Omoŋ Korontoosuk 10
10
Kat Ugumɛɛ Raŋaawotaka
1Iinak dooytaanak, ɗɛya kɛnɔ koɓurkɔɔ kɛ atuɓa ɔrɛyak gaŋk tiimanakɛ goyse ɗeek ɛɓa ekaŋɛr Gɔrɔ sinɔ Obiiŋɔŋk Dɛɛŋɔŋk#10:1 Ege sigi tiimanak sigɛɓa ikekeɓi ɔrɛyaka gaŋk saaɓa sɛɛg ɗɔkuɗ Muuse Gibseek.. 2Aadɛɛɓa sɛɛg tiimanakɛ a goroo sinaanɛ obiiŋɔŋk kɛnɔ sɛɛg nomtaanak Muuseek. 3Nɛɓa sɛɛk ɗamar ɗama wɛɛŋakoŋk sinɔ omoŋɔŋk sɛɛg baŋɛ. 4Ɛɓa ɓɔrɛ uter tuu wɛɛŋakoŋk sinɔ omoŋɔŋk sɛɛg baŋɛ talaaɗe wɛɛŋakoŋk sinaanɛɓa nonom sɛɛgek. Egeɓa talaaɗɛ sini Keresee. 5Kɛygunɓa aasi ɓɛlkɛ oko sinikiŋ nɛɓa ki yaaka Waakoyota agut sɛɛg a ɓɔɔkaaŋ, nɛɓa rɛrar nɛ dakɛr paaton tak.
6Dakɛɓa tina sini a rɔmɛ rɔɔrɔkɔɔnoŋk kɛnɔ kat lakii ŋɔɗɔkikeen anta sinɔɔna ŋɛɛwɛnŋɔŋk oko sinɛɓa sɛɛk latukuɗ ŋɔɗɔ anta sinɔɔna ŋɛɛwɛnŋɔŋkuk. 7Kat ɓɔrɔ ugumɛɛ raŋaawotaka oko sinɛɓa sɛɛk ugumerɗi raŋaawotakaak oko sinɛɓa taapɛɛɗɛɛ Wargatɛɛ Waakoyotoŋk agut sɛɛg kɛ, "Dokurɓaɗe joop nɛ ɗami nɛ utiɗi, ɛɓa ŋaarar raŋana kɛnɔ duubiyer." 8Kat ɓɔre ijaagii tikiyɛ ruunyikeenoŋk, oko sinɛɓa ijaagirɗi sɛɛk a omoŋ omoŋɔŋk, agut sinɔ saaɓa sɛɛk ijaagirɗi sinik nɛɓa sɛɛge rɛrar waawuy sinɔɔnɛ omoŋɔŋk a kumɛɛ ruumer iɗit a jiit. 9Kat ɓɔre paarii Suumi, oko sinɛɓa sɛɛk paarirɗi Sɛɛnik, agut sinɔ saaɓa sɛɛk ijaagirɗi sinik nɛɓa sɛɛk a omoŋ omoŋ kakawarɗi kookowɛk nɔɓa rɛrark. 10Kat ɓɔrɔ noonogaakɛɛ, oko sinɛɓa sɛɛk noonogaaɗi a omoŋ omoŋɔŋk, agut sinɔ saaɓa sɛɛk ijaagirɗi sinik nɛɓa sɛɛk sɔɔkɛɛr wosɛytan Waakoyotoŋk Retoŋk. 11Nɔɓa laŋirkiɗ any sini baŋɛk kɛnɔ tina dakɛ a rɔmɛ rɔɔrɔkɔɔnoŋk. Taapɛɛɓa wargatɛɛ Waakoyotoŋk kɛnɔ tina dakɛ a rɔɔriyɔn eteŋka sigaaga arkii emeyika sigaaga pediyaak.
12Nɛ agut sini kɛygun wooɗ sinɛ gayigeeɗ a ɛtɛtɛrŋɔŋk, in koorɛ ɛɛk kɛnɔ kat ɗiiriɗ. 13Kirkɔɔkan laŋiiɗ paariit om paariit sinɔɔnɛ mɛlki etek sɔgɔɔsɔyk. Mentan Waakoyotuŋ agut sinɔ kiiɗ ɗɛyɛ a laŋirkɔɔ paariit sinɔ ar oolaan noŋk rakaaykiŋ. Saakɔɔ kɔnu paariɗɛɛk, ragadikɔɔ kɔna gopan sinɔ pordɛrɗɔŋɔŋk a kɔna gaɓɛ ɓaŋkawuka oolanoŋk.
14Agut sini iinak dooytaanak sigɛ kɔnu poraak, kat ugumɛɛ raŋaawotaka. 15Tona kɔna sini oko sinɛ toniiɗa joopa sigɔɔga ɗegerar ɛɛkik, in pɛrɛdɛɛ sɔɔk agut sinɛ tonaak. 16A kiir ɗegerɔɔn tuu sinɔ Geetitank sinɛ kaasii ma pɔɔsuguɗii Waakoyok kɛ latu omaayikeen a yɛrom Kereseek? Ma moko ɓɔrɛ latu kiiwu sinɛ Geetitank sinɛ ɗamiik omaayikeen a buusɛ Kereseek? 17Ege kiiwu nɛɛkɛ omoŋ. Agut sinɔ ŋaparɗii eteŋk baŋɛk, nɛ kɛygun ɓɔɔkaakayiiŋ nɛ eteŋk ɛɛk sinɔ omoŋɔŋk.
18In dɛnɛɛ sinɛɓa ijaagir joop Israeelik. A mokoɓa latu omaayikeen a nyon sinɛ uduŋeetoŋk? a joop sigɛɓa ɗamar ɗama sinɛɓa uduŋɛɛk. 19Anɛ tona ɛk? Ege raŋaawot raŋaawo, maɓɔrɛ taar sinɔkɔ uduŋɛɛ raŋaawotaak taar. 20Moko wideetar joop sigɔ moko Ayuuduk uduŋeet Waakoyota, ma wideetar setana, nɛ agut sini kaa ɗɛyɛ a latukari omaayikeen a setan agut omoŋ. 21Kiir oolɛ a loorikari a Suumi ɛ loorikari a setan ant tuutoŋk sinɔɔnɛ omoŋɔŋkuŋ, ɛ kiir oolɛ a nyɔɔkiɗiikari a Suumi ɛ nyɔɔkiɗiikari a setaniŋ ant ɗamatoŋk sinɔɔnɛ omoŋɔŋkuŋ. 22Anɛ arii Suumi a ŋadiŋ? Ɓaŋkaawurii a kaalii Sɛɛniŋ?
23Pɛgɛdɛɛɓa ola baŋɛ, mayakana moko kɔnyɗi olaat baŋɛ. Pɛgɛdɛɛɓa ola baŋɛ, mayakana moko arɗi olaat baŋɛ a ɓaŋkaawurɛɛŋ. 24Kat iɗit ɗɛyɛ any sinɔ kɔnyɛ ɛɛk nɛɛk dakɛɗak, ma in ɗɛyɛ any sinɔ kɔnyɛ joop ɔgɔɔk.
25In ɗamɛɛ taar sinɔkɔ ɓalkɛɛ gabiyoyk a kɔne kɛɛ kɔɔniyɔn kalbii. 26Agut sinɔ tonɛɛɓa Wargatɛɛ Waakoyotoŋk kɛ, "Ege ɗook a ola sigɛ lakik baŋɛ Suumiyoŋk."
27Ɔkɔn kɔnu wɔɔrɛ iɗit sinɔ moko dooytankiŋ ɛ boŋiir wɔɔr nɛɛkiŋ, nɛ in ɗamɛɛ ɗama sinɛ kɔna widikik a kɔne kɛɛ kɔɔniyɔn kalbiyɛɛkɛ goŋk. 28Mayakana ɔkɔn kɔna tonu iɗit omaay kɛ, "Ege sini taar sinɔkɔ uduŋɛɛ raŋaawotaakiŋ," nɛ kat ɗamɛɛ agut iɗit sini a kalbi nɛɛk. 29Saa kɔna toniiɗa kɛ kalbik sinɔ kɛ kalbi iɗit sinɛk, ma moko kalbi noŋkuk. Anɛ eete pɛrɛdɛ kalbi iɗit omk agut yaaka naak agut jikon? 30Ɔkɔn pɔɔsa Waakoyo anta sinaana ɗamaakiŋ, nɛti gɔɔnyɛɛ anta sinaanakɔ pɔɔsuguɗa Waakoyok agut jikon?
31Agut sini saa ɗamiɗɔɔk, maŋk saa utiɗiiɗɔɔk, maŋk any sinɛ ijaagiirik baŋɛ, in ijaagɛɛ baŋɛ eemɛyɔɔna Waakoyotoŋk. 32Kat arɛɛ iɗit a gaŋiŋ, kɛygun joop Ayuuduk, maŋk joop sigɔ moko Ayuuduk, maŋk gode Sambatɛyoŋk Waakoyotoŋk. 33In ijaagɛɛ oko sinɛ ijaagiɗaak. Ara joop baŋɛ a yaa sɛɛga ant baŋɛ a kaa ɗɛyɛ tɔkɔny naak, ma ɗɛya tɔkɔny joop ɔgɔɔk kɛnɔ bɔdɛr joop baŋɛ.
Iliyochaguliwa sasa
Omoŋ Korontoosuk 10: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Omoŋ Korontoosuk 10
10
Kat Ugumɛɛ Raŋaawotaka
1Iinak dooytaanak, ɗɛya kɛnɔ koɓurkɔɔ kɛ atuɓa ɔrɛyak gaŋk tiimanakɛ goyse ɗeek ɛɓa ekaŋɛr Gɔrɔ sinɔ Obiiŋɔŋk Dɛɛŋɔŋk#10:1 Ege sigi tiimanak sigɛɓa ikekeɓi ɔrɛyaka gaŋk saaɓa sɛɛg ɗɔkuɗ Muuse Gibseek.. 2Aadɛɛɓa sɛɛg tiimanakɛ a goroo sinaanɛ obiiŋɔŋk kɛnɔ sɛɛg nomtaanak Muuseek. 3Nɛɓa sɛɛk ɗamar ɗama wɛɛŋakoŋk sinɔ omoŋɔŋk sɛɛg baŋɛ. 4Ɛɓa ɓɔrɛ uter tuu wɛɛŋakoŋk sinɔ omoŋɔŋk sɛɛg baŋɛ talaaɗe wɛɛŋakoŋk sinaanɛɓa nonom sɛɛgek. Egeɓa talaaɗɛ sini Keresee. 5Kɛygunɓa aasi ɓɛlkɛ oko sinikiŋ nɛɓa ki yaaka Waakoyota agut sɛɛg a ɓɔɔkaaŋ, nɛɓa rɛrar nɛ dakɛr paaton tak.
6Dakɛɓa tina sini a rɔmɛ rɔɔrɔkɔɔnoŋk kɛnɔ kat lakii ŋɔɗɔkikeen anta sinɔɔna ŋɛɛwɛnŋɔŋk oko sinɛɓa sɛɛk latukuɗ ŋɔɗɔ anta sinɔɔna ŋɛɛwɛnŋɔŋkuk. 7Kat ɓɔrɔ ugumɛɛ raŋaawotaka oko sinɛɓa sɛɛk ugumerɗi raŋaawotakaak oko sinɛɓa taapɛɛɗɛɛ Wargatɛɛ Waakoyotoŋk agut sɛɛg kɛ, "Dokurɓaɗe joop nɛ ɗami nɛ utiɗi, ɛɓa ŋaarar raŋana kɛnɔ duubiyer." 8Kat ɓɔre ijaagii tikiyɛ ruunyikeenoŋk, oko sinɛɓa ijaagirɗi sɛɛk a omoŋ omoŋɔŋk, agut sinɔ saaɓa sɛɛk ijaagirɗi sinik nɛɓa sɛɛge rɛrar waawuy sinɔɔnɛ omoŋɔŋk a kumɛɛ ruumer iɗit a jiit. 9Kat ɓɔre paarii Suumi, oko sinɛɓa sɛɛk paarirɗi Sɛɛnik, agut sinɔ saaɓa sɛɛk ijaagirɗi sinik nɛɓa sɛɛk a omoŋ omoŋ kakawarɗi kookowɛk nɔɓa rɛrark. 10Kat ɓɔrɔ noonogaakɛɛ, oko sinɛɓa sɛɛk noonogaaɗi a omoŋ omoŋɔŋk, agut sinɔ saaɓa sɛɛk ijaagirɗi sinik nɛɓa sɛɛk sɔɔkɛɛr wosɛytan Waakoyotoŋk Retoŋk. 11Nɔɓa laŋirkiɗ any sini baŋɛk kɛnɔ tina dakɛ a rɔmɛ rɔɔrɔkɔɔnoŋk. Taapɛɛɓa wargatɛɛ Waakoyotoŋk kɛnɔ tina dakɛ a rɔɔriyɔn eteŋka sigaaga arkii emeyika sigaaga pediyaak.
12Nɛ agut sini kɛygun wooɗ sinɛ gayigeeɗ a ɛtɛtɛrŋɔŋk, in koorɛ ɛɛk kɛnɔ kat ɗiiriɗ. 13Kirkɔɔkan laŋiiɗ paariit om paariit sinɔɔnɛ mɛlki etek sɔgɔɔsɔyk. Mentan Waakoyotuŋ agut sinɔ kiiɗ ɗɛyɛ a laŋirkɔɔ paariit sinɔ ar oolaan noŋk rakaaykiŋ. Saakɔɔ kɔnu paariɗɛɛk, ragadikɔɔ kɔna gopan sinɔ pordɛrɗɔŋɔŋk a kɔna gaɓɛ ɓaŋkawuka oolanoŋk.
14Agut sini iinak dooytaanak sigɛ kɔnu poraak, kat ugumɛɛ raŋaawotaka. 15Tona kɔna sini oko sinɛ toniiɗa joopa sigɔɔga ɗegerar ɛɛkik, in pɛrɛdɛɛ sɔɔk agut sinɛ tonaak. 16A kiir ɗegerɔɔn tuu sinɔ Geetitank sinɛ kaasii ma pɔɔsuguɗii Waakoyok kɛ latu omaayikeen a yɛrom Kereseek? Ma moko ɓɔrɛ latu kiiwu sinɛ Geetitank sinɛ ɗamiik omaayikeen a buusɛ Kereseek? 17Ege kiiwu nɛɛkɛ omoŋ. Agut sinɔ ŋaparɗii eteŋk baŋɛk, nɛ kɛygun ɓɔɔkaakayiiŋ nɛ eteŋk ɛɛk sinɔ omoŋɔŋk.
18In dɛnɛɛ sinɛɓa ijaagir joop Israeelik. A mokoɓa latu omaayikeen a nyon sinɛ uduŋeetoŋk? a joop sigɛɓa ɗamar ɗama sinɛɓa uduŋɛɛk. 19Anɛ tona ɛk? Ege raŋaawot raŋaawo, maɓɔrɛ taar sinɔkɔ uduŋɛɛ raŋaawotaak taar. 20Moko wideetar joop sigɔ moko Ayuuduk uduŋeet Waakoyota, ma wideetar setana, nɛ agut sini kaa ɗɛyɛ a latukari omaayikeen a setan agut omoŋ. 21Kiir oolɛ a loorikari a Suumi ɛ loorikari a setan ant tuutoŋk sinɔɔnɛ omoŋɔŋkuŋ, ɛ kiir oolɛ a nyɔɔkiɗiikari a Suumi ɛ nyɔɔkiɗiikari a setaniŋ ant ɗamatoŋk sinɔɔnɛ omoŋɔŋkuŋ. 22Anɛ arii Suumi a ŋadiŋ? Ɓaŋkaawurii a kaalii Sɛɛniŋ?
23Pɛgɛdɛɛɓa ola baŋɛ, mayakana moko kɔnyɗi olaat baŋɛ. Pɛgɛdɛɛɓa ola baŋɛ, mayakana moko arɗi olaat baŋɛ a ɓaŋkaawurɛɛŋ. 24Kat iɗit ɗɛyɛ any sinɔ kɔnyɛ ɛɛk nɛɛk dakɛɗak, ma in ɗɛyɛ any sinɔ kɔnyɛ joop ɔgɔɔk.
25In ɗamɛɛ taar sinɔkɔ ɓalkɛɛ gabiyoyk a kɔne kɛɛ kɔɔniyɔn kalbii. 26Agut sinɔ tonɛɛɓa Wargatɛɛ Waakoyotoŋk kɛ, "Ege ɗook a ola sigɛ lakik baŋɛ Suumiyoŋk."
27Ɔkɔn kɔnu wɔɔrɛ iɗit sinɔ moko dooytankiŋ ɛ boŋiir wɔɔr nɛɛkiŋ, nɛ in ɗamɛɛ ɗama sinɛ kɔna widikik a kɔne kɛɛ kɔɔniyɔn kalbiyɛɛkɛ goŋk. 28Mayakana ɔkɔn kɔna tonu iɗit omaay kɛ, "Ege sini taar sinɔkɔ uduŋɛɛ raŋaawotaakiŋ," nɛ kat ɗamɛɛ agut iɗit sini a kalbi nɛɛk. 29Saa kɔna toniiɗa kɛ kalbik sinɔ kɛ kalbi iɗit sinɛk, ma moko kalbi noŋkuk. Anɛ eete pɛrɛdɛ kalbi iɗit omk agut yaaka naak agut jikon? 30Ɔkɔn pɔɔsa Waakoyo anta sinaana ɗamaakiŋ, nɛti gɔɔnyɛɛ anta sinaanakɔ pɔɔsuguɗa Waakoyok agut jikon?
31Agut sini saa ɗamiɗɔɔk, maŋk saa utiɗiiɗɔɔk, maŋk any sinɛ ijaagiirik baŋɛ, in ijaagɛɛ baŋɛ eemɛyɔɔna Waakoyotoŋk. 32Kat arɛɛ iɗit a gaŋiŋ, kɛygun joop Ayuuduk, maŋk joop sigɔ moko Ayuuduk, maŋk gode Sambatɛyoŋk Waakoyotoŋk. 33In ijaagɛɛ oko sinɛ ijaagiɗaak. Ara joop baŋɛ a yaa sɛɛga ant baŋɛ a kaa ɗɛyɛ tɔkɔny naak, ma ɗɛya tɔkɔny joop ɔgɔɔk kɛnɔ bɔdɛr joop baŋɛ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia