Lukaji 9
9
Yesu oharuma anamarumiwa kumi na ambinli
Matewuji 10:5-15; Markuji 6:6b-13
1Noira enne, Yesu ohaitanaga anamamuharaye kumi na ambinli, liye avaha kopolo na utongi otamangiha minemba dabure datene no vulumutcha maurenda. 2Oharuma ira kadowe kalaleye zela Umwene wa Mulugu no avulumutcha arenda. 3Yesu ohawandelaga eraga: <<Mwadowaga muulrendoni mwenyu, kamutukule ikumbuzo, nne pasta, nne yodja, nne kobiri, nne kamutukule kamiza mbinli. 4Mwafiya musidadi mukale vande evo vanawatcheliwe nyo ante mufiyede venyamo musidadi mule. 5Mbwenye mwafiya sidadi imohi, amala atu anafwanyeya mwemo kahautambilreni, muvenyemo musidadi mule. Eto mwavenyagamo, mutate tumbulru nnafwanyeya na manyalo enyu ira ikale ionihedo yoagwihana mulandu aliwa.>> 6Noira eno, anamamuharaye ale kohovenya kadowaga mutatamoni mwatene, kalaleyaga Muselu Wapama eto kaavulumutchaga arenda pandi datene dene.
7Mwene Erodi ohovwa jatene jaireya. Evale liye agavwile, ohomaliwa zelru, tchoira atu amohiwa kawongetcha ira: <<Wenno unerana ejo gu Juwawu Mbatizi, wire venya mokwani.>> 8Amohiwa kawonga ira Eliya wire twanyuwa. Eto amohiwa kawonga ira gu namafiyiheda mmohiwene wa wanle uvenyile mokwani. 9Erodi mbwenye agavwile, ohowongaga eraga: <<Juwawu unamuwonga atu uyo, gwenne damugwadihile miyo muru. Nnga mulombwana uyo guvi unairana jatene jinavwa miyo ji?>> Evale Erodi ohoroma funafuna nnga amuone.
Yesu ohadjihaga alombwana 5.000
Matewuji 14:13-21; Markuji 6:30-44; Juwawu 6:1-14
10Anamarumiwaye ale kagawenlewo wewule warumiwile atu, kohodowaga wa Yesu kamuwandelaga jatene jaireyile muulrendoni mwiwa. Noira eno, Yesu ohatukulaga anamamuharaye ale kadowaga ilambo ya Betisayida. 11Evale atu kagavwile ira: <<Yesu uhudowa ilambo ya Betisayida na anamamuharaye>>, kohovenyaga, aliwa aharaga wewule. Evale aliwa kagafiyile wewule, Yesu ohawatchela mwapama, liye roma alaleyela atwale zela Umwene wa Mulugu eto oavulumutcha anno kafwanyeyana maurenda ofuna vulumutchiwa. 12Evale nzuwa nohoromaga tita. Noira enne, anamamuharaye kumi na ambinli ale kagaonne nzuwa nititaga, kohodowaga nfwanya Yesu kamuwandelaga ira: <<Kaagunyeni atwala ira aliwa kadowe tatamo na kokola dowandamela na uno ira kavende jodja kadje eto kasake nimburo nnafuna atu gona, mwasiwa nimburo nili hiyo ni ti nimburo nohokala atu.>> 13Yesu mbwenye ohawakulaga eraga: <<Inafwanela nyenne mwaavahe yodja!>> Evale Yesu agawongile enne, anamamuharaye ale kohomuwakulaga, aliwa ira: <<Hiyo so ninna pawu tanu na somba mbinli. Kaya nidowe nagule jodja ira atwala kadje kakwakwane?>> 14Fwanyeya ira alombwana ve kaligi evale kohokwakwana nnga 5.000, hiya ahiyana na ahima. Yesu ohowongaga na anamamuharaye ale eraga: <<Kaawongenani atwala kagarati makuru makuru. Kada nikuru nikayegena atu 50.>> 15Evale anamamuharaye ale kohoirana, aliwa agaratiha atwale.
16Nomala eno, Yesu ohotukulaga pawu tanu na somba mbinli dile, liye ing'ana zulu, liye reliha jodja jile. Nomala eno, liye meya, tukula avaheda anamamuharaye ale ira kaagawelege atwale. 17Atene kagamanle gaweliwa pawu dile, kohodjaga aliwa rumbala ante jodja jile fiyeda hala. Jodja jahanle jile kagagudenle, johozalaga migogoda kumi na minli.
Peduru ohorumela ira Yesu gu Namatikeliwa
Matewuji 16:13-19; Markuji 8:27-29
18Siku nimohi Yesu ohoromaga lobela agali na anamamuharaye bahi. Evale liye ohafukaga anamamuharaye ale, liye ira: <<Kodi atu kadiona, anadira dili ani?>> 19Yesu agafukile enne anamamuharaye ale kohowakulaga keraga: <<Atu amohiwa anauirani Juwawu Mbatizi, atu amohiwa anauirani Eliya, atu amohiwa anaira muli namafiyiheda mmohi ukwile wanle amala avenya mokwani.>> 20Evale Yesu ohawelihedaga aliwa, aafukaga eraga: <<Nnga nyo? Kodi mwadiona, munadiira ani?>> Evale Peduru ohomuwakulaga, liye ira: <<Nyo muli Namatikeliwa wenno urumiwe na Mulugu.>> 21Noira enne, Yesu ohawandelaga anamamuharaye ale na mazu okokomeza aarumaga eraga: <<Mazu anno kamumwandele mutu mmohiwa. 22Ili yofwanela Mwana wa Mutu aonihiwe goyi ilukulu, alramwisiwe na andimuwa a aJudewu na andimuwa a anamakuta vamohi na anamafundjiha malamulo, amala apiwe eto siku naneraru avenye mokwani.>>
Inafwanela kada mutu atukule muradi waye
23Yesu ohawandelaga atene eraga: <<Akala uhukalawo unafuna dihara miyo, inafwanela alramwise ingumi yaye, malambo matene atukule muradi waye arome dihara miyo!#9:23 atukule muradi waye arome dihara miyo: Mazwala anawonga zela mawendelo a mutu agamanle muroromela Yesu. Makalelo omuhara Yesu ku diwala jofuna jawo, weyo rumelaga muhara Yesu muwari mwa jatene jene fiyeda kwa mwa nzina na Yesu. Hiyaniha no kapatcha ikwamutu yosema ya Yesu munikohini. 24Tchoira mutu wenno unavende jovulumutcha ingumi yaye, liye unagomela iyelela ingumi ya ibaribari. Mbwenye mutu wenno unayelele ingumi yaye ya ilambo ya vati na mwasa wa miyo unovulumutcha ingumi ya ibaribari. 25Mutu adjavo jatene jili mwilamboni ya vati, amala apuzeya ingumi ya ibaribari, jaye jipile liye jinamupindulra nni? 26Tchoira mutu wenno unadinyaswele miyo eto mutu wenno unanyaswele zela mazu aga, Mwana wa Mutu aza azaga na undimuwa waye eto na undimuwa wa Babaye na undimuwa wa angelro otchena, na liyene unoza amunyaswele mutu wenno.#9:26 na liyene unoza amunyaswele mutu wenno. Ku wonga Yesu na liyene unoza anyaswege wonga uwa vamentoni va Babaye ira wenna dihimuiziwa, na makalelo mamohive nnga mutu unanyaswa liye muhidedela Yesu umboni vari va atu. 27Mbwenye na ibaribari nnouwandelani ira veva vali hiyo va, kohokalavo atu anaone Umwene wa Mulugu aliwa kahanakwe.>>
Yesu ohotchindjeya
Matewuji 17:1-13; Markuji 9:2-13
28Yesu agamanle wonga enne, vagamanle malambo matanu na mararu, ohomutukulaga Peduru, Juwawu na Tiyagu aliwa gwela mwangoni ira alobele. 29Evale Yesu alobelaga, makalelo a kove yaye kohotchindjeyaga, jowara jaye jatene kala jotchena jijerimelaga. 30Evale mobaranya kohooneya alombwana ambinli anno kafwanyeya kagali Mozeji na Eliya, aliwa za wongaga na Yesu. 31Alombwanale katwanyuwilege na makalelo ojerimela. Aliwa kawongaga zela ukwa wa Yesu wewo wafuna liye kwakwaneliheda sidadi ya Jeruzalemu. 32Jaireya atu enne, Peduru na afwaye ale kohozaleliwaga kove. Evale kagavenyile, kohoonaga undimuwa wa Yesu na alombwana anne annaga liye evale ale. 33Atu ambinli ale kafunaga venyavo vevale valigi Yesu vale, Peduru ohowongaga ira: <<Namafundjiha, yali yapama nikalegeni wewuno. Nimange misasa miraru. Musasa mmohi wenyu, mmohiwa wa Mozeji, mmohiwa wa Eliya.>> Mbwenye Peduru awongaga eno, kaiziwile yawonga liye. 34Peduru awongagave enne, murambo ohozaga akunela. Murambole agaakunenle, anamamuharaye ale kohoromaga ova. 35Noira eno, mmiramboni mule mohokumelaga nizu nawongaga niiraga: <<Wenno gu Mwanaga umusakunlre miyo. Munvwelelege liyene!>> 36Nizu nne nagamiyanle, anamamuharaye kamuonnevo Yesu ekave bahi. Evale aliwa kagaonile enne, muwari mwa malambo anne kohomiyalaga, nne tchamuwandenle mutu mmohiwa zela jejo jaonile atu.
Vulumutchiwa wa muzombwe mmohi okana munemba wabure
Matewuji 17:14-20; Markuji 9:14-29
37Mmetcheloni muwa, aliwa katitaga mwangoni ule, atu adjindji ohokala a masika kohozaga gumana na Yesu. 38Muwari mwa anamwindji ale, ohokalamo mulombwana mmohi akuwilege molimbiha eraga: <<Namafundjiha, nnouvepani ira mudionele mwanagola, tchoira dinna mmohive wenna. 39Vamohi viwa munemba otakala unomuhinda mwanola mobaranya. Amuhinda, mobaranya mwanola unoroma kuwaga, amala liye pingiriyaga eto liye kumaga nipweru wanoni. Amuhinda eno kanamuhiya tchinene fiyeda mporotcha. 40Miyo dagafiyile eva dahavepa anamauharaninyu ira kawande tamangiha munemba wabure unna mwanagola, mbwenye aliwa kiwandile.>> 41Mulombwanole agawongile enne, Yesu ohowongaga eraga: <<Nyo atu ohokana nroromelo eto oviringana! Kodi miyo nnaza dikale na nyo fiyeda alini? Miyo nnafuna divilele na joira jenyu fiyeda alini?>> Evale ohomuwongana mulombwanole, liye kwi: <<Kamuzena uno mwanawoyo.>> 42Kamudowagana vali Yesu vale, munemba wabure ule ohomuhinda mwanole, nvokela vati, mwanole liye pingiriyaga. Mbwenye Yesu ohomusumulula munemba otakala ule, nomala liye nvulumutcha mwanole, liye nvaheda babaye. 43Atu atene kafwanyeyaga evale kohoromaga tikina kopolo da Mulugu. Eto aliwa kohotikinaga zela jejile jairile Yesu jile. Evale atu katikinagave enne, Yesu ohowongaga na anamamuharaye ale eraga: 44<<Muvuruwanetchetche pama yenno inafuna miyo uwandelani veva. Inafuna miyo uwandelani tchi ila: Mwana wa Mutu unovahediwa mmandani mwa atu.>> 45Mbwenye mazu awongilege Yesu ale anamamuharaye ale tchaonenlremo zela yatapulela atu. Tchoira mazwale kali mazu okoyeya, tawiha ira aliwa anaze kaonelremo.#9:45 tawiha ira aliwa anaze kaonelremo: Ora yenno Yesu kaavahile anamamuharaye ira kawande onelramo jawonga liye. Mbwenye mazwale ali ira siku niwa naza nikwakwana, aliwa kawande umbuwela zela mazu awandenlege liye. Mbwenye tempu yenne aliwa kanvwaga Yesu awongaga, Yesu mwinnya kaavahile kopolo dowanda onelramo. Ku wonga ira mutu para awande onelramo yengo, onelramo waye unazela muwari movahiwa na Mulugu hiya funa wa mutu owu sakulra waye. Teto ira kafuke kera ova.
Kodi mundimuwa oakwaranya afwaye bani?
Matewuji 18:1-5; Markuji 9:33-37
46Siku nimohi anamamuhara Yesu kohoroma runihana zela muselu oira: <<Kodi bani unafuna kala mundimuwa muwari mwa hiyo?>> 47Yesu mbwenye ohoiziwa zela jejo jaumbuwela atu mmirimani mwewa. Evale ohomutukulaga mwana mmohi, liye dowa muimetcha valigi liye vale, 48liye awandela ira: <<Mutu wenno unamuwatchela mwana nnga wenna na nzina naga, liye uhudiwatchela miyo. Eto ule udiwatchenle miyo, kadiwatchenle miyo ve bahi, mbwenye uhumuwatchela mutu wenno udirumile. Tchoira mutu wenno unaviyeviha kwaranya nyo mwatene, gunafuna kala mundimuwa.>>
49Noira eno, Juwawu ohomuwakulaga Yesu, liye ira: <<Namafundjiha, hiyo nihimuona mulombwana mmohi unatamangiha minemba dabure na nzina nenyu. Mbwenye naganfwannye, nihimuhiyiha mwasiwa liye kanauharani vamohi na hiyo.>> 50Mbwenye Yesu ohawandelaga, liye ira: <<Kammuhiyihe. Mwasiwa wenno ahananiharahara uli na hiyo!>>
Atu a tatamo imohi ya Samariya kohokonda muwatchela Yesu
51Yesu agaonne ira tempu yoira liye adowe zulu yohowandamela, ohokunga ulrendo odowa Jeruzalemu. 52Evale Yesu ahanadowe, oharuma atu vasogolro vaye. Aliba rumiwale kagamaruwile, kohodowaga tatamo ya aSamariya ira kawande sakanyeda nimburo neno nafuna atu fiyeda. 53Mbwenye aSamariya ale kagavwile ira: <<Yesu unadowa Jeruzalemu>>, tchafunne muwatchela.#9:53 tchafunne muwatchela: Nafwanya Juwawu 4:9,20, nnovwa ira aSamariya na aJudewu tchavahana, nne vang'ono. Eto aSamariya kohokana nimburo newa nomutamalela Mulugu hiya Jeruzalemu wewo walobela aJudewu. Nona aSamariya kagavwile ira: <<Mundimuwa Yesu unadowa Jeruzalemu>>, tchamuwatchenle Yesu muwari moira: <<Kamuhiyeni adowe wewo ira akale na aJudewu afwaye.>> 54Evale anamamuharaye ambinli Tiyagu na Juwawu kagaonne ejile, kohomuwongana Yesu keraga: <<Nabwiya kodi nyo munofuna ira hiyo nirumihe munlo zulu ira aze aatolotche atwala?>> 55Aliwa kagawongile enne, Yesu ohorungunuwa aing'ana, liye asumulula zela zelru dedile. 56Evale kohovenyihana, aliwa dowaga tatamo imohiwa.
Aliba rutchiwa muhara Yesu
Matewuji 8:18-22
57Yesu na anamamuharaye ale kagali mundila kadowagave, mutu mmohi ohowongaga na Yesu eraga: <<Miyo nnerege uharani watene unayege nyo!>> 58Evale Yesu ohomuwakulaga, liye ira: <<Anambwa a mukokolani kohokana miliha nnakala atu eto mbalrame dovava zulu dihikana jitundji jiwa. Mbwenye Mwana wa Mutu kanna vosameliha murwaye.>> 59Evale Yesu ohomuwongana mutu mmohiwa, liye ira: <<Kadiharege.>> Mbwenye liye ohowongaga eraga: <<Nabwiya, miyo nnavepa mudirumelihe dibabihe dowa damukoye babaga, amala duharegeni!>> 60Evale Yesu ohomuwakulaga eraga: <<Waahiye aliba kwa kakoyanege aliba kwave! We mbwenye udowe walaleye zela Umwene wa Mulugu.>> 61Noira eno, mutu mmohiwa aligi evale ohowongaga eraga: <<Nabwiya nnafuna duhareni. Mbwenye mubabihe didediha vang'onove ira didowe daalanye atu a vande vaga.>> 62Yesu mbwenye ohomuwakulaga eraga: <<Mutu wenno unatukula himba alimaga eto era eno, aing'anaga mundulri, kahi mutu ofwanelela kala muUmweneni mwa Mulugu.>>
Iliyochaguliwa sasa
Lukaji 9: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral
Lukaji 9
9
Yesu oharuma anamarumiwa kumi na ambinli
Matewuji 10:5-15; Markuji 6:6b-13
1Noira enne, Yesu ohaitanaga anamamuharaye kumi na ambinli, liye avaha kopolo na utongi otamangiha minemba dabure datene no vulumutcha maurenda. 2Oharuma ira kadowe kalaleye zela Umwene wa Mulugu no avulumutcha arenda. 3Yesu ohawandelaga eraga: <<Mwadowaga muulrendoni mwenyu, kamutukule ikumbuzo, nne pasta, nne yodja, nne kobiri, nne kamutukule kamiza mbinli. 4Mwafiya musidadi mukale vande evo vanawatcheliwe nyo ante mufiyede venyamo musidadi mule. 5Mbwenye mwafiya sidadi imohi, amala atu anafwanyeya mwemo kahautambilreni, muvenyemo musidadi mule. Eto mwavenyagamo, mutate tumbulru nnafwanyeya na manyalo enyu ira ikale ionihedo yoagwihana mulandu aliwa.>> 6Noira eno, anamamuharaye ale kohovenya kadowaga mutatamoni mwatene, kalaleyaga Muselu Wapama eto kaavulumutchaga arenda pandi datene dene.
7Mwene Erodi ohovwa jatene jaireya. Evale liye agavwile, ohomaliwa zelru, tchoira atu amohiwa kawongetcha ira: <<Wenno unerana ejo gu Juwawu Mbatizi, wire venya mokwani.>> 8Amohiwa kawonga ira Eliya wire twanyuwa. Eto amohiwa kawonga ira gu namafiyiheda mmohiwene wa wanle uvenyile mokwani. 9Erodi mbwenye agavwile, ohowongaga eraga: <<Juwawu unamuwonga atu uyo, gwenne damugwadihile miyo muru. Nnga mulombwana uyo guvi unairana jatene jinavwa miyo ji?>> Evale Erodi ohoroma funafuna nnga amuone.
Yesu ohadjihaga alombwana 5.000
Matewuji 14:13-21; Markuji 6:30-44; Juwawu 6:1-14
10Anamarumiwaye ale kagawenlewo wewule warumiwile atu, kohodowaga wa Yesu kamuwandelaga jatene jaireyile muulrendoni mwiwa. Noira eno, Yesu ohatukulaga anamamuharaye ale kadowaga ilambo ya Betisayida. 11Evale atu kagavwile ira: <<Yesu uhudowa ilambo ya Betisayida na anamamuharaye>>, kohovenyaga, aliwa aharaga wewule. Evale aliwa kagafiyile wewule, Yesu ohawatchela mwapama, liye roma alaleyela atwale zela Umwene wa Mulugu eto oavulumutcha anno kafwanyeyana maurenda ofuna vulumutchiwa. 12Evale nzuwa nohoromaga tita. Noira enne, anamamuharaye kumi na ambinli ale kagaonne nzuwa nititaga, kohodowaga nfwanya Yesu kamuwandelaga ira: <<Kaagunyeni atwala ira aliwa kadowe tatamo na kokola dowandamela na uno ira kavende jodja kadje eto kasake nimburo nnafuna atu gona, mwasiwa nimburo nili hiyo ni ti nimburo nohokala atu.>> 13Yesu mbwenye ohawakulaga eraga: <<Inafwanela nyenne mwaavahe yodja!>> Evale Yesu agawongile enne, anamamuharaye ale kohomuwakulaga, aliwa ira: <<Hiyo so ninna pawu tanu na somba mbinli. Kaya nidowe nagule jodja ira atwala kadje kakwakwane?>> 14Fwanyeya ira alombwana ve kaligi evale kohokwakwana nnga 5.000, hiya ahiyana na ahima. Yesu ohowongaga na anamamuharaye ale eraga: <<Kaawongenani atwala kagarati makuru makuru. Kada nikuru nikayegena atu 50.>> 15Evale anamamuharaye ale kohoirana, aliwa agaratiha atwale.
16Nomala eno, Yesu ohotukulaga pawu tanu na somba mbinli dile, liye ing'ana zulu, liye reliha jodja jile. Nomala eno, liye meya, tukula avaheda anamamuharaye ale ira kaagawelege atwale. 17Atene kagamanle gaweliwa pawu dile, kohodjaga aliwa rumbala ante jodja jile fiyeda hala. Jodja jahanle jile kagagudenle, johozalaga migogoda kumi na minli.
Peduru ohorumela ira Yesu gu Namatikeliwa
Matewuji 16:13-19; Markuji 8:27-29
18Siku nimohi Yesu ohoromaga lobela agali na anamamuharaye bahi. Evale liye ohafukaga anamamuharaye ale, liye ira: <<Kodi atu kadiona, anadira dili ani?>> 19Yesu agafukile enne anamamuharaye ale kohowakulaga keraga: <<Atu amohiwa anauirani Juwawu Mbatizi, atu amohiwa anauirani Eliya, atu amohiwa anaira muli namafiyiheda mmohi ukwile wanle amala avenya mokwani.>> 20Evale Yesu ohawelihedaga aliwa, aafukaga eraga: <<Nnga nyo? Kodi mwadiona, munadiira ani?>> Evale Peduru ohomuwakulaga, liye ira: <<Nyo muli Namatikeliwa wenno urumiwe na Mulugu.>> 21Noira enne, Yesu ohawandelaga anamamuharaye ale na mazu okokomeza aarumaga eraga: <<Mazu anno kamumwandele mutu mmohiwa. 22Ili yofwanela Mwana wa Mutu aonihiwe goyi ilukulu, alramwisiwe na andimuwa a aJudewu na andimuwa a anamakuta vamohi na anamafundjiha malamulo, amala apiwe eto siku naneraru avenye mokwani.>>
Inafwanela kada mutu atukule muradi waye
23Yesu ohawandelaga atene eraga: <<Akala uhukalawo unafuna dihara miyo, inafwanela alramwise ingumi yaye, malambo matene atukule muradi waye arome dihara miyo!#9:23 atukule muradi waye arome dihara miyo: Mazwala anawonga zela mawendelo a mutu agamanle muroromela Yesu. Makalelo omuhara Yesu ku diwala jofuna jawo, weyo rumelaga muhara Yesu muwari mwa jatene jene fiyeda kwa mwa nzina na Yesu. Hiyaniha no kapatcha ikwamutu yosema ya Yesu munikohini. 24Tchoira mutu wenno unavende jovulumutcha ingumi yaye, liye unagomela iyelela ingumi ya ibaribari. Mbwenye mutu wenno unayelele ingumi yaye ya ilambo ya vati na mwasa wa miyo unovulumutcha ingumi ya ibaribari. 25Mutu adjavo jatene jili mwilamboni ya vati, amala apuzeya ingumi ya ibaribari, jaye jipile liye jinamupindulra nni? 26Tchoira mutu wenno unadinyaswele miyo eto mutu wenno unanyaswele zela mazu aga, Mwana wa Mutu aza azaga na undimuwa waye eto na undimuwa wa Babaye na undimuwa wa angelro otchena, na liyene unoza amunyaswele mutu wenno.#9:26 na liyene unoza amunyaswele mutu wenno. Ku wonga Yesu na liyene unoza anyaswege wonga uwa vamentoni va Babaye ira wenna dihimuiziwa, na makalelo mamohive nnga mutu unanyaswa liye muhidedela Yesu umboni vari va atu. 27Mbwenye na ibaribari nnouwandelani ira veva vali hiyo va, kohokalavo atu anaone Umwene wa Mulugu aliwa kahanakwe.>>
Yesu ohotchindjeya
Matewuji 17:1-13; Markuji 9:2-13
28Yesu agamanle wonga enne, vagamanle malambo matanu na mararu, ohomutukulaga Peduru, Juwawu na Tiyagu aliwa gwela mwangoni ira alobele. 29Evale Yesu alobelaga, makalelo a kove yaye kohotchindjeyaga, jowara jaye jatene kala jotchena jijerimelaga. 30Evale mobaranya kohooneya alombwana ambinli anno kafwanyeya kagali Mozeji na Eliya, aliwa za wongaga na Yesu. 31Alombwanale katwanyuwilege na makalelo ojerimela. Aliwa kawongaga zela ukwa wa Yesu wewo wafuna liye kwakwaneliheda sidadi ya Jeruzalemu. 32Jaireya atu enne, Peduru na afwaye ale kohozaleliwaga kove. Evale kagavenyile, kohoonaga undimuwa wa Yesu na alombwana anne annaga liye evale ale. 33Atu ambinli ale kafunaga venyavo vevale valigi Yesu vale, Peduru ohowongaga ira: <<Namafundjiha, yali yapama nikalegeni wewuno. Nimange misasa miraru. Musasa mmohi wenyu, mmohiwa wa Mozeji, mmohiwa wa Eliya.>> Mbwenye Peduru awongaga eno, kaiziwile yawonga liye. 34Peduru awongagave enne, murambo ohozaga akunela. Murambole agaakunenle, anamamuharaye ale kohoromaga ova. 35Noira eno, mmiramboni mule mohokumelaga nizu nawongaga niiraga: <<Wenno gu Mwanaga umusakunlre miyo. Munvwelelege liyene!>> 36Nizu nne nagamiyanle, anamamuharaye kamuonnevo Yesu ekave bahi. Evale aliwa kagaonile enne, muwari mwa malambo anne kohomiyalaga, nne tchamuwandenle mutu mmohiwa zela jejo jaonile atu.
Vulumutchiwa wa muzombwe mmohi okana munemba wabure
Matewuji 17:14-20; Markuji 9:14-29
37Mmetcheloni muwa, aliwa katitaga mwangoni ule, atu adjindji ohokala a masika kohozaga gumana na Yesu. 38Muwari mwa anamwindji ale, ohokalamo mulombwana mmohi akuwilege molimbiha eraga: <<Namafundjiha, nnouvepani ira mudionele mwanagola, tchoira dinna mmohive wenna. 39Vamohi viwa munemba otakala unomuhinda mwanola mobaranya. Amuhinda, mobaranya mwanola unoroma kuwaga, amala liye pingiriyaga eto liye kumaga nipweru wanoni. Amuhinda eno kanamuhiya tchinene fiyeda mporotcha. 40Miyo dagafiyile eva dahavepa anamauharaninyu ira kawande tamangiha munemba wabure unna mwanagola, mbwenye aliwa kiwandile.>> 41Mulombwanole agawongile enne, Yesu ohowongaga eraga: <<Nyo atu ohokana nroromelo eto oviringana! Kodi miyo nnaza dikale na nyo fiyeda alini? Miyo nnafuna divilele na joira jenyu fiyeda alini?>> Evale ohomuwongana mulombwanole, liye kwi: <<Kamuzena uno mwanawoyo.>> 42Kamudowagana vali Yesu vale, munemba wabure ule ohomuhinda mwanole, nvokela vati, mwanole liye pingiriyaga. Mbwenye Yesu ohomusumulula munemba otakala ule, nomala liye nvulumutcha mwanole, liye nvaheda babaye. 43Atu atene kafwanyeyaga evale kohoromaga tikina kopolo da Mulugu. Eto aliwa kohotikinaga zela jejile jairile Yesu jile. Evale atu katikinagave enne, Yesu ohowongaga na anamamuharaye ale eraga: 44<<Muvuruwanetchetche pama yenno inafuna miyo uwandelani veva. Inafuna miyo uwandelani tchi ila: Mwana wa Mutu unovahediwa mmandani mwa atu.>> 45Mbwenye mazu awongilege Yesu ale anamamuharaye ale tchaonenlremo zela yatapulela atu. Tchoira mazwale kali mazu okoyeya, tawiha ira aliwa anaze kaonelremo.#9:45 tawiha ira aliwa anaze kaonelremo: Ora yenno Yesu kaavahile anamamuharaye ira kawande onelramo jawonga liye. Mbwenye mazwale ali ira siku niwa naza nikwakwana, aliwa kawande umbuwela zela mazu awandenlege liye. Mbwenye tempu yenne aliwa kanvwaga Yesu awongaga, Yesu mwinnya kaavahile kopolo dowanda onelramo. Ku wonga ira mutu para awande onelramo yengo, onelramo waye unazela muwari movahiwa na Mulugu hiya funa wa mutu owu sakulra waye. Teto ira kafuke kera ova.
Kodi mundimuwa oakwaranya afwaye bani?
Matewuji 18:1-5; Markuji 9:33-37
46Siku nimohi anamamuhara Yesu kohoroma runihana zela muselu oira: <<Kodi bani unafuna kala mundimuwa muwari mwa hiyo?>> 47Yesu mbwenye ohoiziwa zela jejo jaumbuwela atu mmirimani mwewa. Evale ohomutukulaga mwana mmohi, liye dowa muimetcha valigi liye vale, 48liye awandela ira: <<Mutu wenno unamuwatchela mwana nnga wenna na nzina naga, liye uhudiwatchela miyo. Eto ule udiwatchenle miyo, kadiwatchenle miyo ve bahi, mbwenye uhumuwatchela mutu wenno udirumile. Tchoira mutu wenno unaviyeviha kwaranya nyo mwatene, gunafuna kala mundimuwa.>>
49Noira eno, Juwawu ohomuwakulaga Yesu, liye ira: <<Namafundjiha, hiyo nihimuona mulombwana mmohi unatamangiha minemba dabure na nzina nenyu. Mbwenye naganfwannye, nihimuhiyiha mwasiwa liye kanauharani vamohi na hiyo.>> 50Mbwenye Yesu ohawandelaga, liye ira: <<Kammuhiyihe. Mwasiwa wenno ahananiharahara uli na hiyo!>>
Atu a tatamo imohi ya Samariya kohokonda muwatchela Yesu
51Yesu agaonne ira tempu yoira liye adowe zulu yohowandamela, ohokunga ulrendo odowa Jeruzalemu. 52Evale Yesu ahanadowe, oharuma atu vasogolro vaye. Aliba rumiwale kagamaruwile, kohodowaga tatamo ya aSamariya ira kawande sakanyeda nimburo neno nafuna atu fiyeda. 53Mbwenye aSamariya ale kagavwile ira: <<Yesu unadowa Jeruzalemu>>, tchafunne muwatchela.#9:53 tchafunne muwatchela: Nafwanya Juwawu 4:9,20, nnovwa ira aSamariya na aJudewu tchavahana, nne vang'ono. Eto aSamariya kohokana nimburo newa nomutamalela Mulugu hiya Jeruzalemu wewo walobela aJudewu. Nona aSamariya kagavwile ira: <<Mundimuwa Yesu unadowa Jeruzalemu>>, tchamuwatchenle Yesu muwari moira: <<Kamuhiyeni adowe wewo ira akale na aJudewu afwaye.>> 54Evale anamamuharaye ambinli Tiyagu na Juwawu kagaonne ejile, kohomuwongana Yesu keraga: <<Nabwiya kodi nyo munofuna ira hiyo nirumihe munlo zulu ira aze aatolotche atwala?>> 55Aliwa kagawongile enne, Yesu ohorungunuwa aing'ana, liye asumulula zela zelru dedile. 56Evale kohovenyihana, aliwa dowaga tatamo imohiwa.
Aliba rutchiwa muhara Yesu
Matewuji 8:18-22
57Yesu na anamamuharaye ale kagali mundila kadowagave, mutu mmohi ohowongaga na Yesu eraga: <<Miyo nnerege uharani watene unayege nyo!>> 58Evale Yesu ohomuwakulaga, liye ira: <<Anambwa a mukokolani kohokana miliha nnakala atu eto mbalrame dovava zulu dihikana jitundji jiwa. Mbwenye Mwana wa Mutu kanna vosameliha murwaye.>> 59Evale Yesu ohomuwongana mutu mmohiwa, liye ira: <<Kadiharege.>> Mbwenye liye ohowongaga eraga: <<Nabwiya, miyo nnavepa mudirumelihe dibabihe dowa damukoye babaga, amala duharegeni!>> 60Evale Yesu ohomuwakulaga eraga: <<Waahiye aliba kwa kakoyanege aliba kwave! We mbwenye udowe walaleye zela Umwene wa Mulugu.>> 61Noira eno, mutu mmohiwa aligi evale ohowongaga eraga: <<Nabwiya nnafuna duhareni. Mbwenye mubabihe didediha vang'onove ira didowe daalanye atu a vande vaga.>> 62Yesu mbwenye ohomuwakulaga eraga: <<Mutu wenno unatukula himba alimaga eto era eno, aing'anaga mundulri, kahi mutu ofwanelela kala muUmweneni mwa Mulugu.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral