Omoŋ Korontoosuk 14
14
Tigiyak Pɛrkaakoŋk A Toni Ato Sinɔ Tɔɔnuk
1In nomɛɛ mɛyin tuki nɛɛkɛk. In ɗɛyɛɛ a ɓaŋkawuŋ tigiyak Wɛɛŋa sigɔ Geetitaanakik, a kaalɛŋ tigi toni pɛrkaakoŋk. 2Iɗit sinɔ tonɗi ad sinɔɔnɛ tɔɔnuk, tonɗi Waakoyota ma moko eta, agut sinɔ toniiɗ any sinɔ dugtan Wɛɛŋakɛ sigɔɔgɛ Geetitaanakik, nɛ kɛɛ iɗit sinɔ ɗeger pɛɛni sinɛ tonuk. 3Mayakana iɗit sinɔ tonu pɛrkaak tonɗi eta, nɛ ari a ɛtɛŋ, ɛ ari a ɓaŋkaawurŋ, a aawoyŋ. 4Iɗit sinɔ tonɗi ad sinɔɔnɛ tɔɔnuk nɛ ari ɛɛk nɛɛk dakɛɗa a ɛtɛŋ, mayakana iɗit sinɔ tonu pɛrkaak ari gode Sambatɛyoŋk a ɛtɛŋ.
5Ɗɛya a tonɗiikari ad sinɔɔnɛ tɔɔnuk iinak baŋɛ, a kaalɛŋ toni pɛrkaakoŋk. Ɔkɔn tonɗiikari ad sinɔɔnɛ tɔɔnuk kɛnɔ ari gode Sambatɛyoŋk a ɛtɛŋ, nɛ ɔkɔn kɛɛ iɗit sinɔ doomɛ sinɛkɔ tonɛɛ ad sinɔɔnɛ tɔɔnukuŋ, nɛ iɗit sinɛ tonɗi ad sinɔɔnɛ tɔɔnuk ki kaalɛt iɗit sinɛ tonu pɛrkaak.
6Sisɔ iinak manyaakak eeta sigɛ dooytaanakik, saa kɔrurkuɗa son lak iinakik ɔkɔn kɔna tonɗiika ad sinɔɔnɛ tɔɔnukuŋ, nɛkɔna kɔnyka jikon? A kaalɛŋ kɔnyɛ kɔnu saakɔna diilerkiɗa yaaŋiyɛ any Waakoyotoŋk sinɔ dugaaŋɔŋk, a ɗegerɔn, a pɛrka, a rɔɔriyɔnk. 7Ola iiliyakoŋk seetɛ a soŋguy sigɔ kɛɛ sɛɛge wɛɛŋak ɔkɔn kɛɛ sɛɛge ɗooran sinɔ pakataaŋɔŋkuŋ, nɛ ɗegerɛɛ ɗooran sinɛ gaɓɛrk kɛ jikon ɛk? 8Ɔkɔn gotɛɛ luuri ɗooraan sinɔɔnɛ pakataaŋɔŋkuŋ, nɛ wooɗ sinɛ ragadi ɛɛk kaarinaak? 9Maɓɔrɔ ɔkɔn kiir tonɗiit ad sinɔɔnɛ ɗegerɛɛŋɔŋk, nɛ wooɗ sinɛ oolɛ a ɗeger any sinɛ toniirik? Dakɛɛrkɔɔ a ito tonɗiigiɗɛɛ walɛ. 10Lakɛ ɗook raŋk atutun sigɔ pakakataaŋɔŋkuŋ a ɓɔɔkaaŋ, yakana kɛɛ ato sinɔ kiiɗɛ doomɛtik. 11Ɔkɔn sisɔ kaa ɗegerɔɔn doomɛt ato sinɛ tonɛɛkiŋ, nɛ eet koonat eta sinaana tonɗiigiɗaak, maɓɔrɛ sɛɛn koonat eeta. 12Agut sinɔ ɓɔrɔ ɗɛyɛrɗɔ tigiyak Wɛɛŋa sigɔ Geetitaanakik a ɓaŋkawuŋɔŋkuk, nɛ in ɗɛyɛɛ tigiyak sigɔ arir dooytaanak a ɛtɛrŋɔŋk a kaalɛŋ.
13Nɛ agut sini iɗit sinɔ tonɗi ad sinɔɔnɛ tɔɔnuk, in ɗanɗama kɛnɔ lak oolan doomɛtoŋk. 14Agut sinɔ ɔkɔn ɗanɗamaaka ad sinɔɔnɛ tɔɔnukuŋ nɛ ɗanɗama wɛɛŋa gaanɛkiŋ, a kalbi naakɛ dakɛ a kɛɛ any sinɔ ɗegerak. 15Anɛta dɔɔs a ara jikon? Ɗanɗamaaka wɛɛŋakɛ gaanɛkiŋ, maɓɔrɛ ɗanɗamaaka kalbii naakɛkiŋ. Iiliyaaka wɛɛŋakɛ gaanɛkiŋ, maɓɔrɛ iiliyaaka kalbii naakɛkiŋ. 16Saa pɔɔsɛɛɗin Waakoyo wɛɛŋakɛ dakɛɗak, Nɛ oolɛ iɗit a ari kɛ Ameen pɔɔsiyɛɛka ɗanɗamɔn nookuk ɛk? Ma ki ɗegerɔɔn any sinɛ tonunkuk. 17Agut sinɔ gaɓunkɔ ɗanɗamɔn pɔɔsiyɛɛkoŋk a mentan jɛt, mayakana ki ariiɗ iɗit om a ɛtɛŋ.
18Pɔɔsa Waakoyo agut sinɔ tonɗiiɗa ad sinɔɔnɛ tɔɔnuk a kɔnu kaala baŋɛk. 19Mayakana ɗɛya a tona pɛɛniyɛ a tuul godeey Sambatɛyoŋk kɛnɔ rɔɔriya joop ɔgɔ ɔɔtɛ sinɔɔnɛ gun toniiɗa pɛɛniyɛ a kumɛɛ ɓɔɔkaaŋ ad sinɔɔnɛ tɔɔnuk.
20Iinak manyaakak eeta sigɛ dooytaanakik, kat ɓɛɛlɛɛ a tɔɔmɔk koɓiɗakɛ goŋk, ma in ɓɛɛlɛɛ a tɔɔmɔk anta sinɔɔna ŋɛɛwɛnŋɔŋk, ma in ɓɛɛlɛɛ koɓiɗakɛ goŋk a aaɗikariŋ. 21Taapɛɛɓa higii kɛ, "Tonu Suumii Waakoyot kɛ, 'Tonɗiika joopa sigeega ad sinɔɔnɛ tɔɔnuk, a ad joop sigɔ gaatiyaatɛk, nɛ a ɓɛɛlɛ oko sinik nɛta kir weenta.' "
22Nɛ agut sini ege toni ad sinɔɔnɛ tɔɔnuk yaaŋtan joopa sigɔɔga kir ŋaadiɗiitik, ma moko joopa sigɔɔga ŋaadiɗiiŋɔŋk. Ma ege toni pɛrkaakoŋk yaaŋtan joopa sigɔɔga ŋaadiɗiiŋɔŋk, ma moko joopa sigɔɔga kir ŋaaditaanakik.
23Ɔkɔn tolɗi dooytaanak baŋɛ ɛ tonɗi ad sinɔɔnɛ tɔɔnuk, ɛ guugunytar joop sigɔ kir ɗegerɔɔnuk maŋk joop sigɔ kir ŋaadiɗiitik nɛ kir toniiɗ kɛ, "Maraatɛrŋ?" 24Mayakana ɔkɔn joop baŋɛ tonur pɛɛni pɛrkaakoŋk, ɛ guugunytar joop sigɔ kir ŋaadiɗiitkiŋ maŋk joop sigɔ kir ɗegerɔɔnkuŋ, nɛ sɛɛg gɔɔnyɛɛ pɛɛnii sinaanɛ tiyɛrk baŋɛ, ɛ sɛɛge pɛrɛdɛɛ pɛɛnii sinaanɛ tiyɛrk baŋɛ. 25Nɛkɔɔ yaaŋɛ ɛɛk any sinɛkɔ dugiɗi ɓayaay nɛɛkɛkiŋ, nɛkɔɔ muke tepeen nɛɛkɛ ɗoo nɛ ugume Waakoyota a tonu kɛ, "Ɓɛɛlɛ kɔne Waakoyot kɔɔr eekeerɛ!"
Ugumeet Sinɔ Lak Ikomiitik
26Iinak manyaakak eeta sigɛ dooytaanakik, dɔɔs sisɔ a arɛɛ jikon? Saa tolɗiiɗɔɔk lak iinakɛ iɗit omaay tigi iiliyakoŋk, ma lak iɗit omaay tigi rɔɔriyɔɔnoŋk, ma lak iɗit omaay tigi sinɔ yaaŋɛɛɗ any sinɔ ar dugeeɗik, ma lak iɗit omaay tigi sinɔ tonɗiiɗ ad sinɔɔnɛ tɔɔnuk, ma lak iɗit omaay tigi doomɛtoŋk. Ege sini any sinɔ ari dooytaanak a ɛtɛrŋɔŋk. 27Ɔkɔn lakɛ joop sigɔ tonɗi ad sinɔɔnɛ tɔɔnukuŋ, in pɛɛy maŋk ɔkɔn ɓɔɔkaaŋ nɛ in jiit, Nɛ in tonɗi momogunɛɛkɛ, in doomɛ iɗit omaay any sinɛ tonur joop sigɛk. 28Mayakana ɔkɔn kɛɛ iɗit sinɔ doomɗiŋɔŋkuŋ, nɛ in dakɛr kɛ many joop sigɛ tonɗi ad sinɔɔnɛ tɔɔnuk godeey Sambatɛyoŋk tak, in tonɗi ɛkana gɛŋk a Waakoyota dakɛɗa. 29In tonɗi joop sigɔ tonur pɛrkaak a pɛɛy maŋk jiit, mayakana in joop ɔgɔɔk pakatir any sinɛkɔ tonɛɛk. 30Ɔkɔn yaaŋɛɛ any om joopa sigaaga atu tolɛɛɗik kɔɔr eta omaltaaŋ, nɛ in dakɛ kɛ many iɗit sinɛkɔ tonɗi tukik. 31Oolɛɛr a toniir wosɛ Waakoyotoŋk iinak baŋɛ momogunɛɛkɛ kɛnɔ joop baŋɛ barɛr ɛɛk ɛ gaananɛr ɛɛk. 32Tiiɗi wɛɛŋa joop pɛrkaakoŋk joopa pɛrkaakoŋkuŋ, 33Agut sinɔ ege Waakoyot Waakoyo bɔdɛɗoŋk, ma moko Waakoyo ooyanoŋk.
Oko sinɛ ɓɔrɛ ɓɛɛlɛɛɗ dooytaanakɛ Waakoyotoŋk baŋɛk, 34nɛ in dakɛr jartiyatɔk kɛ many tolɛɛɗ dooytaanakoŋk. Agut sinɔ kɛɛɓa sɛɛga pɛgɛdɛɛt kɛnɔ in tonɗi, ma in tiiɗi oko sinɛ sekɛɛɗ higi Muuseek. 35Ɔkɔn ɗɛyɛr any a omoŋ omoŋ a ɗegerarŋ, In kɔɔniyar babuy gɛŋk wɛykɔkɛ, agut sinɔ moko liki sinɔ tonɗiiɗ jartii godeey Sambatɛyoŋkuk.
36Tukerkɔɔɓa Pɛɛni Waakoyotoŋk sɔɔku? Maŋk mɛlɛɛrɓa Pɛɛni Waakoyotoŋk son lak iinakik dakɛɗa? 37Ɔkɔn lakɛ iɗit sinɔ tonu kɛ sɛɛn iɗit pɛrkaakoŋk, maŋk lak tigi Wɛɛŋakoŋkuŋ, in ɗeger kɛ ege sigi kɔna taapɛɛrak sekiyɛ Suumiyoŋk. 38Ɔkɔn lakɛ iɗit sinɔ ki ɗegerɔɔn sinikiŋ, kat ɓɔrɛ sɛɛn ɗegerɛɛ.
39Agut sini iinak manyaakak eeta sigɛ dooytaanakik, in ɗɛyɛɛ toni pɛrkaakoŋk a ɓaŋkawuŋ, maɓɔrɛ kat kaaɓɛ toni ad sinɔɔnɛ tɔɔnuk. 40Mayakana in ijaagɛɛ any baŋɛ a ɓɛɛlɛ kɛ ɗɔm a lak ikomiit.
Iliyochaguliwa sasa
Omoŋ Korontoosuk 14: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Omoŋ Korontoosuk 14
14
Tigiyak Pɛrkaakoŋk A Toni Ato Sinɔ Tɔɔnuk
1In nomɛɛ mɛyin tuki nɛɛkɛk. In ɗɛyɛɛ a ɓaŋkawuŋ tigiyak Wɛɛŋa sigɔ Geetitaanakik, a kaalɛŋ tigi toni pɛrkaakoŋk. 2Iɗit sinɔ tonɗi ad sinɔɔnɛ tɔɔnuk, tonɗi Waakoyota ma moko eta, agut sinɔ toniiɗ any sinɔ dugtan Wɛɛŋakɛ sigɔɔgɛ Geetitaanakik, nɛ kɛɛ iɗit sinɔ ɗeger pɛɛni sinɛ tonuk. 3Mayakana iɗit sinɔ tonu pɛrkaak tonɗi eta, nɛ ari a ɛtɛŋ, ɛ ari a ɓaŋkaawurŋ, a aawoyŋ. 4Iɗit sinɔ tonɗi ad sinɔɔnɛ tɔɔnuk nɛ ari ɛɛk nɛɛk dakɛɗa a ɛtɛŋ, mayakana iɗit sinɔ tonu pɛrkaak ari gode Sambatɛyoŋk a ɛtɛŋ.
5Ɗɛya a tonɗiikari ad sinɔɔnɛ tɔɔnuk iinak baŋɛ, a kaalɛŋ toni pɛrkaakoŋk. Ɔkɔn tonɗiikari ad sinɔɔnɛ tɔɔnuk kɛnɔ ari gode Sambatɛyoŋk a ɛtɛŋ, nɛ ɔkɔn kɛɛ iɗit sinɔ doomɛ sinɛkɔ tonɛɛ ad sinɔɔnɛ tɔɔnukuŋ, nɛ iɗit sinɛ tonɗi ad sinɔɔnɛ tɔɔnuk ki kaalɛt iɗit sinɛ tonu pɛrkaak.
6Sisɔ iinak manyaakak eeta sigɛ dooytaanakik, saa kɔrurkuɗa son lak iinakik ɔkɔn kɔna tonɗiika ad sinɔɔnɛ tɔɔnukuŋ, nɛkɔna kɔnyka jikon? A kaalɛŋ kɔnyɛ kɔnu saakɔna diilerkiɗa yaaŋiyɛ any Waakoyotoŋk sinɔ dugaaŋɔŋk, a ɗegerɔn, a pɛrka, a rɔɔriyɔnk. 7Ola iiliyakoŋk seetɛ a soŋguy sigɔ kɛɛ sɛɛge wɛɛŋak ɔkɔn kɛɛ sɛɛge ɗooran sinɔ pakataaŋɔŋkuŋ, nɛ ɗegerɛɛ ɗooran sinɛ gaɓɛrk kɛ jikon ɛk? 8Ɔkɔn gotɛɛ luuri ɗooraan sinɔɔnɛ pakataaŋɔŋkuŋ, nɛ wooɗ sinɛ ragadi ɛɛk kaarinaak? 9Maɓɔrɔ ɔkɔn kiir tonɗiit ad sinɔɔnɛ ɗegerɛɛŋɔŋk, nɛ wooɗ sinɛ oolɛ a ɗeger any sinɛ toniirik? Dakɛɛrkɔɔ a ito tonɗiigiɗɛɛ walɛ. 10Lakɛ ɗook raŋk atutun sigɔ pakakataaŋɔŋkuŋ a ɓɔɔkaaŋ, yakana kɛɛ ato sinɔ kiiɗɛ doomɛtik. 11Ɔkɔn sisɔ kaa ɗegerɔɔn doomɛt ato sinɛ tonɛɛkiŋ, nɛ eet koonat eta sinaana tonɗiigiɗaak, maɓɔrɛ sɛɛn koonat eeta. 12Agut sinɔ ɓɔrɔ ɗɛyɛrɗɔ tigiyak Wɛɛŋa sigɔ Geetitaanakik a ɓaŋkawuŋɔŋkuk, nɛ in ɗɛyɛɛ tigiyak sigɔ arir dooytaanak a ɛtɛrŋɔŋk a kaalɛŋ.
13Nɛ agut sini iɗit sinɔ tonɗi ad sinɔɔnɛ tɔɔnuk, in ɗanɗama kɛnɔ lak oolan doomɛtoŋk. 14Agut sinɔ ɔkɔn ɗanɗamaaka ad sinɔɔnɛ tɔɔnukuŋ nɛ ɗanɗama wɛɛŋa gaanɛkiŋ, a kalbi naakɛ dakɛ a kɛɛ any sinɔ ɗegerak. 15Anɛta dɔɔs a ara jikon? Ɗanɗamaaka wɛɛŋakɛ gaanɛkiŋ, maɓɔrɛ ɗanɗamaaka kalbii naakɛkiŋ. Iiliyaaka wɛɛŋakɛ gaanɛkiŋ, maɓɔrɛ iiliyaaka kalbii naakɛkiŋ. 16Saa pɔɔsɛɛɗin Waakoyo wɛɛŋakɛ dakɛɗak, Nɛ oolɛ iɗit a ari kɛ Ameen pɔɔsiyɛɛka ɗanɗamɔn nookuk ɛk? Ma ki ɗegerɔɔn any sinɛ tonunkuk. 17Agut sinɔ gaɓunkɔ ɗanɗamɔn pɔɔsiyɛɛkoŋk a mentan jɛt, mayakana ki ariiɗ iɗit om a ɛtɛŋ.
18Pɔɔsa Waakoyo agut sinɔ tonɗiiɗa ad sinɔɔnɛ tɔɔnuk a kɔnu kaala baŋɛk. 19Mayakana ɗɛya a tona pɛɛniyɛ a tuul godeey Sambatɛyoŋk kɛnɔ rɔɔriya joop ɔgɔ ɔɔtɛ sinɔɔnɛ gun toniiɗa pɛɛniyɛ a kumɛɛ ɓɔɔkaaŋ ad sinɔɔnɛ tɔɔnuk.
20Iinak manyaakak eeta sigɛ dooytaanakik, kat ɓɛɛlɛɛ a tɔɔmɔk koɓiɗakɛ goŋk, ma in ɓɛɛlɛɛ a tɔɔmɔk anta sinɔɔna ŋɛɛwɛnŋɔŋk, ma in ɓɛɛlɛɛ koɓiɗakɛ goŋk a aaɗikariŋ. 21Taapɛɛɓa higii kɛ, "Tonu Suumii Waakoyot kɛ, 'Tonɗiika joopa sigeega ad sinɔɔnɛ tɔɔnuk, a ad joop sigɔ gaatiyaatɛk, nɛ a ɓɛɛlɛ oko sinik nɛta kir weenta.' "
22Nɛ agut sini ege toni ad sinɔɔnɛ tɔɔnuk yaaŋtan joopa sigɔɔga kir ŋaadiɗiitik, ma moko joopa sigɔɔga ŋaadiɗiiŋɔŋk. Ma ege toni pɛrkaakoŋk yaaŋtan joopa sigɔɔga ŋaadiɗiiŋɔŋk, ma moko joopa sigɔɔga kir ŋaaditaanakik.
23Ɔkɔn tolɗi dooytaanak baŋɛ ɛ tonɗi ad sinɔɔnɛ tɔɔnuk, ɛ guugunytar joop sigɔ kir ɗegerɔɔnuk maŋk joop sigɔ kir ŋaadiɗiitik nɛ kir toniiɗ kɛ, "Maraatɛrŋ?" 24Mayakana ɔkɔn joop baŋɛ tonur pɛɛni pɛrkaakoŋk, ɛ guugunytar joop sigɔ kir ŋaadiɗiitkiŋ maŋk joop sigɔ kir ɗegerɔɔnkuŋ, nɛ sɛɛg gɔɔnyɛɛ pɛɛnii sinaanɛ tiyɛrk baŋɛ, ɛ sɛɛge pɛrɛdɛɛ pɛɛnii sinaanɛ tiyɛrk baŋɛ. 25Nɛkɔɔ yaaŋɛ ɛɛk any sinɛkɔ dugiɗi ɓayaay nɛɛkɛkiŋ, nɛkɔɔ muke tepeen nɛɛkɛ ɗoo nɛ ugume Waakoyota a tonu kɛ, "Ɓɛɛlɛ kɔne Waakoyot kɔɔr eekeerɛ!"
Ugumeet Sinɔ Lak Ikomiitik
26Iinak manyaakak eeta sigɛ dooytaanakik, dɔɔs sisɔ a arɛɛ jikon? Saa tolɗiiɗɔɔk lak iinakɛ iɗit omaay tigi iiliyakoŋk, ma lak iɗit omaay tigi rɔɔriyɔɔnoŋk, ma lak iɗit omaay tigi sinɔ yaaŋɛɛɗ any sinɔ ar dugeeɗik, ma lak iɗit omaay tigi sinɔ tonɗiiɗ ad sinɔɔnɛ tɔɔnuk, ma lak iɗit omaay tigi doomɛtoŋk. Ege sini any sinɔ ari dooytaanak a ɛtɛrŋɔŋk. 27Ɔkɔn lakɛ joop sigɔ tonɗi ad sinɔɔnɛ tɔɔnukuŋ, in pɛɛy maŋk ɔkɔn ɓɔɔkaaŋ nɛ in jiit, Nɛ in tonɗi momogunɛɛkɛ, in doomɛ iɗit omaay any sinɛ tonur joop sigɛk. 28Mayakana ɔkɔn kɛɛ iɗit sinɔ doomɗiŋɔŋkuŋ, nɛ in dakɛr kɛ many joop sigɛ tonɗi ad sinɔɔnɛ tɔɔnuk godeey Sambatɛyoŋk tak, in tonɗi ɛkana gɛŋk a Waakoyota dakɛɗa. 29In tonɗi joop sigɔ tonur pɛrkaak a pɛɛy maŋk jiit, mayakana in joop ɔgɔɔk pakatir any sinɛkɔ tonɛɛk. 30Ɔkɔn yaaŋɛɛ any om joopa sigaaga atu tolɛɛɗik kɔɔr eta omaltaaŋ, nɛ in dakɛ kɛ many iɗit sinɛkɔ tonɗi tukik. 31Oolɛɛr a toniir wosɛ Waakoyotoŋk iinak baŋɛ momogunɛɛkɛ kɛnɔ joop baŋɛ barɛr ɛɛk ɛ gaananɛr ɛɛk. 32Tiiɗi wɛɛŋa joop pɛrkaakoŋk joopa pɛrkaakoŋkuŋ, 33Agut sinɔ ege Waakoyot Waakoyo bɔdɛɗoŋk, ma moko Waakoyo ooyanoŋk.
Oko sinɛ ɓɔrɛ ɓɛɛlɛɛɗ dooytaanakɛ Waakoyotoŋk baŋɛk, 34nɛ in dakɛr jartiyatɔk kɛ many tolɛɛɗ dooytaanakoŋk. Agut sinɔ kɛɛɓa sɛɛga pɛgɛdɛɛt kɛnɔ in tonɗi, ma in tiiɗi oko sinɛ sekɛɛɗ higi Muuseek. 35Ɔkɔn ɗɛyɛr any a omoŋ omoŋ a ɗegerarŋ, In kɔɔniyar babuy gɛŋk wɛykɔkɛ, agut sinɔ moko liki sinɔ tonɗiiɗ jartii godeey Sambatɛyoŋkuk.
36Tukerkɔɔɓa Pɛɛni Waakoyotoŋk sɔɔku? Maŋk mɛlɛɛrɓa Pɛɛni Waakoyotoŋk son lak iinakik dakɛɗa? 37Ɔkɔn lakɛ iɗit sinɔ tonu kɛ sɛɛn iɗit pɛrkaakoŋk, maŋk lak tigi Wɛɛŋakoŋkuŋ, in ɗeger kɛ ege sigi kɔna taapɛɛrak sekiyɛ Suumiyoŋk. 38Ɔkɔn lakɛ iɗit sinɔ ki ɗegerɔɔn sinikiŋ, kat ɓɔrɛ sɛɛn ɗegerɛɛ.
39Agut sini iinak manyaakak eeta sigɛ dooytaanakik, in ɗɛyɛɛ toni pɛrkaakoŋk a ɓaŋkawuŋ, maɓɔrɛ kat kaaɓɛ toni ad sinɔɔnɛ tɔɔnuk. 40Mayakana in ijaagɛɛ any baŋɛ a ɓɛɛlɛ kɛ ɗɔm a lak ikomiit.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia