Sefaniya 3
3
Urusaliima hettinaaki haala Joomiraawo
1Kayto, bone tawii on, onon himɓe wanŋarde turtoore e soɓune,
onon hollooɓe himɓe semme.
2On kettintaako bateteeka,
on jaɓataa saawari goɗɗo,
on koolaaki Joomiraawo,
on calake ɓattaago Alla mon.
3Ardiiɓe mon laati nun hande jagge kalɓooje,
hiitotooɓe mon e nandi hande dawaaɗi ladde damotooɗi jemma,
amma ɗi nyaamida ko ɗi keɓi fu,
ɗi korataako goɗɗum gam subaka.
4*Annabiiɓe mon hoolinaaki,
ɓe laati nun jammotooɓe.
*Liimaamiiɓe mon e soɓina ko senii,
ɓee ƴartoo ooda.
5Amma enon fu Joomiraawo e hollita on gooŋaaku mum,
o waɗataa ko halli.
Subaka fu, o hiitorto nun no haaniri,
o meeɗay tampugo ɗum.
Amma kalluɗo walaa senteene.
6Joomiraawo wi'i:
Mi halkii himɓe lenyi ɗuuɗɗi,
mi halkii cuuɗi deenirɗi wanŋarɗe maɓɓe.
Mi sukkii laabi majje,
faa himɓe acci tokkugo ɗi.
Wanŋarɗe maɓɓe laatake bille,
goɗɗo jooɗaaki kade der majje.
7Ɗon nun bi'umi: Onon himɓe *Urusaliima,
to oon kullannoo am,
to on jaɓiino ekkitinooje am,
den mum mi halkataano on.
Amma kalluɗum nun dogganton der gaɗuuji mon.
8Joomiraawo wi'i:
Keɗee nyalaane ne ummotoomi gam mi yoɓa on ko gaɗuɗon,
gam mi yesii hawritingo lenyi e laamuuji mum,
den mone am sattune yowoo dow ko'e maɓɓe,
mone am mawne halkan leydi fu hande yiite.
Alla wonƴitan miilooji himɓe
9Den mum mi wonƴitan jikku himɓe,
mi laaɓinan ɗelle maɓɓe.
Ɓe fu ɓe noddan inne am, min Joomiraawo.
Ɓe fu ɓe juulanan am e ɓerne woore.
10Juulanooɓe am, sankitiiɓe nokku fu waddanan am dokke mum,
baa e wonuɓe fonŋo gooruwol Kusi fu.
Himɓe Isira'iila horiiɓe
11Nyanne mum, onon himɓe am,
on centataa gam sabbu gaɗuuji mon kalluɗi,
accunooɗi ummaniɗon am.
Mi hikkinan mawnitiiɓe diga caka mon,
den on mawnitintaako kade dow waanne am seniine.
12Mi accan himɓe yuruminiiɓe e ɓuytuɓe ko'e mum tan horoo caka mon.
Ɓe dartan suuɗorde to am, min Joomiraawo.
13Den mum himɓe Isira'iila horiiɓe e yonki waɗataa kade ko halli.
Ɓe pewataa kade,
haalaaji kalluɗi kade wurtataako diga kunnuɗe maɓɓe,
ɓe nyaaman ɓe kaara,
ɓe pukkoo e deƴƴere,
goɗɗo hulnataa ɓe.
*Urusaliima mahitinte
14Kollee belɗum ɓerne onon himɓe Siyon.
Onon himɓe Isira'iila, kuuɓee kuuɓaali belɗum ɓerne.
Onon himɓe *Urusaliima, belbeltee e ɓerɗe mon fu.
15Joomiraawo daɗinii on kiita,
on kiitataake kade,
o riiwii wayɓe mon.
Joomiraawo laatiiɗo laamiiɗo mon onon himɓe Isira'iila na'on caka mon.
To on kulee kade ko boni gom.
16Nyanne mum, himɓe wi'an der *Urusaliima:
Taa hulu, an wanŋarde Siyon,
taa tampu munyal.
17Alla Joomiraawo maa e wondi e maa,
o laati nun hande soogeeru cuusunu paabotoonu.
O welweltan gam sabbu maa.
Gam sabbu yidde maa, o jeeɗoto, o batataa gokka,
o hollitan belɗum ɓerne makko gam sabbu maa.
18Joomiraawo wi'i: Mi wartiran wonuɓe woɗɗi *Urusaliima,
go ɓerɗe maɓɓe e biisii gam ɓe keɓataa waɗango am juulɗeeji,
go senteene e nyoƴƴi ɓe hande dongal tedduŋal.
19Den mum, mi halkan toorannooɓe on fu,
mi nyawtan moofiɗinɓe caka mon,
den mi wartira egginaaɓe mon.
Mi accan himɓe teddina ɓe,
den gaɗon inne der leydi to senteene nyaamannoo on fu.
20Den mum mi wartiran on, mi hawrita on.
Mi accan himɓe duuniyaaru fu teddina on, gaɗon inne,
to mi hokkitii on ko goodunoɗon fu ji'uɗon ɗum e gite mon.
Min Joomiraawo nun bati ka.
Iliyochaguliwa sasa
Sefaniya 3: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Sefaniya 3
3
Urusaliima hettinaaki haala Joomiraawo
1Kayto, bone tawii on, onon himɓe wanŋarde turtoore e soɓune,
onon hollooɓe himɓe semme.
2On kettintaako bateteeka,
on jaɓataa saawari goɗɗo,
on koolaaki Joomiraawo,
on calake ɓattaago Alla mon.
3Ardiiɓe mon laati nun hande jagge kalɓooje,
hiitotooɓe mon e nandi hande dawaaɗi ladde damotooɗi jemma,
amma ɗi nyaamida ko ɗi keɓi fu,
ɗi korataako goɗɗum gam subaka.
4*Annabiiɓe mon hoolinaaki,
ɓe laati nun jammotooɓe.
*Liimaamiiɓe mon e soɓina ko senii,
ɓee ƴartoo ooda.
5Amma enon fu Joomiraawo e hollita on gooŋaaku mum,
o waɗataa ko halli.
Subaka fu, o hiitorto nun no haaniri,
o meeɗay tampugo ɗum.
Amma kalluɗo walaa senteene.
6Joomiraawo wi'i:
Mi halkii himɓe lenyi ɗuuɗɗi,
mi halkii cuuɗi deenirɗi wanŋarɗe maɓɓe.
Mi sukkii laabi majje,
faa himɓe acci tokkugo ɗi.
Wanŋarɗe maɓɓe laatake bille,
goɗɗo jooɗaaki kade der majje.
7Ɗon nun bi'umi: Onon himɓe *Urusaliima,
to oon kullannoo am,
to on jaɓiino ekkitinooje am,
den mum mi halkataano on.
Amma kalluɗum nun dogganton der gaɗuuji mon.
8Joomiraawo wi'i:
Keɗee nyalaane ne ummotoomi gam mi yoɓa on ko gaɗuɗon,
gam mi yesii hawritingo lenyi e laamuuji mum,
den mone am sattune yowoo dow ko'e maɓɓe,
mone am mawne halkan leydi fu hande yiite.
Alla wonƴitan miilooji himɓe
9Den mum mi wonƴitan jikku himɓe,
mi laaɓinan ɗelle maɓɓe.
Ɓe fu ɓe noddan inne am, min Joomiraawo.
Ɓe fu ɓe juulanan am e ɓerne woore.
10Juulanooɓe am, sankitiiɓe nokku fu waddanan am dokke mum,
baa e wonuɓe fonŋo gooruwol Kusi fu.
Himɓe Isira'iila horiiɓe
11Nyanne mum, onon himɓe am,
on centataa gam sabbu gaɗuuji mon kalluɗi,
accunooɗi ummaniɗon am.
Mi hikkinan mawnitiiɓe diga caka mon,
den on mawnitintaako kade dow waanne am seniine.
12Mi accan himɓe yuruminiiɓe e ɓuytuɓe ko'e mum tan horoo caka mon.
Ɓe dartan suuɗorde to am, min Joomiraawo.
13Den mum himɓe Isira'iila horiiɓe e yonki waɗataa kade ko halli.
Ɓe pewataa kade,
haalaaji kalluɗi kade wurtataako diga kunnuɗe maɓɓe,
ɓe nyaaman ɓe kaara,
ɓe pukkoo e deƴƴere,
goɗɗo hulnataa ɓe.
*Urusaliima mahitinte
14Kollee belɗum ɓerne onon himɓe Siyon.
Onon himɓe Isira'iila, kuuɓee kuuɓaali belɗum ɓerne.
Onon himɓe *Urusaliima, belbeltee e ɓerɗe mon fu.
15Joomiraawo daɗinii on kiita,
on kiitataake kade,
o riiwii wayɓe mon.
Joomiraawo laatiiɗo laamiiɗo mon onon himɓe Isira'iila na'on caka mon.
To on kulee kade ko boni gom.
16Nyanne mum, himɓe wi'an der *Urusaliima:
Taa hulu, an wanŋarde Siyon,
taa tampu munyal.
17Alla Joomiraawo maa e wondi e maa,
o laati nun hande soogeeru cuusunu paabotoonu.
O welweltan gam sabbu maa.
Gam sabbu yidde maa, o jeeɗoto, o batataa gokka,
o hollitan belɗum ɓerne makko gam sabbu maa.
18Joomiraawo wi'i: Mi wartiran wonuɓe woɗɗi *Urusaliima,
go ɓerɗe maɓɓe e biisii gam ɓe keɓataa waɗango am juulɗeeji,
go senteene e nyoƴƴi ɓe hande dongal tedduŋal.
19Den mum, mi halkan toorannooɓe on fu,
mi nyawtan moofiɗinɓe caka mon,
den mi wartira egginaaɓe mon.
Mi accan himɓe teddina ɓe,
den gaɗon inne der leydi to senteene nyaamannoo on fu.
20Den mum mi wartiran on, mi hawrita on.
Mi accan himɓe duuniyaaru fu teddina on, gaɗon inne,
to mi hokkitii on ko goodunoɗon fu ji'uɗon ɗum e gite mon.
Min Joomiraawo nun bati ka.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.