Lukaji 7
7
Nroromelo na musogolrelri mmohi wa anyakondo
Matewuji 8:5-13
1Yesu agamanle awandela atu jatene eji, ohovenyaga adowaga sidadi ya Kafaranamu. 2Kafaranamu ule ohokalawo musogolrelri mmohi wa anyakondo 100. Musogolrelri ule ohokana namalabaye amuziveliwetcha liye. Namalabaye ule afwanyeya agali murenda, ahanle vang'ono ira akwe. 3Evale musogolrelri wa anyakondo ule agavwile zela Yesu, oharuma andimuwa a aJudewu ira: <<Kadowani mwamuwandele Yesu ira aze anvulumutche namalabagola.>> 4Andimuwale karumiwe ale kagafiyile wewule, kohonvepaga Yesu muwari momuguzela mendo, aliwa ira: <<Ii, Nabwiya mutuyo uhufwanela ira mmuirele yovepa yaye 5tchoira liye unoniziveliwa hiyo aJudewu eto gwenno unimangenle nyumba yofundjamo Mazu.>>
6Evale Yesu ohovenyaga vamohi na andimuwale aliwa dowaga wewule. Mbwenye kahanafiye, kagali vakwikwive na vande vale, mundimuwole oharuma afwaye eraga: <<Dowani mwamuwandele ira: <Mbwiyeni kamukukumuwe mwasiwa miyo kadili ofwanela ira mufiye vande vaga. 7Eto miyo kadili ofwanela ira difiye vamentoni venyu ira diwonge na nyo. So mbwenye miyo nnafuna muwonge wewo bahi. Mwasiwa mwawonga wewo bahi, miyo dihiiziwa ira namalabaga unovulumuwa. 8Mwasiwa na miyene dihikana andimuwa anaditonga. Eto miyo dihikana anyakondo nnaatonga miyo. Miyo damuwongana mmohi ira: <<Udowe wa Udje>>, liye unodowa. Eto damuwongana mmohiwa ira: <<Kaza uno>>, liye unoza. Eto damuwongana namalaba waga ira: <<Kadowa wahinde mabasa ala>>, liye unoirana. Na nyenne mwawonga bahi, liye unovulumuwa.> >> 9Evale Yesu agavwile mazwale, ohotikiniheyaga valukulu zela ndimuwole, liye rungunuwa aing'ana anamwindji kamuharagale eraga: <<Na ibaribari miyo nnouwandelani ira mwa aIzarayeli atene, miyo kannanfwanye mutu okana nroromelo nnga nroromelo neno ninna liye.>> 10Evale aliba rumiwa ale kagawelenle vande, kanfwannyege namalabole agavulumuwile.
Yesu ohomuvenyiha mwana mmohi mokwani
11Vagamanle tempu ya vang'onove Yesu ohomaruwaga adowaga sidadi ya Naimi. Adowaga wewule anamamuharaye vamohi na anamwindji ohokala a masika kohomuharaga. 12Yesu afiyaga va mulango ovolowela sidadile, kohokalagawo atu katukunlege mutembo wa mulombwana mmohi akwile. Mulombwanole muibalini mwaye abaliwemo mwanapongwe mmohive bahi eto mmaye ali makwele. Vevale vofwanyeyaga mwindji wa atu ohokala a masika a sidadile. 13Evale Nabwiya agamuonne mmaye ule ohokagana tangaranga, nomala eno ohomuwongana eraga: <<Kunlege.>> 14Yesu agafiyile vakwikwi vene na mutembole, ohosakwinyaga maka vamuhenle atu mutembole. Evale atu atene katukunlege mutembole kohoimelaga. Agairile enne Yesu ohowongaga na mwanokwa ule eraga: <<Muzombwe we, miyo nnouruma ira uvenye!>> 15Yesu agawongile enne, mwanokwa ule ohovenya liye garati, roma wonga. Evale Yesu ohonvaheda mmaye. 16Noira enne, atu kafwanyeyaga evale kohokagana ova eto komutitimihaga Mulugu keraga: <<Namafiyiheda mulukulu uhuoneya vari vehu. Mulugu uhapanda atwaye.>> 17Mwa enne, jairilege Yesu siku nenne johoroma mwadeya ilambo yatene ya Judeya na tatamo dawandamenle ilambo yenne.
Juwawu Mbatizi oharuma anamamuharaye ambinli ira kadowe kanfuke Yesu
Matewuji 11:2-19
18Evale anamamuhara a Juwawu Mbatizi kohodowaga kadeya muwandela Juwawu zela jatene jaireyile. 19Evale Juwawu agavwile, oharuma anamamuharaye ambinli wa Nabwiya ira: <<Dowani mwanfuke muire: <Kodi nyo muli wenno afuna za, owu hehi nimuing'anelegeve mmohiwa?> >>#7:19 Dowani mwanfuke muire: <Kodi nyo muli wenno afuna za, owu hehi nimuing'anelegeve mmohiwa?>: Juwawu vali liye mukadeya, ohoroma muwanganyeda Yesu. Agaonne na meswaye Munemba Otchena amuzelaga, agalaleyile ira: Kaing'anani! Mwana Nibila na Mulugu, neno nnatimiha yotega ya atu a ilambo ya vati, gwenne! (Juwawu 1:29), ohokana yowanganyeda ira: <<Akala Yesu gu Namatikeliwa, nnga miyo diheliwele nni mukadeya?>> Tchoira Juwawu afuna Yesu avenyihe tonga waye ozela atamangihavo aRoma katonga ora yenno. Yesu kwi: <<Mabasaga ku laleya no avulumutcha atu. Kugwagwaduwe na mwasa wa miyo na joira jaga.>>
20-21Evale anamamuharaye ale kohodowaga aliwa fiya wali Yesu. Mwa tempu yenne kanfwannye Yesu aavulumutchaga atu adjindjene maurenda kanna atu, na jabure jimohi jiwa jaasimeliha, aakumihagamo minemba dabure eto aaonihaga aliba haona adjindjene. Evale aliwa kohonfukaga keraga: <<Juwawu Mbatizi unirumile ira nufukeni ira: <Kodi nyo muli wenno afuna za, owu hehi nimuing'anelegeve?> >> 22Evale Yesu ohawakulaga eraga: <<Mudowe mwamuwandele Juwawu jatene jionne nyo na jatene jivwile nyo. Mwamuwandele ira: <Atu ohoona anoonihiwa, aliba rangala anowenda, aliba maranya anovulumutchiwa, atu ohovwa anovwa, aliba kwa anovenyihiwa mokwani eto aliba simela anolaleyiwa Muselu Wapama. 23Eto orelihiwa gu mutu wenne ahanadiwanganyeda!> >>
24Anamamuhara a Juwawu Mbatizi ale kagavenyilevo, Yesu ohoromaga awandela mwindji wa atu kafwanyeyaga evale zela mulombwana Juwawu eraga: <<Kodi nyo mudowaga muisalesaleni ira mwamuone Juwawu, mwadowela ona nni? Kodi mwadowela mwaone murere mmohi asakwinyeyaga na nipevo? 25Kodi na ibaribari mwadowela ona nni? Kodi mwadowele muona mutu owara jowara japama? Nari. Muing'ane, tchoira atu owara jowara jokwima na japama anafwanyeya mmavande mwa amwene! 26Kadiwandeleni, kodi nyo mwadowela ona nni? Kodi mwadowela muona namafiyiheda? He, na ibaribari eto miyo nnouwandelani ira liye uhumukwaranya namafiyiheda uli watene. 27Mwasiwa Juwawu gwenno awongiwa mMazuni ira:
<Kaing'ana, miyo nnoza dimurume maliba milanyo vasogolro vawo ira asakanyede ndila inafuna we vira.> >>
28<<Miyo nnouwandelani ira muwari mwa atu atene obaliwa mwa ahiyana, kalivo mutu omukwaranya mulombwana Juwawu Mbatizi. Mbwenye wenne uli mung'ining'ini muUmweneni mwa Mulugu, guli mundimuwa omukwaranya Juwawu.>>
29Atu atene vamohi na anamasokiha misoko kagavwile jowonga ja Yesu, aliwa barumela ndila ya Mulugu nnga ndila yapama. Eto fwanyeya ira aliwa banne amohive kabatiziwe wanle na mulombwana Juwawu. 30Mbwenye aFarizewu na anamafundjiha malamulo aliwa tcharumelile jobalra ja Mulugu zela aliwa eto banno amohive kakondile batiziwa na mulombwana Juwawu.
31Evale Yesu ohowongaga eraga: <<Kodi atu a tempu ili hiyo ila, nnafuna daafwalrafwanihe na yengo nni? Aliwa anafwalrafwana na yengo nni? 32Nnafuna daafwalrafwanihe na makuru menli a ahima anagarati varampani kasakanyaga marandje ewa, kawongelagana keraga: <Hiyo nihiimba nyumbo da vamateloni eto nyo kamufunile ina. Nomala nihiimba nyumbo da vamakwelo eto kamufunile nla.> >>#7:32 makuru menli a ahima: Muwari mwa yofwalrafwaniha ila Yesu aagwihana mulandu atu a tempu yenne ira aliwa kafwalrafwana na ahima anno kakonda jatene. Tchoira makalelo anna Juwawu Mbatizi, awendaga ekave mukokolani, tchafunne. Eto makalelo a Yesu wendaga na atu musidadi, tchafunne. 33Yesu ohowongaga akoka eraga: <<Tchoira Juwawu Mbatizi vizile liye, kanadja pawu, nne kanang'wa vinyu. Mbwenye nyo mwamuona airaga eno, muni: <Liye uhukana munemba wabure.> 34Eto Mwana wa Mutu vizile liye unodja pawu, unong'wa. Mbwenye nyo mwamuona airaga eno, munawonga ira: <Kamuoneni, wenne gu mutu oziveliwa dja eto gu namalrezelra.#7:34 mutu oziveliwa dja: Owu hehi So unakalelave dja agarumbanle. Mazu oira Mwana wa Mutu vizile liye unodja pawu, unong'wa anarumelela ira Yesu ong'wa vinyu. Evale atu kamuitana namalrezelra agali Yesu kalrezenlre. Ku wonga atu kohomunukeda Yesu zela dja kwaranya makalelo adja liye eto kohomunukeda ng'wa kwaranya makalelo ang'wa liye. Muwari mwa mazu a Mulugu, kilivo mazu okameliha ng'wa yolrezelriha. So mbwenye kohokalawo mazu oniwandela ira nahalrezelre (Efezo 5:18) eto kohokalawo mazu oniwandela ira maliba lrezelra kanavolowa muUmweneni mwa Mulugu. (1 Korinto 6:9-10; Galasiya 5:21) Malambo a mundulrimu kohokalawo kaiziwile ng'wa halrezelra. Mbwenye nnga tchineneva atu kang'wa anolrezelra, ili yapama hang'wa wene mwasiwa volowa muUmweneni mwa Mulugu tchi yengo yofuneya kwaranya ng'wa. Liye afwaye ba anamasokiha misoko na anamatega!> 35Mbwenye akala mutu unowenda na zelru, zelru daye nnaoneya muwari mwa joira jaye.>>
Muhiyana mmohi ohomuzoliha Yesu makura
36MuFarizewu mmohi eriwa Simawu ohomuitanaga Yesu ira adowe adje vande vaye. Yesu ohovenyaga, liye dowa vande va muFarizewu vale, liye dowa kala vameza. 37Musidadi mule mohokala muhiyana mmohi eni otega. Muhiyanole agavwile ira: <<Yesu uli mmba mwa muFarizewu mule unadja>>, ohozaga aganna garafwa nosakanyiwa na alabasturu#7:37 alabasturu: gu munya nibwe eni napama nosakanyana magarafwa na mino. Ku wonga garafwa nne nali nosakanyiwa na nibwe. mwagazanle perefume. 38Evale liye agafiyile mmba mule, ohodowa woramela vamanyaloni va Yesu, liye nlaga. Anlaga onyetihaga manyalo a Yesu na misodi daye, liye mpuputaga na nsisi naye, liye bejarigi manyalo a Yesu, liye mukutulelaga perefume ule. 39Mbwenye muFarizewu wenno amuitanele Yesu vande vaye ule, agamuonne muhiyanole eraga enne, ohoromaga umbuwela mmirimani mwaye eraga: <<Wenna ahakale namafiyiheda, ogomuiziwa muhiyana unamuhindahinda ula ira gu namatega.>>
40Evale Yesu ohowongaga na muFarizewu ule eraga: <<Simawu miyo dihikana inafuna miyo uwandela.>> Evale liye ohowakula ira: <<Kawongani namafundjiha.>> 41Yesu ohoromaga muwandela eraga: <<Ohokalawo namafiyariha kobiri mmohi, aafiyarihile kobiri atu ambinli. Mmohi afiyarile kobiri 500 da parata. Nfwaye mmohiwa ule afiyarile kobiri 50 da parata.#7:41 Kawongaga kobiri 500 da parata, ali kobiri ya mbwabwada nnga mutu unatambilra liye agalabile mmundani mwa nfwaye malambo 500. Eto kobiri 50 da parata ali nnga kobiri mutu unatambilra liye alaba mmundani mwa nfwaye malambo 50. 42Evale aliwa kagafiyarile tchawanda pagalri. Na mwasa oira aliwa tchawanda pagalri, mwinnya maliba kobiri ule ohalevelela ambinlene. Kodi mwa atu ambinli ale, ofuna ira amutamalele simbwa maliba fiyariha kobiri ule guvi?>> 43Evale Simawu ohowakula eraga: <<Onamo waga, ofuna mutamalela valukulu gu ule aleveleliwe kobiri didjindji.>> Evale Yesu ohomuwongagana eraga: <<Uhuwakula pama.>> 44Noira enne, Yesu ohorungunuwa liye muing'ana muhiyanole, liye wonga na Simawu ule ira: <<Unomuona muhiyanola? Miyo dagavolowile mmba muno, weyo kudivahile mahindje ira dihuwena manyalo aga. Mbwenye muhiyanola uhuwanda huwa manyalo agala na misodi daye eto uhuwanda puputa na nsisi naye. 45Weyo kudibejarile, mbwenye muhiyanola agavolowile emuno, liye kamiyanle bejari manyalo aga. 46Weyo kukutulenle makura vamuru vaga, mbwenye muhiyanola uhukutulela perefume manyalo aga. 47Nona nnouwandela ira zivela ulukulu unna liye unotonyiheda ira jotega jaye jidjindji jihileveleliwa. Mbwenye zela mutu wenno unakurumuweliwa jotega jaye ja vang'onove, unakana zivela wa vang'onove.>> 48Yesu agawongile enne, ohomuwongagana muhiyanole eraga: <<Jotega jawo jihimala kurumuweliwa.>> 49Evale Yesu agawongile enne, atu atene kafwanyeya vameza vale na liye kohoroma fukana oka oka keraga: <<Mulombwana wenna bani unafiyeda mwezo olevelela jotega?>> 50Evale Yesu ohomuwandelaga muhiyanole eraga: <<Nroromelo nawo nuhuvulusa.#7:50 Nroromelo nawo nuhuvulusa: Fwanyeya ira muhiyanole ira avulusiwe, liye amuroromela Yesu ira amuvuluse. Muwari mwa nroromelo naye, liye ohokana makalelo ooniha zivela ulukulu wanna liye. Venya udowege mwa murendele.>>
Iliyochaguliwa sasa
Lukaji 7: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral
Lukaji 7
7
Nroromelo na musogolrelri mmohi wa anyakondo
Matewuji 8:5-13
1Yesu agamanle awandela atu jatene eji, ohovenyaga adowaga sidadi ya Kafaranamu. 2Kafaranamu ule ohokalawo musogolrelri mmohi wa anyakondo 100. Musogolrelri ule ohokana namalabaye amuziveliwetcha liye. Namalabaye ule afwanyeya agali murenda, ahanle vang'ono ira akwe. 3Evale musogolrelri wa anyakondo ule agavwile zela Yesu, oharuma andimuwa a aJudewu ira: <<Kadowani mwamuwandele Yesu ira aze anvulumutche namalabagola.>> 4Andimuwale karumiwe ale kagafiyile wewule, kohonvepaga Yesu muwari momuguzela mendo, aliwa ira: <<Ii, Nabwiya mutuyo uhufwanela ira mmuirele yovepa yaye 5tchoira liye unoniziveliwa hiyo aJudewu eto gwenno unimangenle nyumba yofundjamo Mazu.>>
6Evale Yesu ohovenyaga vamohi na andimuwale aliwa dowaga wewule. Mbwenye kahanafiye, kagali vakwikwive na vande vale, mundimuwole oharuma afwaye eraga: <<Dowani mwamuwandele ira: <Mbwiyeni kamukukumuwe mwasiwa miyo kadili ofwanela ira mufiye vande vaga. 7Eto miyo kadili ofwanela ira difiye vamentoni venyu ira diwonge na nyo. So mbwenye miyo nnafuna muwonge wewo bahi. Mwasiwa mwawonga wewo bahi, miyo dihiiziwa ira namalabaga unovulumuwa. 8Mwasiwa na miyene dihikana andimuwa anaditonga. Eto miyo dihikana anyakondo nnaatonga miyo. Miyo damuwongana mmohi ira: <<Udowe wa Udje>>, liye unodowa. Eto damuwongana mmohiwa ira: <<Kaza uno>>, liye unoza. Eto damuwongana namalaba waga ira: <<Kadowa wahinde mabasa ala>>, liye unoirana. Na nyenne mwawonga bahi, liye unovulumuwa.> >> 9Evale Yesu agavwile mazwale, ohotikiniheyaga valukulu zela ndimuwole, liye rungunuwa aing'ana anamwindji kamuharagale eraga: <<Na ibaribari miyo nnouwandelani ira mwa aIzarayeli atene, miyo kannanfwanye mutu okana nroromelo nnga nroromelo neno ninna liye.>> 10Evale aliba rumiwa ale kagawelenle vande, kanfwannyege namalabole agavulumuwile.
Yesu ohomuvenyiha mwana mmohi mokwani
11Vagamanle tempu ya vang'onove Yesu ohomaruwaga adowaga sidadi ya Naimi. Adowaga wewule anamamuharaye vamohi na anamwindji ohokala a masika kohomuharaga. 12Yesu afiyaga va mulango ovolowela sidadile, kohokalagawo atu katukunlege mutembo wa mulombwana mmohi akwile. Mulombwanole muibalini mwaye abaliwemo mwanapongwe mmohive bahi eto mmaye ali makwele. Vevale vofwanyeyaga mwindji wa atu ohokala a masika a sidadile. 13Evale Nabwiya agamuonne mmaye ule ohokagana tangaranga, nomala eno ohomuwongana eraga: <<Kunlege.>> 14Yesu agafiyile vakwikwi vene na mutembole, ohosakwinyaga maka vamuhenle atu mutembole. Evale atu atene katukunlege mutembole kohoimelaga. Agairile enne Yesu ohowongaga na mwanokwa ule eraga: <<Muzombwe we, miyo nnouruma ira uvenye!>> 15Yesu agawongile enne, mwanokwa ule ohovenya liye garati, roma wonga. Evale Yesu ohonvaheda mmaye. 16Noira enne, atu kafwanyeyaga evale kohokagana ova eto komutitimihaga Mulugu keraga: <<Namafiyiheda mulukulu uhuoneya vari vehu. Mulugu uhapanda atwaye.>> 17Mwa enne, jairilege Yesu siku nenne johoroma mwadeya ilambo yatene ya Judeya na tatamo dawandamenle ilambo yenne.
Juwawu Mbatizi oharuma anamamuharaye ambinli ira kadowe kanfuke Yesu
Matewuji 11:2-19
18Evale anamamuhara a Juwawu Mbatizi kohodowaga kadeya muwandela Juwawu zela jatene jaireyile. 19Evale Juwawu agavwile, oharuma anamamuharaye ambinli wa Nabwiya ira: <<Dowani mwanfuke muire: <Kodi nyo muli wenno afuna za, owu hehi nimuing'anelegeve mmohiwa?> >>#7:19 Dowani mwanfuke muire: <Kodi nyo muli wenno afuna za, owu hehi nimuing'anelegeve mmohiwa?>: Juwawu vali liye mukadeya, ohoroma muwanganyeda Yesu. Agaonne na meswaye Munemba Otchena amuzelaga, agalaleyile ira: Kaing'anani! Mwana Nibila na Mulugu, neno nnatimiha yotega ya atu a ilambo ya vati, gwenne! (Juwawu 1:29), ohokana yowanganyeda ira: <<Akala Yesu gu Namatikeliwa, nnga miyo diheliwele nni mukadeya?>> Tchoira Juwawu afuna Yesu avenyihe tonga waye ozela atamangihavo aRoma katonga ora yenno. Yesu kwi: <<Mabasaga ku laleya no avulumutcha atu. Kugwagwaduwe na mwasa wa miyo na joira jaga.>>
20-21Evale anamamuharaye ale kohodowaga aliwa fiya wali Yesu. Mwa tempu yenne kanfwannye Yesu aavulumutchaga atu adjindjene maurenda kanna atu, na jabure jimohi jiwa jaasimeliha, aakumihagamo minemba dabure eto aaonihaga aliba haona adjindjene. Evale aliwa kohonfukaga keraga: <<Juwawu Mbatizi unirumile ira nufukeni ira: <Kodi nyo muli wenno afuna za, owu hehi nimuing'anelegeve?> >> 22Evale Yesu ohawakulaga eraga: <<Mudowe mwamuwandele Juwawu jatene jionne nyo na jatene jivwile nyo. Mwamuwandele ira: <Atu ohoona anoonihiwa, aliba rangala anowenda, aliba maranya anovulumutchiwa, atu ohovwa anovwa, aliba kwa anovenyihiwa mokwani eto aliba simela anolaleyiwa Muselu Wapama. 23Eto orelihiwa gu mutu wenne ahanadiwanganyeda!> >>
24Anamamuhara a Juwawu Mbatizi ale kagavenyilevo, Yesu ohoromaga awandela mwindji wa atu kafwanyeyaga evale zela mulombwana Juwawu eraga: <<Kodi nyo mudowaga muisalesaleni ira mwamuone Juwawu, mwadowela ona nni? Kodi mwadowela mwaone murere mmohi asakwinyeyaga na nipevo? 25Kodi na ibaribari mwadowela ona nni? Kodi mwadowele muona mutu owara jowara japama? Nari. Muing'ane, tchoira atu owara jowara jokwima na japama anafwanyeya mmavande mwa amwene! 26Kadiwandeleni, kodi nyo mwadowela ona nni? Kodi mwadowela muona namafiyiheda? He, na ibaribari eto miyo nnouwandelani ira liye uhumukwaranya namafiyiheda uli watene. 27Mwasiwa Juwawu gwenno awongiwa mMazuni ira:
<Kaing'ana, miyo nnoza dimurume maliba milanyo vasogolro vawo ira asakanyede ndila inafuna we vira.> >>
28<<Miyo nnouwandelani ira muwari mwa atu atene obaliwa mwa ahiyana, kalivo mutu omukwaranya mulombwana Juwawu Mbatizi. Mbwenye wenne uli mung'ining'ini muUmweneni mwa Mulugu, guli mundimuwa omukwaranya Juwawu.>>
29Atu atene vamohi na anamasokiha misoko kagavwile jowonga ja Yesu, aliwa barumela ndila ya Mulugu nnga ndila yapama. Eto fwanyeya ira aliwa banne amohive kabatiziwe wanle na mulombwana Juwawu. 30Mbwenye aFarizewu na anamafundjiha malamulo aliwa tcharumelile jobalra ja Mulugu zela aliwa eto banno amohive kakondile batiziwa na mulombwana Juwawu.
31Evale Yesu ohowongaga eraga: <<Kodi atu a tempu ili hiyo ila, nnafuna daafwalrafwanihe na yengo nni? Aliwa anafwalrafwana na yengo nni? 32Nnafuna daafwalrafwanihe na makuru menli a ahima anagarati varampani kasakanyaga marandje ewa, kawongelagana keraga: <Hiyo nihiimba nyumbo da vamateloni eto nyo kamufunile ina. Nomala nihiimba nyumbo da vamakwelo eto kamufunile nla.> >>#7:32 makuru menli a ahima: Muwari mwa yofwalrafwaniha ila Yesu aagwihana mulandu atu a tempu yenne ira aliwa kafwalrafwana na ahima anno kakonda jatene. Tchoira makalelo anna Juwawu Mbatizi, awendaga ekave mukokolani, tchafunne. Eto makalelo a Yesu wendaga na atu musidadi, tchafunne. 33Yesu ohowongaga akoka eraga: <<Tchoira Juwawu Mbatizi vizile liye, kanadja pawu, nne kanang'wa vinyu. Mbwenye nyo mwamuona airaga eno, muni: <Liye uhukana munemba wabure.> 34Eto Mwana wa Mutu vizile liye unodja pawu, unong'wa. Mbwenye nyo mwamuona airaga eno, munawonga ira: <Kamuoneni, wenne gu mutu oziveliwa dja eto gu namalrezelra.#7:34 mutu oziveliwa dja: Owu hehi So unakalelave dja agarumbanle. Mazu oira Mwana wa Mutu vizile liye unodja pawu, unong'wa anarumelela ira Yesu ong'wa vinyu. Evale atu kamuitana namalrezelra agali Yesu kalrezenlre. Ku wonga atu kohomunukeda Yesu zela dja kwaranya makalelo adja liye eto kohomunukeda ng'wa kwaranya makalelo ang'wa liye. Muwari mwa mazu a Mulugu, kilivo mazu okameliha ng'wa yolrezelriha. So mbwenye kohokalawo mazu oniwandela ira nahalrezelre (Efezo 5:18) eto kohokalawo mazu oniwandela ira maliba lrezelra kanavolowa muUmweneni mwa Mulugu. (1 Korinto 6:9-10; Galasiya 5:21) Malambo a mundulrimu kohokalawo kaiziwile ng'wa halrezelra. Mbwenye nnga tchineneva atu kang'wa anolrezelra, ili yapama hang'wa wene mwasiwa volowa muUmweneni mwa Mulugu tchi yengo yofuneya kwaranya ng'wa. Liye afwaye ba anamasokiha misoko na anamatega!> 35Mbwenye akala mutu unowenda na zelru, zelru daye nnaoneya muwari mwa joira jaye.>>
Muhiyana mmohi ohomuzoliha Yesu makura
36MuFarizewu mmohi eriwa Simawu ohomuitanaga Yesu ira adowe adje vande vaye. Yesu ohovenyaga, liye dowa vande va muFarizewu vale, liye dowa kala vameza. 37Musidadi mule mohokala muhiyana mmohi eni otega. Muhiyanole agavwile ira: <<Yesu uli mmba mwa muFarizewu mule unadja>>, ohozaga aganna garafwa nosakanyiwa na alabasturu#7:37 alabasturu: gu munya nibwe eni napama nosakanyana magarafwa na mino. Ku wonga garafwa nne nali nosakanyiwa na nibwe. mwagazanle perefume. 38Evale liye agafiyile mmba mule, ohodowa woramela vamanyaloni va Yesu, liye nlaga. Anlaga onyetihaga manyalo a Yesu na misodi daye, liye mpuputaga na nsisi naye, liye bejarigi manyalo a Yesu, liye mukutulelaga perefume ule. 39Mbwenye muFarizewu wenno amuitanele Yesu vande vaye ule, agamuonne muhiyanole eraga enne, ohoromaga umbuwela mmirimani mwaye eraga: <<Wenna ahakale namafiyiheda, ogomuiziwa muhiyana unamuhindahinda ula ira gu namatega.>>
40Evale Yesu ohowongaga na muFarizewu ule eraga: <<Simawu miyo dihikana inafuna miyo uwandela.>> Evale liye ohowakula ira: <<Kawongani namafundjiha.>> 41Yesu ohoromaga muwandela eraga: <<Ohokalawo namafiyariha kobiri mmohi, aafiyarihile kobiri atu ambinli. Mmohi afiyarile kobiri 500 da parata. Nfwaye mmohiwa ule afiyarile kobiri 50 da parata.#7:41 Kawongaga kobiri 500 da parata, ali kobiri ya mbwabwada nnga mutu unatambilra liye agalabile mmundani mwa nfwaye malambo 500. Eto kobiri 50 da parata ali nnga kobiri mutu unatambilra liye alaba mmundani mwa nfwaye malambo 50. 42Evale aliwa kagafiyarile tchawanda pagalri. Na mwasa oira aliwa tchawanda pagalri, mwinnya maliba kobiri ule ohalevelela ambinlene. Kodi mwa atu ambinli ale, ofuna ira amutamalele simbwa maliba fiyariha kobiri ule guvi?>> 43Evale Simawu ohowakula eraga: <<Onamo waga, ofuna mutamalela valukulu gu ule aleveleliwe kobiri didjindji.>> Evale Yesu ohomuwongagana eraga: <<Uhuwakula pama.>> 44Noira enne, Yesu ohorungunuwa liye muing'ana muhiyanole, liye wonga na Simawu ule ira: <<Unomuona muhiyanola? Miyo dagavolowile mmba muno, weyo kudivahile mahindje ira dihuwena manyalo aga. Mbwenye muhiyanola uhuwanda huwa manyalo agala na misodi daye eto uhuwanda puputa na nsisi naye. 45Weyo kudibejarile, mbwenye muhiyanola agavolowile emuno, liye kamiyanle bejari manyalo aga. 46Weyo kukutulenle makura vamuru vaga, mbwenye muhiyanola uhukutulela perefume manyalo aga. 47Nona nnouwandela ira zivela ulukulu unna liye unotonyiheda ira jotega jaye jidjindji jihileveleliwa. Mbwenye zela mutu wenno unakurumuweliwa jotega jaye ja vang'onove, unakana zivela wa vang'onove.>> 48Yesu agawongile enne, ohomuwongagana muhiyanole eraga: <<Jotega jawo jihimala kurumuweliwa.>> 49Evale Yesu agawongile enne, atu atene kafwanyeya vameza vale na liye kohoroma fukana oka oka keraga: <<Mulombwana wenna bani unafiyeda mwezo olevelela jotega?>> 50Evale Yesu ohomuwandelaga muhiyanole eraga: <<Nroromelo nawo nuhuvulusa.#7:50 Nroromelo nawo nuhuvulusa: Fwanyeya ira muhiyanole ira avulusiwe, liye amuroromela Yesu ira amuvuluse. Muwari mwa nroromelo naye, liye ohokana makalelo ooniha zivela ulukulu wanna liye. Venya udowege mwa murendele.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral