Chapa ya Youversion
Ikoni ya Utafutaji

Mika 2

2
Bone tawan hollooɓe himɓe semme
1Bone tawan haɓɓanooɓe himɓe dabareeji kalluɗi.
Ɓee pukkina laabi bonɗi jemma.
Ɓee ummoo diga fajiri ɓee gaɗa kalluɗum
ɗum ɓe desi waɗugo ɗum
gam ɓee goodi baawɗe majjum.
2To ɓe gaɗii suuno gese woɓɓe, ɓee teeta ɗe.
To ɓe gaɗii suuno cuuɗi woɓɓe, ɓee teeta ɗi.
Ɓee kolla neɗɗo semme
kan e himɓe wuro mum,
ɓee teeta jawdi mum.
3Gam mum, Joomiraawo wi'i:
Mi siriyanto iri mon bone.
On duttataako ne.
On jurataako kade,
gam wakkati bone yottake.
4To wakkati kin yottake,
himɓe yiman e jaanca on e wi'a:
Ko men goodi fu teetaama.
Lenyol amen hororaaki kade leydi.
Wayɓe amen seennii leydi amen.
Gam ume ɓe teetata ko men goodi fu?
5Gam mum to himɓe Joomiraawo e seenna kade leydi,
goɗɗo mon hokkataake goɗɗum.
Alla hawritan himɓe mum
6Woɓɓe e wi'ammi:
Accu waajaago men.
Taa waaja men fewre iri nee ɗon.
Alla accataa men centa.
7Enen himɓe Isira'iila, en laati nun hinaa yaa'aaɓe?
Joomiraawo tampu nun hinaa munyal?
Oo woowi waɗango en non non na?
Mika toontii ɓe wi'i: Gaɗoowo ko haani wi'an haala am wooɗaa?
8Joomiraawo wi'i:
On laatake wayɓe himɓe am.
Daɗoyɓe konu e warta,
oon teeta toggooje mum.
9Oon diiwa rewɓe himɓe am
diga der wurooji mum ɗi yiɗi.
On teetii tedduŋal ŋal kokkumi sukaaɓe maɓɓe faa e baadey.
10Ummee dillee,
gam on keɓataa siwtaare der leydi mon nin.
Ni laatake coɓuni.
Gam mum on tooroto toora mawka.
11*Annabiiɓe titooɓe fewre,
e waɗana on annabaaku e wi'a:
on keɓan innabojam e bagi jaron faa oon jiiloo.
Iri maɓɓe nun jiɗuɗon.
12Min Joomiraawo,
mi hawritan on onon himɓe lenyol Yaakuubu fu,
mi hawritan on onon himɓe Isira'iila horiiɓe fu.
Mi hawritan on hande baali der barga mum.
Mi hawritan on hande hoggo baali e durirde mum.
On laatoto jama'aare ɗuunne sanne.
13Mi yulanan on laawol,
mi ardoo on mi wurtina on diga maccuŋaaku.
Puson dammugal wanŋarde nen burtoɗon.
Min laamiiɗo mon mi wonan yeeso mon.
Min Joomiraawo mon, mi ardoto on.

Iliyochaguliwa sasa

Mika 2: BFB

Kuonyesha

Shirikisha

Nakili

None

Je, ungependa vivutio vyako vihifadhiwe kwenye vifaa vyako vyote? Jisajili au ingia