Ijaag Wosɛytaanakoŋk 22
22
1"Iinak manyaakak eeta a baabɛyak, inta tiyɛɛ any sinɛ kɔna wideerak sinɛ kolɗa ɛɛkik."
2Saaɓa tiyɛrɗi a tonɗi ad Ibiraysitik, nɛɓa dakɛr kɛ many a kaalɛŋ nɛɓa Paawuloos tuuke toni nɛɛk kɛ, 3"Eet iɗit Ayuuduk sinɛkan ɓartɛɛ katamɛɛ Tɛrseesik sinaanɛ ar Kelkiyaakek, makan ɓɔlɔɔra katamɛɛ sineene Yorsaleemuk. Rɔɔriytanɓa naak Gɛmaliyaal tamaarakan higi ɔrɛyakoŋk kɛ ɗɔm kɛnɔ ɓɛɛlɛ oko sini ijaagirɗɔ ɓeny sineenek kɛnɔ ijaaɗika nyeken Waakoyota. 4Eet iɗit sinɛkan epapay joop sigɛ kaar Gopɛ sineene Suumiyoŋk mɛlɛɛɗa retaak, korkokoɗakan moojak a peetak nɛ ara sɛɛg kɛnɔ guugunyar godeya korkoɗɔɔnoŋk. 5Nɔ ɗegerɗɛɛ sini kɛ eekeerik waasɛr eekeer gɛɛŋk ɔɗɔwer tapa ŋaadiyɛɛkoŋk a joop sigɔ gaɓɛr woorank. Boboŋakan wargatɛyɛ sɛɛge nɛ kɛɛɗa son lak ŋaadtaanak sigɛ atu Dɛmaaskoweek nɛ kɛɛɗa korkokorka sɛɛg nɛ ɗɔka sɛɛg Yorsaleema kɛnɔ goopɛ sɛɛg.
Waasiyɛ Sigɔ Kɛ Weeriikiɓa Paawuloos Son lak Kereseek Ɛkik
(Ija. 9:1-19; 26:12-18)
6Kɛɛɗaɓa Dɛmaaskowa nɛ saaɓa wɔɔŋkuɗa katamɛya nɛɛkaakik waawuy kɔɔr, nɛɓa a gorgorŋ tipeyɗiik ɗaawan sinɔ obiiŋɔŋk dari eete tookɛɛta. 7Nɛɓa ɗirka ɗooka nɛ tiya koŋgoy sinɔ tonu kɛ, 'Saaool! Saaool! Epapayinti agut jikon?' 8Nɛɓa tonguɗa kɛ, 'Suumi naakɛ, ma iin wooɗ?'
Nɛɓata sɛŋk tonu kɛ, 'Eet Yeeseekɔ Naajireetik siniti epapayink.' 9Joop sigɛɓa eet a sɛɛgik dɛnɛrɓa ɗaawan nɛɛkiŋ, maɓa kir weenta saata tonɗiiɗ sɛŋkik. 10Nɛɓa tonguɗa kɛ, 'Suumi naakɛ, arana jikon?'
Nɛɓata Suumii tonu kɛ, 'Ŋaari raŋana nɔ kɛɛɗin Dɛmaaskowa, tonɛɛ kɔɔna sooy any sinɛkan gaamɛɛ nɔkɔɔ ijaagink baŋɛk.'
11Saaɓa tipeyiɗiiɗ ɗaawan nɛɛkɛkik nɛɓa kaa dɛnɗiit, nɛɓa joop sigɛɓa eet a sɛɛgik gaamur ari naak nɛti diiler mɛlɛɛɗa Dɛmaaskowa. 12Lakɛɓa saadi iɗit sinɔ riyɛ kɛ Haananiyaak sinɔɓa sɛɛn iɗit Ayuuduk sinɔ eemɛy higi Ayuuduk jɛtik, ɛ pɔɔsɛr joop Ayuuduk sigɛ beeɗir Dɛmaaskoweek baŋɛk. 13Nɛɓa sɛŋk kus son lak eetik nɛte ɛtɛ jɔk nɛta tonu kɛ, 'Iin manya eeta Saaool, in tayɗi taamɛ goonɛ kɛkar.' Nɛɓa tayɗi taamɛ gaanɛ sisa nɛ mermena sɛɛn.
14Nɛɓata sɛŋk tonu kɛ, 'Waakoyo ɔrɛyak gaŋkik daamɓani jeemɛ kɛnɔ ɗegerin ɗɛyan Nɛɛk kɛnɔ dɛnin Mentanka Nɛɛk, ɛ tiyin koŋgoy Nɛɛk. 15Nɔɓa ijaagiiɗ oko sinikik agut sinɔkan tiyɛɛɗin ɛkan dɛnink kɛnɔ waasin eekeer gɛɛŋk joope baŋɛ taamɛkɛ, 16nɛ sisɔ koorun jikon? Ŋaari raŋana nɔnu aadɛɛ maawɛ Waakoyotoŋk. Nɔ riyin Tiriya Yeeseek, nɔne aadiirɛ tikiyɛ gooŋk.'
17Saadi baŋiya saaɓa weeriɗa Yorsaleemak nɛ saaɓa ɗanɗamaaɗa godeey sinaanɛ Geetitank, nɛɓata arɗiɗɛ nɛ dɛna, 18ata yaaŋɛ ɛɛk Suumii nɛta tonu kɛ, 'Ŋaari a gorgorŋ Yorsaleeme agut sinɔ kirɗi boŋiiɗ waasiyɛ sigɛ tonun agut Eetik.'
19Nɛɓa tonguɗa kɛ, 'Suumi naakɛ, ɗegerar kɛ ɗɔm kɛ ɛnyɛnyɛkakan saak sinɔɔnɛ godeyi tolɛɛɗoŋkuk nɛ korkokoɗa joop sigɛ ŋaadir iinik nɛ ɗiŋa sɛɛgiŋ. 20Saakan ɓokotiiɗɛɛ Istipaanoos sinɛkan waawasi agut iinik ɛtɛtɛɗakan joope sigaagɛkan ɓokotɗiik jɔk, nɛkan koɓi naakɛ omoŋ eet a sɛɛg agut any sinɛ, ɛkan kookora abiyak gɛŋk.'
21Nɛɓata Suumi tonu kɛ, 'Mak. Wosɛyani son lak joop sigɛ moko Ayuuduk sigɛ atu ayowɛɛɗŋɔŋk.' "
Yaaŋɛ Paawuloos Kɛ Sɛɛn Iɗit Roomuk
22Geleewɛrɓa joop gɛɛnɛ toniiɗa Paawuloosuk mɛlɛɛɗa seena, nɛɓa ooyɛr a ɗooruŋ kɛ, "In badɛ ɗook raŋk iɗit sinɔ ito sinik! Ki gayɛ a beeɗ wɛɛŋakɛ iɗit sinɔ ito sinikiŋ.'
23Ooyɛrɓa a yiker abiyak gɛŋk, ɛ soowɛr ɗooki rakaaya, 24Saaɓa ɔɗɔwen sinɛ amaasiniyɛ sigɔ kumɛk dɛnɛɛɗ any sinik, nɛɓa tonu kɛnɔ diiler Paawuloos nyona nɛŋk, nɔ mermenɛɛ a ɗiŋɛɛŋ kɛnɔ ɗeger ɔɗɔwen nɛɛkɛ kɛ ooyɛr joop gɛɛnɛ sɛɛne a ɛtɛ oko sinɛk agut jikon. 25Saaɓa korkoɗarɗi nɔ gun ɗiŋerki, nɛɓa Paawuloos tonu ɔɗɔwenta amaasiniyɛ sigɔ ɗibɛk sinaanaɓa ɛtɛɛɗ jɔkuk kɛ, "Pɛgɛdɛɛɓa kɔna kɛnɔ ɗiŋɛɛ iɗit Roomuk a kiiɗɛ pirdiiŋ?"
26Nɛɓa ɔɗɔwen sinɛ amaasiniyɛ sigɔ ɗibɛk tiyɛ any sini, nɛɓa kɛɛ son lak ɔɗɔwen amaasiniyɛ sigɔ kumɛk nɛ tongeeɗ kɛ, "Ege sini iɗit Roomuk kin rɔɔɗɛt."
27Nɛɓa ɔɗɔwen sinɛ wideer ɛɛk son lak Paawuloosuk nɛ kɔɔniy kɛ, "Iin sɛɛn iɗit Roomuku? Tontako."
Nɛɓa tongeeɗ kɛ, "Ii, eet sɛɛn."
28Nɛɓa ɔɗɔwen sinɛ amaasiniyɛ sigɔ kumɛk tongeeɗ kɛ, "Sinɛ nɔ eet iɗit Roomuk ɓalaɓa wori sinɔɔnɛ obiiŋɔŋk."
Maɓa sɛŋk Paawuloos tongeeɗ kɛ, "Maɓa sɛŋk eet iɗit Roomuk ɓartiyɛɛkɛ."
29Nɛ agut sini joop sigɛɓa ragadir ɛɛk kɛnɔ mermenark widerɓa ɛɛk a yowɛɛɗiŋ sisa. Saaɓa ɔɗɔwen nɛɛkɛ ɗegerɗi kɛ korkoɗɛɛkɔ meltikɛ awɛytiiroŋk iɗit Roomuk, nɛɓa ɓuriiŋ.
Paawuloos Taamɛkɛ Joop Sigɔ Gaɓɛr Woorank Ayuuduk
30Alɛ nɛɛkɛ ɗɛyɛɓa ɔɗɔwen amaasiniyɛ sigɔ kumɛk a ɗeger kɛ ɗɔm any sinɛkan joop Ayuuduk daariyɗiiɗ Paawuloosak kɛ jikon, nɛɓa tonu kɛnɔ tolɗi ɔɗɔwer tapa ŋaadiyɛɛkoŋk, a joop sigɔ gaɓɛr woorank agut omoŋ. Nɛɓa woorku Paawuloos korkoɗɔɔn nɛ diile taamɛka gɛŋk.
Iliyochaguliwa sasa
Ijaag Wosɛytaanakoŋk 22: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ijaag Wosɛytaanakoŋk 22
22
1"Iinak manyaakak eeta a baabɛyak, inta tiyɛɛ any sinɛ kɔna wideerak sinɛ kolɗa ɛɛkik."
2Saaɓa tiyɛrɗi a tonɗi ad Ibiraysitik, nɛɓa dakɛr kɛ many a kaalɛŋ nɛɓa Paawuloos tuuke toni nɛɛk kɛ, 3"Eet iɗit Ayuuduk sinɛkan ɓartɛɛ katamɛɛ Tɛrseesik sinaanɛ ar Kelkiyaakek, makan ɓɔlɔɔra katamɛɛ sineene Yorsaleemuk. Rɔɔriytanɓa naak Gɛmaliyaal tamaarakan higi ɔrɛyakoŋk kɛ ɗɔm kɛnɔ ɓɛɛlɛ oko sini ijaagirɗɔ ɓeny sineenek kɛnɔ ijaaɗika nyeken Waakoyota. 4Eet iɗit sinɛkan epapay joop sigɛ kaar Gopɛ sineene Suumiyoŋk mɛlɛɛɗa retaak, korkokoɗakan moojak a peetak nɛ ara sɛɛg kɛnɔ guugunyar godeya korkoɗɔɔnoŋk. 5Nɔ ɗegerɗɛɛ sini kɛ eekeerik waasɛr eekeer gɛɛŋk ɔɗɔwer tapa ŋaadiyɛɛkoŋk a joop sigɔ gaɓɛr woorank. Boboŋakan wargatɛyɛ sɛɛge nɛ kɛɛɗa son lak ŋaadtaanak sigɛ atu Dɛmaaskoweek nɛ kɛɛɗa korkokorka sɛɛg nɛ ɗɔka sɛɛg Yorsaleema kɛnɔ goopɛ sɛɛg.
Waasiyɛ Sigɔ Kɛ Weeriikiɓa Paawuloos Son lak Kereseek Ɛkik
(Ija. 9:1-19; 26:12-18)
6Kɛɛɗaɓa Dɛmaaskowa nɛ saaɓa wɔɔŋkuɗa katamɛya nɛɛkaakik waawuy kɔɔr, nɛɓa a gorgorŋ tipeyɗiik ɗaawan sinɔ obiiŋɔŋk dari eete tookɛɛta. 7Nɛɓa ɗirka ɗooka nɛ tiya koŋgoy sinɔ tonu kɛ, 'Saaool! Saaool! Epapayinti agut jikon?' 8Nɛɓa tonguɗa kɛ, 'Suumi naakɛ, ma iin wooɗ?'
Nɛɓata sɛŋk tonu kɛ, 'Eet Yeeseekɔ Naajireetik siniti epapayink.' 9Joop sigɛɓa eet a sɛɛgik dɛnɛrɓa ɗaawan nɛɛkiŋ, maɓa kir weenta saata tonɗiiɗ sɛŋkik. 10Nɛɓa tonguɗa kɛ, 'Suumi naakɛ, arana jikon?'
Nɛɓata Suumii tonu kɛ, 'Ŋaari raŋana nɔ kɛɛɗin Dɛmaaskowa, tonɛɛ kɔɔna sooy any sinɛkan gaamɛɛ nɔkɔɔ ijaagink baŋɛk.'
11Saaɓa tipeyiɗiiɗ ɗaawan nɛɛkɛkik nɛɓa kaa dɛnɗiit, nɛɓa joop sigɛɓa eet a sɛɛgik gaamur ari naak nɛti diiler mɛlɛɛɗa Dɛmaaskowa. 12Lakɛɓa saadi iɗit sinɔ riyɛ kɛ Haananiyaak sinɔɓa sɛɛn iɗit Ayuuduk sinɔ eemɛy higi Ayuuduk jɛtik, ɛ pɔɔsɛr joop Ayuuduk sigɛ beeɗir Dɛmaaskoweek baŋɛk. 13Nɛɓa sɛŋk kus son lak eetik nɛte ɛtɛ jɔk nɛta tonu kɛ, 'Iin manya eeta Saaool, in tayɗi taamɛ goonɛ kɛkar.' Nɛɓa tayɗi taamɛ gaanɛ sisa nɛ mermena sɛɛn.
14Nɛɓata sɛŋk tonu kɛ, 'Waakoyo ɔrɛyak gaŋkik daamɓani jeemɛ kɛnɔ ɗegerin ɗɛyan Nɛɛk kɛnɔ dɛnin Mentanka Nɛɛk, ɛ tiyin koŋgoy Nɛɛk. 15Nɔɓa ijaagiiɗ oko sinikik agut sinɔkan tiyɛɛɗin ɛkan dɛnink kɛnɔ waasin eekeer gɛɛŋk joope baŋɛ taamɛkɛ, 16nɛ sisɔ koorun jikon? Ŋaari raŋana nɔnu aadɛɛ maawɛ Waakoyotoŋk. Nɔ riyin Tiriya Yeeseek, nɔne aadiirɛ tikiyɛ gooŋk.'
17Saadi baŋiya saaɓa weeriɗa Yorsaleemak nɛ saaɓa ɗanɗamaaɗa godeey sinaanɛ Geetitank, nɛɓata arɗiɗɛ nɛ dɛna, 18ata yaaŋɛ ɛɛk Suumii nɛta tonu kɛ, 'Ŋaari a gorgorŋ Yorsaleeme agut sinɔ kirɗi boŋiiɗ waasiyɛ sigɛ tonun agut Eetik.'
19Nɛɓa tonguɗa kɛ, 'Suumi naakɛ, ɗegerar kɛ ɗɔm kɛ ɛnyɛnyɛkakan saak sinɔɔnɛ godeyi tolɛɛɗoŋkuk nɛ korkokoɗa joop sigɛ ŋaadir iinik nɛ ɗiŋa sɛɛgiŋ. 20Saakan ɓokotiiɗɛɛ Istipaanoos sinɛkan waawasi agut iinik ɛtɛtɛɗakan joope sigaagɛkan ɓokotɗiik jɔk, nɛkan koɓi naakɛ omoŋ eet a sɛɛg agut any sinɛ, ɛkan kookora abiyak gɛŋk.'
21Nɛɓata Suumi tonu kɛ, 'Mak. Wosɛyani son lak joop sigɛ moko Ayuuduk sigɛ atu ayowɛɛɗŋɔŋk.' "
Yaaŋɛ Paawuloos Kɛ Sɛɛn Iɗit Roomuk
22Geleewɛrɓa joop gɛɛnɛ toniiɗa Paawuloosuk mɛlɛɛɗa seena, nɛɓa ooyɛr a ɗooruŋ kɛ, "In badɛ ɗook raŋk iɗit sinɔ ito sinik! Ki gayɛ a beeɗ wɛɛŋakɛ iɗit sinɔ ito sinikiŋ.'
23Ooyɛrɓa a yiker abiyak gɛŋk, ɛ soowɛr ɗooki rakaaya, 24Saaɓa ɔɗɔwen sinɛ amaasiniyɛ sigɔ kumɛk dɛnɛɛɗ any sinik, nɛɓa tonu kɛnɔ diiler Paawuloos nyona nɛŋk, nɔ mermenɛɛ a ɗiŋɛɛŋ kɛnɔ ɗeger ɔɗɔwen nɛɛkɛ kɛ ooyɛr joop gɛɛnɛ sɛɛne a ɛtɛ oko sinɛk agut jikon. 25Saaɓa korkoɗarɗi nɔ gun ɗiŋerki, nɛɓa Paawuloos tonu ɔɗɔwenta amaasiniyɛ sigɔ ɗibɛk sinaanaɓa ɛtɛɛɗ jɔkuk kɛ, "Pɛgɛdɛɛɓa kɔna kɛnɔ ɗiŋɛɛ iɗit Roomuk a kiiɗɛ pirdiiŋ?"
26Nɛɓa ɔɗɔwen sinɛ amaasiniyɛ sigɔ ɗibɛk tiyɛ any sini, nɛɓa kɛɛ son lak ɔɗɔwen amaasiniyɛ sigɔ kumɛk nɛ tongeeɗ kɛ, "Ege sini iɗit Roomuk kin rɔɔɗɛt."
27Nɛɓa ɔɗɔwen sinɛ wideer ɛɛk son lak Paawuloosuk nɛ kɔɔniy kɛ, "Iin sɛɛn iɗit Roomuku? Tontako."
Nɛɓa tongeeɗ kɛ, "Ii, eet sɛɛn."
28Nɛɓa ɔɗɔwen sinɛ amaasiniyɛ sigɔ kumɛk tongeeɗ kɛ, "Sinɛ nɔ eet iɗit Roomuk ɓalaɓa wori sinɔɔnɛ obiiŋɔŋk."
Maɓa sɛŋk Paawuloos tongeeɗ kɛ, "Maɓa sɛŋk eet iɗit Roomuk ɓartiyɛɛkɛ."
29Nɛ agut sini joop sigɛɓa ragadir ɛɛk kɛnɔ mermenark widerɓa ɛɛk a yowɛɛɗiŋ sisa. Saaɓa ɔɗɔwen nɛɛkɛ ɗegerɗi kɛ korkoɗɛɛkɔ meltikɛ awɛytiiroŋk iɗit Roomuk, nɛɓa ɓuriiŋ.
Paawuloos Taamɛkɛ Joop Sigɔ Gaɓɛr Woorank Ayuuduk
30Alɛ nɛɛkɛ ɗɛyɛɓa ɔɗɔwen amaasiniyɛ sigɔ kumɛk a ɗeger kɛ ɗɔm any sinɛkan joop Ayuuduk daariyɗiiɗ Paawuloosak kɛ jikon, nɛɓa tonu kɛnɔ tolɗi ɔɗɔwer tapa ŋaadiyɛɛkoŋk, a joop sigɔ gaɓɛr woorank agut omoŋ. Nɛɓa woorku Paawuloos korkoɗɔɔn nɛ diile taamɛka gɛŋk.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia