Omoŋ Korontoosuk 11
11
1In gaayɛɛ eet oko sinɛ gayɗa Kereseek.
Dambi Ugumeetoŋk
2Pɔɔsa kɔnu agut sinɔtu koɓurɗɔ ɛ gaamurɗɔ rɔɔriyɔn sinɛkan boŋka nɔkan kɔna kɔɓɛɛraak. 3Ɗɛya kɛnɔ ɗegerari kɛ ege Keresee ɔɗɔ moojakoŋk baŋɛ, maɓɔrɛ ɔɗɔ jartiyoŋk mooy, ma ɔɗɔ moojoŋk Waakoyo. 4Iɗit sinɔ mooyk ɗanɗama maŋk waasɛ pɛɛni pɛrkaakoŋk, ma tuse ɔɗɔ nɛɛkik, daraayɛ Keresee sinɛ lak ɓaŋkawuka sɛɛne raŋk.#11:4 See kɛ ɔɗɔɔk yaaŋɛ ɓaŋkawuka. 5Maɓɔrɛ jarti sinɔ ɗanɗama maŋk waasɛ pɛɛni pɛrkaakoŋk, ma ki tuseeɗ ɔɗɔ nɛɛkik daraayɛ ɔɗɔ nɛɛk, agut sinɔ ikomiiɗɛɛ a ito baanytank. 6Ɔkɔn ki tuseeɗ jartii ɔɗɔ nɛɛkiŋ, nɛ in ogarɛɛ ami gɛɛŋk. Mayakana ɔkɔn ogarɛɛt maŋk baanyɛɛt any sinɔ ari sɛɛn a lageeɗ keenykiŋ, nɛ in tuse ɔɗɔ nɛɛk. 7Ki ɗɛyɛ mooja a tuse ɔɗɔŋ, agut sinɔ sɛɛn tagaytan Waakoyotoŋk ɛ yaaŋɛɛɗɛɛ eemɛyɔn Waakoyotoŋkuk. Mayakana ege jartii eemɛyɔn moojoŋk, 8Agut sinɔ riiɓɛɛɓa jarti mooje, ma mokoɓa riiɓɛɛ mooy jartii. 9Riiɓɛɛɓa jarti mooja, ma mokoɓa riiɓɛɛ mooy jartiya. 10Agut wosɛytaanak Waakoyotoŋk ɗɛyɛ jartiya a tuse ɔɗɔ nɛɛkiŋ, kɛnɔ yaaŋɛ soon kɛ lak ɓaŋkawukaak. 11Beeɗit sinaanɛ arkiɗii Suumii Yeeseek, ki beeɗit jartii a kiiɗɛ mooy maɓɔrɛ ki beeɗit mooy a kiiɗɛ jarti. 12A eekeer oko sinɛɓa riiɓeeɗɛɛ jarti moojeek nɛɓɔrɛ ɓartɛɛ mooy jartii. Yakana mooy maŋk jarti a ola ɔgɔ baŋɛ laŋɛɛ sɛɛg Waakoyote.
13Intɔ pɛrɛdɛɛ sɔɔk, dɔɔs a ɗanɗama jartii Waakoyota maakɔ ki tuseeɗ ɔɗɔ nɛɛkiŋ? 14Ɔkɔn iɗit sinɔ mooyk ŋɔɗur ami gɛɛŋk a ɓɔɔkaaŋ, kikan kɔnu rɔɔriyɔɔn ɓɛɛl sinɛɓa goorɛk kɛ keerɛŋ? 15Yakana agut sinɔɓa gaɓɛɛɗɛɛ ami jartiya a miinyeeɗ ɔɗɔ nɛɛkik, nɛ ɔkɔn ŋɔɗur ami gɛɛŋk a ɓɔɔkaaŋ, nɛ eemɛyɔn sɛɛna. 16Ɔkɔn lakɛ iɗit sinɔ ɗɛyɛ palamɛ agut any sinikiŋ, kɛɛ tine barɛ sinɔ pakata sineenek, kɛygun eteŋk maŋk godeyi Sambatɛyoŋk Waakoyotoŋk.
Dambi Ɗama Sinɔ Geetitank
(Maa. 26:26-29; Mar. 14:22-25; Luk. 22:14-20)
17Kaa kɔnu pɔɔsɛɛt sekiyɛɛkɛ sigeege kɔna gaɓa sisɔk, agut sinɔ moko ege tolɛ noŋk any sinɔ kɔnyɗiiŋɔŋk, ma ege tolɛ noŋk any sinɔ kɔnu sɔɔkɛŋɔŋk. 18Olaatɛ baŋɛ ɔɗɔɔkɛ, tiyaakɔ kɛ lakɛnɔ kɔne kɔɔr pakakat saa tolɗiiɗɔɔ ijaag sinaanɛ ijaagiir ɓɔɔkaakatik. Nɛ ŋaada any sini kɛ ege gɔɔ omaay eekeer. 19Ɗɛyɛ kɔna a in ɓɛɛlɛ pakakat sini kɛnɔ pakatɛɛ joop sigɛ likikaanakik kɛnɔ ɗegerɛɛ sɛɛg kɛ wooɗak. 20Saa tolɗiiɗɔɔk omaayikentik moko ɗamari ɗama sinɔ geetitank Suumiyoŋk. 21Agut sinɔ saa ɗamiɗɔɔk, nɛ iɗit omaay ɗami a ki koorɛɛt mɛɛno a meejakariŋ. Nɛ ant sinɔɔnɛ ito sinik lak iɗit omaay ŋaawu, ma iɗit omaay pɔyŋ. 22A kɛɛ kɔne godeyi sigɔ ɗamiɗɔɔŋɔŋk a sigɔ utiɗiiɗɔɔŋɔŋk? Maŋk daraayɛɛr gode Sambatɛyoŋk Waakoyotoŋk? Maŋk ariir rakatɛkaana sigɛ kɛɛ sɛɛge anyk a latu keeny? Nɛɓɔ kɔna tona jikon? A pɔɔsa kɔnu agut any siniŋ? Kaa kɔnu pɔɔsɛɛt adaktan.
23Ege sini kɔna kɔɓɛɛraak rɔɔriyɔn sinɛkan boŋa Suumiik. Ajige saakan gaɓɛɗɛɛk, ɓɔŋgɔɔrɛkan Suumi Yeese kiiwu nɛɛk, 24nɛkan pɔɔsɛ Waakoyo nɛ ŋapati nɛ tɔnu kɛ, "Iyook, in ɗamɛɛ ege sini buusɛ naak sinɔ gayɛ iinakaak. In arɛɛ sini a kokoɓarkiɗɔ eet." 25Makan ɓɔrɛ ɓɔŋgɔɔrɛ tuu nɛɛk ajigeyoŋk baŋiya nɛ tonu kɛ, "Ege sini tuu kuumiyɛ sigɔ tɔɔmɔkuk yɛrom naakik. Saa uterɗɔ sinik baŋɛk in arɛɛ sini a kokoɓarkiɗɔ eet."
26Agut sinɔ saa ɗamarɗɔ kiiwu sinik ɛ uterɗɔ tuu sinik baŋɛ, nɛ waawasarkuunar rer Suumiyoŋk nɔkoy mɛlkiɗik. 27Agut sini ɔkɔn lakɛ iɗit sinɔ ki gayɛ a gun ɗam kiiwu ɛ ute tuu Suumiyoŋkuŋ, nɛ lak asɛ buusɛ Suumiyoŋk a yɛrom nɛɛkɛkik. 28Nɛ in tɛɛnan iɗit mermen ɛɛk nɛɛk kɛnɔ ɗam kiiwu sini ɛ ute tuu sini. 29Iɗit sinɔ ki mermenɛ ɛɛk nɛɛk nɛ ɗam buusɛ Suumiyoŋk ɛ ute tuu nɛɛk, nɛ gaɓɛ ɛɛk nɛɛk goopana saa ɗamiɗik ɛ saa utiɗiiɗik. 30Agut sini joop a ɓɔɔkaaŋ iinakɛ kɔɔr bɔɔlaakan ɛ kan gorur ɛ kan rɛrar agut any sini. 31Ɔkɔnkan pɛrɛdii ɛkanɛ gaŋkiŋ, gunkoy tine kɛɛ pɛrɛdɛɛt oko sinik. 32Yakana tine pɛrɛdɛ Suumii atin koykoyɛŋ kɛnɔ kat koy tin goopɛɛ a ɗoo sini agut omoŋ.
33Nɛ agut sini iinak manyaakak eeta sigɛ dooytaanakik, in kookorɛɛ ɛkan saa tolɗiiɗɔɔ ɗamata sinɔɔna Geetitank. 34Ɔkɔn iinakɛ kɔɔr lakɛ iɗit sinɔ lak ŋaawukuŋ, in ɗamiik nyaki nɛɛkɛ, kɛnɔ mokɔɔ kɔnu goopɛɛ saa tolɗiiɗɔɔk. Saakɔɔ kɔrurkuɗak, gaɓakɔɔ kɔna rɔɔriyɔn agut any sinɛkɔ dakɛk.
Iliyochaguliwa sasa
Omoŋ Korontoosuk 11: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Omoŋ Korontoosuk 11
11
1In gaayɛɛ eet oko sinɛ gayɗa Kereseek.
Dambi Ugumeetoŋk
2Pɔɔsa kɔnu agut sinɔtu koɓurɗɔ ɛ gaamurɗɔ rɔɔriyɔn sinɛkan boŋka nɔkan kɔna kɔɓɛɛraak. 3Ɗɛya kɛnɔ ɗegerari kɛ ege Keresee ɔɗɔ moojakoŋk baŋɛ, maɓɔrɛ ɔɗɔ jartiyoŋk mooy, ma ɔɗɔ moojoŋk Waakoyo. 4Iɗit sinɔ mooyk ɗanɗama maŋk waasɛ pɛɛni pɛrkaakoŋk, ma tuse ɔɗɔ nɛɛkik, daraayɛ Keresee sinɛ lak ɓaŋkawuka sɛɛne raŋk.#11:4 See kɛ ɔɗɔɔk yaaŋɛ ɓaŋkawuka. 5Maɓɔrɛ jarti sinɔ ɗanɗama maŋk waasɛ pɛɛni pɛrkaakoŋk, ma ki tuseeɗ ɔɗɔ nɛɛkik daraayɛ ɔɗɔ nɛɛk, agut sinɔ ikomiiɗɛɛ a ito baanytank. 6Ɔkɔn ki tuseeɗ jartii ɔɗɔ nɛɛkiŋ, nɛ in ogarɛɛ ami gɛɛŋk. Mayakana ɔkɔn ogarɛɛt maŋk baanyɛɛt any sinɔ ari sɛɛn a lageeɗ keenykiŋ, nɛ in tuse ɔɗɔ nɛɛk. 7Ki ɗɛyɛ mooja a tuse ɔɗɔŋ, agut sinɔ sɛɛn tagaytan Waakoyotoŋk ɛ yaaŋɛɛɗɛɛ eemɛyɔn Waakoyotoŋkuk. Mayakana ege jartii eemɛyɔn moojoŋk, 8Agut sinɔ riiɓɛɛɓa jarti mooje, ma mokoɓa riiɓɛɛ mooy jartii. 9Riiɓɛɛɓa jarti mooja, ma mokoɓa riiɓɛɛ mooy jartiya. 10Agut wosɛytaanak Waakoyotoŋk ɗɛyɛ jartiya a tuse ɔɗɔ nɛɛkiŋ, kɛnɔ yaaŋɛ soon kɛ lak ɓaŋkawukaak. 11Beeɗit sinaanɛ arkiɗii Suumii Yeeseek, ki beeɗit jartii a kiiɗɛ mooy maɓɔrɛ ki beeɗit mooy a kiiɗɛ jarti. 12A eekeer oko sinɛɓa riiɓeeɗɛɛ jarti moojeek nɛɓɔrɛ ɓartɛɛ mooy jartii. Yakana mooy maŋk jarti a ola ɔgɔ baŋɛ laŋɛɛ sɛɛg Waakoyote.
13Intɔ pɛrɛdɛɛ sɔɔk, dɔɔs a ɗanɗama jartii Waakoyota maakɔ ki tuseeɗ ɔɗɔ nɛɛkiŋ? 14Ɔkɔn iɗit sinɔ mooyk ŋɔɗur ami gɛɛŋk a ɓɔɔkaaŋ, kikan kɔnu rɔɔriyɔɔn ɓɛɛl sinɛɓa goorɛk kɛ keerɛŋ? 15Yakana agut sinɔɓa gaɓɛɛɗɛɛ ami jartiya a miinyeeɗ ɔɗɔ nɛɛkik, nɛ ɔkɔn ŋɔɗur ami gɛɛŋk a ɓɔɔkaaŋ, nɛ eemɛyɔn sɛɛna. 16Ɔkɔn lakɛ iɗit sinɔ ɗɛyɛ palamɛ agut any sinikiŋ, kɛɛ tine barɛ sinɔ pakata sineenek, kɛygun eteŋk maŋk godeyi Sambatɛyoŋk Waakoyotoŋk.
Dambi Ɗama Sinɔ Geetitank
(Maa. 26:26-29; Mar. 14:22-25; Luk. 22:14-20)
17Kaa kɔnu pɔɔsɛɛt sekiyɛɛkɛ sigeege kɔna gaɓa sisɔk, agut sinɔ moko ege tolɛ noŋk any sinɔ kɔnyɗiiŋɔŋk, ma ege tolɛ noŋk any sinɔ kɔnu sɔɔkɛŋɔŋk. 18Olaatɛ baŋɛ ɔɗɔɔkɛ, tiyaakɔ kɛ lakɛnɔ kɔne kɔɔr pakakat saa tolɗiiɗɔɔ ijaag sinaanɛ ijaagiir ɓɔɔkaakatik. Nɛ ŋaada any sini kɛ ege gɔɔ omaay eekeer. 19Ɗɛyɛ kɔna a in ɓɛɛlɛ pakakat sini kɛnɔ pakatɛɛ joop sigɛ likikaanakik kɛnɔ ɗegerɛɛ sɛɛg kɛ wooɗak. 20Saa tolɗiiɗɔɔk omaayikentik moko ɗamari ɗama sinɔ geetitank Suumiyoŋk. 21Agut sinɔ saa ɗamiɗɔɔk, nɛ iɗit omaay ɗami a ki koorɛɛt mɛɛno a meejakariŋ. Nɛ ant sinɔɔnɛ ito sinik lak iɗit omaay ŋaawu, ma iɗit omaay pɔyŋ. 22A kɛɛ kɔne godeyi sigɔ ɗamiɗɔɔŋɔŋk a sigɔ utiɗiiɗɔɔŋɔŋk? Maŋk daraayɛɛr gode Sambatɛyoŋk Waakoyotoŋk? Maŋk ariir rakatɛkaana sigɛ kɛɛ sɛɛge anyk a latu keeny? Nɛɓɔ kɔna tona jikon? A pɔɔsa kɔnu agut any siniŋ? Kaa kɔnu pɔɔsɛɛt adaktan.
23Ege sini kɔna kɔɓɛɛraak rɔɔriyɔn sinɛkan boŋa Suumiik. Ajige saakan gaɓɛɗɛɛk, ɓɔŋgɔɔrɛkan Suumi Yeese kiiwu nɛɛk, 24nɛkan pɔɔsɛ Waakoyo nɛ ŋapati nɛ tɔnu kɛ, "Iyook, in ɗamɛɛ ege sini buusɛ naak sinɔ gayɛ iinakaak. In arɛɛ sini a kokoɓarkiɗɔ eet." 25Makan ɓɔrɛ ɓɔŋgɔɔrɛ tuu nɛɛk ajigeyoŋk baŋiya nɛ tonu kɛ, "Ege sini tuu kuumiyɛ sigɔ tɔɔmɔkuk yɛrom naakik. Saa uterɗɔ sinik baŋɛk in arɛɛ sini a kokoɓarkiɗɔ eet."
26Agut sinɔ saa ɗamarɗɔ kiiwu sinik ɛ uterɗɔ tuu sinik baŋɛ, nɛ waawasarkuunar rer Suumiyoŋk nɔkoy mɛlkiɗik. 27Agut sini ɔkɔn lakɛ iɗit sinɔ ki gayɛ a gun ɗam kiiwu ɛ ute tuu Suumiyoŋkuŋ, nɛ lak asɛ buusɛ Suumiyoŋk a yɛrom nɛɛkɛkik. 28Nɛ in tɛɛnan iɗit mermen ɛɛk nɛɛk kɛnɔ ɗam kiiwu sini ɛ ute tuu sini. 29Iɗit sinɔ ki mermenɛ ɛɛk nɛɛk nɛ ɗam buusɛ Suumiyoŋk ɛ ute tuu nɛɛk, nɛ gaɓɛ ɛɛk nɛɛk goopana saa ɗamiɗik ɛ saa utiɗiiɗik. 30Agut sini joop a ɓɔɔkaaŋ iinakɛ kɔɔr bɔɔlaakan ɛ kan gorur ɛ kan rɛrar agut any sini. 31Ɔkɔnkan pɛrɛdii ɛkanɛ gaŋkiŋ, gunkoy tine kɛɛ pɛrɛdɛɛt oko sinik. 32Yakana tine pɛrɛdɛ Suumii atin koykoyɛŋ kɛnɔ kat koy tin goopɛɛ a ɗoo sini agut omoŋ.
33Nɛ agut sini iinak manyaakak eeta sigɛ dooytaanakik, in kookorɛɛ ɛkan saa tolɗiiɗɔɔ ɗamata sinɔɔna Geetitank. 34Ɔkɔn iinakɛ kɔɔr lakɛ iɗit sinɔ lak ŋaawukuŋ, in ɗamiik nyaki nɛɛkɛ, kɛnɔ mokɔɔ kɔnu goopɛɛ saa tolɗiiɗɔɔk. Saakɔɔ kɔrurkuɗak, gaɓakɔɔ kɔna rɔɔriyɔn agut any sinɛkɔ dakɛk.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia