Mark 12
12
Jesus‑em Ungipaghaatkegkangi Aflengakistengi Grapes‑em Piitfigan
1Taagken Jesus‑em ungipaghaatetgun aleghquqii. Pikii, “Taawanguq yuuk piitesiighaqaq grapes‑meng, mingllusiqaallu uvitanga piitesighaghvini. Laagutkakek grapes‑mun qageghquusik, nekeftekaallu kelengakivigkaq. Taagken piitesighaghvini navghitkaa grapes‑meng piitesighaghtenun nengitesqelluni, enkaam ellnga natmun aghulaqegkaq. 2Saghnayaghqaaghsata ataasiq qepghaghteni kevgaqegkaa nengini grapes‑et aqfasqelluki. 3Kaasan taakut aflengakistet akuqaghluku qevutiighluku avangunaan aglaghtestekaat. 4Kevgaqlaataqaa ilanga qepghaghteni. Taana naasqwakun kiitiquluku, kayngusaghaatestekaat. 5Kevgaqiilaataqaq ilanganeng qepghaghtemi enkaam taana tuqutkaat. Ilangillu qepghaghtelghuteni kevgaqenghaki legan tawaten piiqegkangit, ilangit qevutiiqiit, ilangit tuququqiit.
6“Qenwat ataasighhaaghtuq kevgaqsaghqaa, ighnegha piniqumtaagha. Kevgaqegkaa sumeghtaghaamaghmi whaten, ‘Ighneqa siivakelleqaat.’ 7Iwernga taakut aflengakistet ilateng pikiit, ‘Uum piliisaghqaqaa una piitesiighaghvik. Tuqutelteggu enkaam piitesiighaghvik whangkuta piliilleqaghput!’ 8Enkaam akuqaghluku, tuqulluku yugusii egtekaat piitesiighaghvigmeng.”
9Jesus‑em aaptekii, “Salleqangꞌngam piitesiighaghvilek? Tagiluni navghitivikegkaqsaqenni taakut tuququghluki, enkaam piitesiighaghvini allanun navghilleqaa. 10Atightiigasteggu una Akuzitni Igaqegkani?
‘Uyghak mangteghangllaghtet ighsakegkaat piyalghiimi megnunalleghpigaaftuq uyghak.
11Taana Atanghem apeghiiqaqaa,
Allaaghlluwhaghyugnapigtuq!’”
12Jews‑et igleghutistengita tuguyupigtekaqsaqangat, qayughllak liigikelghiit ungipaghaatetgun Jesus‑em ellngit akuzitkaqeftii. Iwernga alingegkat yulghutneng enkaam unilluku aghulaqegkat.
Aapqughaalleq Tax‑neng
13Taam kingunganeng Jews‑et igleghutistengita kayagtekiit ilangi Pharisees‑etlu maligsaaghtengillu Herod‑em anagniilqavigiisqelluku Jesus. Kayagtekiit anagniilqavigiisqelluku akuzillghakun. 14Kaalluku pikaat, “Apeghtughista, liisimakamken ataasiighmetuten. Waakigataten yuget sumeghtaghallghit, talwa waakigataten yuget sanguyaghngaata, iwernga ipapighqelluten apeghtuusaqaqan Kiyaghneghem piyukellgha yugnun. Ungipaataghtikut, Kiyaghneghem Liilightuusaani elqughutngaa llivikilleghqaghput tax‑eneng Caesar‑mun? Llivikiltaa‑a nalighmeng pinghitelta?” 15Iwernga Jesus‑em liisimakegkangi seghletun pingukangat enkaam pikii, “Sangama anagvigighnaqutkestengnga? Manilitaghtengnga, esghaqaghlakun.”
16Tuunyatni aaptekii, “Kitum gginaqagullu aatqagullu una?” Kiimsiqaat, “Caesar‑em.”
17Jesus‑em pikii, “Tuuniteki Caesar‑mun tamaakut Caesar‑em pingi. Tuuniteki Kiyaghneghmun tamaakut Kiyaghneghem pingi.” Enkaam saghiighayagutkaat Jesus.
Aapqughaalleq Tuqukat Unguvaghtellghitneng
18Taagken ilangi Sadducees‑et, Jesus‑mun pikat. (Tamaakut piiqelghiit tuqukat unguvaghyaghqaanghinniluki.) 19Pikaat, “Apeghtughista, Moses‑em Liilightuusangllaqaqiinkut whaten, ‘Yuuk nuliilek avaqutigpenani tuqukan anglegutangan tuguyaghqaqaa aghnaq avaqutinnaluku anglegutni tuqukaq.’ 20Taawanguq maaghragvinlek yuget anglegutkullghiit. Nuyeklighpigaq nulightughluni avaqutigpenani tuqukaq. 21Enkaam tuunglighhaan tugukaa aghnaq, iwernga ellngallu tuqukaq avaqutigpenani. Pingayiitangan tuguluku aghnaq, tuqukaq avaqutigpenani. 22Qamaglluteng tugaaqluku aghnaq tuqulaghaatkat avaqutigpenateng. Kingulighpigaaluni aghnaq tuqukaq. 23Qamaglluteng maaghraghvinlek anglegutkullghiit nulighqegkaqsaqangat. Aghneghmi tawani tuqukat unguvaghtuutellghitni, naliita aghnaq nulighqelleqagu?”
24Jesus‑em kiimsiqii, “Sumeghtaghallesi anaggutngaat qayughllak liigikigalkesi Akuzitet Igaqegkat, nallukegkesillu Kiyaghneghem aghtughyaghqaanghillgha. 25Tuqukat unguvaghtuuskumeng tuqulleghmeng, qilagmelngughestun yaqulgestun ayuqsaghqaagut, nengughutusaghqaanghitut. 26Atightiigastegguu Kiyaghneghem apellgha tuqukat unguvalleghqiitneng tuqulleghmeng? Moses‑em igaani apeghngaaq kumaghughngalghiimi uqfillegaghmi. Tawani Kiyaghneghem pikaqaa Moses, ‘Whanga Kiyaghneqaanga Abraham‑em, Kiyaghneqaanga Isaac‑em, Kiyaghneqaanga Jacob‑em.’ 27Taana whaten pisiiguq, Kiyaghneq, Kiyaghneqenghitaat tuqukat, Kiyaghneqaat unguvalghiit. Enkaam anaggutepigsimaasi!”
Angelleghpigaq Liilightuusaq
28Apeghtughikayuk Liilightuusaneng tagiluni nagatkii aaghtiiraaghullghiit. Nagalluku Jesus‑em kiimsighilaataqullgha Sadducees‑enun, aaptekaa, “Natungaawa Liilightuusaq megnunalleghpigaq?”
29Jesus‑em kiimsiqaa, “Megnunallegpigaq unanguuq: ‘Nagatek, Israel‑eghmiini! Ataneq Kiyaghneghput taananginaghhaaguq Ataneq. 30Ataneq Kiyaghneghen piniqsaghqaqan tamaghhaakun ilugpegun, tamaghhaakun unguvasighpegun, tamaghhaakun umyugaghpegun, qamagllukullu iknaqelleghpegun.’ 31Tuunglighha whatetuq: ‘Piniqsaghqaqaten yulguteten, piniqelleghpetun elpeneng katam.’ Alla Liilightuusiituq taakugetun megnunaghtutkalghiimeng.”
32Apeghtughikayugem Liilightuusaneng Jesus pikaa, “Apeghtughista, elqughaghtan! Ipanguuq taana pillghen, Ataneq taananginaghhaaguq Kiyaghneq, alla avangituq kiyaghneghmeng iwerngaqun ellnga. 33Enkaam yugem piniqsaghqaqaa Kiyaghneq tamaghhaakun ilumi, tamaghhaakun umyugagmi, tamaghhaakunllu iknaqelleghmi. Piniqsaghqaqiillu yulgutni katam ellmineng piniqelleghmitun. Taakuk Liilightuusak megnunaghataghaghtuk paneghlluku tunusaqegkaneng, nalighmeng aghqutkegkaneng.”
34Jesus‑em liigiksamigu yugem kiimsiitnga elqughutngalghii, pikaa, “Qantaghantuten Ataneghpagullghaneng Kiyaghneghem.” Taam kingunganeng kitum alngunak tetugyagutkaa aapqughaaneghmeng Jesus.
Aapqughaalleq Christ‑ameng
35Temple‑mi, Jesus‑em apeghtughitkelluku aaptekii, “Sangan apeghtughikayuget Liilightuusaneng piiqatgu Christ‑a David‑mun Ighneqniluku? 36Agleghnalghiim Taghnegham David whaten pistekaqaa,
‘Atanghem pii Atanqa:
Aqumi whagun aghenqignemkun kenlanga anguyagten itegaghpek asinganun lliightellemnun.’
37“David‑em ellngan katam atiqaqaa, ‘Ataneghmeng’ enkaam naten Christ‑a Ighneqagu David‑em?” Yulghutet quyakusiqinaghluku nagatkaat Jesus.
Jesus‑em Kelengasaaghuskangi Apeghtughikayuget Liilightuusaneng
38Apeghtuutkelluki pikii, “Kelengalusi apeghtughikayugneng Liilightuusaneng. Aasuneghtuut atkuyaaghmeng akughtuqameng, igleghsuneghtuutlu akilpegaghvigni yugnun qungughfikesqelluteng. 39Aqumyuneghtuut aangwaaghughtekat aqumutiitgun, synagogue‑nillu neqenghaghqelghiinillu. 40Esghaghlaataqwaaqiit ugingighat mangteghiighaqluki. Taagken pinighniluteng pisqelluteng taakluku yughaghaqut. Tamaaken apalluqluku aghyuullengeghllagyaghqaagut!”
Ugingigham Tunusaa
41Temple‑mi, Jesus‑em aqumgatkelluku tungangakun manilghutam, esghapakii yulghutet kanaghtiighaatalghiit manimeggneng. Aklungilnguut yulghutet manilghutmeng kanaghquqat. 42Taagken aklumalghii ugingighaq iteghluni kanaghtekakek maalghuk maningiighhaak, qerngaagmek penny‑nguftuk. 43Jesus‑em maligsaaghteni tuqlughluki pikii, “Ipa ungipaatamsi, uum aklumalghiim ugingigham tuunegkakek qaayghutinguuk aklungilnguut tuunegkiitneng. 44Yuget kanaghtinguut aklungimeggneng, iwernga uum aghnam kanaghtaa qamaglluku maningiighhani, akluknguyaqanga ellminun kiyaghusighqaaluku.”
Iliyochaguliwa sasa
Mark 12: ess
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018, Wycliffe Bible Translators, Inc. All rights reserved.
Mark 12
12
Jesus‑em Ungipaghaatkegkangi Aflengakistengi Grapes‑em Piitfigan
1Taagken Jesus‑em ungipaghaatetgun aleghquqii. Pikii, “Taawanguq yuuk piitesiighaqaq grapes‑meng, mingllusiqaallu uvitanga piitesighaghvini. Laagutkakek grapes‑mun qageghquusik, nekeftekaallu kelengakivigkaq. Taagken piitesighaghvini navghitkaa grapes‑meng piitesighaghtenun nengitesqelluni, enkaam ellnga natmun aghulaqegkaq. 2Saghnayaghqaaghsata ataasiq qepghaghteni kevgaqegkaa nengini grapes‑et aqfasqelluki. 3Kaasan taakut aflengakistet akuqaghluku qevutiighluku avangunaan aglaghtestekaat. 4Kevgaqlaataqaa ilanga qepghaghteni. Taana naasqwakun kiitiquluku, kayngusaghaatestekaat. 5Kevgaqiilaataqaq ilanganeng qepghaghtemi enkaam taana tuqutkaat. Ilangillu qepghaghtelghuteni kevgaqenghaki legan tawaten piiqegkangit, ilangit qevutiiqiit, ilangit tuququqiit.
6“Qenwat ataasighhaaghtuq kevgaqsaghqaa, ighnegha piniqumtaagha. Kevgaqegkaa sumeghtaghaamaghmi whaten, ‘Ighneqa siivakelleqaat.’ 7Iwernga taakut aflengakistet ilateng pikiit, ‘Uum piliisaghqaqaa una piitesiighaghvik. Tuqutelteggu enkaam piitesiighaghvik whangkuta piliilleqaghput!’ 8Enkaam akuqaghluku, tuqulluku yugusii egtekaat piitesiighaghvigmeng.”
9Jesus‑em aaptekii, “Salleqangꞌngam piitesiighaghvilek? Tagiluni navghitivikegkaqsaqenni taakut tuququghluki, enkaam piitesiighaghvini allanun navghilleqaa. 10Atightiigasteggu una Akuzitni Igaqegkani?
‘Uyghak mangteghangllaghtet ighsakegkaat piyalghiimi megnunalleghpigaaftuq uyghak.
11Taana Atanghem apeghiiqaqaa,
Allaaghlluwhaghyugnapigtuq!’”
12Jews‑et igleghutistengita tuguyupigtekaqsaqangat, qayughllak liigikelghiit ungipaghaatetgun Jesus‑em ellngit akuzitkaqeftii. Iwernga alingegkat yulghutneng enkaam unilluku aghulaqegkat.
Aapqughaalleq Tax‑neng
13Taam kingunganeng Jews‑et igleghutistengita kayagtekiit ilangi Pharisees‑etlu maligsaaghtengillu Herod‑em anagniilqavigiisqelluku Jesus. Kayagtekiit anagniilqavigiisqelluku akuzillghakun. 14Kaalluku pikaat, “Apeghtughista, liisimakamken ataasiighmetuten. Waakigataten yuget sumeghtaghallghit, talwa waakigataten yuget sanguyaghngaata, iwernga ipapighqelluten apeghtuusaqaqan Kiyaghneghem piyukellgha yugnun. Ungipaataghtikut, Kiyaghneghem Liilightuusaani elqughutngaa llivikilleghqaghput tax‑eneng Caesar‑mun? Llivikiltaa‑a nalighmeng pinghitelta?” 15Iwernga Jesus‑em liisimakegkangi seghletun pingukangat enkaam pikii, “Sangama anagvigighnaqutkestengnga? Manilitaghtengnga, esghaqaghlakun.”
16Tuunyatni aaptekii, “Kitum gginaqagullu aatqagullu una?” Kiimsiqaat, “Caesar‑em.”
17Jesus‑em pikii, “Tuuniteki Caesar‑mun tamaakut Caesar‑em pingi. Tuuniteki Kiyaghneghmun tamaakut Kiyaghneghem pingi.” Enkaam saghiighayagutkaat Jesus.
Aapqughaalleq Tuqukat Unguvaghtellghitneng
18Taagken ilangi Sadducees‑et, Jesus‑mun pikat. (Tamaakut piiqelghiit tuqukat unguvaghyaghqaanghinniluki.) 19Pikaat, “Apeghtughista, Moses‑em Liilightuusangllaqaqiinkut whaten, ‘Yuuk nuliilek avaqutigpenani tuqukan anglegutangan tuguyaghqaqaa aghnaq avaqutinnaluku anglegutni tuqukaq.’ 20Taawanguq maaghragvinlek yuget anglegutkullghiit. Nuyeklighpigaq nulightughluni avaqutigpenani tuqukaq. 21Enkaam tuunglighhaan tugukaa aghnaq, iwernga ellngallu tuqukaq avaqutigpenani. Pingayiitangan tuguluku aghnaq, tuqukaq avaqutigpenani. 22Qamaglluteng tugaaqluku aghnaq tuqulaghaatkat avaqutigpenateng. Kingulighpigaaluni aghnaq tuqukaq. 23Qamaglluteng maaghraghvinlek anglegutkullghiit nulighqegkaqsaqangat. Aghneghmi tawani tuqukat unguvaghtuutellghitni, naliita aghnaq nulighqelleqagu?”
24Jesus‑em kiimsiqii, “Sumeghtaghallesi anaggutngaat qayughllak liigikigalkesi Akuzitet Igaqegkat, nallukegkesillu Kiyaghneghem aghtughyaghqaanghillgha. 25Tuqukat unguvaghtuuskumeng tuqulleghmeng, qilagmelngughestun yaqulgestun ayuqsaghqaagut, nengughutusaghqaanghitut. 26Atightiigastegguu Kiyaghneghem apellgha tuqukat unguvalleghqiitneng tuqulleghmeng? Moses‑em igaani apeghngaaq kumaghughngalghiimi uqfillegaghmi. Tawani Kiyaghneghem pikaqaa Moses, ‘Whanga Kiyaghneqaanga Abraham‑em, Kiyaghneqaanga Isaac‑em, Kiyaghneqaanga Jacob‑em.’ 27Taana whaten pisiiguq, Kiyaghneq, Kiyaghneqenghitaat tuqukat, Kiyaghneqaat unguvalghiit. Enkaam anaggutepigsimaasi!”
Angelleghpigaq Liilightuusaq
28Apeghtughikayuk Liilightuusaneng tagiluni nagatkii aaghtiiraaghullghiit. Nagalluku Jesus‑em kiimsighilaataqullgha Sadducees‑enun, aaptekaa, “Natungaawa Liilightuusaq megnunalleghpigaq?”
29Jesus‑em kiimsiqaa, “Megnunallegpigaq unanguuq: ‘Nagatek, Israel‑eghmiini! Ataneq Kiyaghneghput taananginaghhaaguq Ataneq. 30Ataneq Kiyaghneghen piniqsaghqaqan tamaghhaakun ilugpegun, tamaghhaakun unguvasighpegun, tamaghhaakun umyugaghpegun, qamagllukullu iknaqelleghpegun.’ 31Tuunglighha whatetuq: ‘Piniqsaghqaqaten yulguteten, piniqelleghpetun elpeneng katam.’ Alla Liilightuusiituq taakugetun megnunaghtutkalghiimeng.”
32Apeghtughikayugem Liilightuusaneng Jesus pikaa, “Apeghtughista, elqughaghtan! Ipanguuq taana pillghen, Ataneq taananginaghhaaguq Kiyaghneq, alla avangituq kiyaghneghmeng iwerngaqun ellnga. 33Enkaam yugem piniqsaghqaqaa Kiyaghneq tamaghhaakun ilumi, tamaghhaakun umyugagmi, tamaghhaakunllu iknaqelleghmi. Piniqsaghqaqiillu yulgutni katam ellmineng piniqelleghmitun. Taakuk Liilightuusak megnunaghataghaghtuk paneghlluku tunusaqegkaneng, nalighmeng aghqutkegkaneng.”
34Jesus‑em liigiksamigu yugem kiimsiitnga elqughutngalghii, pikaa, “Qantaghantuten Ataneghpagullghaneng Kiyaghneghem.” Taam kingunganeng kitum alngunak tetugyagutkaa aapqughaaneghmeng Jesus.
Aapqughaalleq Christ‑ameng
35Temple‑mi, Jesus‑em apeghtughitkelluku aaptekii, “Sangan apeghtughikayuget Liilightuusaneng piiqatgu Christ‑a David‑mun Ighneqniluku? 36Agleghnalghiim Taghnegham David whaten pistekaqaa,
‘Atanghem pii Atanqa:
Aqumi whagun aghenqignemkun kenlanga anguyagten itegaghpek asinganun lliightellemnun.’
37“David‑em ellngan katam atiqaqaa, ‘Ataneghmeng’ enkaam naten Christ‑a Ighneqagu David‑em?” Yulghutet quyakusiqinaghluku nagatkaat Jesus.
Jesus‑em Kelengasaaghuskangi Apeghtughikayuget Liilightuusaneng
38Apeghtuutkelluki pikii, “Kelengalusi apeghtughikayugneng Liilightuusaneng. Aasuneghtuut atkuyaaghmeng akughtuqameng, igleghsuneghtuutlu akilpegaghvigni yugnun qungughfikesqelluteng. 39Aqumyuneghtuut aangwaaghughtekat aqumutiitgun, synagogue‑nillu neqenghaghqelghiinillu. 40Esghaghlaataqwaaqiit ugingighat mangteghiighaqluki. Taagken pinighniluteng pisqelluteng taakluku yughaghaqut. Tamaaken apalluqluku aghyuullengeghllagyaghqaagut!”
Ugingigham Tunusaa
41Temple‑mi, Jesus‑em aqumgatkelluku tungangakun manilghutam, esghapakii yulghutet kanaghtiighaatalghiit manimeggneng. Aklungilnguut yulghutet manilghutmeng kanaghquqat. 42Taagken aklumalghii ugingighaq iteghluni kanaghtekakek maalghuk maningiighhaak, qerngaagmek penny‑nguftuk. 43Jesus‑em maligsaaghteni tuqlughluki pikii, “Ipa ungipaatamsi, uum aklumalghiim ugingigham tuunegkakek qaayghutinguuk aklungilnguut tuunegkiitneng. 44Yuget kanaghtinguut aklungimeggneng, iwernga uum aghnam kanaghtaa qamaglluku maningiighhani, akluknguyaqanga ellminun kiyaghusighqaaluku.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018, Wycliffe Bible Translators, Inc. All rights reserved.