SOQQAMAASINETE LOOSO 19
19
PHAAWULOOSI EFESOONI DAYI
1Aphiloosi Qorontoosi hee'reenna, Phaawuloosi aleenni hige Efesooni dayi. Hakkiicho boode ammanaasine afe, 2«Ammantini woyite Qullaawa Ayyaana adhitinoonni?» yee xa'minsa.
Insa qolte, «Qullaawu Ayyaani noontanniwe macciishshine diegenninoommo» yitu.
3Phaawuloosino, «Cuuantinihu mayinniitiyya?» yee xa'minsa.
Insano, «Yohaannisi cuuamannilla cuuammoommo» yitu.
4Phaawuloosi qole, «Yohaannisi cuuama aagintaawannite. Isi mannaho, ‹Ane gedensaanni daannoha Yesuusa ammanne!› yee kulino» yiinsa.#Mat 3:11; Maq 1:4,7-8; Luq 3:4; 16; Yoh 1:26-27 lai. 5Konne coye macciishshite Mootichu Yesuusi su'minni cuuantu. 6Phaawuloosi angasi insa aana worita, Qullaawu Ayyaani dirreenna wolu qaalinni coyidhu. Himanano himantu. 7Insa kiiro tonaa lamu manni geeshshaati.
8Phaawuloosi xaadu minira e"e, hakkiicho Maganu gashshootire sase agana ruxxi yiikkinni seekke kuli. 9Mitu mitu kayinni mokkookkite Mootichu doogo mannu albaanni mishshanni adha gibbeenna insawiinni agure ha'ri. Ammantinore insawiinni bade haa're ha're Xiraanoosi hari giddo barru baala rosiisinsa. 10Phaawuloosi konne coye lamu diri geeshsha assanni keeshshino. Hatte yannara Issiyaho heedhanno Ayihudootinna daga baala Mootichu qaale macciishshitu.
MAGANU PHAAWULOOSI WIDOONNI QOLE LEELLISHINO MAALALE
11Maganu Phaawuloosi widoonni qole dhaggeeffantanni maalale loosi. 12Kunnira Phaawuloosi bisi kinso uddanonna maaraabe haadhe dhiwantinori biso kisiissuro nafa mannu dhibbunni huranno; durriisuno fulanno. 13Durriisa fushshitanni doyitanno Ayihudooti, «Phaawuloosi kulannohunni Yesuusi su'minni hajanjoommohena fuli!» yitanni Mootichu Yesuusi su'minni durriisa fushshate wo'naaltu. 14Ayihudennihu qeesootu qari Asiqewati lamala oosono hatto assitanni no. 15Durriisu kayinni, «Yesuusa egennoommo; Phaawuloosino afoommo; ki'ne kayinni ayeooti?» yiinsa. 16Durriisu amadinohu mittu manchi insa kubbe amade wolqansara aleenni hige qeeleennansa, mundiitanni mininni mullootu fulte xooqqu. 17Efesooni heedhanno Ayihudootinna Giriikooti konne coye macciishshite lowo geeshsha waajjitu. Mootichu Yesuusi su'mino lowo geeshsha ayirri. 18Ammanaasinete giddonni lowo manni xawoho bunshensa kultanni ifaaxxitu. 19Lowo kiilaano kiilunnita maxaaffansa gamba assite mannu baalu albaanni giirtu. Hatte maxaaffa hirroonni woxi shallangeenna 50,000 kinchu birra ikkino. 20Kunni garinni Mootichu qaali hala'lanninna qeelanni ha'ri.
EFESOONI KALAQAMINO QARRA
21Kuni ikkihu gedensaanni Phaawuloosi Meqedooniyunna Akayu widoonni hige, Yerusaalame ha'rara wodanisinni murci're kae, «Hakka marummoro Roomano iilleemmo» yii. 22Kunnira, kaa'litannosire Ximootewoosinna Erasixoosi Meqedooniya soye, isi shiima barra Issiyaho keeshshi.
23Hatte yannara tenne doogo daafira Efesooni lowo qarri kalaqami. 24Mittichu Demexiroosi yinannihu birra daashshannohura Arxemiisi yinanni magani galmira birrunni misile seekke hiranni, ledosi loossannorira lowo woxe abbanno. 25Kunnira, ledosi loossannorenna woloota hattoore gamba asse, «Ayidde'ya! Affininte gede ninke jiro afi'noommohu, kunni loosinniiti. 26Kuni Phaawuloosi yinanni manchi, ‹Angatenni seekkinoonniri maganna di"ikkitino› yaanni Efesooni calla ikkikkinni, shiima gobba agurranna Issiyu gobba baala tuqise, lowo manna ammanchiishe hunanni noota affinoonni, macciishshitinoonni. 27Kunni garinni ninke looso calla ikkikkinni Issiyahonna gobba baalate egennaminohu Arxemiisi galmi mullare ikke gataraati; Arxemiisi ayirrinyino ba"araati» yii.
28Hakku mannino konne coye macciishshanni hee'renni giirame, «Efesooni Arxemiisi ayirradote» yaanni qeexaa'li. 29Kunni garinni katamaho lowo qarri kalaqami. Meqedooniyunnire lame Phaawuloosi jaalla Gayiyoosinna Arisxirokoosi amadde mannu gamba yaanno hari giddora massitu. 30Phaawuloosi gamba yee noo manniwa marara hasi'ri; ammanaasine kayinni marannota hooltusi. 31Issiyu gobbara gashshoote amaddinorinna mitu mitu jaallasi nafa Phaawuloosiwa manna sokke, «Mannu gamba yee noo hariwa madhitooti» yitusi. 32Gamba yiino manni addi addire coyi'ranni canci; rooru manni isinni mayira gamba yiinoronni diafino. 33Ayihudootu Alekisaanderi yinanni mancho xixxiibbe albira abbitu. Gamba yiino manni giddonni mitu mitu seekke coyi'ramannonsa gede amaaltu. Isino mannu macciishshanno gede angatenni malaatise hasaawate qixxaawi. 34Ikkollana Alekisaanderi Ayihudicha ikkinota affe, baalunku mitteenni, «Efesooni Arxemiisi ayirradote» yitanni lame saate geeshsha cancitu.
35Hakkunni gedensaanni katamunnihu qaru borreessaanchi manna sammi yaanno gede asse, «Efesooni manna, ayirrado Arxemiisi magano galmanna gordunni dirritunketa Arxemiisi misile agartinannita gobba baala egentino. 36Kuni coyi halaale ikkinota affinoonnina, muddantine mittoreno assitinoontena sammi yiiyye! 37Galma saantinokkirenna maganonke xontinokkire haadhine kawa abbitinoonni. 38Dimexiroosinna ledosi birra daashshitannori sao assino yitu manchi nooro, yoo yinannihu barru no; gashshaanono noona, marte hakkiicho coyi'ranto. 39Wolu hakkiinni saino coyi nooro, seeru songo affannona. 40Hakkunni ka'a kayinni, ‹Canco kayissino› yineenna xa'mammeemmo. ‹Kuni canci mayira kaino› yine xa'mineenna haa'ne qolleemmori dino» yii. 41Hatto yee, songino manna ha'ranno gede assi.
Iliyochaguliwa sasa
SOQQAMAASINETE LOOSO 19: QulMax
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014
SOQQAMAASINETE LOOSO 19
19
PHAAWULOOSI EFESOONI DAYI
1Aphiloosi Qorontoosi hee'reenna, Phaawuloosi aleenni hige Efesooni dayi. Hakkiicho boode ammanaasine afe, 2«Ammantini woyite Qullaawa Ayyaana adhitinoonni?» yee xa'minsa.
Insa qolte, «Qullaawu Ayyaani noontanniwe macciishshine diegenninoommo» yitu.
3Phaawuloosino, «Cuuantinihu mayinniitiyya?» yee xa'minsa.
Insano, «Yohaannisi cuuamannilla cuuammoommo» yitu.
4Phaawuloosi qole, «Yohaannisi cuuama aagintaawannite. Isi mannaho, ‹Ane gedensaanni daannoha Yesuusa ammanne!› yee kulino» yiinsa.#Mat 3:11; Maq 1:4,7-8; Luq 3:4; 16; Yoh 1:26-27 lai. 5Konne coye macciishshite Mootichu Yesuusi su'minni cuuantu. 6Phaawuloosi angasi insa aana worita, Qullaawu Ayyaani dirreenna wolu qaalinni coyidhu. Himanano himantu. 7Insa kiiro tonaa lamu manni geeshshaati.
8Phaawuloosi xaadu minira e"e, hakkiicho Maganu gashshootire sase agana ruxxi yiikkinni seekke kuli. 9Mitu mitu kayinni mokkookkite Mootichu doogo mannu albaanni mishshanni adha gibbeenna insawiinni agure ha'ri. Ammantinore insawiinni bade haa're ha're Xiraanoosi hari giddo barru baala rosiisinsa. 10Phaawuloosi konne coye lamu diri geeshsha assanni keeshshino. Hatte yannara Issiyaho heedhanno Ayihudootinna daga baala Mootichu qaale macciishshitu.
MAGANU PHAAWULOOSI WIDOONNI QOLE LEELLISHINO MAALALE
11Maganu Phaawuloosi widoonni qole dhaggeeffantanni maalale loosi. 12Kunnira Phaawuloosi bisi kinso uddanonna maaraabe haadhe dhiwantinori biso kisiissuro nafa mannu dhibbunni huranno; durriisuno fulanno. 13Durriisa fushshitanni doyitanno Ayihudooti, «Phaawuloosi kulannohunni Yesuusi su'minni hajanjoommohena fuli!» yitanni Mootichu Yesuusi su'minni durriisa fushshate wo'naaltu. 14Ayihudennihu qeesootu qari Asiqewati lamala oosono hatto assitanni no. 15Durriisu kayinni, «Yesuusa egennoommo; Phaawuloosino afoommo; ki'ne kayinni ayeooti?» yiinsa. 16Durriisu amadinohu mittu manchi insa kubbe amade wolqansara aleenni hige qeeleennansa, mundiitanni mininni mullootu fulte xooqqu. 17Efesooni heedhanno Ayihudootinna Giriikooti konne coye macciishshite lowo geeshsha waajjitu. Mootichu Yesuusi su'mino lowo geeshsha ayirri. 18Ammanaasinete giddonni lowo manni xawoho bunshensa kultanni ifaaxxitu. 19Lowo kiilaano kiilunnita maxaaffansa gamba assite mannu baalu albaanni giirtu. Hatte maxaaffa hirroonni woxi shallangeenna 50,000 kinchu birra ikkino. 20Kunni garinni Mootichu qaali hala'lanninna qeelanni ha'ri.
EFESOONI KALAQAMINO QARRA
21Kuni ikkihu gedensaanni Phaawuloosi Meqedooniyunna Akayu widoonni hige, Yerusaalame ha'rara wodanisinni murci're kae, «Hakka marummoro Roomano iilleemmo» yii. 22Kunnira, kaa'litannosire Ximootewoosinna Erasixoosi Meqedooniya soye, isi shiima barra Issiyaho keeshshi.
23Hatte yannara tenne doogo daafira Efesooni lowo qarri kalaqami. 24Mittichu Demexiroosi yinannihu birra daashshannohura Arxemiisi yinanni magani galmira birrunni misile seekke hiranni, ledosi loossannorira lowo woxe abbanno. 25Kunnira, ledosi loossannorenna woloota hattoore gamba asse, «Ayidde'ya! Affininte gede ninke jiro afi'noommohu, kunni loosinniiti. 26Kuni Phaawuloosi yinanni manchi, ‹Angatenni seekkinoonniri maganna di"ikkitino› yaanni Efesooni calla ikkikkinni, shiima gobba agurranna Issiyu gobba baala tuqise, lowo manna ammanchiishe hunanni noota affinoonni, macciishshitinoonni. 27Kunni garinni ninke looso calla ikkikkinni Issiyahonna gobba baalate egennaminohu Arxemiisi galmi mullare ikke gataraati; Arxemiisi ayirrinyino ba"araati» yii.
28Hakku mannino konne coye macciishshanni hee'renni giirame, «Efesooni Arxemiisi ayirradote» yaanni qeexaa'li. 29Kunni garinni katamaho lowo qarri kalaqami. Meqedooniyunnire lame Phaawuloosi jaalla Gayiyoosinna Arisxirokoosi amadde mannu gamba yaanno hari giddora massitu. 30Phaawuloosi gamba yee noo manniwa marara hasi'ri; ammanaasine kayinni marannota hooltusi. 31Issiyu gobbara gashshoote amaddinorinna mitu mitu jaallasi nafa Phaawuloosiwa manna sokke, «Mannu gamba yee noo hariwa madhitooti» yitusi. 32Gamba yiino manni addi addire coyi'ranni canci; rooru manni isinni mayira gamba yiinoronni diafino. 33Ayihudootu Alekisaanderi yinanni mancho xixxiibbe albira abbitu. Gamba yiino manni giddonni mitu mitu seekke coyi'ramannonsa gede amaaltu. Isino mannu macciishshanno gede angatenni malaatise hasaawate qixxaawi. 34Ikkollana Alekisaanderi Ayihudicha ikkinota affe, baalunku mitteenni, «Efesooni Arxemiisi ayirradote» yitanni lame saate geeshsha cancitu.
35Hakkunni gedensaanni katamunnihu qaru borreessaanchi manna sammi yaanno gede asse, «Efesooni manna, ayirrado Arxemiisi magano galmanna gordunni dirritunketa Arxemiisi misile agartinannita gobba baala egentino. 36Kuni coyi halaale ikkinota affinoonnina, muddantine mittoreno assitinoontena sammi yiiyye! 37Galma saantinokkirenna maganonke xontinokkire haadhine kawa abbitinoonni. 38Dimexiroosinna ledosi birra daashshitannori sao assino yitu manchi nooro, yoo yinannihu barru no; gashshaanono noona, marte hakkiicho coyi'ranto. 39Wolu hakkiinni saino coyi nooro, seeru songo affannona. 40Hakkunni ka'a kayinni, ‹Canco kayissino› yineenna xa'mammeemmo. ‹Kuni canci mayira kaino› yine xa'mineenna haa'ne qolleemmori dino» yii. 41Hatto yee, songino manna ha'ranno gede assi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014