Ijaag Wosɛytaanakoŋk 9
9
Ŋaadi Saaol Keresee
(Ija. 22:6-16; 26:12-18)
1A inɓa Saaol epɛpɛr ɛɛk kɛnɔ ɓokor nomtaanak Suumiyoŋk, nɛɓa kɛɛ son lak ɔɗɔwen tapa ŋaadiyɛɛkoŋk. 2Nɛɓa kalɛyi ɔɗɔwen sinɛ tapa ŋaadiyɛɛkoŋk kɛnɔ taapɛɛ wargatɛ godeyika tolɛɛɗoŋk Ayuuduk sigɛ atu Dɛmaaskoweek kɛnɔ gagiɗɛ, kɛnɔ saa laŋkiɗ joop sigɔ nomɛr gopɛ Suumiyoŋk, moojak a peetak nɔ oolɛ a korkokor sɛɛg nɔ diile sɛɛg Yorsaleema.
3Nɛɓa kɛɛ nɛ saaɓa wooŋkuɗ Dɛmaaskowak, nɛɓa sisa tipeyɗiik pɛɗɛrka dari sɛɛne tookɛɛta. 4Nɛɓa ɗiiri ɗooka nɛ tiyɛ koŋgoy sinɔ tonu kɛ, "Saaol, Saaol, epapayinti agut jikon?"
5Nɛɓa Saaol tonu kɛ, "Suumi, naakɛ, iin wooɗ?"
Nɛɓa sɛŋk tongeeɗ kɛ, "Eet Yeesee sinɛti epapayink.
6Ŋaari raŋana sisɔ nɔ kɛɛɗin katamɛya, kɛɛɗɛ kɔɔna tonɛɛ sooy any sinɛna ɗɛyɛ a ijaaginŋɔŋk." 7Joop sigɛɓa sɛɛg a Saaol agut omoŋɔŋk tiyɛrɓa koŋgoy nɛɛk, ma kɛɛ iɗit sinɔ dɛnɛrk. Nɛɓa kir ɗegerɔɔn kɛ tonur ɛk nɛɓa ɛtɛr nɛ dakɛr kɛ many. 8Nɛɓa Saaol ŋaar raŋana saadiɓa ɗirgeɗik, nɛɓa ɓuuke taamɛ nɛ kɛɛ any sinɔ dɛnɛk. Nɛɓa joop gɛɛnɛ gaamur ari nɛɛk nɛ diiler Dɛmaaskowa. 9Nɛɓa beeɗ a ɗoŋ jiit a ki dɛnɗiit, ɛ ki ɗamiit, ɛ ki tuu maawu.
10Lakɛɓa nomtan om sinɔ riyɛ kɛ Haananiyaak Dɛmaaskowe. Nɛɓa Suumii yaaŋgeeɗ ɛɛk ɗooraan nɛ riy sɛɛn kɛ, "Haananiyaa!"
Nɛɓa argeeɗ kɛ, "Yoo, Suumi naakɛ."
11Nɛɓa Suumii tongeeɗ kɛ, "Mak gopana sinɔɔna riyɛ kɛ Ɓɛɛlɛ kɛ Sɛmk, nɔ kɛɛɗin warin iɗit Tɛrseesik sinɔ riyɛ kɛ Saaooluk woy Yuudaak. Ar sɛŋk ɗanɗaɗamɔɔn sisɔ. 12Nɛɓa sɛŋk dɛnɛ yaaŋiyɛɛkɛ iɗit sinɔ riyɛ kɛ Haananiyaak a guguunyur soon lak sɛɛnik, nɛ riiɓeeɗ ari nɛɛk raŋk kɛnɔ dɛnɗi taamɛ gɛɛnɛ kɛkar."
13Nɛɓa Haananiya tongeeɗ kɛ, "Suumi naakɛ, tiyaakɔ joope sigɔɔgɛ ɓɔɔkaaŋɔŋk kɛ iɗit sini ijaagkɔnɔ ŋaadtaanakɛ ola sigɔ ŋɛɛwɛŋɔŋk a ɓɔɔkaaŋ Yorsaleeme. 14Ma seedi boŋukɔ ɓaŋkawuka ɔɗɔweerɛ tapa ŋaadiyɛɛkoŋk kɛnɔ korkor joop sigɛ riyar tiriya gooŋkuk baŋɛ."
15Nɛɓa Suumii tonu Haananiyaa kɛ, "Mak son lak sɛɛnik, daamaakan sɛɛn kɛnɔ ijaagɗi eeta kɛnɔ yaaŋɛ tiriya gaaŋk joopa sigaaga moko Ayuuduk, a suumiyɛɛka, a joopa Israeelik. 16Yaaŋgiɗakɔɔ kɛ ɗɛygeeɗ a laŋk rakatɛ sinɔ ɛtɛ ɛkik agut sinɔ rɔɔriyɗi joop tiriyaakɛ gaanɛkik."
17Nɛɓa Haananiya kɛɛ nɛ guuguny godeya sinaana arkiɗ Saaolk, nɛ riiɓe ari nɛɛk sɛɛne raŋk nɛ tongeeɗ kɛ, "Iin manya eeta Saaool, Suumi Yeesee sinɛ kɔna yaaŋɛ ɛɛk gopɛ saakɔ kusuɗunk, wosɛykikɔtu son lak iinik kɛnɔ dɛnɗiikin kɛkar, ɛ kɛnɔ enyɛɛrikin Wɛɛŋa sigɔ Geetitaanakik." 18Nɛɓa sisa ɗiirarkiɗ taamɛkɛ ola sigɔ ito pakalakik, nɛ dɛnɗi kɛkar. Nɛ ŋaar raŋana nɛ aadɛɛŋ,#9:18 Ege sini aadi maawɛ Waakoyotoŋk. 19nɛɓa ɗami nɛ ɓaŋkaawurŋ.
Saaool Dɛmaaskowe
Nɛɓa Saaol beeɗir a nomtaanak sigɛ atu Dɛmaaskoweek agut omoŋ a ɗoŋ tekerŋ.
20Sisa tukeɓa Saaol rɔɔriyɔn Dɛmaaskowe godeyikɛ tolɛɗoŋk Ayuuduk kɛ, "Ege Yeese Tɔɔn Waakoyotoŋk."
21Joop sigɛɓa tiyɛrk baŋɛ reemɗiɓa ɓayɛtun gɛŋk nɛ tonur kɛ, "Iɗit sini moko kanto sɔɔkɛ joop sigɛ riyar tiriya Yeeseek Yorsaleeme? Mokokanto kus seena kɛnɔ korkokor sɛɛg kɛnɔ diile sɛɛg son lak ɔɗɔweer tapa ŋaadiyɛɛkoŋkuk?"
22Nɛɓa Saaol ɓaŋkaawur rɔɔriyɔɔn nɛɛkɛ a ɛnyɛnyɛ ɔɗɔɔka. Nɛɓa kɔnyɗiiɗ sinɔ kɛ ege Yeese Kereseek, aɓa ari joop Ayuuduk sigɛ beeɗir Dɛmaaskoweek a kɛɛ iɗit sinɔ jumurgeeɗ any omk. 23Ɗoŋikɛ sigɔɔgɛ ɓɔɔkaaŋɔŋk baŋiya, waasiɗiiɓa joop Ayuuduk kɛnɔ ɓokotur Saaool. 24Yakanaɓa sɛŋk ɗeger kɛ ɗɛyɛr sɛɛn ɓokotiita, koorɛrɓa gopak sigɛ mɛlɛɛɗɛ katamɛya nɛɛkaakik waawuy a kaay kɛnɔ ɓokotur Saaool. 25Agut sini kaalt omalte gaɓɛrɓa nomtaana gɛɛnɛ kantɛya nɛ soosowutar sɛɛn rektant nɛɛkɛ tool ɗooka.
Saaool Yorsaleeme
26Saaɓa kɛɛɗ Saaol Yorsaleemak, nɛɓa paari lotɛɛɗa ɛɛk a nomtaanak sigɛ atu saadik. Yakanaɓa ɓurer sɛɛg baŋɛ agut sinɔɓa kiiɗi sɛɛga gayit a sɛɛn ŋaadtan Keresek eekeerɛk. 27Yakanaɓa ɗɔku Barnabaas Saaool nɛ wideer son lak wosɛytaanakik nɛ tonu sɛɛga kɛ yaaŋgeeɗkan Suumii ɛɛk gopɛ Dɛmaaskook, ɛkan tonɗigeeɗ, ɛkan waasiɗi tiriyaakɛ Yeeseek Dɛmaaskowe a ki ɓuriit.
28Agut sini Saaool sɛɛnɓa a sɛɛg agut omoŋ. Nɛɓa weeweri Yorsaleeme nyonitaak baŋɛ nɛɓa waasiɗi tiriyaakɛ Yeeseek a ki ɓuriit. 29Tonɗiiɓa a palamɗi a joop Ayuuduk sigɛ tonur ato Giriikik, yakanaɓa sɛɛk gaamurgeeɗ ɔɔtɛ kɛnɔ ɓokotur. 30Saaɓa ɗegerarɗi ŋaadtaana sinik, nɛɓa diiler Keesaariyaaka nɛ kaar saadi arir a ŋaar Tɛrseesa.
31Ŋaadtaanak sigɛ atu ɗook Yuudaak, a Gɛlilaak, a Sɛmaariyaak baŋɛ laŋirɓa yaaka ɓɛɛlɛtoŋk, ɛɓa ɓaŋkaawurar, ɛɓa tutukiik ɓɔɔkaakat nɛŋk a eemɛyar Suumi ɛ laŋir gaananit Wɛɛŋakɛ sigɔɔgɛ Geetitaanakik.
Ar Petros Lidaake A Iyopee
32Saaɓa Petros ŋawiiteeɗ ɗooka nɛɛkaak, nɛɓa kɛɛ son lak ŋaadtaanak sigɛ atu katamɛɛ Lidaak. 33Nɛɓa saadi kɛɛ laŋki nyɔŋtan sinɔ riyɛ kɛ Eeniyaak sinɔkan ɗuɗuŋɗe bɛɛroy a emeyi tula jiitik. 34Nɛɓa Petros tongeeɗ kɛ, "Iin Eeniyaa, ebɔdɛkɔɔnu Yeese Kereseeŋ. Ŋaar raŋana nɔ epatin bɛɛroy nook." Nɛɓa sɛŋk ŋaar raŋana sisa. 35Joop sigɛ beeɗir katamɛɛ Lidaak a tetee sinɔɔnɛ riyɛ kɛ Saronaak baŋɛ dɛnɛrɓa Eeniya nɛɓa ŋaadir Suumi.
36Lakɛɓa katamɛɛ Iyopeek nomtan sinɔ riyɛ kɛ Taabitaak, maŋk ad Giriikik Dorkaak, wooran tiriya gɛɛŋkik sinɔ kɛ moogunk. Sɛɛn jarti sinɔɓa ijajag any sinɔ mentanŋɔŋk, ɛɓa gigij sankaanak ɓɛɛnyɔwɛ gɛɛŋk baŋɛk. 37Saaɓak goruɓa sɛŋk nɛ rɛrŋ, nɛɓa aadɛɛ buusɛ nɛɛk nɛ riiɓɛɛ rakaay pooke tak. 38Wɔɔŋkuɓa katamɛɛ Lidaak katamɛya Iyopeekiŋ, nɛɓa nomtaanak sigɛ atu Iyopeek tiyɛr kɛ ɓɛɛlɛ nɔ Petros Lidaakeeŋ. Nɛɓa wosɛyɛrgeeɗ joop a pɛɛy nɛ kaar tonurgeeɗ kɛ, "Waɗiŋ a gorgor a kat gaalaakin."
39Nɛɓa Petros ŋaar raŋana nɛ kurak a joop sigɛkɔ wosɛykɛɛk agut omoŋ. Saaɓa mɛlkiɗik, nɛɓa diiler pooka raŋana. Nɛɓa jartiyatɔ sigɛɓa rɛrar babuy gɛŋkik baŋɛ ɛtɛr sɛɛne tookɛɛta, a wuɗaaŋ, a yaaŋɛrgeeɗ abiyak sigɛɓa ijaag sɛɛg saakan ɓɛɛlɛɛɗ wɛɛŋakɛk. 40Nɛɓa Petros ɔɔyku sɛɛg walasa baŋɛ, nɛ ɛtɛ korontunɛ nɛ ɗanɗamaaŋ. Nɛ weerɛ taamɛ son lak buusɛ nɛɛkik nɛ tonu kɛ, "Taabita, ŋaar raŋana!" Nɛɓa sɛŋk ɓuuke taamɛ nɛ dɛnɛ Petros. Nɛ ŋaar raŋana nɛ beeɗiŋ. 41Nɛɓa sɛŋk ker ari nɛɛk nɛ gaamu nɛ ɓɔŋgɔɔrɛŋ. Nɛɓa riy jartiyatɔk sigɛɓa rɛrar babuy gɛŋkik, a ŋaadtaanak ɔgɔ nɛ wideer sɛɛga taamɛka a ɓɛɛlɛ bɔdɛɛɗ.
42Ɗegerɛɛɓa any sini Iyopee baŋɛ, joop a ɓɔɔkaaŋ ŋaadirɓa Suumi. 43Petros beeɗirɓa Iyopee a ɗoŋ ɓɔɔkaaŋ a iɗit sinɔ riyɛ kɛ Simionuk sinɔɓa wɛkɛkɛr tarmakik.
Iliyochaguliwa sasa
Ijaag Wosɛytaanakoŋk 9: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ijaag Wosɛytaanakoŋk 9
9
Ŋaadi Saaol Keresee
(Ija. 22:6-16; 26:12-18)
1A inɓa Saaol epɛpɛr ɛɛk kɛnɔ ɓokor nomtaanak Suumiyoŋk, nɛɓa kɛɛ son lak ɔɗɔwen tapa ŋaadiyɛɛkoŋk. 2Nɛɓa kalɛyi ɔɗɔwen sinɛ tapa ŋaadiyɛɛkoŋk kɛnɔ taapɛɛ wargatɛ godeyika tolɛɛɗoŋk Ayuuduk sigɛ atu Dɛmaaskoweek kɛnɔ gagiɗɛ, kɛnɔ saa laŋkiɗ joop sigɔ nomɛr gopɛ Suumiyoŋk, moojak a peetak nɔ oolɛ a korkokor sɛɛg nɔ diile sɛɛg Yorsaleema.
3Nɛɓa kɛɛ nɛ saaɓa wooŋkuɗ Dɛmaaskowak, nɛɓa sisa tipeyɗiik pɛɗɛrka dari sɛɛne tookɛɛta. 4Nɛɓa ɗiiri ɗooka nɛ tiyɛ koŋgoy sinɔ tonu kɛ, "Saaol, Saaol, epapayinti agut jikon?"
5Nɛɓa Saaol tonu kɛ, "Suumi, naakɛ, iin wooɗ?"
Nɛɓa sɛŋk tongeeɗ kɛ, "Eet Yeesee sinɛti epapayink.
6Ŋaari raŋana sisɔ nɔ kɛɛɗin katamɛya, kɛɛɗɛ kɔɔna tonɛɛ sooy any sinɛna ɗɛyɛ a ijaaginŋɔŋk." 7Joop sigɛɓa sɛɛg a Saaol agut omoŋɔŋk tiyɛrɓa koŋgoy nɛɛk, ma kɛɛ iɗit sinɔ dɛnɛrk. Nɛɓa kir ɗegerɔɔn kɛ tonur ɛk nɛɓa ɛtɛr nɛ dakɛr kɛ many. 8Nɛɓa Saaol ŋaar raŋana saadiɓa ɗirgeɗik, nɛɓa ɓuuke taamɛ nɛ kɛɛ any sinɔ dɛnɛk. Nɛɓa joop gɛɛnɛ gaamur ari nɛɛk nɛ diiler Dɛmaaskowa. 9Nɛɓa beeɗ a ɗoŋ jiit a ki dɛnɗiit, ɛ ki ɗamiit, ɛ ki tuu maawu.
10Lakɛɓa nomtan om sinɔ riyɛ kɛ Haananiyaak Dɛmaaskowe. Nɛɓa Suumii yaaŋgeeɗ ɛɛk ɗooraan nɛ riy sɛɛn kɛ, "Haananiyaa!"
Nɛɓa argeeɗ kɛ, "Yoo, Suumi naakɛ."
11Nɛɓa Suumii tongeeɗ kɛ, "Mak gopana sinɔɔna riyɛ kɛ Ɓɛɛlɛ kɛ Sɛmk, nɔ kɛɛɗin warin iɗit Tɛrseesik sinɔ riyɛ kɛ Saaooluk woy Yuudaak. Ar sɛŋk ɗanɗaɗamɔɔn sisɔ. 12Nɛɓa sɛŋk dɛnɛ yaaŋiyɛɛkɛ iɗit sinɔ riyɛ kɛ Haananiyaak a guguunyur soon lak sɛɛnik, nɛ riiɓeeɗ ari nɛɛk raŋk kɛnɔ dɛnɗi taamɛ gɛɛnɛ kɛkar."
13Nɛɓa Haananiya tongeeɗ kɛ, "Suumi naakɛ, tiyaakɔ joope sigɔɔgɛ ɓɔɔkaaŋɔŋk kɛ iɗit sini ijaagkɔnɔ ŋaadtaanakɛ ola sigɔ ŋɛɛwɛŋɔŋk a ɓɔɔkaaŋ Yorsaleeme. 14Ma seedi boŋukɔ ɓaŋkawuka ɔɗɔweerɛ tapa ŋaadiyɛɛkoŋk kɛnɔ korkor joop sigɛ riyar tiriya gooŋkuk baŋɛ."
15Nɛɓa Suumii tonu Haananiyaa kɛ, "Mak son lak sɛɛnik, daamaakan sɛɛn kɛnɔ ijaagɗi eeta kɛnɔ yaaŋɛ tiriya gaaŋk joopa sigaaga moko Ayuuduk, a suumiyɛɛka, a joopa Israeelik. 16Yaaŋgiɗakɔɔ kɛ ɗɛygeeɗ a laŋk rakatɛ sinɔ ɛtɛ ɛkik agut sinɔ rɔɔriyɗi joop tiriyaakɛ gaanɛkik."
17Nɛɓa Haananiya kɛɛ nɛ guuguny godeya sinaana arkiɗ Saaolk, nɛ riiɓe ari nɛɛk sɛɛne raŋk nɛ tongeeɗ kɛ, "Iin manya eeta Saaool, Suumi Yeesee sinɛ kɔna yaaŋɛ ɛɛk gopɛ saakɔ kusuɗunk, wosɛykikɔtu son lak iinik kɛnɔ dɛnɗiikin kɛkar, ɛ kɛnɔ enyɛɛrikin Wɛɛŋa sigɔ Geetitaanakik." 18Nɛɓa sisa ɗiirarkiɗ taamɛkɛ ola sigɔ ito pakalakik, nɛ dɛnɗi kɛkar. Nɛ ŋaar raŋana nɛ aadɛɛŋ,#9:18 Ege sini aadi maawɛ Waakoyotoŋk. 19nɛɓa ɗami nɛ ɓaŋkaawurŋ.
Saaool Dɛmaaskowe
Nɛɓa Saaol beeɗir a nomtaanak sigɛ atu Dɛmaaskoweek agut omoŋ a ɗoŋ tekerŋ.
20Sisa tukeɓa Saaol rɔɔriyɔn Dɛmaaskowe godeyikɛ tolɛɗoŋk Ayuuduk kɛ, "Ege Yeese Tɔɔn Waakoyotoŋk."
21Joop sigɛɓa tiyɛrk baŋɛ reemɗiɓa ɓayɛtun gɛŋk nɛ tonur kɛ, "Iɗit sini moko kanto sɔɔkɛ joop sigɛ riyar tiriya Yeeseek Yorsaleeme? Mokokanto kus seena kɛnɔ korkokor sɛɛg kɛnɔ diile sɛɛg son lak ɔɗɔweer tapa ŋaadiyɛɛkoŋkuk?"
22Nɛɓa Saaol ɓaŋkaawur rɔɔriyɔɔn nɛɛkɛ a ɛnyɛnyɛ ɔɗɔɔka. Nɛɓa kɔnyɗiiɗ sinɔ kɛ ege Yeese Kereseek, aɓa ari joop Ayuuduk sigɛ beeɗir Dɛmaaskoweek a kɛɛ iɗit sinɔ jumurgeeɗ any omk. 23Ɗoŋikɛ sigɔɔgɛ ɓɔɔkaaŋɔŋk baŋiya, waasiɗiiɓa joop Ayuuduk kɛnɔ ɓokotur Saaool. 24Yakanaɓa sɛŋk ɗeger kɛ ɗɛyɛr sɛɛn ɓokotiita, koorɛrɓa gopak sigɛ mɛlɛɛɗɛ katamɛya nɛɛkaakik waawuy a kaay kɛnɔ ɓokotur Saaool. 25Agut sini kaalt omalte gaɓɛrɓa nomtaana gɛɛnɛ kantɛya nɛ soosowutar sɛɛn rektant nɛɛkɛ tool ɗooka.
Saaool Yorsaleeme
26Saaɓa kɛɛɗ Saaol Yorsaleemak, nɛɓa paari lotɛɛɗa ɛɛk a nomtaanak sigɛ atu saadik. Yakanaɓa ɓurer sɛɛg baŋɛ agut sinɔɓa kiiɗi sɛɛga gayit a sɛɛn ŋaadtan Keresek eekeerɛk. 27Yakanaɓa ɗɔku Barnabaas Saaool nɛ wideer son lak wosɛytaanakik nɛ tonu sɛɛga kɛ yaaŋgeeɗkan Suumii ɛɛk gopɛ Dɛmaaskook, ɛkan tonɗigeeɗ, ɛkan waasiɗi tiriyaakɛ Yeeseek Dɛmaaskowe a ki ɓuriit.
28Agut sini Saaool sɛɛnɓa a sɛɛg agut omoŋ. Nɛɓa weeweri Yorsaleeme nyonitaak baŋɛ nɛɓa waasiɗi tiriyaakɛ Yeeseek a ki ɓuriit. 29Tonɗiiɓa a palamɗi a joop Ayuuduk sigɛ tonur ato Giriikik, yakanaɓa sɛɛk gaamurgeeɗ ɔɔtɛ kɛnɔ ɓokotur. 30Saaɓa ɗegerarɗi ŋaadtaana sinik, nɛɓa diiler Keesaariyaaka nɛ kaar saadi arir a ŋaar Tɛrseesa.
31Ŋaadtaanak sigɛ atu ɗook Yuudaak, a Gɛlilaak, a Sɛmaariyaak baŋɛ laŋirɓa yaaka ɓɛɛlɛtoŋk, ɛɓa ɓaŋkaawurar, ɛɓa tutukiik ɓɔɔkaakat nɛŋk a eemɛyar Suumi ɛ laŋir gaananit Wɛɛŋakɛ sigɔɔgɛ Geetitaanakik.
Ar Petros Lidaake A Iyopee
32Saaɓa Petros ŋawiiteeɗ ɗooka nɛɛkaak, nɛɓa kɛɛ son lak ŋaadtaanak sigɛ atu katamɛɛ Lidaak. 33Nɛɓa saadi kɛɛ laŋki nyɔŋtan sinɔ riyɛ kɛ Eeniyaak sinɔkan ɗuɗuŋɗe bɛɛroy a emeyi tula jiitik. 34Nɛɓa Petros tongeeɗ kɛ, "Iin Eeniyaa, ebɔdɛkɔɔnu Yeese Kereseeŋ. Ŋaar raŋana nɔ epatin bɛɛroy nook." Nɛɓa sɛŋk ŋaar raŋana sisa. 35Joop sigɛ beeɗir katamɛɛ Lidaak a tetee sinɔɔnɛ riyɛ kɛ Saronaak baŋɛ dɛnɛrɓa Eeniya nɛɓa ŋaadir Suumi.
36Lakɛɓa katamɛɛ Iyopeek nomtan sinɔ riyɛ kɛ Taabitaak, maŋk ad Giriikik Dorkaak, wooran tiriya gɛɛŋkik sinɔ kɛ moogunk. Sɛɛn jarti sinɔɓa ijajag any sinɔ mentanŋɔŋk, ɛɓa gigij sankaanak ɓɛɛnyɔwɛ gɛɛŋk baŋɛk. 37Saaɓak goruɓa sɛŋk nɛ rɛrŋ, nɛɓa aadɛɛ buusɛ nɛɛk nɛ riiɓɛɛ rakaay pooke tak. 38Wɔɔŋkuɓa katamɛɛ Lidaak katamɛya Iyopeekiŋ, nɛɓa nomtaanak sigɛ atu Iyopeek tiyɛr kɛ ɓɛɛlɛ nɔ Petros Lidaakeeŋ. Nɛɓa wosɛyɛrgeeɗ joop a pɛɛy nɛ kaar tonurgeeɗ kɛ, "Waɗiŋ a gorgor a kat gaalaakin."
39Nɛɓa Petros ŋaar raŋana nɛ kurak a joop sigɛkɔ wosɛykɛɛk agut omoŋ. Saaɓa mɛlkiɗik, nɛɓa diiler pooka raŋana. Nɛɓa jartiyatɔ sigɛɓa rɛrar babuy gɛŋkik baŋɛ ɛtɛr sɛɛne tookɛɛta, a wuɗaaŋ, a yaaŋɛrgeeɗ abiyak sigɛɓa ijaag sɛɛg saakan ɓɛɛlɛɛɗ wɛɛŋakɛk. 40Nɛɓa Petros ɔɔyku sɛɛg walasa baŋɛ, nɛ ɛtɛ korontunɛ nɛ ɗanɗamaaŋ. Nɛ weerɛ taamɛ son lak buusɛ nɛɛkik nɛ tonu kɛ, "Taabita, ŋaar raŋana!" Nɛɓa sɛŋk ɓuuke taamɛ nɛ dɛnɛ Petros. Nɛ ŋaar raŋana nɛ beeɗiŋ. 41Nɛɓa sɛŋk ker ari nɛɛk nɛ gaamu nɛ ɓɔŋgɔɔrɛŋ. Nɛɓa riy jartiyatɔk sigɛɓa rɛrar babuy gɛŋkik, a ŋaadtaanak ɔgɔ nɛ wideer sɛɛga taamɛka a ɓɛɛlɛ bɔdɛɛɗ.
42Ɗegerɛɛɓa any sini Iyopee baŋɛ, joop a ɓɔɔkaaŋ ŋaadirɓa Suumi. 43Petros beeɗirɓa Iyopee a ɗoŋ ɓɔɔkaaŋ a iɗit sinɔ riyɛ kɛ Simionuk sinɔɓa wɛkɛkɛr tarmakik.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia