Jekariya 6
6
Jiiki jeetataɓi ki Joomiraawo holli Jekariya: laanaaji pucci konu naay
1Ɓantumi kade gite am, ji'umi laanaaji pucci konu naay e wurtoo hakkune baalle ɗiɗi. Baalle ɗen laati nun baalle ɗe janni boɗeeri. 2Pucci boɗeeji e fooɗa laana pucci konu arandeya. Pucci ɓaleeji e fooɗa laana pucci konu ɗiɗaɓa. 3Pucci daneeji e fooɗa laana pucci konu tataɓa. Pucci ɗi malleeje boɗeeje bo e fooɗa laana pucci konu nayaɓa. Pucci ɗin fu e woodi semme. 4Go ƴamumi malaykaajo baddoowo am on bi'umi: Joomiraawo am, ume nun ɗum ɗon fillitii? 5O toontii am o wi'i: Keni naay ƴiwuɗi diga dow kammu nun ummii ɗon e yawta. Yeeso Joomiraawo duuniyaaru fu nun ɗi gonunoo. 6Laana pucci konu ŋa pucci ɓaleeji fooɗata yawtiri far to soɓɓiire. Ŋa pucci daneeji fooɗata tokki ŋa pucci ɓaleeji fooɗata. Ŋa pucci ɗi malleeje boɗeeje fooɗata yawtiri far to hoore fuɗo. 7Pucci cemmiɗinɗi ɗin fu wurtoy, ɗi eeli ɗi accee ɗi boosoo der duuniyaaru fu. Go malaykaajo on wi'i ɗi ɗi jaha ɗi boosoo der duuniyaaru fu. Go ɗi jahi ɗi boosii der duuniyaaru fu. 8Go malaykaajo on noddimmi wi'i: Daaru, pucci jawtirɗi far to soɓɓiire yaaran nun Ruuhu Joomiraawo der leydi ni soɓɓiire nin.
Yoosuwa meellaama meellol
9Joomiraawo baddimmi wi'i: 10Jaɓu dokke ɗe Helday, e Tobiya, e Yedaya, wartuɓe maccuŋaaku waddi. Ummoɗaa jahaa hanne ɗon wuro Yosiyasi ɓii Sefaniya to himɓe ɓen yahi no warti diga Babiila. 11Ettu cardi, e kanŋeeri, gaɗiraa ɗum meellol den meellaa ŋol e hoore Yoosuwa ɓii Yosadaki, hooreejo *liimaamiiɓe. 12Bataa mo bi'aa, nani ɗo ka min Joomiraawo Joom huune fu batumi bi'umi:
Neɗɗo gom na'on noddeteeɗo Rubiire heccere.
Diga e makko nun yonki ƴiwata.
Kanko nun mahata suudu am.
13Kanko nun mahata ŋol.
O ɓornoto kolte laamiiɗo.
O jooɗoto e kittaal laamu den o laamoo.
*Liimaamiijo gom wonoto takkol makko.
Nannantiral manŋal wonoto hakkune maɓɓe.
14Meellol ŋol wonoto der suudu am min Joomiraawo, gam siwtorgo Helemu, e Yedaya, e Hen ɓii Sefaniya.
15Ɗon Jekariya wi'i: Himɓe wonuɓe faa to woɗɗi waran maha suudu Joomiraawo. Den mum, on annitan no Joomiraawo Joom huune fu nun liloyimmi to mon. Ɗum ɗon fu waɗoto to oon tokki ka Alla Joomiraawo mon bati fu.
Iliyochaguliwa sasa
Jekariya 6: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Jekariya 6
6
Jiiki jeetataɓi ki Joomiraawo holli Jekariya: laanaaji pucci konu naay
1Ɓantumi kade gite am, ji'umi laanaaji pucci konu naay e wurtoo hakkune baalle ɗiɗi. Baalle ɗen laati nun baalle ɗe janni boɗeeri. 2Pucci boɗeeji e fooɗa laana pucci konu arandeya. Pucci ɓaleeji e fooɗa laana pucci konu ɗiɗaɓa. 3Pucci daneeji e fooɗa laana pucci konu tataɓa. Pucci ɗi malleeje boɗeeje bo e fooɗa laana pucci konu nayaɓa. Pucci ɗin fu e woodi semme. 4Go ƴamumi malaykaajo baddoowo am on bi'umi: Joomiraawo am, ume nun ɗum ɗon fillitii? 5O toontii am o wi'i: Keni naay ƴiwuɗi diga dow kammu nun ummii ɗon e yawta. Yeeso Joomiraawo duuniyaaru fu nun ɗi gonunoo. 6Laana pucci konu ŋa pucci ɓaleeji fooɗata yawtiri far to soɓɓiire. Ŋa pucci daneeji fooɗata tokki ŋa pucci ɓaleeji fooɗata. Ŋa pucci ɗi malleeje boɗeeje fooɗata yawtiri far to hoore fuɗo. 7Pucci cemmiɗinɗi ɗin fu wurtoy, ɗi eeli ɗi accee ɗi boosoo der duuniyaaru fu. Go malaykaajo on wi'i ɗi ɗi jaha ɗi boosoo der duuniyaaru fu. Go ɗi jahi ɗi boosii der duuniyaaru fu. 8Go malaykaajo on noddimmi wi'i: Daaru, pucci jawtirɗi far to soɓɓiire yaaran nun Ruuhu Joomiraawo der leydi ni soɓɓiire nin.
Yoosuwa meellaama meellol
9Joomiraawo baddimmi wi'i: 10Jaɓu dokke ɗe Helday, e Tobiya, e Yedaya, wartuɓe maccuŋaaku waddi. Ummoɗaa jahaa hanne ɗon wuro Yosiyasi ɓii Sefaniya to himɓe ɓen yahi no warti diga Babiila. 11Ettu cardi, e kanŋeeri, gaɗiraa ɗum meellol den meellaa ŋol e hoore Yoosuwa ɓii Yosadaki, hooreejo *liimaamiiɓe. 12Bataa mo bi'aa, nani ɗo ka min Joomiraawo Joom huune fu batumi bi'umi:
Neɗɗo gom na'on noddeteeɗo Rubiire heccere.
Diga e makko nun yonki ƴiwata.
Kanko nun mahata suudu am.
13Kanko nun mahata ŋol.
O ɓornoto kolte laamiiɗo.
O jooɗoto e kittaal laamu den o laamoo.
*Liimaamiijo gom wonoto takkol makko.
Nannantiral manŋal wonoto hakkune maɓɓe.
14Meellol ŋol wonoto der suudu am min Joomiraawo, gam siwtorgo Helemu, e Yedaya, e Hen ɓii Sefaniya.
15Ɗon Jekariya wi'i: Himɓe wonuɓe faa to woɗɗi waran maha suudu Joomiraawo. Den mum, on annitan no Joomiraawo Joom huune fu nun liloyimmi to mon. Ɗum ɗon fu waɗoto to oon tokki ka Alla Joomiraawo mon bati fu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.