Roome 16
16
Digoy Etoŋk
1Ɗɛya kɛnɔ ɗegerari agut manya eteŋka sinɛ peetik Pebee sinɛ ijaagen gode Sambatɛyoŋk Kinkiriyaak. 2Tona kɔna kɛnɔ boŋiir sɛɛn Suumii oko sinɛ boŋiiɗɛ dooytaanakik ɛ arirgiɗɔ tɔkɔny sinɛ ɗɛyɛ iinakɛk, agut sinɔ kɔnyɛkan joop sigɔ ɓɔɔkaaŋɔŋk a ɓɔrɛ eet agut omoŋ.
3Digoyɛɛ nɔta Piriskila a Akiila sigɛ ijaagɗikii Yeese Keresee a eet agut omoŋɔŋk, 4sigɛkan gaɓɛr wɛɛŋa gɛŋk rakatɛya agut eetik. Moko pɔɔsiɗiika sɛɛg eet dakɛɗa, mayakana ɓɔrɛ pɔɔsɛr sɛɛg dooytaanak sigɔ moko joop Ayuudukuŋ.
5Digoyɛɛ nɔta dooytaanak sigɛ atu nyaki nɛŋkik.
Digoyɛɛ nɔta Epanetoos sinɛ poraak sinɛkan ŋaadiɗi Keresee tuki nɛɛkɛ ɗook Isiyaak. 6Digoyɛɛ nɔta Maariyam sinɛ ijaagɗi jɛt agut iinakik. 7Digoyɛɛ nɔta tekaaneer gaaŋk sigɛ joop Ayuuduk Andironikoos a Yuuniyas sigɛkan korkoɗɛɛ sɛɛg a eet agut omoŋ. Nɛkan ɗegerɛɛ sɛɛg wosɛytaanakɛ kɔɔrk, ŋaadirkan sɛɛk Keresee eete ɔɗɔɔkɛ.
8Digoyɛɛ nɔta Ampilyatoos sinɛ pora Suumiik. 9Digoyɛɛ nɔta Urbanoos sinɛ tɔkɔnytan naŋk ijaag Kereseek. Digoyɛɛ nɔta Istakus sinɛ poraak. 10Digoyɛɛ nɔta Apeliis sinɛkan paarɛɛ agut sinɔ sɛɛn Kereseek nɔkan ɗegerɛɛk. Digoyɛɛ nɔta sigɛ sɛɛg joop wɛy Aristobuloosuk. 11Digoyɛɛ nɔta tekaan naak Herodiyoon sinɛ iɗit Ayuuduk. Digoyɛɛ nɔta joop wɛy Narsisɛsik sigɛ ŋaadiɗi Suumiik.
12Digoyɛɛ nɔta Tirupayna a Tiruposaa sigɛ ijaagɗi Suumiyaak. Digoyɛɛ nɔta Persis sinɛ porɛɛk sinɛ ijaagɗi Suumiya jɛtik. 13Digoyɛɛ nɔta Ruupoos sinɛkan daamɛɛk ijaag Suumiik, ɛ nɔta digoyɛɛ ɛmɛs eeta sinɛ ɛmɛs sɛɛnak. 14Digoyɛɛ nɔta Asinkiritos, a Pilegon, a Hermees, a Patirobas, a Hermas, a manyaakak eeta sigɛ ŋaadtaanak atu a sɛɛg agut omoŋɔŋk baŋɛ. 15Digoyɛɛ nɔta Pilologoos, a Yuliyaa, a Neriya, a manya sinɛ peetik, ɛ nɔta digoyɛɛ Olompas, a dooytaanak sigɛ sɛɛg a sɛɛn agut omoŋɔŋk baŋɛ. 16In digogoyikɛɛ a samɓoɓoyikɛɛ masiikikent. Digoyɛɛtarnɔ kɔnu dooytaanak baŋɛ.
Rɔɔriyɔn Sinɛ Pedtank
17Iinak manyaakak eeta sigɛ dooytaanakik, in koorɛɛ ɛɛk joope sigɔɔgɛ ɓooyur rɔɔriyɔn sinɛkan boŋiirik ɛ kone boŋurku pakakat kɔɔruk ɛ kɔna ɗɔkarki rakatɛk, in yowɛɛɗirɛɛ sɛɛge. 18Joop sigi nomɛrɗi ɗɛyan nɛŋk sinɔ ŋɛɛwɛnŋɔŋk, ma moko ijaagɗigeeɗ Suumi naŋk Yeese Keresee, ɛ raamɛr joop sigɔ kɛɛ sɛɛge ɗegerɔnk waasiyɛɛkɛ sigɔɔgɛ yaagarŋɔŋk a sigɔɔgɛ ŋaɗɛɛɗoŋk a ito pɛɛni sinɔ mentanŋɔŋk.
19Yaataaŋ agut sinɔ ɗegerarɗi joop baŋɛ kɛ tiiɗikari Pɛɛniya sinɔɔna Ɓɛlkɛɛstankŋɔŋk, yakana ɗɛya kɛnɔ in ɓɛɛlɛɛ a ɗegerɛɛ ɛɛk anta sinɔɔna mentanŋɔŋk, mayakana in rikitikɛɛ ɛɛk ant sinɔɔnɛ ŋɛɛwɛnŋɔŋk. 20Nɛ Waakoyo bɔdɛɛɗoŋk jaamkɔɔ kɔna setan a gorgorŋ derakɛ goŋk goyse ɗeek. In wookan Suumi naŋk Yeese Kereseek a iinak agut omoŋ.
21Digoyɛɛtarnɔ kɔnu Timotiyoos sinɛ ijaagɗikii a eet agut omoŋɔŋk, a tekaaneer gaaŋk Lukiyoos a Iyasoon a Sosipatiros.
22Digoyɛɛra kɔnu Suumii, eet Tɛrtiyoos sinɛ taapɛɛra wosɛ sinik.
23Digoyɛɛr nɔkɔnu Gaayiyoos sinɛkɔtu wɔɔrɛk a dooytaanak baŋɛk, digoyɛɛtarnɔ kɔnu Irastoos sinɛ gaagam wori sinɛ katamɛ nɛɛkik, a manya eteŋka Kowartos. [24In wookan Suumi naŋk Yeese Kereseek a iinak baŋɛ agut omoŋ. Ameen.]
Ɗanɗamɔn Pɔɔsiyɛɛkoŋk
25In dakɛr pɔɔsiyɛɛk Waakoyota sinaana oolɛ a kɔnu ari a ɓaŋkaawurari pɛɛniya sinaana ɓɛlkɛɛstank Yeese Kereseek sinaana waasaak, a dɛnɛɛɗa any sinɔ dugaaŋɔŋk sinaanaɓa yomɗi emeyikɛ sigɔɔgɛ ɓɔɔkaaŋɔŋk. 26Sisɔ eekeer sigiɓa dugiɗiik dɛnɛɛkɔ sɛɛg kɛ ɗɔm wargatɛyɛɛkɛ joop pɛrkaakoŋk, kɛnɔkoy ŋaadir joop baŋɛ ɛ tiɗii Waakoyota sinaanakoy nɔkoy nɔkoyk.
27In dakɛr pɔɔsiyɛɛk mɛlɛɛɗa nɔkoy nɔkoyk Jooka sinaana laki ɗegerɔn sɛɛn mowank goy Yeese Kereseek. Ameen.
Iliyochaguliwa sasa
Roome 16: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Roome 16
16
Digoy Etoŋk
1Ɗɛya kɛnɔ ɗegerari agut manya eteŋka sinɛ peetik Pebee sinɛ ijaagen gode Sambatɛyoŋk Kinkiriyaak. 2Tona kɔna kɛnɔ boŋiir sɛɛn Suumii oko sinɛ boŋiiɗɛ dooytaanakik ɛ arirgiɗɔ tɔkɔny sinɛ ɗɛyɛ iinakɛk, agut sinɔ kɔnyɛkan joop sigɔ ɓɔɔkaaŋɔŋk a ɓɔrɛ eet agut omoŋ.
3Digoyɛɛ nɔta Piriskila a Akiila sigɛ ijaagɗikii Yeese Keresee a eet agut omoŋɔŋk, 4sigɛkan gaɓɛr wɛɛŋa gɛŋk rakatɛya agut eetik. Moko pɔɔsiɗiika sɛɛg eet dakɛɗa, mayakana ɓɔrɛ pɔɔsɛr sɛɛg dooytaanak sigɔ moko joop Ayuudukuŋ.
5Digoyɛɛ nɔta dooytaanak sigɛ atu nyaki nɛŋkik.
Digoyɛɛ nɔta Epanetoos sinɛ poraak sinɛkan ŋaadiɗi Keresee tuki nɛɛkɛ ɗook Isiyaak. 6Digoyɛɛ nɔta Maariyam sinɛ ijaagɗi jɛt agut iinakik. 7Digoyɛɛ nɔta tekaaneer gaaŋk sigɛ joop Ayuuduk Andironikoos a Yuuniyas sigɛkan korkoɗɛɛ sɛɛg a eet agut omoŋ. Nɛkan ɗegerɛɛ sɛɛg wosɛytaanakɛ kɔɔrk, ŋaadirkan sɛɛk Keresee eete ɔɗɔɔkɛ.
8Digoyɛɛ nɔta Ampilyatoos sinɛ pora Suumiik. 9Digoyɛɛ nɔta Urbanoos sinɛ tɔkɔnytan naŋk ijaag Kereseek. Digoyɛɛ nɔta Istakus sinɛ poraak. 10Digoyɛɛ nɔta Apeliis sinɛkan paarɛɛ agut sinɔ sɛɛn Kereseek nɔkan ɗegerɛɛk. Digoyɛɛ nɔta sigɛ sɛɛg joop wɛy Aristobuloosuk. 11Digoyɛɛ nɔta tekaan naak Herodiyoon sinɛ iɗit Ayuuduk. Digoyɛɛ nɔta joop wɛy Narsisɛsik sigɛ ŋaadiɗi Suumiik.
12Digoyɛɛ nɔta Tirupayna a Tiruposaa sigɛ ijaagɗi Suumiyaak. Digoyɛɛ nɔta Persis sinɛ porɛɛk sinɛ ijaagɗi Suumiya jɛtik. 13Digoyɛɛ nɔta Ruupoos sinɛkan daamɛɛk ijaag Suumiik, ɛ nɔta digoyɛɛ ɛmɛs eeta sinɛ ɛmɛs sɛɛnak. 14Digoyɛɛ nɔta Asinkiritos, a Pilegon, a Hermees, a Patirobas, a Hermas, a manyaakak eeta sigɛ ŋaadtaanak atu a sɛɛg agut omoŋɔŋk baŋɛ. 15Digoyɛɛ nɔta Pilologoos, a Yuliyaa, a Neriya, a manya sinɛ peetik, ɛ nɔta digoyɛɛ Olompas, a dooytaanak sigɛ sɛɛg a sɛɛn agut omoŋɔŋk baŋɛ. 16In digogoyikɛɛ a samɓoɓoyikɛɛ masiikikent. Digoyɛɛtarnɔ kɔnu dooytaanak baŋɛ.
Rɔɔriyɔn Sinɛ Pedtank
17Iinak manyaakak eeta sigɛ dooytaanakik, in koorɛɛ ɛɛk joope sigɔɔgɛ ɓooyur rɔɔriyɔn sinɛkan boŋiirik ɛ kone boŋurku pakakat kɔɔruk ɛ kɔna ɗɔkarki rakatɛk, in yowɛɛɗirɛɛ sɛɛge. 18Joop sigi nomɛrɗi ɗɛyan nɛŋk sinɔ ŋɛɛwɛnŋɔŋk, ma moko ijaagɗigeeɗ Suumi naŋk Yeese Keresee, ɛ raamɛr joop sigɔ kɛɛ sɛɛge ɗegerɔnk waasiyɛɛkɛ sigɔɔgɛ yaagarŋɔŋk a sigɔɔgɛ ŋaɗɛɛɗoŋk a ito pɛɛni sinɔ mentanŋɔŋk.
19Yaataaŋ agut sinɔ ɗegerarɗi joop baŋɛ kɛ tiiɗikari Pɛɛniya sinɔɔna Ɓɛlkɛɛstankŋɔŋk, yakana ɗɛya kɛnɔ in ɓɛɛlɛɛ a ɗegerɛɛ ɛɛk anta sinɔɔna mentanŋɔŋk, mayakana in rikitikɛɛ ɛɛk ant sinɔɔnɛ ŋɛɛwɛnŋɔŋk. 20Nɛ Waakoyo bɔdɛɛɗoŋk jaamkɔɔ kɔna setan a gorgorŋ derakɛ goŋk goyse ɗeek. In wookan Suumi naŋk Yeese Kereseek a iinak agut omoŋ.
21Digoyɛɛtarnɔ kɔnu Timotiyoos sinɛ ijaagɗikii a eet agut omoŋɔŋk, a tekaaneer gaaŋk Lukiyoos a Iyasoon a Sosipatiros.
22Digoyɛɛra kɔnu Suumii, eet Tɛrtiyoos sinɛ taapɛɛra wosɛ sinik.
23Digoyɛɛr nɔkɔnu Gaayiyoos sinɛkɔtu wɔɔrɛk a dooytaanak baŋɛk, digoyɛɛtarnɔ kɔnu Irastoos sinɛ gaagam wori sinɛ katamɛ nɛɛkik, a manya eteŋka Kowartos. [24In wookan Suumi naŋk Yeese Kereseek a iinak baŋɛ agut omoŋ. Ameen.]
Ɗanɗamɔn Pɔɔsiyɛɛkoŋk
25In dakɛr pɔɔsiyɛɛk Waakoyota sinaana oolɛ a kɔnu ari a ɓaŋkaawurari pɛɛniya sinaana ɓɛlkɛɛstank Yeese Kereseek sinaana waasaak, a dɛnɛɛɗa any sinɔ dugaaŋɔŋk sinaanaɓa yomɗi emeyikɛ sigɔɔgɛ ɓɔɔkaaŋɔŋk. 26Sisɔ eekeer sigiɓa dugiɗiik dɛnɛɛkɔ sɛɛg kɛ ɗɔm wargatɛyɛɛkɛ joop pɛrkaakoŋk, kɛnɔkoy ŋaadir joop baŋɛ ɛ tiɗii Waakoyota sinaanakoy nɔkoy nɔkoyk.
27In dakɛr pɔɔsiyɛɛk mɛlɛɛɗa nɔkoy nɔkoyk Jooka sinaana laki ɗegerɔn sɛɛn mowank goy Yeese Kereseek. Ameen.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia