Nahum 2
2
1Onon himɓe Yahuuda, lilaaɗo piinoowo habaru belɗo e wara diga dow baalle,
oo fiina haala jam!
Gaɗee juulɗeeji mon ɗi boowunoɗon waɗugo,
kebbinee kunayeeje ɗe gaɗanɗon Alla.
Gam kalluɗo kade naatataa caka mon,
ɓe kalkidaama ɓe fu.
2Onon himɓe Niniwe, soogeeji e wara yantugo on.
Deenee biriniiji mon,
deenee laabi mon,
ciriyee konu,
laatee suusuɓe, cemmiɗinee ko'e mon.
3Gam Joomiraawo wittinoy manŋu Yaakuubu,
o wittinoy manŋu Isira'iila,
gam wayɓe teetiino jawdi maɓɓe,
feƴƴi innabooje maɓɓe.
Wanŋarde Niniwe halkaama, jawdi mum teetaa
4Wayɓe himɓe Niniwe e jogii bawarɗe boɗeeje,
soogeeji maɓɓe cuusuɗi e ɓornii kolte boɗeeje.
Laanaaji pucci konu maɓɓe ciriyaaɗi gam hawre e jalba hande ɗelle yiite,
sakaaje maɓɓe siriyaama gam hawre.
5Laanaaji pucci konu maɓɓe e dogga der laabi hande kaaŋaaɗi,
ɗii dogga nokku fu der wanŋarde,
ɗii nandi hande jonnorɗi yiite,
ɗii jaawi hande maƴƴe yoone.
6Laamiiɗo Niniwe noddii mawɓe soogeeji mum,
amma ɓee jaha ɓee pergontira.
Wayɓe maɓɓe e dogga far to biriniwol wanŋarde nen,
gam ɓe cakkoo ne.
7Ɗon nun dammuɗe ɗe ɓe burtortoo go ɓe jaha gooruuji maɓɓe maɓɓitaa,
laamorde maɓɓe bo yani.
8Tooruure maɓɓe ettaama yawtinaa.
Rewɓe saafannooɓe ne e wulla hande tantabaraaji,
ɓee piya gabaaje maɓɓe gam hollugo biisere ɓerɗe maɓɓe.
9Niniwe e nandi hande to beela diyam kaggaaɗam sukkitii e ila.
Den himɓe e wi'a: Daree! Daree!
Amma goɗɗo yee'itaaki du daara ɓe.
10Ɓottee cardi, ɓottee kanŋeeri.
Jawdi Niniwe heennyataa,
wanŋarde maɓɓe hebbu nun kujje feere feere ɗe ceede.
11Wanŋarde Niniwe halkii,
ne pusaama, jawdi mayre fu wujjaama!
Ɓerɗe himɓe fu taƴii,
koppi maɓɓe tampii, faa e diwna,
ɓe galaa kade semme,
geese maɓɓe fu jiɓake.
Niniwe laati nun hande jaggere jaalaane
12Toy wanŋarde Niniwe nen woni?
Kayre laatinoone hande wuro jagge,
nokkuure to ɓikkon jagge ƴakkatano tew mum,
to jagge mawɗe e ɓikkon mum fu woosotonoo,
goɗɗo ɓillataano ɗe.
13Ɗon nun jagge gore waddantano jagge debbe e ɓikkon mum tew ɗum nanŋoy,
der gayɗe to ɗe kebbintano tew ɗum ɗe kappoy.
14Joomiraawo, Joom huune fu bati wi'i:
Mi yantete, an Niniwe,
mi sunnyan laanaaji pucci konu maa yiite, ɗi laatoo hande curki.
Gojankeeɓe maa nanduɓe hande jagge bagge warete der konu.
Mi haɗete teetugo jawdi himɓe der leydi,
daaɗe lilaaɓe maa nanataake kade.
Iliyochaguliwa sasa
Nahum 2: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Nahum 2
2
1Onon himɓe Yahuuda, lilaaɗo piinoowo habaru belɗo e wara diga dow baalle,
oo fiina haala jam!
Gaɗee juulɗeeji mon ɗi boowunoɗon waɗugo,
kebbinee kunayeeje ɗe gaɗanɗon Alla.
Gam kalluɗo kade naatataa caka mon,
ɓe kalkidaama ɓe fu.
2Onon himɓe Niniwe, soogeeji e wara yantugo on.
Deenee biriniiji mon,
deenee laabi mon,
ciriyee konu,
laatee suusuɓe, cemmiɗinee ko'e mon.
3Gam Joomiraawo wittinoy manŋu Yaakuubu,
o wittinoy manŋu Isira'iila,
gam wayɓe teetiino jawdi maɓɓe,
feƴƴi innabooje maɓɓe.
Wanŋarde Niniwe halkaama, jawdi mum teetaa
4Wayɓe himɓe Niniwe e jogii bawarɗe boɗeeje,
soogeeji maɓɓe cuusuɗi e ɓornii kolte boɗeeje.
Laanaaji pucci konu maɓɓe ciriyaaɗi gam hawre e jalba hande ɗelle yiite,
sakaaje maɓɓe siriyaama gam hawre.
5Laanaaji pucci konu maɓɓe e dogga der laabi hande kaaŋaaɗi,
ɗii dogga nokku fu der wanŋarde,
ɗii nandi hande jonnorɗi yiite,
ɗii jaawi hande maƴƴe yoone.
6Laamiiɗo Niniwe noddii mawɓe soogeeji mum,
amma ɓee jaha ɓee pergontira.
Wayɓe maɓɓe e dogga far to biriniwol wanŋarde nen,
gam ɓe cakkoo ne.
7Ɗon nun dammuɗe ɗe ɓe burtortoo go ɓe jaha gooruuji maɓɓe maɓɓitaa,
laamorde maɓɓe bo yani.
8Tooruure maɓɓe ettaama yawtinaa.
Rewɓe saafannooɓe ne e wulla hande tantabaraaji,
ɓee piya gabaaje maɓɓe gam hollugo biisere ɓerɗe maɓɓe.
9Niniwe e nandi hande to beela diyam kaggaaɗam sukkitii e ila.
Den himɓe e wi'a: Daree! Daree!
Amma goɗɗo yee'itaaki du daara ɓe.
10Ɓottee cardi, ɓottee kanŋeeri.
Jawdi Niniwe heennyataa,
wanŋarde maɓɓe hebbu nun kujje feere feere ɗe ceede.
11Wanŋarde Niniwe halkii,
ne pusaama, jawdi mayre fu wujjaama!
Ɓerɗe himɓe fu taƴii,
koppi maɓɓe tampii, faa e diwna,
ɓe galaa kade semme,
geese maɓɓe fu jiɓake.
Niniwe laati nun hande jaggere jaalaane
12Toy wanŋarde Niniwe nen woni?
Kayre laatinoone hande wuro jagge,
nokkuure to ɓikkon jagge ƴakkatano tew mum,
to jagge mawɗe e ɓikkon mum fu woosotonoo,
goɗɗo ɓillataano ɗe.
13Ɗon nun jagge gore waddantano jagge debbe e ɓikkon mum tew ɗum nanŋoy,
der gayɗe to ɗe kebbintano tew ɗum ɗe kappoy.
14Joomiraawo, Joom huune fu bati wi'i:
Mi yantete, an Niniwe,
mi sunnyan laanaaji pucci konu maa yiite, ɗi laatoo hande curki.
Gojankeeɓe maa nanduɓe hande jagge bagge warete der konu.
Mi haɗete teetugo jawdi himɓe der leydi,
daaɗe lilaaɓe maa nanataake kade.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.