Jekariya 11
11
Leyɗe semmenteeje halkaama
1Libanon, maɓɓitin dammuɗe maa,
den yiite jaɓina leɗɗe maa bi'eteeɗe seediri.
2Onon leɗɗe siperesi, bullee gam leɗɗe sediri feƴƴaama.
Bullee gam leɗɗe booɗɗe ɗee ɗon halkaama.
Bullee onon leɗɗe Basani mawɗe,
gam jiddere mon mawne niɓɓune halkaama.
3Bojji durooɓe e nanee,
gam durirɗe mum booɗɗe halkaama.
Kalɓaali jagge e nanee,
gam kuuraaje mum niɓɓuɗe cawiiɗe Urudun halkaama.
Duroowo geeto e duroowo ŋaaɓiiɗo
4Alla Joomiraawo am wi'immi mi laatoo duroowo baali desaaɗi yaaree faaworde. 5Soodooɓe ɗi e hiisa ɗi miilay naa waɗu nun ɗon gacce. Sippooɓe ɗi bo e wi'a: En jettii Joomiraawo gam en gaɗii ceede. Baa durooɓe ɗi e ko'e mum yurumataako ɗi. 6Joomiraawo wi'i: Mi yurumataako kade himɓe tawaaɓe e leydi nii ɗo. Mi hokkitiran neɗɗo fu e juuɗe banniraawo mum e der juuɗe laamiiɗo mum. Laamiiɓe ɓen halkan leydi nin. Mi teetataa goɗɗo e juuɗe maɓɓe.
7Go min Jekariya, ummiimi laatiimi duroowo baali ɗi tenkuuɓe yaarannoo faaworde ɗin. Dartumi cabbi ɗiɗi mii durira ɗi. Noddumi gootol: Beldal. Gootol bo noddumi ɗum: Kawtal. Go jantumi mii dura baali ɗin. 8Der lewru gootol tan, diiwumi durooɓe tato durannooɓe ɗi. Ɓaawo mum, comumi baali ɗin, go kanji bo ɗi comimmi. 9Go bi'umi ɗi: Mi durataa on kade. Baatooji fu waata. Kalkooji fu halka. Koriiɗi fu bo ƴakkontira.
10Ettumi sawru am bi'eteeŋol Beldal ŋol. Keltumi ŋol gam mi firta alkawal ŋal Joomiraawo haɓɓannoo lenyi fu. 11Go alkawal ŋal firtii nyanne mum. Den tenkuuɓe baali darinooɓe e daarammi ɓen faami no Joomiraawo nun baddimmi ɗon. 12Go bi'umi ɓe: To ɗum wooɗii on, joɓee am joddi am. To ɗum wooɗay on bo, accee ɗon. Go ɓe limi ceede cardi laso e sappo (30) ɓe joɓimmi. 13Joomiraawo wi'immi: E ceeron kon ɗoo nun ɓe kanditirtammi? Ettu ceede ɗuuɗɗe ɗen jaaraa suudu Joomiraawo kokkaa ɗe taayinoowo janɗe. Go ettumi ceede cardi laso e sappo (30) ɗen jaarumi suudu Joomiraawo kokkumi taayinoowo janɗe. 14Ɓaawo mum, keltumi sawru am ɗiɗaɓol bi'eteeŋol Kawtal ŋol bo gam mi holla no kawtal tawaaŋal hakkune Yahuuda e Isira'iila heennyii.
15Joomiraawo wi'immi kade: Waɗu jooni kan golle duroowo ŋaaɓiiɗo. 16Mii yiɗi mi lildaa duroowo keso der leydi nin. O hakkilantaa baali bareteeɗi, o dartoytaa majjuɗi, o nyawtataa nawniiɗi, o nyaamnataa bo janɗuɗi. O waɗataa goɗɗum majjum sey ni oo ɓorta kolce gooduɗi nebbam, oo ƴakka ɗi.
17Bone tawan duroowo ŋaaɓiiɗo boppoowo mareefuuji mum.
Alla acca juunŋo makko feƴƴee der konu,
itere makko nyaamoore yuwee der konu.
Juunŋo makko ŋon fu waata.
Itere makko nyaamoore nen to yi'u goɗɗum kade.
Iliyochaguliwa sasa
Jekariya 11: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Jekariya 11
11
Leyɗe semmenteeje halkaama
1Libanon, maɓɓitin dammuɗe maa,
den yiite jaɓina leɗɗe maa bi'eteeɗe seediri.
2Onon leɗɗe siperesi, bullee gam leɗɗe sediri feƴƴaama.
Bullee gam leɗɗe booɗɗe ɗee ɗon halkaama.
Bullee onon leɗɗe Basani mawɗe,
gam jiddere mon mawne niɓɓune halkaama.
3Bojji durooɓe e nanee,
gam durirɗe mum booɗɗe halkaama.
Kalɓaali jagge e nanee,
gam kuuraaje mum niɓɓuɗe cawiiɗe Urudun halkaama.
Duroowo geeto e duroowo ŋaaɓiiɗo
4Alla Joomiraawo am wi'immi mi laatoo duroowo baali desaaɗi yaaree faaworde. 5Soodooɓe ɗi e hiisa ɗi miilay naa waɗu nun ɗon gacce. Sippooɓe ɗi bo e wi'a: En jettii Joomiraawo gam en gaɗii ceede. Baa durooɓe ɗi e ko'e mum yurumataako ɗi. 6Joomiraawo wi'i: Mi yurumataako kade himɓe tawaaɓe e leydi nii ɗo. Mi hokkitiran neɗɗo fu e juuɗe banniraawo mum e der juuɗe laamiiɗo mum. Laamiiɓe ɓen halkan leydi nin. Mi teetataa goɗɗo e juuɗe maɓɓe.
7Go min Jekariya, ummiimi laatiimi duroowo baali ɗi tenkuuɓe yaarannoo faaworde ɗin. Dartumi cabbi ɗiɗi mii durira ɗi. Noddumi gootol: Beldal. Gootol bo noddumi ɗum: Kawtal. Go jantumi mii dura baali ɗin. 8Der lewru gootol tan, diiwumi durooɓe tato durannooɓe ɗi. Ɓaawo mum, comumi baali ɗin, go kanji bo ɗi comimmi. 9Go bi'umi ɗi: Mi durataa on kade. Baatooji fu waata. Kalkooji fu halka. Koriiɗi fu bo ƴakkontira.
10Ettumi sawru am bi'eteeŋol Beldal ŋol. Keltumi ŋol gam mi firta alkawal ŋal Joomiraawo haɓɓannoo lenyi fu. 11Go alkawal ŋal firtii nyanne mum. Den tenkuuɓe baali darinooɓe e daarammi ɓen faami no Joomiraawo nun baddimmi ɗon. 12Go bi'umi ɓe: To ɗum wooɗii on, joɓee am joddi am. To ɗum wooɗay on bo, accee ɗon. Go ɓe limi ceede cardi laso e sappo (30) ɓe joɓimmi. 13Joomiraawo wi'immi: E ceeron kon ɗoo nun ɓe kanditirtammi? Ettu ceede ɗuuɗɗe ɗen jaaraa suudu Joomiraawo kokkaa ɗe taayinoowo janɗe. Go ettumi ceede cardi laso e sappo (30) ɗen jaarumi suudu Joomiraawo kokkumi taayinoowo janɗe. 14Ɓaawo mum, keltumi sawru am ɗiɗaɓol bi'eteeŋol Kawtal ŋol bo gam mi holla no kawtal tawaaŋal hakkune Yahuuda e Isira'iila heennyii.
15Joomiraawo wi'immi kade: Waɗu jooni kan golle duroowo ŋaaɓiiɗo. 16Mii yiɗi mi lildaa duroowo keso der leydi nin. O hakkilantaa baali bareteeɗi, o dartoytaa majjuɗi, o nyawtataa nawniiɗi, o nyaamnataa bo janɗuɗi. O waɗataa goɗɗum majjum sey ni oo ɓorta kolce gooduɗi nebbam, oo ƴakka ɗi.
17Bone tawan duroowo ŋaaɓiiɗo boppoowo mareefuuji mum.
Alla acca juunŋo makko feƴƴee der konu,
itere makko nyaamoore yuwee der konu.
Juunŋo makko ŋon fu waata.
Itere makko nyaamoore nen to yi'u goɗɗum kade.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.