Jekariya 12
12
Joomiraawo teetan wanŋarde Urusaliima
1Joomiraawo batii ko tawata leydi Isira'iila.
Joomiraawo beƴƴitinɗo kammu,
tiggi daɗɗa leydi,
hokki neɗɗo yonki, batii wi'i:
2Mi accan *Urusaliima laatoo hande jarirgel innabojam kebbuŋel mone am. Ŋel accan jiilol waɗa lenyi pilfitiiɗi ɗon fu. Ŋel accan jiilol waɗa himɓe Yahuuda fu to wayɓe sakkake *Urusaliima. 3Nyanne mum, mi accan *Urusaliima laatoo hande hayre ne lenyi fu dartata etta. Yiɗuɓe ettugo ne fu, nawnoto sanne. Lenyi duuniyaaru fu hawritan ummanoo *Urusaliima. 4Nyanne mum, mi accan kulol nanŋa pucci maɓɓe fu, den waɗɗiiɓe ɗi fu haaŋee. Mi accan pucci lenyi koriiɗi fu wuma. Amma mi hakkilanan leydi Yahuuda. Min Joomiraawo nun bati ka. 5Ardiiɓe leydi Yahuuda wi'an: Himɓe *Urusaliima e woodi semme gam Joomiraawo Joom huune fu nun woni Alla maɓɓe. 6Nyanne mum, mi accan ardiiɓe Yahuuda laatoo hande yiite jattiiŋe der jiddere, naa bo hande jonnorgol yiite cunnyaaŋol e kaɓɓe alkamaari. Ɓe kalka lenyi pilfitiiɗi ɓe fu. Amma himɓe *Urusaliima kan wonan der wanŋarde mum ɗon.
7Min Joomiraawo, mi artan taw mi hisina lenyi Yahuuda koriiɗi, gam to himɓe lenyol Dawda e himɓe *Urusaliima miilu e ɓuri ɗi. 8Nyanne mum, mi reenan himɓe *Urusaliima. Ɓe walaa semme der maɓɓe laatoto semmiɗinɓe hande Dawda. Lenyol Dawda laatanto ɓe hande Alla. Ŋol laatanto ɓe hande malaykaajo Joomiraawo ardantooɗo ɓe.
Himɓe Yahuuda jooɗoto maaydere
9Joomiraawo wi'i: Wakkati mum, mi ummoto gam mi halka leyɗe garuɗe yantugo *Urusaliima fu. 10Mi hebbinan himɓe lenyol Dawda e himɓe *Urusaliima ruuhu ŋu moƴƴere e ruuhu du'aare. Ɓe bittaan to am, ɓee daarammi min mo ɓe juwi. Ɓe bullan maaydere am hande dulluɗo suka mum bajjo. Ɓe cimoto maaydere am cimaali naawuɗi hande no maaydere suka yerimaajo simortee. 11Nyanne mum, cimaali mawɗi simete der *Urusaliima hande cimaali cimeteeɗi gam maaydere Hadadi Rimmon der yayre Megiddo. 12Lenyi leydi nin fu jooɗoto maaydere. Ŋole fu jooɗoo feere mum. Lenyol Dawda jooɗoo, worɓe feere mum, rewɓe bo feere mum. Lenyol Natan jooɗoo, worɓe feere mum, rewɓe bo feere mum. 13Lenyol Leewi jooɗoo, worɓe feere mum, rewɓe bo feere mum. Lenyol Simey jooɗoo, worɓe feere mum, rewɓe bo feere. 14Lenyi koriiɗi bo ŋole mum fu jooɗoo feere mum, worɓe feere mum, rewɓe bo feere mum.
Iliyochaguliwa sasa
Jekariya 12: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Jekariya 12
12
Joomiraawo teetan wanŋarde Urusaliima
1Joomiraawo batii ko tawata leydi Isira'iila.
Joomiraawo beƴƴitinɗo kammu,
tiggi daɗɗa leydi,
hokki neɗɗo yonki, batii wi'i:
2Mi accan *Urusaliima laatoo hande jarirgel innabojam kebbuŋel mone am. Ŋel accan jiilol waɗa lenyi pilfitiiɗi ɗon fu. Ŋel accan jiilol waɗa himɓe Yahuuda fu to wayɓe sakkake *Urusaliima. 3Nyanne mum, mi accan *Urusaliima laatoo hande hayre ne lenyi fu dartata etta. Yiɗuɓe ettugo ne fu, nawnoto sanne. Lenyi duuniyaaru fu hawritan ummanoo *Urusaliima. 4Nyanne mum, mi accan kulol nanŋa pucci maɓɓe fu, den waɗɗiiɓe ɗi fu haaŋee. Mi accan pucci lenyi koriiɗi fu wuma. Amma mi hakkilanan leydi Yahuuda. Min Joomiraawo nun bati ka. 5Ardiiɓe leydi Yahuuda wi'an: Himɓe *Urusaliima e woodi semme gam Joomiraawo Joom huune fu nun woni Alla maɓɓe. 6Nyanne mum, mi accan ardiiɓe Yahuuda laatoo hande yiite jattiiŋe der jiddere, naa bo hande jonnorgol yiite cunnyaaŋol e kaɓɓe alkamaari. Ɓe kalka lenyi pilfitiiɗi ɓe fu. Amma himɓe *Urusaliima kan wonan der wanŋarde mum ɗon.
7Min Joomiraawo, mi artan taw mi hisina lenyi Yahuuda koriiɗi, gam to himɓe lenyol Dawda e himɓe *Urusaliima miilu e ɓuri ɗi. 8Nyanne mum, mi reenan himɓe *Urusaliima. Ɓe walaa semme der maɓɓe laatoto semmiɗinɓe hande Dawda. Lenyol Dawda laatanto ɓe hande Alla. Ŋol laatanto ɓe hande malaykaajo Joomiraawo ardantooɗo ɓe.
Himɓe Yahuuda jooɗoto maaydere
9Joomiraawo wi'i: Wakkati mum, mi ummoto gam mi halka leyɗe garuɗe yantugo *Urusaliima fu. 10Mi hebbinan himɓe lenyol Dawda e himɓe *Urusaliima ruuhu ŋu moƴƴere e ruuhu du'aare. Ɓe bittaan to am, ɓee daarammi min mo ɓe juwi. Ɓe bullan maaydere am hande dulluɗo suka mum bajjo. Ɓe cimoto maaydere am cimaali naawuɗi hande no maaydere suka yerimaajo simortee. 11Nyanne mum, cimaali mawɗi simete der *Urusaliima hande cimaali cimeteeɗi gam maaydere Hadadi Rimmon der yayre Megiddo. 12Lenyi leydi nin fu jooɗoto maaydere. Ŋole fu jooɗoo feere mum. Lenyol Dawda jooɗoo, worɓe feere mum, rewɓe bo feere mum. Lenyol Natan jooɗoo, worɓe feere mum, rewɓe bo feere mum. 13Lenyol Leewi jooɗoo, worɓe feere mum, rewɓe bo feere mum. Lenyol Simey jooɗoo, worɓe feere mum, rewɓe bo feere. 14Lenyi koriiɗi bo ŋole mum fu jooɗoo feere mum, worɓe feere mum, rewɓe bo feere mum.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.