Maatiusiup Aglangit 3
3
Juanasi Paaptitsirijiup Ajuriqtuininga
Maakusi 1:1-8; Luukasi 3:1-18; Juanasi 1:19-28
1Taissumani Juanasi Paaptitsiriji inuqanngittumi ajuriqtuiliqpuq Juutiamiittumi. 2Uqarluni, “Qaqialirissi, Guutiup Ataniuvinga qaglilirmat!” 3Juanasi taannauvuq nalauttaijuup Aisaiasiup uqausirilauqtanga, imaak,
“Inuqanngittumi qaigalaaqtuqaqpuq,
‘Ataniup aqqutiksanga aaqqiksuqsiuk;
Aqqutiginiaqtanga tukiliaqsitillugu.’”
4Juanasi annuraaqalauqpuq kaamiliup#3:4 Kaamilik uvvalu pikulik miqqunganik; tatsirutiqarluni amivinirmik, niqiqarlunilu pigliqtanik iguttaillu siirnautinginnik. 5Tavva Jiruusalimmiut, Juutiamilu nunaqaqtut nanituinnaq, Kuup Juartaniup qanigijaani nunaqaqtulimaat takujaqtuqpaat, 6ajurnirminik qaqialirmata, taassuma paaptippait kuungmi Juartanimi.
7Paarisilli Saajjusiillu amisut tikitini paaptitsivingminut takugamigit, uqautivait, “Quglugiangujaaqtusi, kia qimaaquvaasi Guutiup ninngangninganit pijumaaqtumit? 8Qaqialirnisi nalunailiqsiuk piniarnitsigut, 9pasijaksaunginnasugittailigissi isumalusi, ‘Aiprahaam kinguvaarivaatigut’; uqautivassili, Guuti makuninga ujarangnik Aiprahaammut kinguvaarijauliqtitsijunnaqpuq! 10Ulimaut atuinnauliqpuq napaaqtut amaanngitigut nakatiriniaqtuq; napaaqtulimaat piujumik pirurviunngittut nakatauniaqput igitaulutik ikumamut. 11Imarmut paaptippassi qaqialirnissinnut nalunaikkutauqullugu, kingunikkulli qainiaqtuq uvannit ajunnginniqsarjuanguvuq, naluqqutivunga, aglaat itigagutinginnik tigumiariaksaq, taassuma paaptittumaaqpaasi Anirnirmut Ijjurnaittumut ikumamullu. 12Taassuma niaquujaksanik saniijaijjutini tigumiaqpaa, niaquujaksanik siqalitsivingminit niaquujaksaunngittut avitittumallugit niaquujaksanit, niaquujaksaillu sirluarminut katittumaaqpait, iviuningit ikuallagumaaqpait ikumamut qamisuittumut.”
Jiisusiup Paaptitauninga
Maakusi 1:9-11; Luukasi 3:21-22
13Taissumani Jiisusi Galiliamit Juartanimut tikippuq, Juanasimut paaptitaujumalluni. 14Juanasiulli nuqqaqtigasuarlugu uqautivaa, “Uvanga paaptitaujariaqaraluaqpunga ilingnut, ivvilli uvannut qaingaaqputit!”
15Jiisusiup kiuvaa, “Maanna taimailirli; taimailiuqtilluta piviksaq nalliutivuq Guutiup atuqtauqujanganik.” Tavva Juanasiup angiqpaa.
16Jiisusi paaptitaujariirami imaanit qakivuq, qakingmallu tavvainnaq takugit qilak angmaqpuq, Guutiup Anirninga aqqaqtuq takuvaa tingmiatitut tuuvitut, Jiisusimiilirluni. 17Nipimik qilangmit nilliqtuqaqpuq uqaqtumik, “Una tavva Irnira nagligijara, quviagitsiaqtara.”
Iliyochaguliwa sasa
Maatiusiup Aglangit 3: EAIBR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Eastern Arctic Inuktitut Bible (Romanized) © Canadian Bible Society, 2022-2023.