Micah 3
3
Micah in Israel ii Lampuite Sonsia
1No, Israel a ukte awng, ngai vun! Note in thumaan thutang dei tu hong kimuangmaw hi, 2tua hi napi, note in a phate ngaimaw in a siate na it uh hi. Ka mite a hingtangin a vun hoai in, a ngute tung pan a sa na sem uh hi. 3Ka mite na netum uh hi. A vun hoai in, a ngu siiktanin beal sung huan tu sa bangin na sem uh hi. 4Topa tungah na ko tu hun hong theng tu a, ahihang ama in hong zo ngawl tu hi. Note thungetna ama in hong ngai ngawl tu hi, banghang ziam cile a sia na vawt uh hi.
5Sum a pia zote tungah kilemna om tu hi ci in kamciam pia a, ahihang a pia zo ngawlte tungah ngal om tu hi ci in a tawng kamsaangte ii theamna sia ka mite in thuak hi. Hi kamsaangte tungah Topa in, 6“Kamsaangte awng, na ni uh bo dektak hi; no tungah ni tum tu hi. Ka mite lam khialsak na hi uh ciang kamsaan mukholnate na nei nawn buatu uh a, bangma na sonkhol thei nawn buatu uh hi. 7Mailam atu a sonkholte, a son bang a taangtut ngawl hu in minsia tu uh hi. Amate theampo ki enthaw tu hi, banghang ziam cile Pathian in amate ci bangin zo ngawl hi.
8Ahihang kei ka hile Topa in a thaa le a vaangletna taw hong dim a, thukhaikim heak theina le Israel mite tungah amate mawna khialna teng son ngam natu hanna hong pia hi. 9Thukhaikim ngaimaw in, a maan sia a khial a sua, no Israel ngamukte awng, hong ngai tavun. 10Pathian khuapi Jerusalem sia mihing thalupna le thutan ngawlna tawdap tungah na sa uh hi. 11Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.
12Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.#Jer 26:18
Iliyochaguliwa sasa
Micah 3: SCB2
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Siyin Chin Bible © Bible Society of Myanmar, 2016