Mark 15
15
Pilate‑em Aapqughaaqanga Jesus
1Aghtaghaqiinaghyagu chief priest‑etlu, siivanlleghetlu, apeghtughikayugetlu Liilightuusaneng, qamagllutengllu agghistet qerngughutkat agghinnaluteng. Taagken Jesus asighqesluku aglaalluku Pilate‑mun, tuunegkaat ellnganun. 2Pilate‑em aaptekaa, “Jews‑et umiilkataan?” Jesus‑em kiimsiqaa, “Elpek esgha umiilgunikevnga.”
3Chief priest‑et uglaapiglleghhiineng allaaghhiinaghneng anaggunikaat. 4Pilate‑em aaplaataqaa, “Kiimsiitkaghqiisiin? Naganneghisikii uglaapiglleghhiineng allaaghhiinaghneng anaggunnikangaten?”
5Iwernga Jesus sameng pimangitkaq enkaam Pilate saghiighayukaq.
Pilate‑em Tuqutesnaqegkanga Jesus
6Tamaghhaani Passover‑em Neqenghaghqellghani, Pilate‑em aanestaqegkanga ataasiq anusimingllaghaq yuget nakmikegkaat. 7Taawanguq Barabbas anusimingllaghvigmelnguq, maligulluni ilangitnun yugnun yugtaghaataqaq seghleliighqiighllagmi. 8Yulghutet tagiluteng Pilate‑mun aanestesqegkaat ataasiq anusimingllaghaq tawaten piiqellghatun. 9Aaptekii, “Aanestesugestegguu Jews‑et Umiilgat?” 10Pilate‑em liisimakngwaaqangi chief priest‑et aqinakluku Jesus tagitngukangat ellnganun.
11Chief priest‑et aaghqutaqegkiit yulghutet Barabbas aanestesqelluku avelghaghluku Jesus. 12Pilate‑em yulghutet aaplaataqii, “Sanaqsikunmi umiilkenniiqegkesi Jews‑enun?”
13Akilghuukat, “Qaquuraghtestigu!”
14Pilate‑em aaptekii, “Sangan, sameng seghleghmeng pimaa?” Iwernga iglagtaaghalluteng akilghuukat, “Qaquuraghtestigu!”
15Enkaam Pilate‑em efqughsugluki yulghutet, aanestekaa Barabbas. Taagken Jesus kagsagmigtesluku tuunegkaa pilluwaghtenun qaquuriisqelluku.
Pilluwaghtet Legasiighwaatkegkangat Jesus
16Pilluwaghtet itghutkaat Jesus umiilgem mangteghaanun (atilqelghii Praetorium). Taagken pilluwaghtelghuteteng qerngughtekiit. 17Jesus‑mun aatestekagket esnegrukegtak atkuyaaghek. Sikughllugmeng qaghpangllaghluku aatestekaat naasqwakun. 18Taagken legasiighwaatkegkaat, “Quulvaghamken elpek Umiilgat Jews‑et!” 19Unaghsiighwaghmeng naasqwakun anaguleghluku, qesiquluku, manungakun segesqughlluteng qungughfikegkaat. 20Legasiighwaatkenneghmeng taaqsamegteggu esnegrukegtak atkuyaaghqek mataghllukek ellngan katam aatkii aatestekiit. Taagken aanutkaat qaquuraghnaluku.
Jesus Qaquuraqangat
21Tumeni taakwani nallaqaat yuuk, aatqelghii Simon‑meng, Cyrene‑eghmii, atangak Alexander‑enkuk Rufus‑enkuk. Naken qantaghaneng taginguftuq Jerusalem‑emun. Pilluwaghtet qelghutkaat Simon‑mun uyamigesqelluku Jesus‑em qaquuraa. 22Jesus aglaatkaat Golgotha‑mun. (Golgotha whaten pisiiguq, “Yugem Naasqwan Nenga.”) 23Tawani tuunegkaat wine‑meng myrrh‑meng akumegkameng, iwernga Jesus‑em ighsakegkaa. 24Taagken pilluwaghtet qaquuraghyamegteggu ateghtiiraaghulluki aatkii tugulaqiit.
25Qaquuraqaqegkangat unaanguluku 9‑eklaagmi. 26Qaquuraakun nekegtekaat avutkilleghteng igaqngalghii whaten, Umiilgat Jews‑et. 27Maalghuklu wayaghniightek qaquuraqagket, ataasiq Jesus‑em aghenqigneghakun, aallgha saghumigneghakun. 28Akuzitet Igaqegkat whaten pillghat apeghiightuq, “Ilalkiitkaqegkangat seghletun pistenun.”
29Yuget naghughlleghhiit naasquteng ufsugusimiita legasiighwaatkegkaat Jesus, “Seghleghhalek, elpek! Temple‑a naafqelluku nekefsaghqaqngukuvgu pingayut aghneghet atughluki, 30sangan yuguliluten elpeneng qaquurameng ukignanighsin?”
31Chief priest‑etlu apeghtughikayugetlu Liilightuusaneng legasiighwaatkegkaat Jesus, ilateng pikiit, “Yuguliiqi ilangit naqam ellmineng katam yugulipagningituq! 32Christ‑a, Umiilga Israel‑em, ukigli maaten qaquurameng, enkaam esghapagluku ugpeqelteggu.” Qaquuralgutegkenkallu seghlequuqaak.
Tuqullgha Jesus‑em
33Taagken qamaglluni nuna mamleghqwaakaq aghneghem qukaaneng kenlanga 3‑klaagmun. 34Tawani 3‑klaagmi Jesus akilghuughllakaq, “Eloi, Eloi, lama sabachthani?” whaten pisiq, “Kiyaghnemni, Kiyaghnemni, sangama unisinga?”
35Ilangita yuget nekevghallghiit nagalluku pikat, “Nagataghtekqun, Elijah tuqlughaghaa!” 36Yuuk ataasiq aqfaquqaq mesiqayugmeng. Taagken nepluku quwaalghiimun wine‑mun unaghsiighwaghqun nekeglluku nengugutkaa Jesus‑mun melugriisqelluku. Pikaq, “Wiintaku, esghapakaalteggu Elijah‑m iiksaghtughaqsaaghaa qaquurameng!”
37Taagken Jesus araghllagluni tuqukaq.
38Temple‑melnguq safkaaghun malghughqegkaq, piikaq pikegken kanavek. 39Pilluwaghtet umiilwaaghita qaquuram manunganilnguum, esghapagyamigu Jesus tawaten tuqulghii, pikaq, “Ipapestaaq una yuuk Ighnequmaagu Kiyaghneghem!”
40Aghnam ilangi uyavaneng esghapakat. Tawanteftut Mary, Magdala‑ghmii, Salome‑llu, Mary‑llu naangak uyuqliim James‑em, Joses‑emllu. 41Jesus, Galilee‑melluku taakut aghnat maligsaaqaqegkangatlu kayusiitkaqegkangatlu. Ilangillu aghnalghutet tawanlenguut, maligulluteng ellnganun Jerusalem‑etkat.
Llivellgha Jesus‑em
42-43Taawanguq yuuk, aatqelghii Joseph‑meng, Arimathea‑ghmii, siivakumtaaq ilangat agghistet. Ellnganllu utaqangukanga piinlilleghqaa Ataneghpagullgha Kiyaghneghem. Whanikuyagu, Yataaghqellghem Aghneghani, sivungiighhaani Sabbath‑em, tetugnanighluni Pilate‑mun piluni tungsiqaa Jesus‑em yugusii. 44Pilate‑em saghiighayagutkaa nagaqughluku Jesus tuqulghaghtuumaniluku. Enkaam pilluwaghtet umiilwaaghat tagsighluku aaptekaa, “Llaaghaan Jesus tuqulghaghtuumaa?” 45Umiilwaaghmeng liigiksamigu Jesus‑em tuqullgha, Joseph‑mun tugusqegkaa yugusii. 46Enkaam Joseph tukfighiyaghtuqaq qatelghiimeng qiipaghaghmeng lliveghyaghqanun atuqaqegkemeggneng. Taagken iikluku yugusii qaquurameng, iimgutkaa qiipaghaghqun. Taawanguq uyghagrukutaaghllak sanimineng ilutmun laakaq lliivghuluni. Tawavek yugusiq kanaghtekaa. Taagken uyghagrugllak ullghitaghtaqaa lliivghem paaynganun. 47Mary‑m Magdala‑ghmiim, Mary‑mllu Joses‑em naangan esghapakaak nagun Jesus llimatanga.
Iliyochaguliwa sasa
Mark 15: ess
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018, Wycliffe Bible Translators, Inc. All rights reserved.
Mark 15
15
Pilate‑em Aapqughaaqanga Jesus
1Aghtaghaqiinaghyagu chief priest‑etlu, siivanlleghetlu, apeghtughikayugetlu Liilightuusaneng, qamagllutengllu agghistet qerngughutkat agghinnaluteng. Taagken Jesus asighqesluku aglaalluku Pilate‑mun, tuunegkaat ellnganun. 2Pilate‑em aaptekaa, “Jews‑et umiilkataan?” Jesus‑em kiimsiqaa, “Elpek esgha umiilgunikevnga.”
3Chief priest‑et uglaapiglleghhiineng allaaghhiinaghneng anaggunikaat. 4Pilate‑em aaplaataqaa, “Kiimsiitkaghqiisiin? Naganneghisikii uglaapiglleghhiineng allaaghhiinaghneng anaggunnikangaten?”
5Iwernga Jesus sameng pimangitkaq enkaam Pilate saghiighayukaq.
Pilate‑em Tuqutesnaqegkanga Jesus
6Tamaghhaani Passover‑em Neqenghaghqellghani, Pilate‑em aanestaqegkanga ataasiq anusimingllaghaq yuget nakmikegkaat. 7Taawanguq Barabbas anusimingllaghvigmelnguq, maligulluni ilangitnun yugnun yugtaghaataqaq seghleliighqiighllagmi. 8Yulghutet tagiluteng Pilate‑mun aanestesqegkaat ataasiq anusimingllaghaq tawaten piiqellghatun. 9Aaptekii, “Aanestesugestegguu Jews‑et Umiilgat?” 10Pilate‑em liisimakngwaaqangi chief priest‑et aqinakluku Jesus tagitngukangat ellnganun.
11Chief priest‑et aaghqutaqegkiit yulghutet Barabbas aanestesqelluku avelghaghluku Jesus. 12Pilate‑em yulghutet aaplaataqii, “Sanaqsikunmi umiilkenniiqegkesi Jews‑enun?”
13Akilghuukat, “Qaquuraghtestigu!”
14Pilate‑em aaptekii, “Sangan, sameng seghleghmeng pimaa?” Iwernga iglagtaaghalluteng akilghuukat, “Qaquuraghtestigu!”
15Enkaam Pilate‑em efqughsugluki yulghutet, aanestekaa Barabbas. Taagken Jesus kagsagmigtesluku tuunegkaa pilluwaghtenun qaquuriisqelluku.
Pilluwaghtet Legasiighwaatkegkangat Jesus
16Pilluwaghtet itghutkaat Jesus umiilgem mangteghaanun (atilqelghii Praetorium). Taagken pilluwaghtelghuteteng qerngughtekiit. 17Jesus‑mun aatestekagket esnegrukegtak atkuyaaghek. Sikughllugmeng qaghpangllaghluku aatestekaat naasqwakun. 18Taagken legasiighwaatkegkaat, “Quulvaghamken elpek Umiilgat Jews‑et!” 19Unaghsiighwaghmeng naasqwakun anaguleghluku, qesiquluku, manungakun segesqughlluteng qungughfikegkaat. 20Legasiighwaatkenneghmeng taaqsamegteggu esnegrukegtak atkuyaaghqek mataghllukek ellngan katam aatkii aatestekiit. Taagken aanutkaat qaquuraghnaluku.
Jesus Qaquuraqangat
21Tumeni taakwani nallaqaat yuuk, aatqelghii Simon‑meng, Cyrene‑eghmii, atangak Alexander‑enkuk Rufus‑enkuk. Naken qantaghaneng taginguftuq Jerusalem‑emun. Pilluwaghtet qelghutkaat Simon‑mun uyamigesqelluku Jesus‑em qaquuraa. 22Jesus aglaatkaat Golgotha‑mun. (Golgotha whaten pisiiguq, “Yugem Naasqwan Nenga.”) 23Tawani tuunegkaat wine‑meng myrrh‑meng akumegkameng, iwernga Jesus‑em ighsakegkaa. 24Taagken pilluwaghtet qaquuraghyamegteggu ateghtiiraaghulluki aatkii tugulaqiit.
25Qaquuraqaqegkangat unaanguluku 9‑eklaagmi. 26Qaquuraakun nekegtekaat avutkilleghteng igaqngalghii whaten, Umiilgat Jews‑et. 27Maalghuklu wayaghniightek qaquuraqagket, ataasiq Jesus‑em aghenqigneghakun, aallgha saghumigneghakun. 28Akuzitet Igaqegkat whaten pillghat apeghiightuq, “Ilalkiitkaqegkangat seghletun pistenun.”
29Yuget naghughlleghhiit naasquteng ufsugusimiita legasiighwaatkegkaat Jesus, “Seghleghhalek, elpek! Temple‑a naafqelluku nekefsaghqaqngukuvgu pingayut aghneghet atughluki, 30sangan yuguliluten elpeneng qaquurameng ukignanighsin?”
31Chief priest‑etlu apeghtughikayugetlu Liilightuusaneng legasiighwaatkegkaat Jesus, ilateng pikiit, “Yuguliiqi ilangit naqam ellmineng katam yugulipagningituq! 32Christ‑a, Umiilga Israel‑em, ukigli maaten qaquurameng, enkaam esghapagluku ugpeqelteggu.” Qaquuralgutegkenkallu seghlequuqaak.
Tuqullgha Jesus‑em
33Taagken qamaglluni nuna mamleghqwaakaq aghneghem qukaaneng kenlanga 3‑klaagmun. 34Tawani 3‑klaagmi Jesus akilghuughllakaq, “Eloi, Eloi, lama sabachthani?” whaten pisiq, “Kiyaghnemni, Kiyaghnemni, sangama unisinga?”
35Ilangita yuget nekevghallghiit nagalluku pikat, “Nagataghtekqun, Elijah tuqlughaghaa!” 36Yuuk ataasiq aqfaquqaq mesiqayugmeng. Taagken nepluku quwaalghiimun wine‑mun unaghsiighwaghqun nekeglluku nengugutkaa Jesus‑mun melugriisqelluku. Pikaq, “Wiintaku, esghapakaalteggu Elijah‑m iiksaghtughaqsaaghaa qaquurameng!”
37Taagken Jesus araghllagluni tuqukaq.
38Temple‑melnguq safkaaghun malghughqegkaq, piikaq pikegken kanavek. 39Pilluwaghtet umiilwaaghita qaquuram manunganilnguum, esghapagyamigu Jesus tawaten tuqulghii, pikaq, “Ipapestaaq una yuuk Ighnequmaagu Kiyaghneghem!”
40Aghnam ilangi uyavaneng esghapakat. Tawanteftut Mary, Magdala‑ghmii, Salome‑llu, Mary‑llu naangak uyuqliim James‑em, Joses‑emllu. 41Jesus, Galilee‑melluku taakut aghnat maligsaaqaqegkangatlu kayusiitkaqegkangatlu. Ilangillu aghnalghutet tawanlenguut, maligulluteng ellnganun Jerusalem‑etkat.
Llivellgha Jesus‑em
42-43Taawanguq yuuk, aatqelghii Joseph‑meng, Arimathea‑ghmii, siivakumtaaq ilangat agghistet. Ellnganllu utaqangukanga piinlilleghqaa Ataneghpagullgha Kiyaghneghem. Whanikuyagu, Yataaghqellghem Aghneghani, sivungiighhaani Sabbath‑em, tetugnanighluni Pilate‑mun piluni tungsiqaa Jesus‑em yugusii. 44Pilate‑em saghiighayagutkaa nagaqughluku Jesus tuqulghaghtuumaniluku. Enkaam pilluwaghtet umiilwaaghat tagsighluku aaptekaa, “Llaaghaan Jesus tuqulghaghtuumaa?” 45Umiilwaaghmeng liigiksamigu Jesus‑em tuqullgha, Joseph‑mun tugusqegkaa yugusii. 46Enkaam Joseph tukfighiyaghtuqaq qatelghiimeng qiipaghaghmeng lliveghyaghqanun atuqaqegkemeggneng. Taagken iikluku yugusii qaquurameng, iimgutkaa qiipaghaghqun. Taawanguq uyghagrukutaaghllak sanimineng ilutmun laakaq lliivghuluni. Tawavek yugusiq kanaghtekaa. Taagken uyghagrugllak ullghitaghtaqaa lliivghem paaynganun. 47Mary‑m Magdala‑ghmiim, Mary‑mllu Joses‑em naangan esghapakaak nagun Jesus llimatanga.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018, Wycliffe Bible Translators, Inc. All rights reserved.