Mark 16
16
Jesus‑em Unguvallgha Tuqulleghmeng
1Sabbath‑a alpagyan Mary, Magdala‑ghmii, Mary‑llu naanga James‑em, Salome‑llu, tepengllaasingegkat Jesus‑em yugusii angighhnaluku. 2Sivuliim aghneghani santillghem, unaangupiglluku siqineq piitekestaaluku lliveghtekat. 3Tumemi taakwani aapqughwaaghutkat, “Kitumngam ullghitaghtaannaqinkut uyghagllagmeng lliivghem paaynganilngughmeng?” 4Taagken sivugsalghiimeng uyghagllak awitngwaaghluni ayuqeftuq. 5Lliveghmun iteghluteng esghaqaat nukalpigaq qatelghiimeng atkuyaalek aqumgalghii aghenqigneghani. Aghnat elngaatall saghiighayukat.
6Nukalpigam pikii, “Saghiighayugpenasi, liisimakamsi ivaangwaaghsi Jesus, Nazareth‑eghmii, qaquuraqaayalghii. Whaanneghituq, unguvaghtestekaaguq! Esghaqaghtegguqun, whagun llikaqsaghaat. 7Ungipaasaghtughteki maligsaaghtengi, Peter‑llu, aga Galilee‑mun sivullgaaghumaaq pinaqnilleghmitun. Taagani esghaghlleqaghsi.”
8Aanluteng anagniiqat lliveghmeng, qayughllak kukragyugumaghmeng alingruughulghiit, repall ungeleglluteng. Talwa kina alngunak sameng pimangilkangat, qayughllak alingruughulghiit.
Jesus‑em Aliighvikegkanga Mary, Magdala‑ghmii
9 Sivuliim aghneghani santillghem, unaangupiglluku Jesus unguvaqaalghii tuqulleghmeng. Aliighviksuwhaaqaa Mary, Magdala‑ghmii. (Aghnameng taagken aanestekaqegkangi maaghraghvinlek tughneghaat.) 10Ungipaasaghtuqii ellnganisalghiit qivghumaluki, qiyamaluki. 11Iwernga ungipaasisteng Jesus unguvaamaniluku tuqulleghmeng, ellminunllu esghaamaniluku ugpequmangilkangat.
Jesus‑em Aliighvikegkek Maalghuk Maligsaaghtek
12 Taam kingunganeng Jesus‑em allanguluni aliighvikegkakek maalghuk maligsaaghtegni, navek pimalukek. 13Uteghnighlutek ungipitkaqsaqangik ilatek iwernga ugpequmangilkegket.
Jesus‑em Aliighvikegkangi Qula Ataasiq Siipneqluku Maligsaaghteni
14 Taam kingunganeng Jesus‑em aliighvikegkii qula ataasiq siipneqluku maligsaaghteni neghuusimaluki. Aghyuuqii ugpeqinghitellghitnengllu aygughikellghitnengllu esghaatkat ellmineng unguvaghtestelleghmi kingunganeng. 15Pikii, “Aghulaqlusi nunataghhaanun tamaghhaanun ungipaqiteki Pinilghiit Ungipat tamaghhaanun yugnun. 16Kina alngunak ugpeqilghiillu paaptaayelghiillu yugulillengyaghqaaguq. Iwernga kina alngunak ugpeqinghilnguq aghyuullengyaghqaaguq seghleghqelleghminun. 17Ugpeqat allaaghlluwhaghtillequt liigikesqelluku aghtughyaghqaanghilleghteng Kiyaghneghmeng pingutanga. Enkaam atemkun aanesqughlleqiit tughneghaat yugneng; akuzillequt allastun ulustun; 18tugusaghngaaghmeng nemeghyameng, nalighmeng meghyaghngaaghmeng tuqunalghiimeng sanaanghitut; qinuyulghiit saafneghmegteki naallghutaqellequt.”
Jesus‑em Mayullgha Qilagmun
19 Atanghem Jesus‑em maligsaaghteni aleghquneghmeng taaqsaki, Kiyaghneghem mayughtestekaa qilagmun, enkaam aqumegkaq Kiyaghneghem aghenqigneghakun. 20Taagken maligsaaghtet aghulaqluteng tamanganun ungipaqikat Pinilghiineng Ungipaneng. Atanghem qepghalgusiqii, ipapighqestekaallu ungipaq allaaghlluwhaghtistelleghmikun. Amen.
Iliyochaguliwa sasa
Mark 16: ess
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018, Wycliffe Bible Translators, Inc. All rights reserved.
Mark 16
16
Jesus‑em Unguvallgha Tuqulleghmeng
1Sabbath‑a alpagyan Mary, Magdala‑ghmii, Mary‑llu naanga James‑em, Salome‑llu, tepengllaasingegkat Jesus‑em yugusii angighhnaluku. 2Sivuliim aghneghani santillghem, unaangupiglluku siqineq piitekestaaluku lliveghtekat. 3Tumemi taakwani aapqughwaaghutkat, “Kitumngam ullghitaghtaannaqinkut uyghagllagmeng lliivghem paaynganilngughmeng?” 4Taagken sivugsalghiimeng uyghagllak awitngwaaghluni ayuqeftuq. 5Lliveghmun iteghluteng esghaqaat nukalpigaq qatelghiimeng atkuyaalek aqumgalghii aghenqigneghani. Aghnat elngaatall saghiighayukat.
6Nukalpigam pikii, “Saghiighayugpenasi, liisimakamsi ivaangwaaghsi Jesus, Nazareth‑eghmii, qaquuraqaayalghii. Whaanneghituq, unguvaghtestekaaguq! Esghaqaghtegguqun, whagun llikaqsaghaat. 7Ungipaasaghtughteki maligsaaghtengi, Peter‑llu, aga Galilee‑mun sivullgaaghumaaq pinaqnilleghmitun. Taagani esghaghlleqaghsi.”
8Aanluteng anagniiqat lliveghmeng, qayughllak kukragyugumaghmeng alingruughulghiit, repall ungeleglluteng. Talwa kina alngunak sameng pimangilkangat, qayughllak alingruughulghiit.
Jesus‑em Aliighvikegkanga Mary, Magdala‑ghmii
9 Sivuliim aghneghani santillghem, unaangupiglluku Jesus unguvaqaalghii tuqulleghmeng. Aliighviksuwhaaqaa Mary, Magdala‑ghmii. (Aghnameng taagken aanestekaqegkangi maaghraghvinlek tughneghaat.) 10Ungipaasaghtuqii ellnganisalghiit qivghumaluki, qiyamaluki. 11Iwernga ungipaasisteng Jesus unguvaamaniluku tuqulleghmeng, ellminunllu esghaamaniluku ugpequmangilkangat.
Jesus‑em Aliighvikegkek Maalghuk Maligsaaghtek
12 Taam kingunganeng Jesus‑em allanguluni aliighvikegkakek maalghuk maligsaaghtegni, navek pimalukek. 13Uteghnighlutek ungipitkaqsaqangik ilatek iwernga ugpequmangilkegket.
Jesus‑em Aliighvikegkangi Qula Ataasiq Siipneqluku Maligsaaghteni
14 Taam kingunganeng Jesus‑em aliighvikegkii qula ataasiq siipneqluku maligsaaghteni neghuusimaluki. Aghyuuqii ugpeqinghitellghitnengllu aygughikellghitnengllu esghaatkat ellmineng unguvaghtestelleghmi kingunganeng. 15Pikii, “Aghulaqlusi nunataghhaanun tamaghhaanun ungipaqiteki Pinilghiit Ungipat tamaghhaanun yugnun. 16Kina alngunak ugpeqilghiillu paaptaayelghiillu yugulillengyaghqaaguq. Iwernga kina alngunak ugpeqinghilnguq aghyuullengyaghqaaguq seghleghqelleghminun. 17Ugpeqat allaaghlluwhaghtillequt liigikesqelluku aghtughyaghqaanghilleghteng Kiyaghneghmeng pingutanga. Enkaam atemkun aanesqughlleqiit tughneghaat yugneng; akuzillequt allastun ulustun; 18tugusaghngaaghmeng nemeghyameng, nalighmeng meghyaghngaaghmeng tuqunalghiimeng sanaanghitut; qinuyulghiit saafneghmegteki naallghutaqellequt.”
Jesus‑em Mayullgha Qilagmun
19 Atanghem Jesus‑em maligsaaghteni aleghquneghmeng taaqsaki, Kiyaghneghem mayughtestekaa qilagmun, enkaam aqumegkaq Kiyaghneghem aghenqigneghakun. 20Taagken maligsaaghtet aghulaqluteng tamanganun ungipaqikat Pinilghiineng Ungipaneng. Atanghem qepghalgusiqii, ipapighqestekaallu ungipaq allaaghlluwhaghtistelleghmikun. Amen.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018, Wycliffe Bible Translators, Inc. All rights reserved.