Ester 7
7
Dezoner Amann ek so lamor
1Lerwa ek Amann al fer fet avek Ester. 2Lor deziem zour, letan ki zot pe amize, bwar-manze, lerwa re-dimann Ester: “Ki to oule mo fer pou twa, larenn Ester? Dir mwa to dezir. Mem si to dimann mwa lamwatie mo rwayom, mo pou donn twa.” 3Larenn Ester reponn: “Si mo finn gagn to faver, mazeste, e si sa fer twa plezir, ala seki mo dimann twa: sov mo lavi ek sov lavi mo pep osi. 4Bannla finn vann mo pep ek mwa osi. Asterla, zot pou touy nou, fini nou net. Si ti zis vann nou kouma bann sinp esklav, mo ti pou res trankil; parski sa pa ti pou vo lapenn ki mo deranz twa.” 5Lerwa dimann Ester: “Kisannla e kot li ete sa dimoun ki finn pretann pou fer sa la?” 6Ester dir li: “Amann sa! Limem nou lennmi ek nou adverser, sa move dimoun la!” Amann gagn extra per divan lerwa ek larenn. 7Lerwa kit festin dan enn gran koler, e li al dan zardin pale. Amann remarke ki lerwa finn fini deside pou fer touy li. Akoz sa li res lamem e sipliy larenn pou pa touy li. 8Letan lerwa retourn dan lasal kot pe fer festin, Amann ti finn zet so lekor lor sofa kot Ester ete. Letan lerwa trouv sa, li dir: “Anplis, sa boug la anvi viol larenn divan mwa, dan mo prop lakaz?” Anmemtan ki lerwa pe dir sa, bannla kouver figir Amann. 9Lerla Arbona, enn parmi bann ofisie ki pe asiste lerwa, dir: “Zisteman, Hamann finn fini prepar safodaz pou pandi Mardose ki finn sap lavi lerwa par so bann parol. Safodaz la divan lakaz Hamann e li fer 25 met oter.” Lerwa dir: “Pandi li lor lamem.” 10Bannla pandi Amann lor safodaz ki li ti finn prepare pou Mardose. Apre sa, koler lerwa kalme.
Iliyochaguliwa sasa
Ester 7: KMOTPOR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kreol Morisien OT Portions © Bible Society of Mauritius, 2020.