1 Korinto 5
5
Pawulo ohakokomeza aKorinto ira kamutonge maliba raruwa afwanyeya muwari mwewa
1Ihimala vweya ira muwari mwa nyo muhukala mararuwelo abure kwaranya, anno masiki atu ohombalra Mulugu anakonda atu. Muwari mwa nyo uhukalamo eto mutu mmohi unangonana mwadi babaye. 2Mbwenye nyo muire garati bahi, vitetelaga zela jinera liye jo. Afwanele munle na mwasa wa joira jaye. Mwamala nla, mmutamangihe mutu wenno unaira ejo ira ahafwanyeye na nyo.
3Uli miyo uno dihiiziwa ira ulapela na wewo uli nyo wo. Mbwenye masiki ulapenleve, mmirimani mwaga dili vamohi na nyo. Muwari mokala vamohi na nyo, makalelo erile mutuyo, miyo dihimala mutonga wewuno. 4Miyo nnourumani ira siku nnafuna nyo gumana mwa nzina na Yesu Kiristu, mmutonge mutuyo muwari mwa utongi wa Nabwiya wehu Yesu. Mwamutongaga mutuyo, miyo dili vevo zela mmirimani mwaga. 5Mutonga uwa, munvahede mmandani mwa Satana ira maningo a mutuyo kabwanyuliwe. Ili ira siku nnafuna za Nabwiya, munembaye awande vulusiwa.#5:5 munvahede mmandani mwa Satana ira maningo a mutuyo kabwanyuliwe: Voira mutule unoziveliwa irana ja Satana, Satana akale unafuna mutonga na makalelo anafuna liye fiyeda mbuleliha nari mpa nnga yotambilra zela jotega jinaira liye. Ili ira siku nnafuna za Nabwiya, munembaye awande vulusiwa. Ku wonga Pawulo afuna mutule atwaruwe ira siku na Nabwiya nafiya, awande vulumuwa. Tchoira ahatwaruwe unagomela kala mutu ohokana pandi na Mulugu.
6Makalelo anavitetela nyo kili pama. Kodi nyo kamuiziwile ira leverina wa vang'onove amwadeya, masa matene anomala nyakuwa? 7Mukumihemo leverina wa wanle unafwanyeya muwari mwa nyo ira mwahala mukale nnga masa maxa ohoheliwa leverina nnga muli nyo vamentoni va Mulugu. Mwasiwa Kiristu mwana Nibila nehu na Pwando ya Mavirelo umala sakanyiwa mukuto.#5:7 Kiristu mwana Nibila nehu na Pwando ya Mavirelo: Sawasawa nnga Mavirelo oroma muIjipitu aIzarayeli kohowomboliwa mwa mabila, atu omuroromela Yesu kohomala kana nibila newa nikuteliwe atu unafwanyeya agali Yesu wenno awongiwa ira Nibila na Mulugu, neno nnatimiha yotega ya atu a ilambo ya vati, gwenne! (Juwawu 1:29)
8Nona nadjaga Pwando ya Mavirelo yehu, kanidjege na pawu dokana leverina wa wanle. Leverina unawonga miyo ba makalelo oidana na ubure. Inafwanela nadjaga Pwando ya Mavirelo yehu, nidje na pawu dohokana leverina. Pawu dohokana leverina nnawongiwa di ku wonga irana jofuna ja Mulugu na mmirimani mwehu mwatene no wonga ibaribari.
Ule unairana jabure komove atongiwe
9Miyo malambo a mundulri dohoulrembelani karta, miyo ukokomezani ira: <<Nyo kamuwendege vamohi na atu oraruwa.>> 10Diwongaga eno, kadawonga aliba raruwa a unde, nari. Eto nne kadawonga ira mwahawende na atu abure a unde, aliba raruwa, aliba funa kana jorayela pwi, aliba adjelra afwiwa, aliba hara vikwamutu josema, nari. Tchoira dahafunege ira mwahawendege vamohi na atu a mwilamboni, yerege funeya mukumemo mwilamboni ya vati mwasiwa anno anafwanyeya mwatene mwene.
11Mbwenye va nnoulrembelani mazu ira dukokomezeni ira mwamuona mutu unaitaniwa na nzina na mbalihu omuroromela Yesu eragana makalelo oraruwa, nari maliba funa kana jorayela pwi, nari ohara vikwamutu josema, nari oaruwana afwaye, nari olrezelra, nari oadjelra afwaye, mutu wenno kamukale vamohi na liye. Masiki dja, kamudjena vamohi.
12Miyo kadinnamo ira nnomutonga mutu uli unde. Mbwenye mutu wenno unafwanyeya muwari mwa nikuru na atu omuroromela Yesu, airana yabure, inafwanela mukale okozeyene ira mmutonge. 13Unafuna atonga atu a unde gu Mulugu. Mbwenye zela nyo, mutu wabure inafwanela mmukumihemo ira ahafwanyeye muwari mwa nyo.#5:12-13 mutu wabure inafwanela mmukumihemo: Va Pawulo unawonga ira wenno ahanafuna twaruwa, atamangihiwe ira ahawendege muwari mwa afwaye omuroromela Yesu. Nione Matewuji 18:15-17.
Iliyochaguliwa sasa
1 Korinto 5: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral