Ijaag Wosɛytaanakoŋk 23
23
1Nɛɓa Paawuloos mermen joop sigɛ gaɓɛr woorank jɛt nɛ tonu sɛɛga kɛ, "Iinak manyaakak eeta, nɔ mɛlɛɛɗa ɓɛɛnyɔwasek beeɗaa taamɛkɛ Waakoyotoŋk kalbii sinɔɔnɛ mentanŋɔŋk." 2Nɛɓa ɔɗɔwen tapa ŋaadiyɛɛkoŋk Haananiyaa, tonu joopa sigaagaɓa ɛtɛr Paawuloose jɔkuk kɛnɔ paaŋɛɛ ato nɛɛk. 3Nɛɓa Paawuloos tonu Haananiyaa kɛ, "Iin rektan sinɔɓa puusɛɛ puyoyk! Paaŋikoy ɓɔrɛni Waakoyotuŋ. Beebeɗin kɛnɔ gunte pɛrɛdin oko higi, nɛ tonun kɛnɔtu paaŋɛɛ a kiiɗɛ higi?"
4Joop sigɛɓa ɛtɛtɛɗar Paawuloose jɔkuk tonurgeeɗɓa kɛ, "Nyɔɔnun ɔɗɔwen tapa ŋaadiyɛɛkoŋk Waakoyotoŋku?"
5Nɛɓa Paawuloos tonu kɛ, "Iinak manyaakak eeta, kaakɔ ɗegerɔɔn kɛ ɔɗɔwen tapa ŋaadiyɛɛkoŋk, agut sinɔ taapɛɛɓa Wargatɛɛ Waakoyotoŋk kɛ, 'Kat waasin any sinɔ ŋɛɛwɛnŋɔŋk ɔɗɔwente joop gooŋkuk raŋk.' "
6Ɗegerɓa Paawuloos kɛ joope sigaagɛ gaɓɛr wooraŋk kɔɔr ege ɔgɔɔk joop Saaduukuk, ma ɔgɔɔk joop Paarisik, nɛɓa tonu a ɗooruŋ kɛ, "Iinak manyaakak eeta, eet iɗit Paarisik sinɔɓa ɓartiɗi iɗit Paarisik. Wideera ɛɛk taamɛka pirdiyoŋk agut sinɔ ŋaadiɗa kɛ joop sigɛɓa rɛrark ŋaararki koy ret walsaŋɔŋk." 7Saaɓa Paawuloos toniiɗ sinik, nɛɓa ŋaarki ɗaakan joope Paarisik a joope Saaduukuk kɔɔr, nɛɓa joop sigɛ gaɓɛr woorank pakatir ɛɛk a pɛɛy. 8Agut sinɔ ŋaadirɓa joop Saaduukuk kɛ kɛɛ ŋaarin ret walasak, ɛ kɛɛ wosɛytaanak, ɛ kɛɛ wɛɛŋa, ma joop Paarisik ŋaadir kɛ ɓɛɛlɛr ola sigi baŋɛ.
9Nɛɓa lakɛ ooyan sinɔ obiiŋɔŋk, rɔɔriytaanak higi Muuseek sigɔ komoy joop Paarisik a omoŋ omoŋ ŋaararɓa raŋana nɛ palamɗi kɛ, "Kiikiikɔ ete sineene laŋiiɗ tikiyɛ. Kaa ɗɛɛŋ tonɗigeeɗ wɛɛŋak, maŋk wosɛytaan, ma seek ɗegerii jikon?" 10Agut sinɔɓa taŋɛɛɗ ɗaakan nɛɛkɛŋɔŋk, nɛɓa ɔɗɔwen sinɛ amaasiniyɛ sigɔ kumɛk kaɗi any sinɔ kat pɔɔpɔkar Paawuloosuk. Nɛɓa ɔɗɔwen nɛɛkɛ tonu amaasiniyɛɛka gɛɛna kɛ, "In ɓurɓuɗikɛɛ, nɔ boŋkɛɛ Paawuloos joope gɛɛnɛ kɔɔr nɔ diilɛɛ nyona amaasiniyɛɛkoŋk."
11Ɛtɛɓa Suumii Paawuloose jɔk kaalt sinaanɛɓak nɛ tongeeɗ kɛ, "Kɛɛ any! Oko sinɛkɔta waasiɗiiɗin Yorsaleemek, ɗɛyɛna a ɓɔrɛta waasiɗiikin Roomeeŋ."
Giimɛɛ Paawuloos Kɛnɔ Ɓokotɛɛ
12Tolɗiɓa joop Ayuuduk alɛ nɛɛkɛ gibi nɛ wogoyɛr kɛ, "Ɔkɔnkɔɔ kii ɓokotiit Paawuloosuŋ, kii kɔɔ ada ɗama, ɛkɔɔ kii tuu maawu." 13Joop sigɛɓa mɛyi giimana sineenak atuɓa ɓɔɔkaaka nɛŋk sigɔɔgɛ pɔlpɔlɛ joop pɛɛyk ɛdɛɛna. 14Nɛɓa sɛɛk kaar son lak ɔɗɔweer tapa ŋaadiyɛɛkoŋk a gutarɛyɛɛk nɛ kaar tonur sɛɛga kɛ, "Wogoyiikɔ a ɓaŋkawuŋ kɛ, 'Ɔkɔnkɔɔ kii ɓokotiit Paawuloosuŋ, kiikɔɔ paariit ɗama sinɔ balaaŋɔŋk.' 15Agut sini in lalaŋikɛɛ iinak a joop sigɛ gaɓɛr woorank nɔ toniir ɔɗɔwenta amaasiniyɛ sigɔ kumɛk a ito ɗɛyɛɛr a lakɛ any sinɔ mermenarɗɔ kɛkark kɛnɔ ŋɔrku Paawuloos. Ragadiikɔ seek ɛɛk nɛ koorkuunii gopɛ tak kɛnɔ ɓokotii a in kii mɛlɛ."
16Yakanaɓa tiyɛ sɔɔn Paawuloosuk giiman sini, nɛɓa kɛɛ nyona amaasiniyɛɛkoŋk nɛ tonu Paawuloosa. 17Nɛɓa Paawuloos riyiri ɔɗɔwen amaasiniyɛ sigɔ ɗiɓɛk om nɛ tongeeɗ kɛ, "Widar tɔɔn sini son lak ɔɗɔwen amaasiniyɛ sigɔ kumɛk lakɛ any sinɔ kɛɛ tongeeɗŋɔŋk."
18Nɛɓa ɔɗɔwen sinɛ amaasiniyɛ sigɔ ɗibɛk diile tɔɔn sinɛ nɛ tonu ɔɗɔwenta amaasiniyɛ sigɔ kumɛk kɛ, "Paawuloos kɔ korkortank riyirikɔtu nɛti kalɛyi kɛnɔ widika tɔɔn sini nɔ lakɛ any sinɔɔna tonuŋɔŋk."
19Nɛɓa ɔɗɔwen sinɛ amaasiniyɛ sigɔ kumɛk gaamu tɔɔn sinɛ ari nɛɛk nɛ diile mowan nɛ kɔɔniy kɛ, "Jikon any sinɛta tonunk?"
20Nɛɓa tɔn sinɛ tongeeɗ kɛ, "Mɛyikɔ joop Ayuuduk ɔɔtɛ Paawuloosuk, kɛnɔ arin a itokɔɔ topun mermenɔɔna, nɛ kɔɔnu kɔɔniyar alɛ kɛnɔ sɛɛga wideerin son lak joop sigɛ gaɓɛr woorank. 21Yakana kat doomun sɛɛga! Dugiɗiikɔ joop a pɔlpɔlɛ joop pɛɛy ɛdɛɛna kɛnɔ koorɛr nɔ ɓokotur. Nɛkɔ wogoyɛɛr kɛ, "Ɔkɔnkɔɔ kii ɓokotiitiŋ, kiikɔɔ ada ɗama, ɛkɔɔ kii tuu maawu." Nɛ sɛɛk koorɛr sisɔ any sinɔ jumurun sɛɛga seŋkik dakɛɗa."
22Nɛɓa ɔɗɔwen sinɛ amaasiniyɛ sigɔ kumɛk rɔɔrɔk tɔɔna sinaana kɛ, "Kat lakɛ iɗit sinɔ yaaŋgiɗin kɛ tonun kɔta any siniŋɔŋk," nɛ ŋɔɗuruŋ.
Wosɛyɛɛ Paawuloos Keesaariyaka
23Saadi baŋiya riyiriɓa ɔɗɔwen sinɛ amaasiniyɛ sigɔ kumɛk ɔɗɔweerɛ amaasiniyɛ sigɔ ɗibɛk a pɛɛy nɛ tonu sɛɛga kɛ, "Saakɔɔ gayɛɛɗ sayitiyɛ jiit kaayoŋkuk in ragadɛɛ amaasiniyɛ a ɗibɛɛ pɛɛy, a amaasiniyɛ sigɔ latu masoyɛɛk a pɔlpɔlɛ joop jiitik a aarin, a joop sigɔ mirmiɗi beyakakɛk a ɗibɛɛ pɛɛy kɛnɔ kaar Keesaariyaaka. 24In ɓɔrɛ ragadɛɛ masoy Paawuloosa nɔ arɛɛ a in mɛlɛ bɔdɛɛɗ son lak Pilkisik sinɛ suumi ɗookoŋk. 25Taapɛɓa ɔɗɔwen nɛɛkɛ wargatɛ sinɔ tonu kɛ,
26"Digoyna seey lak Lusiyoos sinɛ ar Kɛlawudewoosek, son lak Pilkisik, suumi ɗookoŋk sinɛ eemɛyɛɛk.!
27Gaamurkɔ iɗit sini joop Ayuuduk nɛ gunkɔ ɓokoturŋ, yakanakɔ ɗegera kɛ iɗit Roomuk, nɛkɔ kɛɛɗii a amaasiniyɛ nɛkɔ taakaŋ.
28Nɛkɔ wideera sɛɛn son lak joop sigɛ gaɓɛr woorank kɛnɔ ɗegera kɛ daariyɗiigiɗɛkɔ agut jikon.
29Ɗegera kɛ daariyɗiigiɗɛkɔ ant sinɔɔnɛ mermen higi nɛŋkik, yakana kɛɛ tikiyɛ sigɔ ɗegeera a rɛrgiɗɛɛŋɔŋk, maŋk korkoɗagiɗɛɛŋɔŋk.
30Saakɔ tiyɛɛɗa kɛ giimɛkɔ iɗit sini retik, nɛkɔ sisa wosɛyɛɛra son lak iinik. Maɓɔrɛ joop sigɛkɔ daariyɗiik tonaakɔ sɛɛga kɛnɔ wideetar daari nɛŋk taamɛka goonaak."
31Nɛɓa amaasiniyɛ gɛɛnɛ kaalt sinaanɛ boŋur any sinɛɓa tonɛɛ sɛɛgak nɛ diiler Paawuloos Antipatirisa. 32Nɛɓa alɛ nɛɛkɛ arir a ŋaarar Paawuloos a joop sigɛ latu masoyɛɛk, ma sɛɛk weeri nyona nɛŋk. 33Saaɓa joop sigɛ latu masoyɛɛk mɛlɛrɗi Keesaariyaakak, nɛɓa gaɓɛr Paawuloos, a wargatɛ nɛɛk suumiya sinaana ɗookoŋk. 34Nɛɓa suumi sinɛ ɗookoŋk ambabɛ wargatɛ nɛɛk, nɛ kɔɔniy Paawuloos kɛ, "Kusuɗunkɔ pakattan ɗoo wonk?" Nɛɓa ɗeger kɛ iɗit Kilkiyaak,
35nɛɓa tongeeɗ kɛ, "Tiyaakɔɔ pɛɛni nook saakɔɔ mɛlɛrkiɗ joop sigɛ kɔna daariyɗiik. Nɛɓa tonu kɛ, 'In koorɛɛ keer Herodisik.' "
Iliyochaguliwa sasa
Ijaag Wosɛytaanakoŋk 23: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ijaag Wosɛytaanakoŋk 23
23
1Nɛɓa Paawuloos mermen joop sigɛ gaɓɛr woorank jɛt nɛ tonu sɛɛga kɛ, "Iinak manyaakak eeta, nɔ mɛlɛɛɗa ɓɛɛnyɔwasek beeɗaa taamɛkɛ Waakoyotoŋk kalbii sinɔɔnɛ mentanŋɔŋk." 2Nɛɓa ɔɗɔwen tapa ŋaadiyɛɛkoŋk Haananiyaa, tonu joopa sigaagaɓa ɛtɛr Paawuloose jɔkuk kɛnɔ paaŋɛɛ ato nɛɛk. 3Nɛɓa Paawuloos tonu Haananiyaa kɛ, "Iin rektan sinɔɓa puusɛɛ puyoyk! Paaŋikoy ɓɔrɛni Waakoyotuŋ. Beebeɗin kɛnɔ gunte pɛrɛdin oko higi, nɛ tonun kɛnɔtu paaŋɛɛ a kiiɗɛ higi?"
4Joop sigɛɓa ɛtɛtɛɗar Paawuloose jɔkuk tonurgeeɗɓa kɛ, "Nyɔɔnun ɔɗɔwen tapa ŋaadiyɛɛkoŋk Waakoyotoŋku?"
5Nɛɓa Paawuloos tonu kɛ, "Iinak manyaakak eeta, kaakɔ ɗegerɔɔn kɛ ɔɗɔwen tapa ŋaadiyɛɛkoŋk, agut sinɔ taapɛɛɓa Wargatɛɛ Waakoyotoŋk kɛ, 'Kat waasin any sinɔ ŋɛɛwɛnŋɔŋk ɔɗɔwente joop gooŋkuk raŋk.' "
6Ɗegerɓa Paawuloos kɛ joope sigaagɛ gaɓɛr wooraŋk kɔɔr ege ɔgɔɔk joop Saaduukuk, ma ɔgɔɔk joop Paarisik, nɛɓa tonu a ɗooruŋ kɛ, "Iinak manyaakak eeta, eet iɗit Paarisik sinɔɓa ɓartiɗi iɗit Paarisik. Wideera ɛɛk taamɛka pirdiyoŋk agut sinɔ ŋaadiɗa kɛ joop sigɛɓa rɛrark ŋaararki koy ret walsaŋɔŋk." 7Saaɓa Paawuloos toniiɗ sinik, nɛɓa ŋaarki ɗaakan joope Paarisik a joope Saaduukuk kɔɔr, nɛɓa joop sigɛ gaɓɛr woorank pakatir ɛɛk a pɛɛy. 8Agut sinɔ ŋaadirɓa joop Saaduukuk kɛ kɛɛ ŋaarin ret walasak, ɛ kɛɛ wosɛytaanak, ɛ kɛɛ wɛɛŋa, ma joop Paarisik ŋaadir kɛ ɓɛɛlɛr ola sigi baŋɛ.
9Nɛɓa lakɛ ooyan sinɔ obiiŋɔŋk, rɔɔriytaanak higi Muuseek sigɔ komoy joop Paarisik a omoŋ omoŋ ŋaararɓa raŋana nɛ palamɗi kɛ, "Kiikiikɔ ete sineene laŋiiɗ tikiyɛ. Kaa ɗɛɛŋ tonɗigeeɗ wɛɛŋak, maŋk wosɛytaan, ma seek ɗegerii jikon?" 10Agut sinɔɓa taŋɛɛɗ ɗaakan nɛɛkɛŋɔŋk, nɛɓa ɔɗɔwen sinɛ amaasiniyɛ sigɔ kumɛk kaɗi any sinɔ kat pɔɔpɔkar Paawuloosuk. Nɛɓa ɔɗɔwen nɛɛkɛ tonu amaasiniyɛɛka gɛɛna kɛ, "In ɓurɓuɗikɛɛ, nɔ boŋkɛɛ Paawuloos joope gɛɛnɛ kɔɔr nɔ diilɛɛ nyona amaasiniyɛɛkoŋk."
11Ɛtɛɓa Suumii Paawuloose jɔk kaalt sinaanɛɓak nɛ tongeeɗ kɛ, "Kɛɛ any! Oko sinɛkɔta waasiɗiiɗin Yorsaleemek, ɗɛyɛna a ɓɔrɛta waasiɗiikin Roomeeŋ."
Giimɛɛ Paawuloos Kɛnɔ Ɓokotɛɛ
12Tolɗiɓa joop Ayuuduk alɛ nɛɛkɛ gibi nɛ wogoyɛr kɛ, "Ɔkɔnkɔɔ kii ɓokotiit Paawuloosuŋ, kii kɔɔ ada ɗama, ɛkɔɔ kii tuu maawu." 13Joop sigɛɓa mɛyi giimana sineenak atuɓa ɓɔɔkaaka nɛŋk sigɔɔgɛ pɔlpɔlɛ joop pɛɛyk ɛdɛɛna. 14Nɛɓa sɛɛk kaar son lak ɔɗɔweer tapa ŋaadiyɛɛkoŋk a gutarɛyɛɛk nɛ kaar tonur sɛɛga kɛ, "Wogoyiikɔ a ɓaŋkawuŋ kɛ, 'Ɔkɔnkɔɔ kii ɓokotiit Paawuloosuŋ, kiikɔɔ paariit ɗama sinɔ balaaŋɔŋk.' 15Agut sini in lalaŋikɛɛ iinak a joop sigɛ gaɓɛr woorank nɔ toniir ɔɗɔwenta amaasiniyɛ sigɔ kumɛk a ito ɗɛyɛɛr a lakɛ any sinɔ mermenarɗɔ kɛkark kɛnɔ ŋɔrku Paawuloos. Ragadiikɔ seek ɛɛk nɛ koorkuunii gopɛ tak kɛnɔ ɓokotii a in kii mɛlɛ."
16Yakanaɓa tiyɛ sɔɔn Paawuloosuk giiman sini, nɛɓa kɛɛ nyona amaasiniyɛɛkoŋk nɛ tonu Paawuloosa. 17Nɛɓa Paawuloos riyiri ɔɗɔwen amaasiniyɛ sigɔ ɗiɓɛk om nɛ tongeeɗ kɛ, "Widar tɔɔn sini son lak ɔɗɔwen amaasiniyɛ sigɔ kumɛk lakɛ any sinɔ kɛɛ tongeeɗŋɔŋk."
18Nɛɓa ɔɗɔwen sinɛ amaasiniyɛ sigɔ ɗibɛk diile tɔɔn sinɛ nɛ tonu ɔɗɔwenta amaasiniyɛ sigɔ kumɛk kɛ, "Paawuloos kɔ korkortank riyirikɔtu nɛti kalɛyi kɛnɔ widika tɔɔn sini nɔ lakɛ any sinɔɔna tonuŋɔŋk."
19Nɛɓa ɔɗɔwen sinɛ amaasiniyɛ sigɔ kumɛk gaamu tɔɔn sinɛ ari nɛɛk nɛ diile mowan nɛ kɔɔniy kɛ, "Jikon any sinɛta tonunk?"
20Nɛɓa tɔn sinɛ tongeeɗ kɛ, "Mɛyikɔ joop Ayuuduk ɔɔtɛ Paawuloosuk, kɛnɔ arin a itokɔɔ topun mermenɔɔna, nɛ kɔɔnu kɔɔniyar alɛ kɛnɔ sɛɛga wideerin son lak joop sigɛ gaɓɛr woorank. 21Yakana kat doomun sɛɛga! Dugiɗiikɔ joop a pɔlpɔlɛ joop pɛɛy ɛdɛɛna kɛnɔ koorɛr nɔ ɓokotur. Nɛkɔ wogoyɛɛr kɛ, "Ɔkɔnkɔɔ kii ɓokotiitiŋ, kiikɔɔ ada ɗama, ɛkɔɔ kii tuu maawu." Nɛ sɛɛk koorɛr sisɔ any sinɔ jumurun sɛɛga seŋkik dakɛɗa."
22Nɛɓa ɔɗɔwen sinɛ amaasiniyɛ sigɔ kumɛk rɔɔrɔk tɔɔna sinaana kɛ, "Kat lakɛ iɗit sinɔ yaaŋgiɗin kɛ tonun kɔta any siniŋɔŋk," nɛ ŋɔɗuruŋ.
Wosɛyɛɛ Paawuloos Keesaariyaka
23Saadi baŋiya riyiriɓa ɔɗɔwen sinɛ amaasiniyɛ sigɔ kumɛk ɔɗɔweerɛ amaasiniyɛ sigɔ ɗibɛk a pɛɛy nɛ tonu sɛɛga kɛ, "Saakɔɔ gayɛɛɗ sayitiyɛ jiit kaayoŋkuk in ragadɛɛ amaasiniyɛ a ɗibɛɛ pɛɛy, a amaasiniyɛ sigɔ latu masoyɛɛk a pɔlpɔlɛ joop jiitik a aarin, a joop sigɔ mirmiɗi beyakakɛk a ɗibɛɛ pɛɛy kɛnɔ kaar Keesaariyaaka. 24In ɓɔrɛ ragadɛɛ masoy Paawuloosa nɔ arɛɛ a in mɛlɛ bɔdɛɛɗ son lak Pilkisik sinɛ suumi ɗookoŋk. 25Taapɛɓa ɔɗɔwen nɛɛkɛ wargatɛ sinɔ tonu kɛ,
26"Digoyna seey lak Lusiyoos sinɛ ar Kɛlawudewoosek, son lak Pilkisik, suumi ɗookoŋk sinɛ eemɛyɛɛk.!
27Gaamurkɔ iɗit sini joop Ayuuduk nɛ gunkɔ ɓokoturŋ, yakanakɔ ɗegera kɛ iɗit Roomuk, nɛkɔ kɛɛɗii a amaasiniyɛ nɛkɔ taakaŋ.
28Nɛkɔ wideera sɛɛn son lak joop sigɛ gaɓɛr woorank kɛnɔ ɗegera kɛ daariyɗiigiɗɛkɔ agut jikon.
29Ɗegera kɛ daariyɗiigiɗɛkɔ ant sinɔɔnɛ mermen higi nɛŋkik, yakana kɛɛ tikiyɛ sigɔ ɗegeera a rɛrgiɗɛɛŋɔŋk, maŋk korkoɗagiɗɛɛŋɔŋk.
30Saakɔ tiyɛɛɗa kɛ giimɛkɔ iɗit sini retik, nɛkɔ sisa wosɛyɛɛra son lak iinik. Maɓɔrɛ joop sigɛkɔ daariyɗiik tonaakɔ sɛɛga kɛnɔ wideetar daari nɛŋk taamɛka goonaak."
31Nɛɓa amaasiniyɛ gɛɛnɛ kaalt sinaanɛ boŋur any sinɛɓa tonɛɛ sɛɛgak nɛ diiler Paawuloos Antipatirisa. 32Nɛɓa alɛ nɛɛkɛ arir a ŋaarar Paawuloos a joop sigɛ latu masoyɛɛk, ma sɛɛk weeri nyona nɛŋk. 33Saaɓa joop sigɛ latu masoyɛɛk mɛlɛrɗi Keesaariyaakak, nɛɓa gaɓɛr Paawuloos, a wargatɛ nɛɛk suumiya sinaana ɗookoŋk. 34Nɛɓa suumi sinɛ ɗookoŋk ambabɛ wargatɛ nɛɛk, nɛ kɔɔniy Paawuloos kɛ, "Kusuɗunkɔ pakattan ɗoo wonk?" Nɛɓa ɗeger kɛ iɗit Kilkiyaak,
35nɛɓa tongeeɗ kɛ, "Tiyaakɔɔ pɛɛni nook saakɔɔ mɛlɛrkiɗ joop sigɛ kɔna daariyɗiik. Nɛɓa tonu kɛ, 'In koorɛɛ keer Herodisik.' "
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia