Omoŋ Korontoosuk 8
8
Taar Sinɔkɔ Uduŋɛɛ Raŋaawotaak
1Tona sisɔ sini agut taar sinɔkɔ uduŋɛɛ raŋaawotaak. Oko sinɛ toniiɗɛ kɛ, "Lakii ɗegerɔn ɛɛkoŋk baŋɛŋɔŋk." Arɗi ɗegerɔn ɛɛkoŋk a ɓɔŋgɔɔrɛɛ ɛɛk rakaaya, mayakana sɛŋk arɗi mɛyin a ɓaŋkaawurɛɛŋ. 2Ɔkɔn lakɛ iɗit sinɔ koɓu kɛ, "Ɗegera ɛɛkkiŋ," nɛ in ki ɗegerɔɔn a ɛtɛ oko sinɛ gun ɗegerɗik. 3Mayakana iɗit sinɛ poru Waakoyok ɗegerɛɛ sɛɛn sooy lak Waakoyokuŋ.
4Tona sisɔ oko sinik agut taar sinɔkɔ uduŋɛɛ raŋaawotaak. Ɗegerii kɛ kɛɛ wɛɛŋa raŋaawotakɛ sigaagɛ atu ɗook sineene raŋk, ɛ ege Waakoyot omoŋ dakɛɗa. 5Kɛygun lakaayɛ jookak a ɓɔɔkaaŋ sigɔ riyɛ sɛɛg kɛ joohkuŋ ɗook sineene raŋk maŋk dariŋ ɛ lakɛ joohkak a ɓɔɔkaaŋ a suumiyɛ a ɓɔɔkaaŋ, 6Nɛ lakii Baabɛ naŋk Waakoyo sinɔ omoŋɔŋk dakɛɗa sinɛɓa riiɓe ola baŋɛk ɛ sinɛ eteŋk gɛɛŋkik, ɛɓɔrɛ lakii Suumi Yeese Keresee sinɔ omoŋɔŋk sinɛɓa riiɓɛɛ ola baŋɛ Sɛɛnek ɛɓɔre beeɗii Sɛɛnek.
7Mayakana sigɛ ɗegerar sinik moko joop baŋɛ. Barɛrkɔ joop a omoŋ omoŋ ugumeet raŋaawotakaak. Saa ɗamarɗi taar sinɔ ito sinik, nɛ koɓur kɛ uduŋɛɛkɔ raŋaawotaka eekeerɛ, agut sinɔ kalbiyɛ gɛŋk bɔɔlakik nɛ sɔɔkiɗiŋ. 8Mayakana moko ɗama any sinɛ tin wideer son lak Waakoyok. Kɛɛ any sinɔ tine bitakɗik kɛygun kiikaayii ɗamitiŋ, ɛ kɛɛ any sinɔ tina tuukiɗiikik kɛygun ɗamikaayiiŋ.
9Mayakana in koorɛɛ ɛɛk kɛnɔ mokɔɔ any sinɛ ijaagiir oolaan noŋkuk dakɛ a gaŋtan joopa sigaaga kir ɓaŋkawuka ŋaadiyɛɛkɛk. 10Ɔkɔn tonun kɛ, "Laka ɗegerɔn sinɔ ito sinikiŋ," ɛ saani dɛnɛɛɗ iɗit sinɔ lak kalbi sinɔ bɔɔluk a ɗamikin woy raŋaawotoŋk, anɛ ki sɛɛn ariiɗ a ɗam taar sinɔkɔ uduŋɛɛ raŋaawotaak? 11Nɛ agut sini iin sinɛ tonun kɛ, "Ɗegera ɛɛkik" badɛkɔɔ masookoy sinɛ in ki ɓaŋkaawurɔn ŋaadiyɛɛkɛk ɔɔtɛ nookɛk, sinɛɓa rɛrgeeɗ Kereseek. 12Saa tikerɗɔ masookoyak sigɛ dooytaanakik ɛ ariir kalbiyɛ gɛŋk sigɛ in kir ɓaŋkaawurɔn ŋaadiyɛɛkɛk a doosoyɛrŋɔŋk, ege sini sinɔ tikerɗɔ Kereseek. 13Nɛ agut sini ɔkɔn ari ɗamat manya eeta a gaŋiŋ, nɛ kaa ada taar adaktan kɛnɔ kat ara manya eeta a gaŋiŋ.
Iliyochaguliwa sasa
Omoŋ Korontoosuk 8: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia