UPUTUKILO 42
42
1Yakomba yevwa ngwo, Ku Engitu mbuto kuyili. Kashika iye yamba kuli anenyi a malunga ngwenyi, Kuchi te nunalitale meso amokomoko. 2Yamba ngwenyi, Hinevwa ngwo, Mbuto ku Engitu kuyili. Yénu nukatulanjileko yimwe tukapwe ni mwono. Kanda tufwa. 3Chocho ayayo a José yapalumuka akalande mbuto mu Engitu. 4Alioze Mbenjamine mwanakwo wa José, Yakomba kamutumine hamwe ni ayayo mumu yamba ngwenyi, Kuchina hanji chipi muchimuwana. 5Mba ana ja Izalele yapalumuka hamwe ni waze ayile mukulanda mumu kwapwile kapunga mu chifuchi cha Kanana.
6José hapwa mukwa kuyula chifuchi, mukwa kulanjisa kuli atu eswe a chifuchi iye, kashika ayayo yeza yafulamana hashi kuli iye. 7José yamona ayayo, yaanyingika, alioze yalisweka kuli ayo ngwe iye mutu weka. Yahanjika no ni tachi ngwenyi, Enu kulihi nunakatuka? O ngwo, Twakatuka ku chifuchi cha Kanana tuneza mukulanda kulia. 8José yanyingika ayayo, o kamunyingikine iye. 9José yewuluka nawa yilota yenyi alotele ha kutwala kuli ayo, mba yamba kuli ayo ngwenyi, Ka, nuli ngendeshi. Nuneza mukutala ulelu wa chifuchi. 10O yamukumbulula ngwo, Ka, mwanangana, etu ngamba jenu mukulanda kulia tuneza. 11Tuli eswe ana ja lunga umuwika. Tuli malunga amwenemwene, etu ngamba jenu hi tuli ngendeshi ko. 12Iye yamba ngwenyi, Hi chocho ko, nuneza mukutala ulelu wa chifuchi. 13O ngwo, Etu ngamba jenu tuli kumi lia malunga ni malunga aali eswe ana ja lunga umuwika mu chifuchi cha Kanana. Mwe kanuke kwali ni musono hamwe ni tata. Umuwika keshiko. 14José yamba kuli ayo ngwenyi, Chenacho namba ngwami, Nuli ngendeshi. 15Alioze mungunusela chinyingi ha chuma chino. Ni mwono wa Falau, kunuchi kakatuka kuno ndo mwanakwenu meza nawa ku kuno. 16Tumenu umwe hakachi kenu akasake mwanakwenu. Enu mutunukasa ndo mutusa chinyingi maliji jenu, nyi nuli ni umwenemwene. Nyi ka, ni mwono wa Falau nuli ngendeshi. 17Yaafunga eswe hamuwika mu zuwo lia ususu matangwa atatu.
18Ha tangwa liamuchitatu José yamba kuli ayo ngwenyi, Lingenu chino hanga nutwame ni mwono, mumu ni yami woma wa Zambi nguli nawo. 19Nyi nuli malunga amwenemwene umuwika hakachi kenu amukashile mu zuwo lienu lia ususu, mba yenu akwo yénu nutwale mbuto ha zala ya mu mazuwo jenu. 20Mba mununeha mwanakwenu kuli yami ngukanyingike ngwami, Maliji jenu amwenemwene, mba kunuchi kufwa. O yalinga chocho. 21Yaliamba umwe kuli mukwo ni mukwo ngwo, Ha kutwala kuli mwanakwetu hitwahia pundu, mumu twamwene kupinda cha mbunge yenyi muze alembelele kuli yetu, ni yetu kutwapanjikile. Kashika lamba lino hiliatuwana. 22Rupene yaakumbulula ngwenyi, Te chahanjikile ni yenu ngwami, Kanda nuvulumuna mwe mwana? Alioze kunusolo kupanjika. Kashika haliapwila kanatufwetesa ha manyinga jenyi. 23O kanyingikine ngwo, José kanatwivu, mumu kwapwile mukwa kulumbununa hakachi. 24Iye yatewuluka kuli ayo, yalila. Mba yeza kuli ayo, yahanjika no, yanda Simeone hakachi ko, yamukasa kumeso jo. 25Mba José yahana liji akazalise yikwachilo yo ni mbuto, akahilwise mbongo ja mutu mweswe mu njeke yenyi, akaahe ngaso ya kulia mu jila. Chocho chialinga kuli ayo.
26O yatwika mbuto jo hali yimbulu, yakatukako. 27Shimbu umwe hakachi ko hajitula njeke yenyi akahane kulia kuli chimbulu chenyi ha chipombelo, yamona mbongo jenyi, kumanyi kwilu mu njeke jili. 28Iye yamba kuli akwo ngwenyi, Mbongo jami hanajihilwisa, tala, mu njeke yami jili. Mba mbunge jo jalezumukine, yalitala umwe kuli mukwo ni mukwo nikuchikima ngwo, Chuma chino Zambi hatulinga, chika?
29Yaheta kuli tato Yakomba mu chifuchi cha Kanana, yamulumbunwina yuma yize yeswe yaawanyine ngwo, 30Mwe lunga mwenya chifuchi yahanjika ni tachi kuli yetu, yatumona ngwe tuli akwa kwendesa chifuchi. 31Twambile kuli iye ngwetu, Tuli malunga amwenemwene, hi tuli ngendeshi ko. 32Tuli asongo-ni-atu kumi ni aali. Umwe keshiko, ni mwe kanuke ndo musono hamuwika ni tata ali mu chifuchi cha Kanana. 33Mba mwe lunga mwenya chifuchi yamba kuli yetu ngwenyi, Ha chuma chino mungunyingika nyi nuli malunga amwenemwene. Hichikenu mukwenu umuwika ni yami, enu mbatenu mbuto ha zala ya mu mazuwo jenu, hiyénu kwenu. 34Nukanehe mwanakwenu kuli yami. Chocho mungunyingika ngwami, Hi nuli ngendeshi ko, nuli malunga amwenemwene. Mba mungunwaha mukwenu nawa, nukahase kulandalanda mu chifuchi.
35Mba muze azukwile njeke jo kumanyi funda lia mbongo ja mutu mweswe mu njeke yenyi. Muze o hamwe ni tato yamona mafunda ja mbongo, evwile woma. 36Tato Yakomba yamba kuli ayo ngwenyi, Hinwangutokesa ana jami. José keshiko, ni Simeone keshiko, ni Mbenjamine nunambe kumutwala. Yuma yino yeswe yangushata yami. 37Rupene yamba ngwenyi, Nyi chamunehene nawa kuli yena mba ukashihe anami aali a malunga. Umukunjike kuli yami. Mungukamuneha nawa kuli yena. 38Iye yamba ngwenyi, Mwanami kunuchi kuya nenyi, mumu yayo hanafu, iye wika wangusala. Nyi chimwe chuma chipi muchimuwana mu jila munuya, kambu jami jitoma ni chinyengo munujikoka ku Shiole.
Iliyochaguliwa sasa
UPUTUKILO 42: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 42
42
1Yakomba yevwa ngwo, Ku Engitu mbuto kuyili. Kashika iye yamba kuli anenyi a malunga ngwenyi, Kuchi te nunalitale meso amokomoko. 2Yamba ngwenyi, Hinevwa ngwo, Mbuto ku Engitu kuyili. Yénu nukatulanjileko yimwe tukapwe ni mwono. Kanda tufwa. 3Chocho ayayo a José yapalumuka akalande mbuto mu Engitu. 4Alioze Mbenjamine mwanakwo wa José, Yakomba kamutumine hamwe ni ayayo mumu yamba ngwenyi, Kuchina hanji chipi muchimuwana. 5Mba ana ja Izalele yapalumuka hamwe ni waze ayile mukulanda mumu kwapwile kapunga mu chifuchi cha Kanana.
6José hapwa mukwa kuyula chifuchi, mukwa kulanjisa kuli atu eswe a chifuchi iye, kashika ayayo yeza yafulamana hashi kuli iye. 7José yamona ayayo, yaanyingika, alioze yalisweka kuli ayo ngwe iye mutu weka. Yahanjika no ni tachi ngwenyi, Enu kulihi nunakatuka? O ngwo, Twakatuka ku chifuchi cha Kanana tuneza mukulanda kulia. 8José yanyingika ayayo, o kamunyingikine iye. 9José yewuluka nawa yilota yenyi alotele ha kutwala kuli ayo, mba yamba kuli ayo ngwenyi, Ka, nuli ngendeshi. Nuneza mukutala ulelu wa chifuchi. 10O yamukumbulula ngwo, Ka, mwanangana, etu ngamba jenu mukulanda kulia tuneza. 11Tuli eswe ana ja lunga umuwika. Tuli malunga amwenemwene, etu ngamba jenu hi tuli ngendeshi ko. 12Iye yamba ngwenyi, Hi chocho ko, nuneza mukutala ulelu wa chifuchi. 13O ngwo, Etu ngamba jenu tuli kumi lia malunga ni malunga aali eswe ana ja lunga umuwika mu chifuchi cha Kanana. Mwe kanuke kwali ni musono hamwe ni tata. Umuwika keshiko. 14José yamba kuli ayo ngwenyi, Chenacho namba ngwami, Nuli ngendeshi. 15Alioze mungunusela chinyingi ha chuma chino. Ni mwono wa Falau, kunuchi kakatuka kuno ndo mwanakwenu meza nawa ku kuno. 16Tumenu umwe hakachi kenu akasake mwanakwenu. Enu mutunukasa ndo mutusa chinyingi maliji jenu, nyi nuli ni umwenemwene. Nyi ka, ni mwono wa Falau nuli ngendeshi. 17Yaafunga eswe hamuwika mu zuwo lia ususu matangwa atatu.
18Ha tangwa liamuchitatu José yamba kuli ayo ngwenyi, Lingenu chino hanga nutwame ni mwono, mumu ni yami woma wa Zambi nguli nawo. 19Nyi nuli malunga amwenemwene umuwika hakachi kenu amukashile mu zuwo lienu lia ususu, mba yenu akwo yénu nutwale mbuto ha zala ya mu mazuwo jenu. 20Mba mununeha mwanakwenu kuli yami ngukanyingike ngwami, Maliji jenu amwenemwene, mba kunuchi kufwa. O yalinga chocho. 21Yaliamba umwe kuli mukwo ni mukwo ngwo, Ha kutwala kuli mwanakwetu hitwahia pundu, mumu twamwene kupinda cha mbunge yenyi muze alembelele kuli yetu, ni yetu kutwapanjikile. Kashika lamba lino hiliatuwana. 22Rupene yaakumbulula ngwenyi, Te chahanjikile ni yenu ngwami, Kanda nuvulumuna mwe mwana? Alioze kunusolo kupanjika. Kashika haliapwila kanatufwetesa ha manyinga jenyi. 23O kanyingikine ngwo, José kanatwivu, mumu kwapwile mukwa kulumbununa hakachi. 24Iye yatewuluka kuli ayo, yalila. Mba yeza kuli ayo, yahanjika no, yanda Simeone hakachi ko, yamukasa kumeso jo. 25Mba José yahana liji akazalise yikwachilo yo ni mbuto, akahilwise mbongo ja mutu mweswe mu njeke yenyi, akaahe ngaso ya kulia mu jila. Chocho chialinga kuli ayo.
26O yatwika mbuto jo hali yimbulu, yakatukako. 27Shimbu umwe hakachi ko hajitula njeke yenyi akahane kulia kuli chimbulu chenyi ha chipombelo, yamona mbongo jenyi, kumanyi kwilu mu njeke jili. 28Iye yamba kuli akwo ngwenyi, Mbongo jami hanajihilwisa, tala, mu njeke yami jili. Mba mbunge jo jalezumukine, yalitala umwe kuli mukwo ni mukwo nikuchikima ngwo, Chuma chino Zambi hatulinga, chika?
29Yaheta kuli tato Yakomba mu chifuchi cha Kanana, yamulumbunwina yuma yize yeswe yaawanyine ngwo, 30Mwe lunga mwenya chifuchi yahanjika ni tachi kuli yetu, yatumona ngwe tuli akwa kwendesa chifuchi. 31Twambile kuli iye ngwetu, Tuli malunga amwenemwene, hi tuli ngendeshi ko. 32Tuli asongo-ni-atu kumi ni aali. Umwe keshiko, ni mwe kanuke ndo musono hamuwika ni tata ali mu chifuchi cha Kanana. 33Mba mwe lunga mwenya chifuchi yamba kuli yetu ngwenyi, Ha chuma chino mungunyingika nyi nuli malunga amwenemwene. Hichikenu mukwenu umuwika ni yami, enu mbatenu mbuto ha zala ya mu mazuwo jenu, hiyénu kwenu. 34Nukanehe mwanakwenu kuli yami. Chocho mungunyingika ngwami, Hi nuli ngendeshi ko, nuli malunga amwenemwene. Mba mungunwaha mukwenu nawa, nukahase kulandalanda mu chifuchi.
35Mba muze azukwile njeke jo kumanyi funda lia mbongo ja mutu mweswe mu njeke yenyi. Muze o hamwe ni tato yamona mafunda ja mbongo, evwile woma. 36Tato Yakomba yamba kuli ayo ngwenyi, Hinwangutokesa ana jami. José keshiko, ni Simeone keshiko, ni Mbenjamine nunambe kumutwala. Yuma yino yeswe yangushata yami. 37Rupene yamba ngwenyi, Nyi chamunehene nawa kuli yena mba ukashihe anami aali a malunga. Umukunjike kuli yami. Mungukamuneha nawa kuli yena. 38Iye yamba ngwenyi, Mwanami kunuchi kuya nenyi, mumu yayo hanafu, iye wika wangusala. Nyi chimwe chuma chipi muchimuwana mu jila munuya, kambu jami jitoma ni chinyengo munujikoka ku Shiole.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.