ROOMU SOKKA 13
13
GASHSHAANOTE HAJAJAMA
1Maganiweello gashshootu nookkihuranna gashshootu aana nooreno isi worino daafira, mannu baalu aleenni noo gashshaanora hajajama hasiissanno. 2Kunnira, gashshaanote haxawarrannohu baalu, Maganu yiinore qoxxisannoho yaate. Hatto ikkannohu, umisi aana hanqo abbi'ranno. 3Gashshaasine busha assitannore ikkinnina dancha assitannore diwaajjishshanno. Gashshaano waajjishshannohekki gede hasi'rattoni? Hattenne hasi'rittoro, dancha looso loosi! Insano galattannohe. 4Gashshaanchu atera dancha coye assate Maganu soqqamaanchooti; gashshaanchu bagado mulla diqodhinona busha assattoha ikkiro iso waajji. Isi, bunshe assitannore qorichishatenni Maganu soqqamaanchooti. 5Kunnira gashshaanote hajajama hasiissanno'ne. Hajajantinannihuno hanqo waajjatenni calla ikkikkinni, wodani'neno kulanno'ne daafiraati. 6Giwire uyitinannihuno, gashshaano kunni garinni jaatanaabbe Maganoho soqqantannore ikkitinohuraati. 7Baalunkura aate hasiisannore uuyye. Giwiru hasiisannohura giwire, qaraxo hasiisannohura qaraxo uuyye. Waajja hasiissanno'neha waajje; ayirrisa hasiissanno'neha ayirrisse.#Mat 22:21; Maq 12:17; Luq 20:25 lai.
MIMMITO'NE BAXXE
8Mimmiti'ne ledo baxama agurranna, ayirano asalu hee'roonke'ne. Manna baxannohu Seera wonshinoho yaate. 9Hajajo, «Foortooti, shitooti, moortooti, yortooti!» yitannotinna wole hajajo baala, «Manna umikki gede assite baxi!» yitanno hajajo giddo amadante no.#Ful 20:13,15,17; Mar 5:17-19,21; Lew 19:18 lai. 10Baxillu noosihu mannaho busha coye diassanno. Kunnira, baxillu Seeraho gawalote yaate.
BARRU GAMBA YIINO
11Xa goxanotenni ka'inanni yanna iillitinota affine konne coye asse. Alba amma'ninummo yannanni roore, xa gatonke barri mulira gamba yiino. 12Hashshu sa"araati; barru gamba yiino. Kunnira, tunsichu looso tunge hunne, xawaabbu bagado qodhino. 13Barri xawaabbi giddo hee'ranno manni gede labbino heeshsho hee'no. Sirbanna dimba, foorrenna baashaawa, moronshonna dhiibbe hoollo. 14Mooticha Yesuusi Kiristoosa uddidhe ikkinnina, maalu yorto wonshate heddinoonte.
Iliyochaguliwa sasa
ROOMU SOKKA 13: QulMax
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014
