Lukaji 6
6
Yesu gu mwinnya wa sabado
Matewuji 12:1-8; Markuji 2:23-28
1Siku nimohi na sabado Yesu ohoviraga na anamamuharaye nimburo eni wafwanyeya munda wa tirigu. Anamamuharaye ale kohoromaga kotola mangala a tirigu, aliwa roma tikitela mmandani mwiwa, roma takunaga. 2Noira enne, aFarizewu angasi angasi kohafukaga, aliwa ira: <<Kodi munawanda avi irana yenno inakamelihiwa irana siku na sabado?>> 3Evale Yesu ohawakula eraga: <<Kodi nyo kamunababihe ileri mMazuni jejo jairile mulombwana Davi, tempu yanna liye ndala, agali vamohi na afwaye annaga liye? 4Davi aganna ndala, ohovolowa Nyumba ya Mulugu, liye tukula pawu dotchenihiwa, pawu dedo datapulela ira Mulugu uli vamohi na atwaye. Agatukunle, ohodja eto liye avaha afwaye annaga liye, aliwa dja. Eto fwanyeya ira muwari mwa nlamulo kavili jowandeya ira mutu ahali namakuta adje pawu dedo.>>#6:4 muwari mwa nlamulo kavili jowandeya ira mutu ahali namakuta adje pawu dedo: Va mazwala Yesu awonga ira awande aonelrihedamo zela jejo jaira anamamuharaye. Fwanyeya ira Davi wanle ohodja pawu eto muwari mwa nlamulo kavali jowandeya ira mutu ahali namakuta adje pawu da Mulugu dile. Mbwenye masiki mulombwana Davi airileve enne, Mulugu kamutakaleliwe. Tchi imohive iireyile na aliwa. Mulugu katakaleliwe na anamamuharaye kakotolaga mangala a tirigu siku na sabado. Mwasiwa Mulugu kanivahile malamulo ira anizuzumihe. 5Evale Yesu ohomariha wonga eraga: <<Mwana wa Mutu unafwanyeya agali mwinnya wa sabado.>>#6:5 Mwana wa Mutu unafwanyeya agali mwinnya wa sabado: Yesu mbwenye kawongile ira: <<Miyo dili nkuda sabado.>> Nari. So Yesu awongile ira: <<Miyo dili mwinnya wa sabado.>> Ku wonga ukana utongi ira aawandele atu yengo tchivi inarumelihiwa siku na sabado. Ku wonga ofwanela asumulula anamamuharaye tchakala aFarizewu mbwenye ali liye.
6Siku na sabado nimohi niwa Yesu ohovolowaga nyumba yofundjamo Mazu, liye roma fundjihaga. Emule mohokalaga mulombwana mmohi annaga ndanda nodjana norangala. 7Andimuwa amohiwa ofundjiha malamulo na andimuwa a aFarizewu kohoromaga muing'ana Yesu ira kaone akala liye ogonvulumutcha mutu siku na sabado ira kawande onavo muselu omugwihana mulandu. 8Yesu mbwenye ohovayela iziwa youmbuwela ya atwale. Na mwasa wenne, Yesu ohomuwongana maliba umma ndanda ule ira: <<Kaza uimele uno.>> Yesu agawongile enne, mulombwanole ohovenyaga, liye imela. 9Evale Yesu ohafukaga atwale ira: <<Miyo nnoufukani nyo. Kodi muwari mwa malamulo inorumelihiwa muirela mutu yabure owu hehi muirela yapama siku na sabado? Siku na sabado inarumelihiwa nvulumutcha mutu owu mpa?>> 10Nomala enne, Yesu ohaing'anaga atu atene kaligi evale. Mwa enne ohowonga na murendole eraga: <<Katapula ndanda nawo no.>> Mulombwanole notapula ndanda naye nne, nohovayela vulumuwa. 11Mwa enne, anamafundjiha malamulo na aFarizewu ale kohotakaleliwaga valukulu, aliwa roma pangana makalelo kafuna atu muirana Yesu.
Sakulriwa wa anamarumiwa kumi na ambinli
Matewuji 10:1-4; Markuji 3:13-19
12Agairile enne Yesu ohodowaga gwela mwangoni ira adowe alobele. Ohomala umahiyu watene alobelaga wa Mulugu. 13Unde wagatchile, ohaitana anamamuharaye, aliwa dowa wewule. Evale muwari mwa anamamuharaye atenene, Yesu ohasakulramo kumi na ambinli ira kakale anamarumiwaye. 14Aliwa maziniwa ba ala: Simawu, wenno anvahile liye nzina na Peduru na mbalaye Andire, Tiyagu na Juwawu, Filipi na Bartolomewu, 15Matewuji na Tome, Tiyagu mwana Alifewu, Simawu wenno aitaniwa muZeloti,#6:15 Simawu wenno aitaniwa muZeloti: Muwari mwa aJudewu, kohokalawo amohiwa kaitaniwa aZeloti. AZeloti ba atu anno kafuna joatamangiha aRoma ira aJudewu kawandege vitonga okave. 16Judasi mwana Tiyagu, na Judasi Iskariyoti wenno afuna za muguliha Yesu.
Yesu ohawandela anamamuharaye makalelo ira mutu arelihiwe
Matewuji 4:23-25
17Yesu ohotitaga mwangoni ule vamohi na aliwa, liye dowa imela nimburo notandeleya vamohi na anamamuharaye ale. Vevale vohokalaga atu adjindji kakumile ilambo yatene ya Judeya, Jeruzalemu na sidadi ya Tiru na Sidoni.#6:17 sidadi ya Tiru na Sidoni: Sidadi dedo dafwanyeya dagali unde wa ilambo ya Jeruzalemu. Ku wonga siku nenne kohokalawo aJudewu vamohi na atu ohokala aJudewu. 18Atwale kazelege vuruwana jowonga ja Yesu eto kazelege ira kavulumutchiwe maurenda kanna atu. Atu ohindiwa minemba dotakala na aliwene kozaga aliwa vulumutchiwaga. 19Atu atene kofunafuna ira kamusakwinye Yesu. Mwasiwa wafunela atu musakwinya ali oira mwa liye mokuma kopolo doavulumutcha arenda atene.
20Evale Yesu ohaing'anaga anamamuharaye, liye awandela eraga:
<<Orelihiwa gu nyenne atu osimela mwasiwa Umwene wa Mulugu gwenyu.#6:20 Orelihiwa gu nyenne atu osimela mwasiwa Umwene wa Mulugu gwenyu. Mazwala kinatapulela ira atu atene kasimenle mwilamboni ya vati banafuna volowa muUmweneni mwa Mulugu. So mbwenye Yesu unawonga mmusimboni ira mutu wenno unawanda viona nnga mutu osimela na mwasa wa jotega jaye gunawanda volowa muUmweneni mwa Mulugu. Tchoira mutu wenno ahanawanda ona simela waye zela jotega jaye kaza amuroromela Yesu eto kaza avolowa muUmweneni mwa Mulugu. Fwanyeya ira mutu orayela ira amuroromele Mulugu inorutcha. Mbwenye atu osimela anomuroromela Mulugu mobaranya mwasiwa kinna yororomela imohiwa hiyaniha na atu orayela.
21Orelihiwa gu nyenne munna ndala tempu yenna, tchoira vasogolro munoza murumbale.
Orelihiwa gu nyenne munanla tempu yenna mwasiwa vasogolro munoza muteye.#Matewuji 5:4,6
22Mwaharahariwa, mwalramwisiwa, mwaruwaniwa, mwawongeliwa jengo jabure na mwasa wa Mwana wa Mutu, munokala orelihiwa. 23Siku neno nnafuna nyo ireliwa eno ifwanele muteyele, muziveliwe mwasiwa muhukana yotambilra ilukulu ilambo ya zulu. Tchoira atu anno anauiranani eno, makolo ewa a mundulrimu kohairela anamafiyiheda makalelo mamohive nnga anauirelani atu nyo.
24<<Mbwenye udilu wa nyo murayenle mwilamboni muno peno va. Tchoira muhumala watchela upama unafuna nyo kana.
25Udilu wa nyo munafwanyeya orumbalene tempu yenna mwasiwa vasogolro munoza mukayena ndala.#6:25 Udilu wa nyo munafwanyeya orumbalene: Rumbala unawongiwa va kahi rumbala unaira mutu agadjile. Mbwenye ku rumbala okana jatene japama mwilamboni hafunaga ja Mulugu. Tchoira mutu wenno unafwanyeyana jatene ante liye hafunaga yengo imohiwa vasogolro, mutu wenno unoza akayena ndala. Nione Matewuji 19:24; Lukaji 12:16-21; Tiyagu 5:1.
Udilu wa nyo munafwanyeya muteyaga tempu yenna, mwasiwa vasogolro munoza mutomole kuto vamohi no nla.
26Udilu wa nyo mwateteliwa na atu, mwasiwa atu anno ababiwa kohatetela anamafiyiheda onama a malambo a mundulrimu na makalelo mamohive.
Yesu ohowongaga ira: Mwaaziveliwege amwidaninyu!
Matewuji 5:38-48
27<<Miyo mbwenye nnauwandelani nyo mwatene munadivuruwana ira mwaaziveliwege amwidani enyu, mwairelege japama ale anauidani. 28Mwaarelihege anno anautembelrelrani eto mwaalobelelege anno anauirelani ibure.
29<<Mutu auvanda nikofi nimohi wintoni wawo, ifwanele urungunutche ikukuru imohiwa ira liye auvande akoka. Mutu atukula kapa yawo, umuhiyede na kamizene ira atukule. 30Unvahege mutu wenne unauvepa eto mutu auwaka yengo yawo, kunvepe ira auwelihede. 31Mwaairelege afwinyu jengo jatene jejo jafuna nyo nnga aliwa kauireleni nyo. 32Kodi nyo mwaaziveliwaga atu anne anauziveliwani bahi, muirilevo nni? Tchoira na atwene otega anozivelana aliwene ve. 33Kodi nyo mwaairelaga upama atu anne anauirelani upama muirilevo nni? Tchoira atu otega na aliwene anoirelana upama na makalelo mamohive nnga anno munaira nyo. 34Kodi nyo mwaabolihaga atu anno bahi munaroromela nyo ira: <Anna mbwenye daavaha anodiweliheda!> eto atu amohiwa mwahafunaga aboliha, mwera eno, muhiyanihilevo nni? Tchoira atu otega na aliwene anoaboliha afwiwa otega, aliwa ing'anelaga ira: <Aliwa anoniweliheda!>
35<<Nyo mbwenye mwaaziveliwege amwidani enyu eto mwaairelege japama, mwaabolihege atu anno mwahanadediheda nyo ira: <Vasogolro anoza kaniwelihede.> Mwairana eno, yotambilra yenyu inokala ilukulu eto munowanda kala ahima a Mulugu Okwaranya Jatene, mwasiwa Mulugu na liyene unoairela japama atu kahanamutamalela nari atu abure. 36Mukale atu a tangaranga mwasiwa Babinyu eto gwa tangaranga.
Yesu ohowongaga zela tongana
Matewuji 7:1-5
37<<Kamutongege ira na nyenne mwahatongiwe. Kamwaagwihegena milandu afwinyu ira na nyenne mwahagwihiwena mulandu. Mwaalevelelege afwinyu ira Mulugu auleveleleni.#6:37 Kamutongege ira na nyenne mwahatongiwe: Yesu kanakameliha mutu nfwanya nfwaye unafwanyeyana yotega. Tchoira nafwanya Matewuji 18:15-17, nnovwa makalelo onfwanya mbalawo utegile. So mbwenye Yesu wonga waye inatapulela ira inafwanela mutu ahawande mutonga nfwaye pora pora nnga liye gu Mulugu. Yapama ku nfwanya muwari mwa makalelo apama. Eto ira unfwanye nfwawo, urome viwombeza vili we. Nione 1 Korinto 5:1-13; Galasiya 6:1. 38Mwaavahege afwinyu. Mwairana eno, na nyenne munovahiwa. Mareliho anafuna Mulugu uvahani, anokala madjindji okwaranya, ohowanda pimeya, nne mmandani mwinyu kinakwakwanamo ira muwatchele, mwasiwa Mulugu unotukula mpimo mmohive wenno mwapimetchana nyo, mwaavahaga afwinyu, aupimelenani nyo.>>
39Evale Yesu ohowongaga yofwalrafwaniha imohi ila eraga: <<Kalivo mutu ohoona unawanda musogolrelra mutu ohoona nfwaye. Mwasiwa aliwa kera kasogolrelrena atu ohoonave, ambinlene anagomela morela nkwegweni. 40Kalivo namafundja unamukwaranya namafundjihaye. So mbwenye liye agamarihile fundja waye, liye podi kwakwanelaga na namafundjihaye ule.
41<<Kodi mwasiwa gwa nni we wandaga ona ikata inafwanyeya mwintoni mwa mbalawo eto we hawandaga ona mungulru unafwanyeya mwintoni mwawo? 42Weyo unawanda wonga avi na mbalawo ira: <Kadihiye dikumihemo ikata inafwanyeya mmentoni mwawo>, agali na wenne uhukana mungulru wawo wahanawanda we ona? We ngongomwa#6:42 ngongomwa unawongiwa va gu mutu wenne ahanairana jejile jinakokomeza liye. Mutu wenne unaira: <<Eni kamube, kamuraruwe, kamuirena ila!>>, amala eto liye iragana. we! Ifwanele urome kumihamo mungulru wawo uli mmentoni mwawo mo, waira eno pa evo vanawandege we ona pama ikata ili mmentoni mwa nfwawo ira uwande kumihamo.>>
Yesu ohowongaga zela mutengo na jovaha jiwa
Matewuji 7:15-20, 12:33-35
43Yesu ohowongagave eraga: <<Kavali wandeya ira mutengo wapama avahe jovaha jabure. Sawasawa eto mutengo wabure kaza avaha jovaha japama, 44tchoira kada mutengo unaiziweya na jovaha jinavaha liye. Kalivo unadowa mmutengoni mwa minga, ahatchamo magiyawu. Eto kavili jowandeya hatcha mangu vamuratchini va ulrilri.#6:44 Na iGerego Yesu awongile ira: Kalivo unadowa mmingani, ahatchamo jovaha ja mufigera. Eto kavili jowandeya hatcha uva vamakaruweni. Ku tapulela ira wamuona mutu airagana jabure, jili mmirimani mwaye ti ejo. 45Mutu wapama unakumiha jengo japama jinafwanyeya mmirimani mwaye. Eto mutu wabure, unakumiha jengo jabure jili mmirimani mwaye. Tchoira mulomo unawonga jengo jinafwanyeya mmirimani mwa mutu.>>
Yofwalrafwaniha ya aliba manga nyumba ovuta na owendjela
Matewuji 7:24-27
46Yesu ohowongagave eraga: <<Mwasiwa gwa nni nyo kalelaga diitanave: <Nabwiya, Nabwiya> eto mwahairagana jinawonga miyo? 47Miyo nnafuna duwongeleni yofwalrafwaniha ila zela mutu wenne unaza wa miyo, avuruwanaga mazwaga eto airagana jinavwa liye. 48Mutu wenno unafwalrafwana na maliba manga nyumba. Liye tempu yamanga liye nyumbaye ohotimba vati liye fiyeda fwanya nibwe. Liye manga vazulu va nibwe vale. Evale agamanle manga nyumbele, ohorumbwaga muzongwe na nipevo nlukulu. Mihindje dohomala zala ante mahindje fiyedaga mwezo ovandaga nyumbele. Mbwenye nyumbele tchagwile mwasiwa yoholimba pama. 49Eto zela mutu wenne unavwa mazu aga ahairagana, unakala nnga maliba manga nyumba wenno adowile vateyani aromaga manga nyumba, ahamanga aliserisi. Evale liye agamanle manga nyumbele, ohorumbwaga muzongwe wa nipevo nlukulu. Evale mahindje kagafwanyile nyumbele, yohogwa fiyeda bwanyuwa yatene.>>
Iliyochaguliwa sasa
Lukaji 6: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral
Lukaji 6
6
Yesu gu mwinnya wa sabado
Matewuji 12:1-8; Markuji 2:23-28
1Siku nimohi na sabado Yesu ohoviraga na anamamuharaye nimburo eni wafwanyeya munda wa tirigu. Anamamuharaye ale kohoromaga kotola mangala a tirigu, aliwa roma tikitela mmandani mwiwa, roma takunaga. 2Noira enne, aFarizewu angasi angasi kohafukaga, aliwa ira: <<Kodi munawanda avi irana yenno inakamelihiwa irana siku na sabado?>> 3Evale Yesu ohawakula eraga: <<Kodi nyo kamunababihe ileri mMazuni jejo jairile mulombwana Davi, tempu yanna liye ndala, agali vamohi na afwaye annaga liye? 4Davi aganna ndala, ohovolowa Nyumba ya Mulugu, liye tukula pawu dotchenihiwa, pawu dedo datapulela ira Mulugu uli vamohi na atwaye. Agatukunle, ohodja eto liye avaha afwaye annaga liye, aliwa dja. Eto fwanyeya ira muwari mwa nlamulo kavili jowandeya ira mutu ahali namakuta adje pawu dedo.>>#6:4 muwari mwa nlamulo kavili jowandeya ira mutu ahali namakuta adje pawu dedo: Va mazwala Yesu awonga ira awande aonelrihedamo zela jejo jaira anamamuharaye. Fwanyeya ira Davi wanle ohodja pawu eto muwari mwa nlamulo kavali jowandeya ira mutu ahali namakuta adje pawu da Mulugu dile. Mbwenye masiki mulombwana Davi airileve enne, Mulugu kamutakaleliwe. Tchi imohive iireyile na aliwa. Mulugu katakaleliwe na anamamuharaye kakotolaga mangala a tirigu siku na sabado. Mwasiwa Mulugu kanivahile malamulo ira anizuzumihe. 5Evale Yesu ohomariha wonga eraga: <<Mwana wa Mutu unafwanyeya agali mwinnya wa sabado.>>#6:5 Mwana wa Mutu unafwanyeya agali mwinnya wa sabado: Yesu mbwenye kawongile ira: <<Miyo dili nkuda sabado.>> Nari. So Yesu awongile ira: <<Miyo dili mwinnya wa sabado.>> Ku wonga ukana utongi ira aawandele atu yengo tchivi inarumelihiwa siku na sabado. Ku wonga ofwanela asumulula anamamuharaye tchakala aFarizewu mbwenye ali liye.
6Siku na sabado nimohi niwa Yesu ohovolowaga nyumba yofundjamo Mazu, liye roma fundjihaga. Emule mohokalaga mulombwana mmohi annaga ndanda nodjana norangala. 7Andimuwa amohiwa ofundjiha malamulo na andimuwa a aFarizewu kohoromaga muing'ana Yesu ira kaone akala liye ogonvulumutcha mutu siku na sabado ira kawande onavo muselu omugwihana mulandu. 8Yesu mbwenye ohovayela iziwa youmbuwela ya atwale. Na mwasa wenne, Yesu ohomuwongana maliba umma ndanda ule ira: <<Kaza uimele uno.>> Yesu agawongile enne, mulombwanole ohovenyaga, liye imela. 9Evale Yesu ohafukaga atwale ira: <<Miyo nnoufukani nyo. Kodi muwari mwa malamulo inorumelihiwa muirela mutu yabure owu hehi muirela yapama siku na sabado? Siku na sabado inarumelihiwa nvulumutcha mutu owu mpa?>> 10Nomala enne, Yesu ohaing'anaga atu atene kaligi evale. Mwa enne ohowonga na murendole eraga: <<Katapula ndanda nawo no.>> Mulombwanole notapula ndanda naye nne, nohovayela vulumuwa. 11Mwa enne, anamafundjiha malamulo na aFarizewu ale kohotakaleliwaga valukulu, aliwa roma pangana makalelo kafuna atu muirana Yesu.
Sakulriwa wa anamarumiwa kumi na ambinli
Matewuji 10:1-4; Markuji 3:13-19
12Agairile enne Yesu ohodowaga gwela mwangoni ira adowe alobele. Ohomala umahiyu watene alobelaga wa Mulugu. 13Unde wagatchile, ohaitana anamamuharaye, aliwa dowa wewule. Evale muwari mwa anamamuharaye atenene, Yesu ohasakulramo kumi na ambinli ira kakale anamarumiwaye. 14Aliwa maziniwa ba ala: Simawu, wenno anvahile liye nzina na Peduru na mbalaye Andire, Tiyagu na Juwawu, Filipi na Bartolomewu, 15Matewuji na Tome, Tiyagu mwana Alifewu, Simawu wenno aitaniwa muZeloti,#6:15 Simawu wenno aitaniwa muZeloti: Muwari mwa aJudewu, kohokalawo amohiwa kaitaniwa aZeloti. AZeloti ba atu anno kafuna joatamangiha aRoma ira aJudewu kawandege vitonga okave. 16Judasi mwana Tiyagu, na Judasi Iskariyoti wenno afuna za muguliha Yesu.
Yesu ohawandela anamamuharaye makalelo ira mutu arelihiwe
Matewuji 4:23-25
17Yesu ohotitaga mwangoni ule vamohi na aliwa, liye dowa imela nimburo notandeleya vamohi na anamamuharaye ale. Vevale vohokalaga atu adjindji kakumile ilambo yatene ya Judeya, Jeruzalemu na sidadi ya Tiru na Sidoni.#6:17 sidadi ya Tiru na Sidoni: Sidadi dedo dafwanyeya dagali unde wa ilambo ya Jeruzalemu. Ku wonga siku nenne kohokalawo aJudewu vamohi na atu ohokala aJudewu. 18Atwale kazelege vuruwana jowonga ja Yesu eto kazelege ira kavulumutchiwe maurenda kanna atu. Atu ohindiwa minemba dotakala na aliwene kozaga aliwa vulumutchiwaga. 19Atu atene kofunafuna ira kamusakwinye Yesu. Mwasiwa wafunela atu musakwinya ali oira mwa liye mokuma kopolo doavulumutcha arenda atene.
20Evale Yesu ohaing'anaga anamamuharaye, liye awandela eraga:
<<Orelihiwa gu nyenne atu osimela mwasiwa Umwene wa Mulugu gwenyu.#6:20 Orelihiwa gu nyenne atu osimela mwasiwa Umwene wa Mulugu gwenyu. Mazwala kinatapulela ira atu atene kasimenle mwilamboni ya vati banafuna volowa muUmweneni mwa Mulugu. So mbwenye Yesu unawonga mmusimboni ira mutu wenno unawanda viona nnga mutu osimela na mwasa wa jotega jaye gunawanda volowa muUmweneni mwa Mulugu. Tchoira mutu wenno ahanawanda ona simela waye zela jotega jaye kaza amuroromela Yesu eto kaza avolowa muUmweneni mwa Mulugu. Fwanyeya ira mutu orayela ira amuroromele Mulugu inorutcha. Mbwenye atu osimela anomuroromela Mulugu mobaranya mwasiwa kinna yororomela imohiwa hiyaniha na atu orayela.
21Orelihiwa gu nyenne munna ndala tempu yenna, tchoira vasogolro munoza murumbale.
Orelihiwa gu nyenne munanla tempu yenna mwasiwa vasogolro munoza muteye.#Matewuji 5:4,6
22Mwaharahariwa, mwalramwisiwa, mwaruwaniwa, mwawongeliwa jengo jabure na mwasa wa Mwana wa Mutu, munokala orelihiwa. 23Siku neno nnafuna nyo ireliwa eno ifwanele muteyele, muziveliwe mwasiwa muhukana yotambilra ilukulu ilambo ya zulu. Tchoira atu anno anauiranani eno, makolo ewa a mundulrimu kohairela anamafiyiheda makalelo mamohive nnga anauirelani atu nyo.
24<<Mbwenye udilu wa nyo murayenle mwilamboni muno peno va. Tchoira muhumala watchela upama unafuna nyo kana.
25Udilu wa nyo munafwanyeya orumbalene tempu yenna mwasiwa vasogolro munoza mukayena ndala.#6:25 Udilu wa nyo munafwanyeya orumbalene: Rumbala unawongiwa va kahi rumbala unaira mutu agadjile. Mbwenye ku rumbala okana jatene japama mwilamboni hafunaga ja Mulugu. Tchoira mutu wenno unafwanyeyana jatene ante liye hafunaga yengo imohiwa vasogolro, mutu wenno unoza akayena ndala. Nione Matewuji 19:24; Lukaji 12:16-21; Tiyagu 5:1.
Udilu wa nyo munafwanyeya muteyaga tempu yenna, mwasiwa vasogolro munoza mutomole kuto vamohi no nla.
26Udilu wa nyo mwateteliwa na atu, mwasiwa atu anno ababiwa kohatetela anamafiyiheda onama a malambo a mundulrimu na makalelo mamohive.
Yesu ohowongaga ira: Mwaaziveliwege amwidaninyu!
Matewuji 5:38-48
27<<Miyo mbwenye nnauwandelani nyo mwatene munadivuruwana ira mwaaziveliwege amwidani enyu, mwairelege japama ale anauidani. 28Mwaarelihege anno anautembelrelrani eto mwaalobelelege anno anauirelani ibure.
29<<Mutu auvanda nikofi nimohi wintoni wawo, ifwanele urungunutche ikukuru imohiwa ira liye auvande akoka. Mutu atukula kapa yawo, umuhiyede na kamizene ira atukule. 30Unvahege mutu wenne unauvepa eto mutu auwaka yengo yawo, kunvepe ira auwelihede. 31Mwaairelege afwinyu jengo jatene jejo jafuna nyo nnga aliwa kauireleni nyo. 32Kodi nyo mwaaziveliwaga atu anne anauziveliwani bahi, muirilevo nni? Tchoira na atwene otega anozivelana aliwene ve. 33Kodi nyo mwaairelaga upama atu anne anauirelani upama muirilevo nni? Tchoira atu otega na aliwene anoirelana upama na makalelo mamohive nnga anno munaira nyo. 34Kodi nyo mwaabolihaga atu anno bahi munaroromela nyo ira: <Anna mbwenye daavaha anodiweliheda!> eto atu amohiwa mwahafunaga aboliha, mwera eno, muhiyanihilevo nni? Tchoira atu otega na aliwene anoaboliha afwiwa otega, aliwa ing'anelaga ira: <Aliwa anoniweliheda!>
35<<Nyo mbwenye mwaaziveliwege amwidani enyu eto mwaairelege japama, mwaabolihege atu anno mwahanadediheda nyo ira: <Vasogolro anoza kaniwelihede.> Mwairana eno, yotambilra yenyu inokala ilukulu eto munowanda kala ahima a Mulugu Okwaranya Jatene, mwasiwa Mulugu na liyene unoairela japama atu kahanamutamalela nari atu abure. 36Mukale atu a tangaranga mwasiwa Babinyu eto gwa tangaranga.
Yesu ohowongaga zela tongana
Matewuji 7:1-5
37<<Kamutongege ira na nyenne mwahatongiwe. Kamwaagwihegena milandu afwinyu ira na nyenne mwahagwihiwena mulandu. Mwaalevelelege afwinyu ira Mulugu auleveleleni.#6:37 Kamutongege ira na nyenne mwahatongiwe: Yesu kanakameliha mutu nfwanya nfwaye unafwanyeyana yotega. Tchoira nafwanya Matewuji 18:15-17, nnovwa makalelo onfwanya mbalawo utegile. So mbwenye Yesu wonga waye inatapulela ira inafwanela mutu ahawande mutonga nfwaye pora pora nnga liye gu Mulugu. Yapama ku nfwanya muwari mwa makalelo apama. Eto ira unfwanye nfwawo, urome viwombeza vili we. Nione 1 Korinto 5:1-13; Galasiya 6:1. 38Mwaavahege afwinyu. Mwairana eno, na nyenne munovahiwa. Mareliho anafuna Mulugu uvahani, anokala madjindji okwaranya, ohowanda pimeya, nne mmandani mwinyu kinakwakwanamo ira muwatchele, mwasiwa Mulugu unotukula mpimo mmohive wenno mwapimetchana nyo, mwaavahaga afwinyu, aupimelenani nyo.>>
39Evale Yesu ohowongaga yofwalrafwaniha imohi ila eraga: <<Kalivo mutu ohoona unawanda musogolrelra mutu ohoona nfwaye. Mwasiwa aliwa kera kasogolrelrena atu ohoonave, ambinlene anagomela morela nkwegweni. 40Kalivo namafundja unamukwaranya namafundjihaye. So mbwenye liye agamarihile fundja waye, liye podi kwakwanelaga na namafundjihaye ule.
41<<Kodi mwasiwa gwa nni we wandaga ona ikata inafwanyeya mwintoni mwa mbalawo eto we hawandaga ona mungulru unafwanyeya mwintoni mwawo? 42Weyo unawanda wonga avi na mbalawo ira: <Kadihiye dikumihemo ikata inafwanyeya mmentoni mwawo>, agali na wenne uhukana mungulru wawo wahanawanda we ona? We ngongomwa#6:42 ngongomwa unawongiwa va gu mutu wenne ahanairana jejile jinakokomeza liye. Mutu wenne unaira: <<Eni kamube, kamuraruwe, kamuirena ila!>>, amala eto liye iragana. we! Ifwanele urome kumihamo mungulru wawo uli mmentoni mwawo mo, waira eno pa evo vanawandege we ona pama ikata ili mmentoni mwa nfwawo ira uwande kumihamo.>>
Yesu ohowongaga zela mutengo na jovaha jiwa
Matewuji 7:15-20, 12:33-35
43Yesu ohowongagave eraga: <<Kavali wandeya ira mutengo wapama avahe jovaha jabure. Sawasawa eto mutengo wabure kaza avaha jovaha japama, 44tchoira kada mutengo unaiziweya na jovaha jinavaha liye. Kalivo unadowa mmutengoni mwa minga, ahatchamo magiyawu. Eto kavili jowandeya hatcha mangu vamuratchini va ulrilri.#6:44 Na iGerego Yesu awongile ira: Kalivo unadowa mmingani, ahatchamo jovaha ja mufigera. Eto kavili jowandeya hatcha uva vamakaruweni. Ku tapulela ira wamuona mutu airagana jabure, jili mmirimani mwaye ti ejo. 45Mutu wapama unakumiha jengo japama jinafwanyeya mmirimani mwaye. Eto mutu wabure, unakumiha jengo jabure jili mmirimani mwaye. Tchoira mulomo unawonga jengo jinafwanyeya mmirimani mwa mutu.>>
Yofwalrafwaniha ya aliba manga nyumba ovuta na owendjela
Matewuji 7:24-27
46Yesu ohowongagave eraga: <<Mwasiwa gwa nni nyo kalelaga diitanave: <Nabwiya, Nabwiya> eto mwahairagana jinawonga miyo? 47Miyo nnafuna duwongeleni yofwalrafwaniha ila zela mutu wenne unaza wa miyo, avuruwanaga mazwaga eto airagana jinavwa liye. 48Mutu wenno unafwalrafwana na maliba manga nyumba. Liye tempu yamanga liye nyumbaye ohotimba vati liye fiyeda fwanya nibwe. Liye manga vazulu va nibwe vale. Evale agamanle manga nyumbele, ohorumbwaga muzongwe na nipevo nlukulu. Mihindje dohomala zala ante mahindje fiyedaga mwezo ovandaga nyumbele. Mbwenye nyumbele tchagwile mwasiwa yoholimba pama. 49Eto zela mutu wenne unavwa mazu aga ahairagana, unakala nnga maliba manga nyumba wenno adowile vateyani aromaga manga nyumba, ahamanga aliserisi. Evale liye agamanle manga nyumbele, ohorumbwaga muzongwe wa nipevo nlukulu. Evale mahindje kagafwanyile nyumbele, yohogwa fiyeda bwanyuwa yatene.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral