Jekariya 1
1
GIIKI KI JOOMIRAAWO HOLLI ANNABI JEKARIYA 1-8
Alla e nodda himɓe Isira'iila ɓe bittaa
1Der laamaare Dariyusu, duuɓol mum ɗiɗaɓol, der lewru mum jeetataɓol, Alla baddi annabi Jekariya ɓii Berekiya, taaniraawo Iddo, o wi'i: 2Min Joomiraawo mi monnorake kookiraaɓe mon sanne. 3Batu himɓe Isira'iila bi'aa, min Joomiraawo Joom huune fu mi wi'ii, ɓe bittaa to am, den min bo mi wittaan to maɓɓe. Min Joomiraawo Joom huune fu nun bati ka. 4To on gaɗee hande no kookiraaɓe mon waɗunoo. *Annabiiɓe arandeeɓe batiino ɓe wi'i, min Joomiraawo Joom huune fu, mi batiino ɓe bi'umi, ɓe acca laabi maɓɓe kalluɗi, e gaɗuuji maɓɓe bonɗi ɓe bittaa to am. Amma ɓe calii nanugo, ɓe kakkilanay haala am ka ɓe batetee. Min Joomiraawo nun bati ka. 5Toy nun kookiraaɓe mon ɓen woni? *Annabiiɓe ɓen bo e wuuri faa hanne naa? 6Amma enon fu, haalaaji am, e ekkitinooje am ɗe kokkumi *annabiiɓe laatiiɓe maccuɓe am meemii ɓerɗe kookiraaɓe mon ɓen. Go ɓe tuubi, ɓe bittoy to am ɓe bi'i: Joomiraawo Joom huune fu eltii men hande no wi'irnoo, gam sabbu laabi amen kalluɗi e gam sabbu gaɗuuji amen bonɗi.
Jiiki arandehi ko Joomiraawo holli Jekariya: pucci
7Der laamaare Dariyusu, duuɓol mum ɗiɗaɓol, der lewru mum sappo e go'aɓol, lewru bi'eteeŋol Sebati, balɗe mum laso e naay (24), Joomiraawo baddi annabi Jekariya ɓii Berekiya, taaniraawo Iddo der jiiki. 8Jekariya batii ko yi'i wi'i: Hanki mi yi'ii goɗɗo e waɗɗii puccu boɗewol, e darii caka baafon noddeteekon mirti der *jole baalle. Go pucci boɗeeji, e puri, e daneeji e darii ɓaawo makko. 9Go ƴamumi bi'umi: Joomiraawo am, ume nun pucci ɗin hollitinta? Go malaykaajo baddoowo am on wi'i, faaminan am ko ɗi kollitinta. 10Ɗon nun gorko dariiɗo caka baafon noddeteekon mirti on toontii wi'i: Kanji nun Joomiraawo liloy gam ɗi boosoo duuniyaaru. 11Go waɗɗiiɓe pucci ɗin bati malaykaajo Joomiraawo dariiɗo caka baafon noddeteekon mirti on wi'i: Men boosake duuniyaaru fu, men tawi enu jooɗii e deƴƴere, nu wondaa fu e toora gom. 12Go malaykaajo Joomiraawo on wi'i: Joomiraawo Joom huune fu, dey jurmotoɗaa *Urusaliima e wanŋarɗe Yahuuda, ɗe monnoriɗaa diga duuɓi lasoy tati e sappo (70)? 13Ɗon nun Joomiraawo toontii malaykaajo baddoowo am on e boliiɗe belɗe deƴƴitinooje neɗɗo.
Joomiraawo suɓitinto kade *Urusaliima
14Malaykaajo baddoowo am on wi'immi mi fiina mi wi'a. Joomiraawo Joom huune fu bati wi'i:
Mii yiɗi *Urusaliima sanne,
mii yiɗi Siyon yidde mawne.
15Amma mi monnorake lenyi kooliiɗi ko'e mum sanne.
Gam wakkati monnoriimi lenyol Isira'iila seɗɗa,
lenyi ɗin ɓeydii waɗango ɓe ko halli.
16Gam majjum, min Joomiraawo mi wi'ii:
Mi wittaa mi yurumoo *Urusaliima.
Suudu am mahitinte ɗon,
*Urusaliima fonnete e ɓoggol gam ni mahitee.
Min Joomiraawo Joom huune fu nun bati ka.
17Ɗon nun malaykaajo on batimmi kade mi fiina mi wi'a:
Nani ɗo ka Joomiraawo Joom huune fu bati wi'i:
Wanŋarɗe am hebban jawdi faa ƴartoo,
mi suɓitinto kade *Urusaliima,
mi waran deƴƴitingo Siyon.
Iliyochaguliwa sasa
Jekariya 1: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Jekariya 1
1
GIIKI KI JOOMIRAAWO HOLLI ANNABI JEKARIYA 1-8
Alla e nodda himɓe Isira'iila ɓe bittaa
1Der laamaare Dariyusu, duuɓol mum ɗiɗaɓol, der lewru mum jeetataɓol, Alla baddi annabi Jekariya ɓii Berekiya, taaniraawo Iddo, o wi'i: 2Min Joomiraawo mi monnorake kookiraaɓe mon sanne. 3Batu himɓe Isira'iila bi'aa, min Joomiraawo Joom huune fu mi wi'ii, ɓe bittaa to am, den min bo mi wittaan to maɓɓe. Min Joomiraawo Joom huune fu nun bati ka. 4To on gaɗee hande no kookiraaɓe mon waɗunoo. *Annabiiɓe arandeeɓe batiino ɓe wi'i, min Joomiraawo Joom huune fu, mi batiino ɓe bi'umi, ɓe acca laabi maɓɓe kalluɗi, e gaɗuuji maɓɓe bonɗi ɓe bittaa to am. Amma ɓe calii nanugo, ɓe kakkilanay haala am ka ɓe batetee. Min Joomiraawo nun bati ka. 5Toy nun kookiraaɓe mon ɓen woni? *Annabiiɓe ɓen bo e wuuri faa hanne naa? 6Amma enon fu, haalaaji am, e ekkitinooje am ɗe kokkumi *annabiiɓe laatiiɓe maccuɓe am meemii ɓerɗe kookiraaɓe mon ɓen. Go ɓe tuubi, ɓe bittoy to am ɓe bi'i: Joomiraawo Joom huune fu eltii men hande no wi'irnoo, gam sabbu laabi amen kalluɗi e gam sabbu gaɗuuji amen bonɗi.
Jiiki arandehi ko Joomiraawo holli Jekariya: pucci
7Der laamaare Dariyusu, duuɓol mum ɗiɗaɓol, der lewru mum sappo e go'aɓol, lewru bi'eteeŋol Sebati, balɗe mum laso e naay (24), Joomiraawo baddi annabi Jekariya ɓii Berekiya, taaniraawo Iddo der jiiki. 8Jekariya batii ko yi'i wi'i: Hanki mi yi'ii goɗɗo e waɗɗii puccu boɗewol, e darii caka baafon noddeteekon mirti der *jole baalle. Go pucci boɗeeji, e puri, e daneeji e darii ɓaawo makko. 9Go ƴamumi bi'umi: Joomiraawo am, ume nun pucci ɗin hollitinta? Go malaykaajo baddoowo am on wi'i, faaminan am ko ɗi kollitinta. 10Ɗon nun gorko dariiɗo caka baafon noddeteekon mirti on toontii wi'i: Kanji nun Joomiraawo liloy gam ɗi boosoo duuniyaaru. 11Go waɗɗiiɓe pucci ɗin bati malaykaajo Joomiraawo dariiɗo caka baafon noddeteekon mirti on wi'i: Men boosake duuniyaaru fu, men tawi enu jooɗii e deƴƴere, nu wondaa fu e toora gom. 12Go malaykaajo Joomiraawo on wi'i: Joomiraawo Joom huune fu, dey jurmotoɗaa *Urusaliima e wanŋarɗe Yahuuda, ɗe monnoriɗaa diga duuɓi lasoy tati e sappo (70)? 13Ɗon nun Joomiraawo toontii malaykaajo baddoowo am on e boliiɗe belɗe deƴƴitinooje neɗɗo.
Joomiraawo suɓitinto kade *Urusaliima
14Malaykaajo baddoowo am on wi'immi mi fiina mi wi'a. Joomiraawo Joom huune fu bati wi'i:
Mii yiɗi *Urusaliima sanne,
mii yiɗi Siyon yidde mawne.
15Amma mi monnorake lenyi kooliiɗi ko'e mum sanne.
Gam wakkati monnoriimi lenyol Isira'iila seɗɗa,
lenyi ɗin ɓeydii waɗango ɓe ko halli.
16Gam majjum, min Joomiraawo mi wi'ii:
Mi wittaa mi yurumoo *Urusaliima.
Suudu am mahitinte ɗon,
*Urusaliima fonnete e ɓoggol gam ni mahitee.
Min Joomiraawo Joom huune fu nun bati ka.
17Ɗon nun malaykaajo on batimmi kade mi fiina mi wi'a:
Nani ɗo ka Joomiraawo Joom huune fu bati wi'i:
Wanŋarɗe am hebban jawdi faa ƴartoo,
mi suɓitinto kade *Urusaliima,
mi waran deƴƴitingo Siyon.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.