1 Korinto 4
4
Mabasa a anamarumiwa
1Nyo mwaniona hiyo anamarumiwa, inafwanela muwande iziwa ira nili anamalaba a Kiristu, nili atu ovahediwa jokoyeya ja Mulugu. 2Muwari movahediwa, mutu ovahediwa mabasaye ku irana jejo jivahediwe liye. 3-4Para miyo, makalelo anafuna nyo ditonga nari makalelo anafuna andimuwa a ilambo ya vati ditonga kahi yengo. Eto miyo meka kannawanda vitonga. Tchoira mwilamboni ya vati muno, miyo meka daing'anamo, nnaviona nnga kadinna mulandu. Masiki eno afwase dihikana mulandu dahaiziwile miyo. Nabwiya eka mbwenye gunafuna za ditonga. 5Nona kakalevo mutu unafuna nitonga hiyo anamarumiwa zela jengo johooneya tempu yahanafiye, Nabwiya ahanaze. Tchoira aza, liye gunafuna vitula jengo johooneya jejile jaireya muisini eto unokumiha vatando joumbuwela ja kada mutu. Pa evale vanafuna za Mulugu mutambilriha kada mutu upama wenno unafuna liye vahiwa.
6Jatene ejo nnawonga zela miyo na Apolo ira nyo abalaga mukayena ibaribari, mufundje mwa hiyo ira mwahakwaranye yenno ilrembiwe#4:6 mwahakwaranye yenno ilrembiwe: Mazu kalrembiwe na anamafiyiheda wanle tchawongile ira: <<Inafwanela mukayena vitukulela zela mutu unamuhara nyo.>> So mazu kalrembiwe wanle anawonga ira: <<Kakalevo unafuna mutetela mutu mmohiwa ahali Nabwiya.>>: (Jeremiya 9:23-24) Pawulo ohasumulula aKorinto zela jaira atu, aliwa nfunaga mutu mmohi mukwaranya nfwaye. Tchoira aliwa kohokana gaweya oka oka mwakalele atu, mutu mmohi awonga ira: Miyo dili wa Pawulo, mutu mmohiwa eto awonga ira: Miyo dili wa Apolo. (1 Korinto 3:4) Pawulo afuna aKorinto kaiziwe ira anamalaleya atene kafwanyeya kagali atu ovahediwa eto atu odediha tongiwa na Mulugu. Nona afuna teteliwa ali Mulugu hiya Pawulo na afwaye. ira mwahakale ovitukulela, nyo nfunaga mutu mmohi mukwaranya nfwaye.
7Kodi usakannye ira nyo mukale oakwaranya atu amohiwa ali ani? Kodi ikala yengo inna nyo mwahairile nyo vahiwa?#4:7 Kodi ikala yengo inna nyo mwahairile nyo vahiwa? Ku wonga ona wa Mulugu, jatene jinna mutu, podi kala nyumba, minda, ingumi, jalo, ahima, jowara, izo nari yengo ili yatene, jatene ejo mutu unavahiwa na Mulugu. Nari. Akala jatene jinna nyo mwere vahiwa, munawanda avi vititimiha ira: <<Yengwela disakannye meka.>>? Kalaga nnga kamuire vahiwa. 8Nyo munaviona nnga mumala kana jatene jinafuna nyo eto mumala rayela, hiyo anamalaleya naharayenle. Munaviona nnga muli amwene. Mwahakanlege amwene a ibaribari, na hiyene nogokala. Nipevo niwa nerege nifwanya, hiyo eto nerege sogolrelra vamohi na nyo!
9Mbwenye dionne ira Mulugu usakannye ira atu kaniona, kanionege nnga atu ohokana mabasa. Mulugu usakanya ira atene anafwanyeya mwilamboni ya vati muno nari atu nari angelro kaniing'ana hiyo anamarumiwa, kanionege nnga nili atu ogondjihiwa odowa mapiwelo. 10Atu kaniona hiyo anamarumiwa nikalelaga ntindi laleya nzina na Kiristu, ananiona nnga nili azimora. Nyo eto mwaviona, munaviona nnga muli aKiristawu a toto. Hiyo atu kaniona, ananiona nnga nili ovuta. Nyo eto mwaviona, munaviona ira: <<Nili atu olimba.>> Nyo munoteteliwa. Hiyo nnapetiwa. 11Malambwala nnawenda na ntona na ndala na usiwa. Nnovahiwa makofi eto kaninna vande vehu. 12Ira nidje, nnalaba mabasa na mandihu. Napetiwa, nnomureliha wenno unipetile. Naharahariwa, nnovilela. 13Mutu aniluluviha, nnomuwakula mwapama. Roma wanle pakana na vanove, atu kaniona, ananiona nnga makata a mwilamboni ya vati, jengo jinatatileliwa vazunguni.
Pawulo awenda na aKorinto nnga mutu na ahimaye
14Daulrembelagani jeji eni, kannalrembela ira munyaswe, nari. So nnalrembela ira dukokomezeni nyo nnga anaga anouziveliwani miyo. 15Tchoira masiki mukayena aliba venda joufundjihani ja Kiristu oindjiva ohowanda kontareya, ababinyu kinakala adjindji, nari. Tchoira miyo gunafwanyeya dagali babinyu muwari mwa Yesu Kiristu mwasiwa uwandile ulaleyani Muselu Wapama gu miyo.
16Muwari mokala babinyu, miyo nnoukokomezani nyo anaga ira mudisazihege miyo vano babinyu. 17Ira muwande disaziha miyo, nnomuruma Timoteyo ira aze wa nyo, auwumbutchedeni makalelo anawenda miyo muwari mwa Kiristu. Timoteyo gu mutu unamuziveliwa miyo eto gu mwanaga ororomeleya mwa Nabwiya. Liye unouwandelani makalelo aga owenda muwari mwa Kiristu nnga nnafundjiha miyo mwa kada nikuru na atu omuroromela Yesu mwatene mwene munavira miyo.
Yofuna ya Pawulo yoapanda aKorinto
18Miyo dihiiziwa ira muwari mwa nyo kohokalamo atu amohiwa anavitukulela, umbuwelaga ira: <<Pawulo kaza awelela za nipanda akoka.>> 19Mbwenye Nabwiya afuna, tchineneva nnoza dupandeni wewo. Miyo dagazile, kannakukumuwa na mazu anawonga atu ovitetela ayo, nari. So nnafuna dione kopolo dinna atu. 20Mwasiwa Umwene wa Mulugu kahi yengo yowonga jengo jidjindji mbwenye tchi yengo ya kopolo daye.
21Nnga nyo munafuna dazaga dizena makalelo bavi? Dizena imiri ira duwaxuleni owu dizena makalelo ouziveliwani no pwaseya?#4:21 Dizena imiri ira duwaxuleni owu dizena makalelo ouziveliwani: Vawenda Pawulo, aafwanya atu na makalelo olimba ngi, ngi, ngi zela joira jewa ja wanle, na liyene afuna kana makalelo olimba ira aatwarutche. Eto aafwanya atu kagamanle twaruwa, liye afuna akayena makalelo oazivela no pwaseya.
Iliyochaguliwa sasa
1 Korinto 4: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral