Psom 24
24
Enn gran Lerwa
Enn Psom David.
1Lemond ek tou seki ena ladan zot pou LESEGNER;
later ek tou seki viv lor la zot‘si pou li.
2Li finn konstrir tousala lor lak souterin;
li finn etabli fondasion dan lili losean.
3Kisannla gagn drwa mont lor montagn LESEGNER?
Kisannla gagn drwa rant dan so Tanp sakre?
4Bann ki zot lame prop ek zot leker kler,
ki pa priye idol
e ki pa fer promes dan vid.
5Dimoun prop gagn benediksion LESEGNER;
Bondie so Sover pou rekonet ki li zis.
6Sa bann bon dimoun la zot mars ver Bondie
e zot viv dan prezans Bondie ki Zakob adore.
7Bann portay! Ouver angran zot batan.
Ouver bann batan laport ansien,
pou les Lerwa dan tou so laglwar rantre.
8Kisannla sa gran Lerwa la?
LESEGNER, for ek pwisan,
Limem SEGNER ki viktorye dan konba.
9Bann portay! Ouver angran zot batan.
Ouver bann batan laport ansien,
pou les Lerwa viktorye rantre.
10Kisannla sa gran Lerwa la?
LESEGNER, ki pli pwisan ki tou.
Limem Lerwa ki ena tou laglwar!
Iliyochaguliwa sasa
Psom 24: KMOTPOR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kreol Morisien OT Portions © Bible Society of Mauritius, 2020.