Psom 11
11
Mo ena konfians dan twa Segner
Pou sef koral. Enn Psom David.
1LESEGNER, limem mo sekirite! Abe kouma to kapav dir mwa,
“Anvole kouma zwazo, al kasiet lor montagn
2parski move dimoun pe prepar zot zarm,
zot finn plas zot fles dan ark,
zot kasiet dan nwar, zot pe viz leker bon dimoun.
3Kan fondasion lasosiete pe vir anbalao,
dimoun ki viv drwat, ki li kapav fer? “
4LESEGNER li dan so tanp sakre;
LESEGNER so tronn li dan lesiel.
Li sirvey tou bann imin partou e li examinn zot.
5LESEGNER teste tou dimoun, so bon kouma so move.
Li deteste bann ki servi violans.
6Lor bann move dimoun li pou vers labrez ek souf anflame;
enn labriz kouma dife, samem ki li pou gard pou zot.
7Parski LESEGNER limem drwatir,
li kontan bann aksion ki zis,
bann ki viv drwat pou viv dan so prezans.
Iliyochaguliwa sasa
Psom 11: KMOTPOR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kreol Morisien OT Portions © Bible Society of Mauritius, 2020.