UMI QORONTOOSI 5
5
AMMANAANOTE MEREERO ANFOONNIHA SAALFACHISHANNO COYE
1Ki'ne mereero foorre noota hasaamboonni. Hattoo foorre dagate giddo nafa dinoote; ani, «Annu galte adhino manchi no» yinanna macciishshoommo. 2Ki'ne naaxxitinoonni; woleteemmero dadilla hasiissanno'ne. Togoo coye assinoha giddo'nenni fushshitine mayira dihuntinanni? 3Ani ki'newiinni fafe hee'rummoro nafa, ayyaanunni ledo'ne noommo. Kunnira, ledo'ne noommohu gede ikke, togoo batte loosino manchi aana Mootichu Yesuusi su'minni xa yoo yoommo. 4Ki'ne gamba yitinanni woyite, anino ayyaanunni ledo'ne hee'reemmo daafira, Mootichinke Yesuusi su'minninna giddo'ne nootenni Mootichu Yesuusi wolqanni, 5hakko manchihu maalisi baeenna, lubbosi Mootichu barra gattanno gede, iso Sheexaaneho sayissine uuyye.
6Naaxxa'ne dancha di"ikkitino. Shiimu gamaanchi lowo abbicho hoqisannota diaffinoonni? 7Xa gamaanchu nookkita haaro uddee ikkitinanni gede, akkala gamaancho hunne. Mayira yitiniro, Agure Sa"ate Ayyaanihu Ge'rechinke Kiristoosi gorraminonke. 8Kunni daafira, cubbunnihanna bunshenniha ikkikkinni, halaalunnihanna taashshanniha, haaro shiishinokki timiha Ayyaananke ayirrinso.
9Kunni albaanni, «Foortannori ledo sumuu yitinoonte» yee borreesse sokka soommo'ne. 10Hatto yaa'ya, «Foortannori woy hafuuraammu woy mooraanote woy kaphu maganna magansidhannori ledo» yaa di"ikkino. Hatto yeemmoha ikkiro, tenne gobbanni horonta baxxitine fula hasiissanno'ne yaate. 11Ani, « ‹Ammanoommo› yaanni hee're, foorannohu woy hafuurannohu woy kaphu maganna magansi'rannohu woy mannu su'ma hunannohu woy dimbannohu woy mulqi'rannohu ledo sumuu yitinoonte» yoommo'ne. Hattoo manni ledo sagale nafa mitteenni ittinoonte.
12Gobbaanni noori aana yoo yaate doogo nooeni? Giddo'ne noori aana ki'ne yoo yaa didandiitinanni? 13Gobbaanni noori aana yoo yaannohu Maganoho. Kunnira, Qullaawa borro yitannonte gede, busha mereeri'nenni hunne.#5:13 busha mereeri'nenni hunne yaannohura Maq 17:7 lai.
Iliyochaguliwa sasa
UMI QORONTOOSI 5: QulMax
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014