Roome 15
15
In Arɛɛ Joop Ɔgɔ A Yaa Sɛɛgaaŋ
1Eteŋk sigɛ ɓaŋkawukii ŋaadiyɛɛkɛɛk ɗɛyɛ tina a ɓatakii bɔɔlaaka bɔɔlkaanakoŋkuŋ, ma moko arii a yaageeɗ ɛkan gaŋk dakɛɗa. 2Eteŋk a omoŋ omoŋ koy ijaagii any sinɔ ari iɗit om a ɓaŋkaawur ŋaadiyɛɛkɛ gɛɛnɛ ɛ kɔnyɛ sɛɛn ɛ ar sɛɛn a yaageeɗŋɔŋk.
3Agut sinɔ kiɓa aasi Kerese ariɗ ɛɛk nɛɛk a yaageeɗiŋ, yakanaɓa laŋki sinɛɓa taapɛɛ Wargatɛɛ Waakoyotoŋk kɛ, "Laŋkaakɔ nyɔɔna sigɛkanni nyɔɔnarɗik." 4Ola sigɛɓa taapɛɛ jeemɛ Wargatɛyɛɛkɛ Waakoyotoŋk tak baŋɛk taapɛɛɓa sɛɛg kɛnɔ tin rɔɔriyar, kɛnɔ koorii ŋaadiyɛ sigɛ kookoriik sigɛ tina mɛlɛrki ɓaŋkawurɔɔn a ɓaŋkawurɔɔn oolaanik.
5In kɔna gaɓɛ koɓi sinɔ omoŋɔŋk Waakoyot sinɛ gaɓɛ ɓaŋkawurɔn oolaanik a gaananitik oko sinɛ nomɛrɗɔ rɔmɛɛɗ Yeese Kereseek, 6kɛnɔ eemɛyari Waakoyo a Ɛpɛn Suumiya naŋk Yeese Kereseya a latukari ɓayɛ sinɔ omoŋɔŋk a ato sinɔ omoŋɔŋk.
7In boboŋɛɛ ɛkan goŋk, oko sinɛkan kɔnu boŋiiɗ Kerese eemɛyɔɔna Waakoyotoŋk, kɛnɔ dakɛ a eemɛyɔn Waakoyota. 8Agut sinɔ tona kɔna kɛ dakɛkan Kerese a ijaagen joopa Ayuuduk kɛnɔ yaaŋɛ sinɔ kɛ ŋaadɛɛ Waakoyoŋɔŋk, kɛnɔ ari kuumiyɛ Waakoyotoŋk a kurak ɔrɛyaka gɛŋk eekeerɛ, 9ɛɓɔrɛ kɛnɔ eemɛyar joop sigɔ moko Ayuuduk Waakoyo agut maariyeet nɛɛk, oko sinɛɓa taapɛɛɗɛ Wargatɛɛ Waakoyotoŋk kɛ,
"Agut sini pɔɔsani joope sigɔɔgɛ moko Ayuuduk kɔɔr,
iiliyaaka tiriyaaka goonaakiŋ."
10Ɛɓa tonɛɛ kɛkar kɛ,
"Iinak joop sigɛ moko Ayuuduk,
in kɔna yaa a joop gɛɛŋk agut omoŋ."
11Ɛɓa tonɛɛ kɛkar kɛ,
"Iinak sigɛ moko Ayuuduk baŋɛ, in pɔɔsɛɛ Suumi,
ɛ iinak joop ɗokanɛkoŋk baŋɛ, in iiliyaakɛ pɔɔsiyɛɛkɛ sɛɛna."
12Ɛɓa tonu Isaayas kɛ,
"Sinɛkoy kus komoy Iseyk,
tapaaɗaniikoy joope sigɔɔgɛ moko Ayuuduk raŋk,
latukoy joop sigɔ moko Ayuuduk ŋaadiyɛ sigɛ kookorɛɛk sɛɛne."
13In Waakoyo, sinɛ tuny ŋaadiyɛ sigɛ kookorɛɛk, enyɛr kɔnu yaakata bɔdɛɛɗoŋk agut sinɔ ŋaadiɗiiɗɔɔŋɔŋk, kɛnɔkɔɔ ŋaadiyɛ goŋk sigɛ kookorɛɛk kaar a ɓɔlɔɔrɛr ɓaŋkawukaat Wɛɛŋa sigɔ Geetitaanakik.
Paawuloos Sinɛ Ijaagen Joop Sigɔ Moko Ayuuduk
14Eet ɔɗɔwa naaka eekerkan, iinak manyaakak eeta sigɛ dooytaanakik, sinɛ enyaɗɔ mentankaat, a sinɛ latukuɗɔ ɗegerɔn ɛɛkoŋk sinɔ enyaaŋɔŋk ɛ gayɛrɗɔ sinɔɔna rɔɔriyɗ iɗit omaay iɗit omk ɛkanɛɛkɛ. 15Yakana taapɛɛra kɔna ola a omoŋ omoŋ diirikent jɛt gopɛ sinɔɔnɛ koɓurkuɗɔŋɔŋk, wookaan sinaanɛ kanta gaɓɛɛ Waakoyotek, 16kɛnɔ daka a ijaagen Yeese Keresee joopa sigɔɔga moko Ayuuduk tapaaɗiikent ŋaadiyɛɛkoŋk sinɔɔnɛ ijaagiɗa pɛɛni sinɔ ɓɛlkɛɛstank Waakoyotoŋk, kɛnɔ boŋɛɛ uduŋeet joop sigɔ moko Ayuuduk a yaaŋ, ɛ geetɛ sɛɛg Wɛɛŋakɛ sigɔɔgɛ Geetitaanakik. 17Agut sini laka goy Yeese Kereseek ɔɔtɛ sinɔ meriiɗa ɛɛkik ijaag naakɛ Waakoyotakiŋ. 18Mera ɛɛk agut sinɔkan ariɗ Kerese joop sigɔ moko Ayuuduk pɛɛnii naakɛ a ijaag naakɛ a tiɗii Waakoyotak. 19Ɛɓɔrɛ mera ɛɛk agut sinɔkan ariɗ joop sigɔ moko Ayuuduk a tiiɗi Waakoyota Wɛɛŋakɛ sigɔɔgɛ Geetitaanakik sɔɔriyɛɛkɛ sigɔɔgɛ boobɛrŋɔk a olaatɛ sigɔɔgɛ reemɗi ɓayɛɛk, ant sineene waasakan pɛɛni sinɔ ɓɛlkɛɛstank Kereseek a weeweriika sinɔɔnɛ Yorsaleemuk mɛlɛɛɗa Ilwaarikoona. 20Egekan ɗɛyan naakɛ ɓɛɛnyɔwɛ gɛɛŋk baŋɛ sinɔ laaganyɗa pɛɛni sinɔ ɓɛlkɛɛstank Kereseek soodi inɓa kiiɗɛ weentak, kɛnɔ moko kɛnyiika nyon sinɔɔnɛkan kɛnyiikunɗ iɗit omaayŋɔŋk. 21Oko sinɛɓa taapɛɛɗɛ Wargatɛɛ Waakoyotoŋk kɛ,
"Dɛnɛrkoy joop sigɛkan kɛɛ sɛɛga toniiɗ agut sɛɛnkiŋ,
ɛkoy koɓur joop sigɛkan kir weentak."
22Agut any sini kaaɓɛkanti agut ɓɔɔkaaŋ kɛnɔ kat kɔra son lak iinakik. 23Yakana sisɔ kiiɗɛɛ any sinɔ ijaaga seedik ɛ agut sinɔ ɗɛyɛɛɗa a emeyi ɓɔɔkaaŋ kɛnɔ gun kɔnu dɛnaak, 24nɛ koɓa kɛ kɛɛɗakɔɔ kɔnu dɛnɛɛra a gopan saakɔɔ kɛɛɗa Ispeenak, nɛ kɔɔta yaa baŋiya sooy lak iinakik a bala ɔɔtɛ nɛɛkɛŋ ɛ kɔɔtu kɔnyɛɛr ant sinaanata ɗɛyɛ ŋawiita naakaakik. 25Yakana sisɔ diila tɔkɔny Yorsaleema sinɔkɔɔ gaɓɛɛ ŋaadtaanakak. 26Agut sinɔ gaamurkan ŋaadtaanak Mɛkedooniyaak a Akayaak kɛ wosɛyɛrkɔɔ tɔkɔny sankaanaka sigaaga atu ŋaadtaanakɛ Yorsaleemuk kɔɔrk. 27Yaakan sɛɛga ɔɗɔwa nɛŋk kɛnɔ ijaagir any sini, nɛ ɗɛyɛ sɛɛga eekeerɛ a kɔnyɛr sankaanak sigɛŋ. Agut sinɔkan joop Ayuuduk kaastaanak geet wɛɛŋakoŋk a joop sigɔ moko Ayuuduk agut omoŋɔŋk, joop sigɔ moko Ayuuduk ɗɛyɛ a ijaagɗi joopa Ayuuduk geet woriyoŋk. 28Agut sini saakɔɔ ruumeeɗa sinik, ɛkɔɔ gaɓa sɛɛga tɔkɔny sinɛkan tolɛɛk, nɛkɔɔ kɛɛɗa ɗoya sinɔɔnɛ lak iinakik Ispeena. 29Saakɔɔ kɔrurkuɗa son lak iinakik, ɗegera kɛ mɛlɛɛrakɔɔ enyaakaat geet Kereseek.
30Iinak manyaakak eeta sigɛ dooytaanakik, kalɛya kɔnu Suumii naŋk Yeese Kereseek a mɛyin sinaanɛ gaɓɛr Wɛɛŋa sigɔ Geetitaanakik, in arɛɛ ɗɔŋkɔɔlɛ a eet agut omoŋ ɗanɗamɔɔn Waakoyotak. 31Ɗanɗamaakarita kɛnɔ kɔɔtu koorɛ joope sigɔɔgɛ kir ŋaadiɗiitik atu Yuudaakek, ɛ kɛnɔkɔɔ boŋɛɛ ijaag naak a yaaŋ joope Waakoyotoŋk Yorsaleeme. 32Ɔkɔn oko ɗɛyan Waakoyotoŋkuŋ, nɛkɔɔ mɛlɛɛra son lak iinakik yaakat, nɛ ɗɛya a kɔɔ kɛɛɗii imiinyii a iinak agut omoŋ. 33In Waakoyo sinɛ gaɓɛ bɔdɛɛk a iinak baŋɛ agut omoŋ. Ameen.
Iliyochaguliwa sasa
Roome 15: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Roome 15
15
In Arɛɛ Joop Ɔgɔ A Yaa Sɛɛgaaŋ
1Eteŋk sigɛ ɓaŋkawukii ŋaadiyɛɛkɛɛk ɗɛyɛ tina a ɓatakii bɔɔlaaka bɔɔlkaanakoŋkuŋ, ma moko arii a yaageeɗ ɛkan gaŋk dakɛɗa. 2Eteŋk a omoŋ omoŋ koy ijaagii any sinɔ ari iɗit om a ɓaŋkaawur ŋaadiyɛɛkɛ gɛɛnɛ ɛ kɔnyɛ sɛɛn ɛ ar sɛɛn a yaageeɗŋɔŋk.
3Agut sinɔ kiɓa aasi Kerese ariɗ ɛɛk nɛɛk a yaageeɗiŋ, yakanaɓa laŋki sinɛɓa taapɛɛ Wargatɛɛ Waakoyotoŋk kɛ, "Laŋkaakɔ nyɔɔna sigɛkanni nyɔɔnarɗik." 4Ola sigɛɓa taapɛɛ jeemɛ Wargatɛyɛɛkɛ Waakoyotoŋk tak baŋɛk taapɛɛɓa sɛɛg kɛnɔ tin rɔɔriyar, kɛnɔ koorii ŋaadiyɛ sigɛ kookoriik sigɛ tina mɛlɛrki ɓaŋkawurɔɔn a ɓaŋkawurɔɔn oolaanik.
5In kɔna gaɓɛ koɓi sinɔ omoŋɔŋk Waakoyot sinɛ gaɓɛ ɓaŋkawurɔn oolaanik a gaananitik oko sinɛ nomɛrɗɔ rɔmɛɛɗ Yeese Kereseek, 6kɛnɔ eemɛyari Waakoyo a Ɛpɛn Suumiya naŋk Yeese Kereseya a latukari ɓayɛ sinɔ omoŋɔŋk a ato sinɔ omoŋɔŋk.
7In boboŋɛɛ ɛkan goŋk, oko sinɛkan kɔnu boŋiiɗ Kerese eemɛyɔɔna Waakoyotoŋk, kɛnɔ dakɛ a eemɛyɔn Waakoyota. 8Agut sinɔ tona kɔna kɛ dakɛkan Kerese a ijaagen joopa Ayuuduk kɛnɔ yaaŋɛ sinɔ kɛ ŋaadɛɛ Waakoyoŋɔŋk, kɛnɔ ari kuumiyɛ Waakoyotoŋk a kurak ɔrɛyaka gɛŋk eekeerɛ, 9ɛɓɔrɛ kɛnɔ eemɛyar joop sigɔ moko Ayuuduk Waakoyo agut maariyeet nɛɛk, oko sinɛɓa taapɛɛɗɛ Wargatɛɛ Waakoyotoŋk kɛ,
"Agut sini pɔɔsani joope sigɔɔgɛ moko Ayuuduk kɔɔr,
iiliyaaka tiriyaaka goonaakiŋ."
10Ɛɓa tonɛɛ kɛkar kɛ,
"Iinak joop sigɛ moko Ayuuduk,
in kɔna yaa a joop gɛɛŋk agut omoŋ."
11Ɛɓa tonɛɛ kɛkar kɛ,
"Iinak sigɛ moko Ayuuduk baŋɛ, in pɔɔsɛɛ Suumi,
ɛ iinak joop ɗokanɛkoŋk baŋɛ, in iiliyaakɛ pɔɔsiyɛɛkɛ sɛɛna."
12Ɛɓa tonu Isaayas kɛ,
"Sinɛkoy kus komoy Iseyk,
tapaaɗaniikoy joope sigɔɔgɛ moko Ayuuduk raŋk,
latukoy joop sigɔ moko Ayuuduk ŋaadiyɛ sigɛ kookorɛɛk sɛɛne."
13In Waakoyo, sinɛ tuny ŋaadiyɛ sigɛ kookorɛɛk, enyɛr kɔnu yaakata bɔdɛɛɗoŋk agut sinɔ ŋaadiɗiiɗɔɔŋɔŋk, kɛnɔkɔɔ ŋaadiyɛ goŋk sigɛ kookorɛɛk kaar a ɓɔlɔɔrɛr ɓaŋkawukaat Wɛɛŋa sigɔ Geetitaanakik.
Paawuloos Sinɛ Ijaagen Joop Sigɔ Moko Ayuuduk
14Eet ɔɗɔwa naaka eekerkan, iinak manyaakak eeta sigɛ dooytaanakik, sinɛ enyaɗɔ mentankaat, a sinɛ latukuɗɔ ɗegerɔn ɛɛkoŋk sinɔ enyaaŋɔŋk ɛ gayɛrɗɔ sinɔɔna rɔɔriyɗ iɗit omaay iɗit omk ɛkanɛɛkɛ. 15Yakana taapɛɛra kɔna ola a omoŋ omoŋ diirikent jɛt gopɛ sinɔɔnɛ koɓurkuɗɔŋɔŋk, wookaan sinaanɛ kanta gaɓɛɛ Waakoyotek, 16kɛnɔ daka a ijaagen Yeese Keresee joopa sigɔɔga moko Ayuuduk tapaaɗiikent ŋaadiyɛɛkoŋk sinɔɔnɛ ijaagiɗa pɛɛni sinɔ ɓɛlkɛɛstank Waakoyotoŋk, kɛnɔ boŋɛɛ uduŋeet joop sigɔ moko Ayuuduk a yaaŋ, ɛ geetɛ sɛɛg Wɛɛŋakɛ sigɔɔgɛ Geetitaanakik. 17Agut sini laka goy Yeese Kereseek ɔɔtɛ sinɔ meriiɗa ɛɛkik ijaag naakɛ Waakoyotakiŋ. 18Mera ɛɛk agut sinɔkan ariɗ Kerese joop sigɔ moko Ayuuduk pɛɛnii naakɛ a ijaag naakɛ a tiɗii Waakoyotak. 19Ɛɓɔrɛ mera ɛɛk agut sinɔkan ariɗ joop sigɔ moko Ayuuduk a tiiɗi Waakoyota Wɛɛŋakɛ sigɔɔgɛ Geetitaanakik sɔɔriyɛɛkɛ sigɔɔgɛ boobɛrŋɔk a olaatɛ sigɔɔgɛ reemɗi ɓayɛɛk, ant sineene waasakan pɛɛni sinɔ ɓɛlkɛɛstank Kereseek a weeweriika sinɔɔnɛ Yorsaleemuk mɛlɛɛɗa Ilwaarikoona. 20Egekan ɗɛyan naakɛ ɓɛɛnyɔwɛ gɛɛŋk baŋɛ sinɔ laaganyɗa pɛɛni sinɔ ɓɛlkɛɛstank Kereseek soodi inɓa kiiɗɛ weentak, kɛnɔ moko kɛnyiika nyon sinɔɔnɛkan kɛnyiikunɗ iɗit omaayŋɔŋk. 21Oko sinɛɓa taapɛɛɗɛ Wargatɛɛ Waakoyotoŋk kɛ,
"Dɛnɛrkoy joop sigɛkan kɛɛ sɛɛga toniiɗ agut sɛɛnkiŋ,
ɛkoy koɓur joop sigɛkan kir weentak."
22Agut any sini kaaɓɛkanti agut ɓɔɔkaaŋ kɛnɔ kat kɔra son lak iinakik. 23Yakana sisɔ kiiɗɛɛ any sinɔ ijaaga seedik ɛ agut sinɔ ɗɛyɛɛɗa a emeyi ɓɔɔkaaŋ kɛnɔ gun kɔnu dɛnaak, 24nɛ koɓa kɛ kɛɛɗakɔɔ kɔnu dɛnɛɛra a gopan saakɔɔ kɛɛɗa Ispeenak, nɛ kɔɔta yaa baŋiya sooy lak iinakik a bala ɔɔtɛ nɛɛkɛŋ ɛ kɔɔtu kɔnyɛɛr ant sinaanata ɗɛyɛ ŋawiita naakaakik. 25Yakana sisɔ diila tɔkɔny Yorsaleema sinɔkɔɔ gaɓɛɛ ŋaadtaanakak. 26Agut sinɔ gaamurkan ŋaadtaanak Mɛkedooniyaak a Akayaak kɛ wosɛyɛrkɔɔ tɔkɔny sankaanaka sigaaga atu ŋaadtaanakɛ Yorsaleemuk kɔɔrk. 27Yaakan sɛɛga ɔɗɔwa nɛŋk kɛnɔ ijaagir any sini, nɛ ɗɛyɛ sɛɛga eekeerɛ a kɔnyɛr sankaanak sigɛŋ. Agut sinɔkan joop Ayuuduk kaastaanak geet wɛɛŋakoŋk a joop sigɔ moko Ayuuduk agut omoŋɔŋk, joop sigɔ moko Ayuuduk ɗɛyɛ a ijaagɗi joopa Ayuuduk geet woriyoŋk. 28Agut sini saakɔɔ ruumeeɗa sinik, ɛkɔɔ gaɓa sɛɛga tɔkɔny sinɛkan tolɛɛk, nɛkɔɔ kɛɛɗa ɗoya sinɔɔnɛ lak iinakik Ispeena. 29Saakɔɔ kɔrurkuɗa son lak iinakik, ɗegera kɛ mɛlɛɛrakɔɔ enyaakaat geet Kereseek.
30Iinak manyaakak eeta sigɛ dooytaanakik, kalɛya kɔnu Suumii naŋk Yeese Kereseek a mɛyin sinaanɛ gaɓɛr Wɛɛŋa sigɔ Geetitaanakik, in arɛɛ ɗɔŋkɔɔlɛ a eet agut omoŋ ɗanɗamɔɔn Waakoyotak. 31Ɗanɗamaakarita kɛnɔ kɔɔtu koorɛ joope sigɔɔgɛ kir ŋaadiɗiitik atu Yuudaakek, ɛ kɛnɔkɔɔ boŋɛɛ ijaag naak a yaaŋ joope Waakoyotoŋk Yorsaleeme. 32Ɔkɔn oko ɗɛyan Waakoyotoŋkuŋ, nɛkɔɔ mɛlɛɛra son lak iinakik yaakat, nɛ ɗɛya a kɔɔ kɛɛɗii imiinyii a iinak agut omoŋ. 33In Waakoyo sinɛ gaɓɛ bɔdɛɛk a iinak baŋɛ agut omoŋ. Ameen.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia