SOQQAMAASINETE LOOSO 20
20
PHAAWULOOSI MEQEDOONIYANNA GIRIIKE HA'RI
1Cancu hawacci yiita, Phaawuloosi ammanaano gamba asse jawaachishshanno amaale amaalinsahu gedensaanni, insa keerunni yee Meqedooniya ha'ri. 2Giddoonni hige sa"anno gobba baalate ammanaano gamba asse lowo amaalenni jawaachishanni sae Giriike ha'ri. 3Hakkiicho sase agana hee'ri. Hakkunni gedensaanni yowolote ofolle Sooriyu gobba ha'rara hede hee'reenna, Ayihudootu isira gano gantinota afe, Meqedooniyu widoonni hige ha'rara kai. 4Beeriyunni Phirihuusi beetti Sophaxiroosi, Teselonqenni Arisxirokoosinna Sikonduusi, Derbenni Gayiyoosi, Issiyunni Ximootewoosi, Tikiqoosinna Xirofimoosi ledosi hadhu. 5Insa umo ikkite hadhe Xiroaadaho agartunke. 6Ninke kayinni Timu Ayyaana ayirrinsihu gedensaanni, Filiphisiyusinni yowolote ofolline ontikki barra insa noowa Xiroaada iilline, insa ledo lamala barra keeshshinummo.
PHAAWULOOSI XIROAADUNNI KAE HA'RI
7Lamalate umi barra sagale intammora gamba yinummo. Phaawuloosi soodo ha'ranno daafira, gamba yiino mannira qaale kulanni hashshu taaloote iilli. 8Ninkeno minu aana minnoonni mini giddo ofolline hee'noommo. Hakkiicho lowo caabbiyye no. 9Awuxekiisi yinannihu mittu beetti masikootete aana ofolle no. Phaawuloosi qaale kulanni keeshshinohura, goxichu amadeennasi sayikkihu minu aana minnoonni mini aaninni uwi. Mannu mare kayisanno woyite reyino. 10Phaawuloosino dirre beetto hanqafe, «Lubbotenni noona massinoonte» yii. 11Phaawuloosi galagale minu aana minnoonni minira fule, ammanaasinete ledo sagale iti. Hashsha mannu ledo hasaawanni gale soodo ha'ri. 12Mannu hakkonne gati beetto haa're minira masse, kunni coyinni lowo geeshsha jawaati.
PHAAWULOOSI XIROAADUNNI MILIIXI HA'RI
13Ninke Phaawuloosi geegiissinammora yine balanxe markaawetenni Asoosi yinanniwa ha'nummo. Hatto assinoommohu, Phaawuloosi Asoosi geeshsha lekkatenni ha'ra hasi'rino daafiranna hatto assinammora hajajinonkehuraati. 14Isi ledo Asoosi xaande, ledosi Milixiini ha'nummo. 15Layinki soodo hakkiinni ka'ne, markaawetenni Kiyosira albaanni noo darga marrummo. Aane noo barra Samoosi marre, soodo Milixiini iillinummo. 16Phaawuloosi Issiyaho yanna huna giwe, sae Efesooni ha'rara hasi'ri. Tenne hedinohu, Phenxeqosxete Ayyaana Yerusaalamete ayirrisara halcheeti.
PHAAWULOOSI EFESOONINNI HA'RARA KAE DHAAMINO DHAANSA
17Phaawuloosi Milixiini hee're manna soye Efesooni Beetekiristaane cimeeyye woshshi. 18Insano daggeenna, «Issiyunni dayummo barrinni kayise ki'ne ledo hiitto ikke hee'roommoro affinoonni. 19Ayihudootu gantinoe ganonni qarru iilliero nafa, lowo geeshsha umo'ya heeshshi asse hindiiddotenni Mootichaho soqqamoommo. 20Gudumaalehono mine mine'neno rosiisummo'ne yannara, hasiisanno'nere baala kuloommo'ne ikkinnina mittoreno digatisoommo. 21Ayihudeno dagano aagintaabbe Maganunniwa higgannonna Mooticha Yesuusa ammantanno gede farci'roommo. 22Xaano hakkiira iillummoro mayi daggannoero afummokkinni Qullaawu Ayyaanira hajajame Yerusaalame ha'ranni noommo. 23Katamma baalate usurunna qarru agare nooeta Qullaawu Ayyaani kulinoe. 24Ani kayinni Mootichu Yesuusi uyinoeha Maganu eltoha Dancha Duduwo kulate looso gudammo geeshsha lubbo'ya nafa dimarareemmo. #2Xim 4:7 lai.
25«Xaa geeshsha ki'ne mereero Maganu gashshootire kulanni keeshshoommo. Kunni ka'a kayinni ki'ne giddonni mittuno afannoekkita afoommo. 26Kunnira, ki'ne giddonni mittuno bairo, ani xa'mameemmokkita techo huwachisheemmo'ne. 27Togo yeemmohuno, Maganu hedinore mittoreno gatisummokkinni kuloommo'ne daafiraati. 28Qullaawu Ayyaani ki'ne hoshshate allaalaasine asse worino'nena, umi'neranna hoshshate seekkitine qorophe. Isi mundeesinni woxxinota Maganu Beetekiristaane allaalle. 29Ani ha'rummohu gedensaanni hoshsha marartannokki hiyyeeyye daggannota afoommo. 30Ki'ne giddonnino mitu mitu shokkashsho coye rosiissanni, lowo ammanaasine insawa qoltanno. 31Kunnira, sase diro wo'ma hashsha barra hindiiddi'ranni farci'rummo'neta qaagginanni umo'ne agadhe. 32Xaano ikkiro Maganohonna lossannohura, qoleno qullaawootu ledo iqqa aanno'nehura eltote qaalira eeggo oommo'ne. 33Ani mittuwiinnino womaashsha, culkanna imaana yore diegennoommo. 34Anga'yanni loosoommo uduunninni umo'yanna ledo'yare kaa'loommota ki'nenni affinoonni. 35Mootichu Yesuusi, ‹Adhannonkunni aannohu ba'raa'rinoho› yiinonte gede, angankenni loonse wolqa hoogginore kaa'la hasiissannonketa batinye doogonni kuloommo'ne» yii. 36Hakkunni gedensaanni, Phaawuloosi baalunku ledo guluphe Magano huucci'ri. 37Baalunku Phaawuloosi cu'midhe wi'litanni sunqitusi. 38Roorsite dadillitinohu, «Kunni ka'a diaffinannie» yiino daafiraati. Yowolo noo dargi geeshshano geegiissitusi.
Iliyochaguliwa sasa
SOQQAMAASINETE LOOSO 20: QulMax
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014
SOQQAMAASINETE LOOSO 20
20
PHAAWULOOSI MEQEDOONIYANNA GIRIIKE HA'RI
1Cancu hawacci yiita, Phaawuloosi ammanaano gamba asse jawaachishshanno amaale amaalinsahu gedensaanni, insa keerunni yee Meqedooniya ha'ri. 2Giddoonni hige sa"anno gobba baalate ammanaano gamba asse lowo amaalenni jawaachishanni sae Giriike ha'ri. 3Hakkiicho sase agana hee'ri. Hakkunni gedensaanni yowolote ofolle Sooriyu gobba ha'rara hede hee'reenna, Ayihudootu isira gano gantinota afe, Meqedooniyu widoonni hige ha'rara kai. 4Beeriyunni Phirihuusi beetti Sophaxiroosi, Teselonqenni Arisxirokoosinna Sikonduusi, Derbenni Gayiyoosi, Issiyunni Ximootewoosi, Tikiqoosinna Xirofimoosi ledosi hadhu. 5Insa umo ikkite hadhe Xiroaadaho agartunke. 6Ninke kayinni Timu Ayyaana ayirrinsihu gedensaanni, Filiphisiyusinni yowolote ofolline ontikki barra insa noowa Xiroaada iilline, insa ledo lamala barra keeshshinummo.
PHAAWULOOSI XIROAADUNNI KAE HA'RI
7Lamalate umi barra sagale intammora gamba yinummo. Phaawuloosi soodo ha'ranno daafira, gamba yiino mannira qaale kulanni hashshu taaloote iilli. 8Ninkeno minu aana minnoonni mini giddo ofolline hee'noommo. Hakkiicho lowo caabbiyye no. 9Awuxekiisi yinannihu mittu beetti masikootete aana ofolle no. Phaawuloosi qaale kulanni keeshshinohura, goxichu amadeennasi sayikkihu minu aana minnoonni mini aaninni uwi. Mannu mare kayisanno woyite reyino. 10Phaawuloosino dirre beetto hanqafe, «Lubbotenni noona massinoonte» yii. 11Phaawuloosi galagale minu aana minnoonni minira fule, ammanaasinete ledo sagale iti. Hashsha mannu ledo hasaawanni gale soodo ha'ri. 12Mannu hakkonne gati beetto haa're minira masse, kunni coyinni lowo geeshsha jawaati.
PHAAWULOOSI XIROAADUNNI MILIIXI HA'RI
13Ninke Phaawuloosi geegiissinammora yine balanxe markaawetenni Asoosi yinanniwa ha'nummo. Hatto assinoommohu, Phaawuloosi Asoosi geeshsha lekkatenni ha'ra hasi'rino daafiranna hatto assinammora hajajinonkehuraati. 14Isi ledo Asoosi xaande, ledosi Milixiini ha'nummo. 15Layinki soodo hakkiinni ka'ne, markaawetenni Kiyosira albaanni noo darga marrummo. Aane noo barra Samoosi marre, soodo Milixiini iillinummo. 16Phaawuloosi Issiyaho yanna huna giwe, sae Efesooni ha'rara hasi'ri. Tenne hedinohu, Phenxeqosxete Ayyaana Yerusaalamete ayirrisara halcheeti.
PHAAWULOOSI EFESOONINNI HA'RARA KAE DHAAMINO DHAANSA
17Phaawuloosi Milixiini hee're manna soye Efesooni Beetekiristaane cimeeyye woshshi. 18Insano daggeenna, «Issiyunni dayummo barrinni kayise ki'ne ledo hiitto ikke hee'roommoro affinoonni. 19Ayihudootu gantinoe ganonni qarru iilliero nafa, lowo geeshsha umo'ya heeshshi asse hindiiddotenni Mootichaho soqqamoommo. 20Gudumaalehono mine mine'neno rosiisummo'ne yannara, hasiisanno'nere baala kuloommo'ne ikkinnina mittoreno digatisoommo. 21Ayihudeno dagano aagintaabbe Maganunniwa higgannonna Mooticha Yesuusa ammantanno gede farci'roommo. 22Xaano hakkiira iillummoro mayi daggannoero afummokkinni Qullaawu Ayyaanira hajajame Yerusaalame ha'ranni noommo. 23Katamma baalate usurunna qarru agare nooeta Qullaawu Ayyaani kulinoe. 24Ani kayinni Mootichu Yesuusi uyinoeha Maganu eltoha Dancha Duduwo kulate looso gudammo geeshsha lubbo'ya nafa dimarareemmo. #2Xim 4:7 lai.
25«Xaa geeshsha ki'ne mereero Maganu gashshootire kulanni keeshshoommo. Kunni ka'a kayinni ki'ne giddonni mittuno afannoekkita afoommo. 26Kunnira, ki'ne giddonni mittuno bairo, ani xa'mameemmokkita techo huwachisheemmo'ne. 27Togo yeemmohuno, Maganu hedinore mittoreno gatisummokkinni kuloommo'ne daafiraati. 28Qullaawu Ayyaani ki'ne hoshshate allaalaasine asse worino'nena, umi'neranna hoshshate seekkitine qorophe. Isi mundeesinni woxxinota Maganu Beetekiristaane allaalle. 29Ani ha'rummohu gedensaanni hoshsha marartannokki hiyyeeyye daggannota afoommo. 30Ki'ne giddonnino mitu mitu shokkashsho coye rosiissanni, lowo ammanaasine insawa qoltanno. 31Kunnira, sase diro wo'ma hashsha barra hindiiddi'ranni farci'rummo'neta qaagginanni umo'ne agadhe. 32Xaano ikkiro Maganohonna lossannohura, qoleno qullaawootu ledo iqqa aanno'nehura eltote qaalira eeggo oommo'ne. 33Ani mittuwiinnino womaashsha, culkanna imaana yore diegennoommo. 34Anga'yanni loosoommo uduunninni umo'yanna ledo'yare kaa'loommota ki'nenni affinoonni. 35Mootichu Yesuusi, ‹Adhannonkunni aannohu ba'raa'rinoho› yiinonte gede, angankenni loonse wolqa hoogginore kaa'la hasiissannonketa batinye doogonni kuloommo'ne» yii. 36Hakkunni gedensaanni, Phaawuloosi baalunku ledo guluphe Magano huucci'ri. 37Baalunku Phaawuloosi cu'midhe wi'litanni sunqitusi. 38Roorsite dadillitinohu, «Kunni ka'a diaffinannie» yiino daafiraati. Yowolo noo dargi geeshshano geegiissitusi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014