UMI QORONTOOSI BITIMA
BITIMA
Phaawuloosi Qorontoosi mannira borreessinohu kuni umi maxaafi, hakko noo beetekiristaane giddo kiristaanimmate heeshshonna ammanate aana kaino qarra tirate hede borreessinoho. Hatte yannara Qorontoosi gobba baalate egennamino katama ikkasinni sae, Akaya yinannihura Roomu gashshootirano Dannawu Katamaati. Kuni katami jawa daddalu jaatanenni, sigiigu budinni, lowo geeshsha hala'litanni noo afimallenninna amma'note batinyinni egennaminoho.
Soqqamaasinchu wo'munkurinni roore beetekiristaanete giddo noo babbadooshshi, amanyootiweello heeshsho, foorretenna adhamate, beetekiristaanete seeri, Qullaawu Ayyaani afanshinna reyotenna ka"ate daafira illachishino. Dancha Duduwono tenne xa'muwa siqqi're seekke kulanno.
Baxillu Maganu mannisira uyino afansha baala roorinoha ikkinota xawissannoti tonaa sayikki fooliishsho lowo geeshsha egennantinote yine hendanni.
Maxaafu Amado:
Eote hedo 1:1-9
Kiristaanu mereero kalaqamino babbadooshshe 1:10—4:21
Kiristaananna kiristaanu amma'no adhitinokkire 5:1—7:40
Kiristaananna daga 8:1—11:1
Beetekiristaanete heeshshonna magansi'rate woga 11:2—14:40
Kiristoosinna ammanaasinete kao 15:1-58
Yihudaho noo kiristaanira malloonni kaa'lo 16:1-4
Gumulsha 16:5-24
Iliyochaguliwa sasa
UMI QORONTOOSI BITIMA: QulMax
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014