mukweze ni yami, mba mutuka tuka, mutuya, hanga tukamone mwono, kanda tufwa ni yetu ni yena ni ana jetu. 9Yami mungupwa chifungo hali iye, ku kwoko liami muwiza kumuhula. Nyi chamunehene nawa kuli yena ngukakukunjikileye mba mulonga upwe niwami wa mutolo. 10Mumu nyi kutwalalukile kachi hitweza chisuho chamuchiali.
11Mba tato Izalele yamba kuli ayo ngwenyi, Nyi chocho chapwa lingenu chino; mbatenu mihuko yimwe yipema ya chifuchi mu yikwachilo yenu nuyitwale kuli mwe lunga mulambu, yimwe yitumbo ya ulilila, ni kamwe kawuchi, ni especiaria, ni mira, ni katapi, ni amendoa. 12Numbate nawa ndando jiali hamuwika ni mbongo jize ajihilwishile mu njeke jenu, nejo nujimbate, hanji kanakajivulama. 13Twalenu nawa mwanakwenu, nukatuke, nuye kuli mwe lunga, 14ni Zambi Mukwa-Ndundo-Jeswe akanwehe keke kuli mwe lunga akanwehe yayenu mukwo hamuwika ni Mbenjamine. Nyi ana jami mangutoka, mangutoka lume. 15Chocho malunga atwalile ni we mulambu, ni ndando jiali mu moko jo, ni Mbenjamine. Yakatuka, yapalumuka ku Engitu, yamana kumeso ja José.
16Muze José wamwene Mbenjamine hamwe no, yamba kuli kaselo ka zuwo lienyi ngwenyi, Neha malunga wano mu zuwo, ukashihe yifwo, ukalulike kulia, mumu malia ni yami tangwa ha muchima. 17Mba kaselo yalinga chize José hamutuma, yatwala malunga mu zuwo lia José. 18O yevwa woma mumu haatwala mu zuwo lia José. Yamba ngwo, Hatuneha muno mumu ha mbongo jize ahilwishile mu njeke jetu jila yitangu. Kashika anatutambila mulonga hanga atukwate hamwe ni yimbulu jetu, tukapwe tupinji. 19Yakundama kuli mwe kaselo ka zuwo lia José nikuhanjika nenyi ku chikolo cha zuwo. 20Ngwo, Mwata, twejile jila yitangu mukulanda kulia. 21Alioze ha kuheta ku chipombelo twajitwile njeke jetu, kumanyi mbongo ja mutu mweswe twajiwanyine mu njeke yenyi, mbongo jeswe nikulita ni pezu. Kashika hitwajineha mu kwoko. 22Ni mbongo jikwo nawa hitwaneha mu kwoko tukalande kulia. Kutwanyingikine yoze asele mbongo jetu mu njeke jetu. 23Iye yamba ngwenyi, Hwimenu mbunge, kanda nwivwa woma, Zambi yenu, Zambi ya tatenu hananwehe upite mu njeke jenu. Mbongo jenu nguli najo. Mba yaneha Simeone kuli ayo. 24Mwe kaselo yatwala malunga mu zuwo lia José, yaaha meya, yasanyisa molu jo, yahana kulia kuli yimbulu jo. 25O yalulika mulambu wo akauhane muze José heza tangwa ha muchima, mumu te hevwa ngwo, Munulia kuno.
26Muze José yaheta o yaneha mulambu mu kwoko lio mu zuwo, yahetamina hashi kuli iye. 27Yaahula nyi anahinduka, yamba ngwenyi, Tatenu kanahinduka, mukulwana nwamwambulwile? Hindu kali ni mwono? 28O ngwo, Ngamba yenu tata kanahinduka, kali ni mwono. Yahetamisa mitwe yo, yamuwayila. 29Iye yahetula meso jenyi, yamona mwanakwo Mbenjamine, mwe mwana wa naye, mba yamba ngwenyi, Yono mwanakwenu kasulasongo nwamwambulwile kuli yami, nyi? Kuli iye yamba ngwenyi, Mwanami, Zambi akulinge vumbi. 30José yakatuka kapupushi akafupe kuze malilila, mumu mbunge yenyi yevwile usona wunji hali mwanakwo. Yanjila mu chipatulo cha kupomba, yalililamo. 31Yasana ku meso, yatuhuka nikusúla, yamba ngwenyi, Nehenu kulia. 32Yamunehena kulia kwa ukawenyi, no nawa kwa ukawo, ni A-Engitu aze alile nenyi, no kwa ukawo. Mumu A-Engitu keshi kulia ni A-Hepreu. Acho kulijilula kuli A-Engitu. 33Yatwama kumeso jenyi, mukulwana nikulita ni kusemuka chenyi, kanuke nikulita ni wanuke wenyi. Chocho malunga akomokene. 34Yanda nawa kulia ku mesa yenyi nikuchituma kuli ayo, alioze kulia cha Mbenjamine chahianyine nicho yisuho yitano. Chocho anwine nikusehejela nenyi.
Iliyochaguliwa sasa
UPUTUKILO 43: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 43
43
1Alioze kapunga wapwile mukalu mu chifuchi. 2Kashika muze te halia mbuto yize yeswe asakile ku Engitu, tato yamba kuli ayo ngwenyi, Yénu cheka nawa, nukatulanjile kakulia. 3Yunda yamba kuli iye ngwenyi, Mwe lunga watushikile pundupundu ngwenyi, Meso jami kunuchi kwamona ndo mwanakwenu munwiza nenyi. 4Nyi mutuma mwanakwetu hamwe ni yetu mutuya mutunulanjila kulia. 5Alioze nyi kwatayile kumutuma kutuchi kuyako. Mumu mwe lunga wambile ngwenyi, Meso jami kunuchi kwamona ndo mwanakwenu munwiza nenyi. 6Izalele yamba ngwenyi, Chuma chikalu nwangulingile. Kuchi te nwamulwezele ngwenu, Umwe mwanakwetu tuli nenyi? 7O ngwo, Mwe lunga yatuhulahula ha kutwala kuli yetu ni usoko wetu ngwenyi, Tatenu ni mwono ali? Mwanakwenu mukwo nuli nenyi? Chocho twamulwezele nikulita ni maliji ano. Te mutuhasa kunyingika ngwetu, Matutuma kusaka mwanakwetu? 8Yunda yamba kuli tato Izalele ngwenyi, Tuma mwe mukweze ni yami, mba mutuka tuka, mutuya, hanga tukamone mwono, kanda tufwa ni yetu ni yena ni ana jetu. 9Yami mungupwa chifungo hali iye, ku kwoko liami muwiza kumuhula. Nyi chamunehene nawa kuli yena ngukakukunjikileye mba mulonga upwe niwami wa mutolo. 10Mumu nyi kutwalalukile kachi hitweza chisuho chamuchiali.
11Mba tato Izalele yamba kuli ayo ngwenyi, Nyi chocho chapwa lingenu chino; mbatenu mihuko yimwe yipema ya chifuchi mu yikwachilo yenu nuyitwale kuli mwe lunga mulambu, yimwe yitumbo ya ulilila, ni kamwe kawuchi, ni especiaria, ni mira, ni katapi, ni amendoa. 12Numbate nawa ndando jiali hamuwika ni mbongo jize ajihilwishile mu njeke jenu, nejo nujimbate, hanji kanakajivulama. 13Twalenu nawa mwanakwenu, nukatuke, nuye kuli mwe lunga, 14ni Zambi Mukwa-Ndundo-Jeswe akanwehe keke kuli mwe lunga akanwehe yayenu mukwo hamuwika ni Mbenjamine. Nyi ana jami mangutoka, mangutoka lume. 15Chocho malunga atwalile ni we mulambu, ni ndando jiali mu moko jo, ni Mbenjamine. Yakatuka, yapalumuka ku Engitu, yamana kumeso ja José.
16Muze José wamwene Mbenjamine hamwe no, yamba kuli kaselo ka zuwo lienyi ngwenyi, Neha malunga wano mu zuwo, ukashihe yifwo, ukalulike kulia, mumu malia ni yami tangwa ha muchima. 17Mba kaselo yalinga chize José hamutuma, yatwala malunga mu zuwo lia José. 18O yevwa woma mumu haatwala mu zuwo lia José. Yamba ngwo, Hatuneha muno mumu ha mbongo jize ahilwishile mu njeke jetu jila yitangu. Kashika anatutambila mulonga hanga atukwate hamwe ni yimbulu jetu, tukapwe tupinji. 19Yakundama kuli mwe kaselo ka zuwo lia José nikuhanjika nenyi ku chikolo cha zuwo. 20Ngwo, Mwata, twejile jila yitangu mukulanda kulia. 21Alioze ha kuheta ku chipombelo twajitwile njeke jetu, kumanyi mbongo ja mutu mweswe twajiwanyine mu njeke yenyi, mbongo jeswe nikulita ni pezu. Kashika hitwajineha mu kwoko. 22Ni mbongo jikwo nawa hitwaneha mu kwoko tukalande kulia. Kutwanyingikine yoze asele mbongo jetu mu njeke jetu. 23Iye yamba ngwenyi, Hwimenu mbunge, kanda nwivwa woma, Zambi yenu, Zambi ya tatenu hananwehe upite mu njeke jenu. Mbongo jenu nguli najo. Mba yaneha Simeone kuli ayo. 24Mwe kaselo yatwala malunga mu zuwo lia José, yaaha meya, yasanyisa molu jo, yahana kulia kuli yimbulu jo. 25O yalulika mulambu wo akauhane muze José heza tangwa ha muchima, mumu te hevwa ngwo, Munulia kuno.
26Muze José yaheta o yaneha mulambu mu kwoko lio mu zuwo, yahetamina hashi kuli iye. 27Yaahula nyi anahinduka, yamba ngwenyi, Tatenu kanahinduka, mukulwana nwamwambulwile? Hindu kali ni mwono? 28O ngwo, Ngamba yenu tata kanahinduka, kali ni mwono. Yahetamisa mitwe yo, yamuwayila. 29Iye yahetula meso jenyi, yamona mwanakwo Mbenjamine, mwe mwana wa naye, mba yamba ngwenyi, Yono mwanakwenu kasulasongo nwamwambulwile kuli yami, nyi? Kuli iye yamba ngwenyi, Mwanami, Zambi akulinge vumbi. 30José yakatuka kapupushi akafupe kuze malilila, mumu mbunge yenyi yevwile usona wunji hali mwanakwo. Yanjila mu chipatulo cha kupomba, yalililamo. 31Yasana ku meso, yatuhuka nikusúla, yamba ngwenyi, Nehenu kulia. 32Yamunehena kulia kwa ukawenyi, no nawa kwa ukawo, ni A-Engitu aze alile nenyi, no kwa ukawo. Mumu A-Engitu keshi kulia ni A-Hepreu. Acho kulijilula kuli A-Engitu. 33Yatwama kumeso jenyi, mukulwana nikulita ni kusemuka chenyi, kanuke nikulita ni wanuke wenyi. Chocho malunga akomokene. 34Yanda nawa kulia ku mesa yenyi nikuchituma kuli ayo, alioze kulia cha Mbenjamine chahianyine nicho yisuho yitano. Chocho anwine nikusehejela nenyi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.