Pɛɛyeen Korontoosuk 5
5
1Agut sinɔ ɗegerii kɛ ɔkɔn aalɛɛ buusɛ naŋk sinɛ ɓɛɛlɛ ɔɔtɛya sinɔɔna balaaŋɔŋk a ito duukaanoyk, nɛ lakii nyon beeɗitoŋk dari sinɔkoy ɓɛɛlɛ nɔkoy nɔkoyk sinɛɓa kɛnyɛɛ Waakoyotek ma mokoɓa ariit etoŋk. 2Bandurii ɗook sineene raŋk eekeerɛ, a lakii ŋaadiyɛ sigɛ kookoriik a lakii ŋɔɗɔ guugunyɔɔna nyona naŋk beeɗitoŋk sinaana ar darik, 3agut sinɔ saakoy kadiɗii ɛɛk wɛɛŋakoŋk, nɛ mokokoy ɓɛɛlii konaan. 4Saa beeɗiɗii buusɛɛ naŋk sineenek bandurɗii a tina ɗiliŋɔŋk, agut sinɔ kii ɗɛyɛɛ a karkaririi nyon naŋk beeɗitoŋk sinɛ ar darik, ma ɗɛyii a kadiiŋ kɛnɔ lokoosɛɛ sinɛɓa rɛrk sinaanɛ bɔdɛɛk. 5Waakoyo sini Sɛɛn sinɛkan tin ragadi anta sineenak, gaɓɛkan tina sɛŋk Wɛɛŋa gɛɛŋk a kabdi.
6Ɔkɔn degerii kɛ yowɛrkii Suumii ɔɔtɛya sinaana arkiɗii buusɛɛ naŋk ɗookoŋkuŋ, nɛ ŋaadiɗikii sɛɛne. 7Agut sinɔ beeɗii seek a ŋaadii Suumi, ma moko dɛnii Sɛɛniŋ. 8Beeɗii ŋaadiyɛɛkɛ a pakatii ɛɛk buusɛɛ naŋk sineene ito nyon beeɗitoŋkuk nɛ ɗɛyii a gun ɓɛɛlii a Suumi naŋk agut omoŋ. 9Kɛygun ɓɛɛlii a buusɛ naŋk sini maŋk kɛygun pakatiɗii ɛɛkiŋ, nɛ koɓi naŋk sinɔ ariiɗii Suumi a yaageeɗŋɔŋk. 10Agut sinɔ wideeriikoy ɛɛk eteŋk baŋɛ taamɛka barsum pirdiyoŋk Kereseek. Nɛkoy boŋu iɗit a omoŋ omoŋ any sinɔ mentanŋɔŋk maŋk ŋɛɛwɛnŋɔŋk sinɛɓa ijaag buusɛɛ nɛɛkɛkik.
Ijaag Taakiyɛɛkoŋk
11Agut sinɔ ɗegerɗii kɛ tuɓur Waakoyotoŋk jikonkuŋ, nɛ kɔnyɛɗii joopuŋ. Ɗeger Waakoyot kɛ ɓɛɛlii ɛkiŋ, nɛ ŋaada kɛ ɗegerari kɛ ɓɛɛlɛɛr ɓayɛtunɛɛkɛ goŋk ɛkiŋ. 12Kii kɔna pɔɔsɛɛt ɛkan gaŋk kɛkar, makɔna gaɓii milki sinɔ merirɗɔ ɛɛk eteŋkɛɛk kɛnɔ oolɛɛr a gaɓɛɛr jumuran joopa sigaaga merir ɛɛk ant sinaanɛ dɛnɛɛk, ma moko merir ɛɛk ant sinɔɔnɛ ar ɓayaayk. 13Ɔkɔn eteŋk maratikaanakiŋ, nɛ agut Waakoyo. Ma ɔkɔn ɓɔrɛ ɗegerii ɛɛkiŋ, nɛ agut iinak. 14Dire tin mɛyin Kereseek ijaaga, agut sinɔ ege joop baŋɛ kaastaanak rer nɛɛkik nɛ tina mɛlɛ kɛ rɛrɓa Kerese agut joop baŋɛ agut omoŋ. 15Rɛrɓa Kerese agut joop baŋɛ kɛnɔ joop sigɛ beeɗirk kat beeɗir ɛkana gɛŋk, mayakana Sɛɛna dakɛɗa sinaanaɓa rɛr ɛɓa ŋaarki ret walasak wɛɛŋaka agut sɛɛgik.
16Agut sini a tukiɗi seedi son kɛygun wooɗ kiikɔɔ taanta koɓiiɗ etoŋk. Kɛygunɓa aasi jeemɛ dɛnii Keresee koɓiiɗ etoŋkuŋ, nɛ kɔɔɓɔ seedi son kii Sɛɛn taanta oko sinɛk. 17Agut sini ɔkɔn iɗit ar Kereseeŋ, nɛ sɛɛn riiɓ sinɔ tɔɔnuk. Ɗoyukan sinɛ bɔɔlɔŋkuŋ, maɓɔ ɓɛɛlɛ riiɓ sinɔ tɔɔnuk. 18Ɓɛɛlɛɓa sini baŋɛ Waakoyote sinaanaɓa tin taaki a ɛɛk nɛɛk goy Kereseek, ɛɓa tina gaɓɛ ijaag taakiiyɛɛkoŋkuk. 19Ege sini sinɔ kɛ taakiɗiɓa Waakoyot a joop a ɛɛk nɛɛk goy Kereseek, kiɓa sɛɛga ikomiit tikiyɛ gɛŋk, maɓa eteŋka gaɓɛ wosɛ nɛɛk taakiiyɛɛkoŋk. 20Agut sinɔ riyɗi Waakoyot joop goy naŋkik nɛ eteŋk joop sigɔ ijaagɗi ɔɔtɛ Kereseek. Nɛ agut sini kalɛyii kɔnu tiriyaakɛ Kereseek kɛ, "In taakiɗiikɛɛ a Waakoyo." 21Ariɓa Waakoyot sɛɛn sinɛ kiiɗɛ tikiyɛɛk a tikiɗi agut eteŋk, nɛ dakii a mentankii taamɛkɛ Waakoyotoŋk Sɛɛne.
Iliyochaguliwa sasa
Pɛɛyeen Korontoosuk 5: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia