कुलुस्सियों 2
2
1म चाऊ छु क थान्अ ई बात को तोल पड़जाव्अ क म थांक्अ बेई, लौदीकिया सहर मं रेबाळा बेई अर वा सबळा बेई ज्यो खुद तो मंसुं कद्या बी कोन मल्या, कतरी मेनत करर्यो छु। 2या खेबा को म्हारो योई मकसद छ क वांका मना न्अ जोस मल्अ अर वे आमा-सामा परेम मं बन्ध जाव्अ। जिसुं बस्वास को वो सबळो धन ज्यो सांचा ज्ञान सुं मल्अ छ, वो वान्अ मल जाव्अ अर वान्अ परमेसर को राजहाळो सांच मल्अ, वो राजहाळो सांच खुद मसी छ। 3मसी का ज्ञान अर बुद्धि की सबळी बाता छान्अ छ। 4अस्यान म जिसुं खेर्यो छु क कोई थान्अ मीठी-मीठी बेखाबाळी बाता सुं धोखो कोन देव्अ। 5क्युं क काया का रुप सुं तो म थां कन्अ कोन्अ पण फेरबी आत्मा का रुप सुं म थां कन्अ छु। म थांकी जन्दगी का तरीका अर मसी मं थांका बस्वास की मजबुती न्अ देखर राजी छु।
मसी मं बण्यारेवो
6जस्यान थे मसी ईसु न्अ परबु का रुप मं मान्या छो, वस्यान ई थे उम्अ बण्यारेवो। 7थांकी जड़ा उम्अ'ई होव्अ अर थांकी बणावट उंप्अई होव्अ अर थे बस्वास मं गाढ़ा होता रेवो जस्यान थान्अ सखायो गियो छ। परमेसर को धन्यवाद देबाळा बणो।
8साउचेत रेवो क थान्अ खुदका वां संसार का बच्यार अर फालतु प्रपंचा सुं धोखो कोन देव्अ ज्यो मनखा सुं मल्अ छ, या मसी की देन कोन्अ पण जगत मं राज करबाळी आत्मा की देन छ। 9क्युं क परमेसर की सम्पुर्णता मसी की काया मं वास करअ छ। 10अर उम्अ'ई बण्या रेर थे पुरा बण्या छो। वो हरेक राजा सुं अर अधिकारी सुं ऊंचो छ। 11थांको खतनो बी उम्अ'ई होयो छ। यो खतनो मनखा क हाथा सुं कोन होयो, पण यो खतनो थान्अ थांकी पापहाळी मनख्याजुण का प्रभाऊ सुं छूटवाड़ो छ अर यो मसी सुं पूरो होयो छ। 12#रोम 6:4यो जिसुं होयो क जद्या थान्अ बतिस्मा मं उंकी लारा गाढ़ दिया अर ज्यो परमेसर उन्अ मरया मंसुं जीवतो कर दियो छो, उं परमेसर का काम मं थांका बस्वास की बजेसुं, उंकी लारा थान्अ बी पाछो जीवतो कर दियो।
13 #
इफि 2:1–5
खुदका पापा अर खुदका बना खतना की काया की बजेसुं थे मर मेल्या छा पण थान्अ परमेसर मसी की लारा जन्दगी देदियो अर आपणा सबळा पापा न्अ खुला मन सुं छमा कर दियो। 14#इफि 2:15परमेसर निमा का उं लेख न्अ आपण्अ साम्अ सुं हटा दियो ज्यो आपणा नांऊ सुं अर आपण्अ बिरोध मं छो। उन्अ कीला सुं करूस प ठोकर मटा दियो। 15अर उं करूस सुं परमेसर बराई का आत्मिक राजा अर अधिकारयां न्अ बना साधनाळा कर दियो अर खुदका जीत का अभियान म बान्अ बन्दया की न्याऊ खुदक्अ पाछ्अ-पाछ्अ चलायो।
मसी की आजादी मं रेवो
16 #
रोम 14:1–6
जिसुं खाबा-पीबा की चीजा या फेर तुंवारा मं, नया चांद को तुंवार या फेर आरामहाळा दन न्अ लेर कोई थांकी बराई कोन करअ। 17ये तो ज्यो बाता आबाळी छ वांकी छाया छ। पण उं छाया की सांची काया तो मसी की छ। 18देखो कोई मनख ज्यो दखावा का काम सुं या फेर सरगदूता की पूजापाठ सुं थान्अ थांका फळ न्अ पाबा सुं आंतरअ कोन करदे। अस्यानको मनख सदाई अस्यान का दर्साव का झूंट बोलतो रेव्अ छ अर खुदकी संसार की सोच की बजेसुं झूंटा घमण्ड सुं भर्यो रेव्अ छ। 19#इफि 4:16वो खुदन्अ मसी क अधीन कोन रखाण्अ ज्यो सबळी काया न्अ जोड़ अर नाड़ी सुं जोड़र सबळी काया को भलो करअ छ, अर जिसुं आत्मा को विकास परमेसर की मरजी की जस्यान मेसुस होव्अ छ।
20क्युं क थे मसी की लारा मर चुक्या छो अर थान्अ संसार की सक्ष्या सुं छूटवाड़ो मलचुक्यो छ। तो थे ई संसार का मनखा की जस्यान को बुवार क्युं करो छो? अर अस्यान का निमा न्अ क्युं मानो छो जस्यान 21“ईन्अ हाथ मं मतल्यो” “ईन्अ मत चाखो” या फेर “ईक्अ हाथ बी मत लगावो?” 22ये सबळी चीजा तो काम मं आता-आता नास हो जाव्अली। क्युं क ये तो बस मनखा का बणाया निम अर सक्ष्या छ। 23सांच्याई मनखा की बुद्धि का ये निम अर मनमर्जी सुं सरगदूता की पूजापाठ अर झूंटी दीनता अर खेई तरीका सुं खुदकी काया न्अ दुख देबो मनखा की काया बेई चोखा तो होव्अ छ। पण या निमा सुं वांका पापहाळा सुभाव न्अ रोकबा मं कोई फायदो कोन होव्अ।
Iliyochaguliwa sasa
कुलुस्सियों 2: डि एच डि
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) 2010-2017, New Life Computer Institute. All rights reserved