Matiye 8
8
Yeesu nyawtii ceccefo gom
(Marku 1:40-45, Luka 5:12-16)
1Yeesu jippii diga dow waanne, go jama'aare ɗuunne e tokki mo. 2Wakkati mum, ceccefo gom wari, jiccii yeeso makko, wi'i mo: «Joomiraawo, to aa yiɗi, a waawan ko nyawtimmi.»
3Yeesu forti juunŋo mum, meemi mo, wi'i: «Mii yiɗi, yanɗitin!» Ɗon maa ɗon, gorko on yanɗiti. 4Den Yeesu wi'i mo: «Hakkil! Taa batu ka goɗɗo. Amma yahu holloy hoore maa *liimaamiijo. Den, gaɗaa sadaka ka Muusa wi'i on gaɗon, gam anninaa ɓe a yoofake.»
Yeesu nyawtii maccuɗo hooreejo soogeeji Roma
(Luka 7:1-10, Yuhaana 4:43-54)
5Wakkati Yeesu naatata siire Kafarnahum, hooreejo soogeeji gom ɓattii mo, eeli mo, wi'i: 6«Joomiraawo, maccuɗo am na'on fukkii wuro, yanɗaa, faa juuɗe e koyɗe fu waatii, oo naawee sanne!» 7Yeesu wi'i mo: «Mi yahan, mi nyawta mo.» 8Amma hooreejo soogeeji on toontii, wi'i: «Joomiraawo, mi fotay naataa wuro am. Amma batu woliine woore tan, maccuɗo am yoofoto. 9Min e hoore am, mii woodi mawɓe ɓe ɗowtaniimi, min bo mii woodi ɗowtaniiɓe am. To mi wi'ii, oo ɗoo, ‹yahu›, oo yaha. To mi wi'ii, oo too, ‹war›, oo wara. To mi wi'ii, maccuɗo am, ‹waɗu nii›, oo waɗa.»
10No Yeesu nani ka, haaynaare nanŋi mo, wi'i tokkuɓe mo: «E gooŋa batanmi on, mi yi'ay iri goonɗinki kii ɗoo to goɗɗo, baa der Isira'iilaaɓe. 11Mii bata on, ɗuuɓɓe waran diga lettugal e gorgal. Ɓe jooɗodo e Iburaahiima e Isiyaaku e Yaakuubu, ɓe nyaamda der Laamaare Alla. 12Amma laatiiɓe ɓiɓɓe Laamaare, faɗɗete yaasi, der niwre. Ton ɓe bullata, ɓe ƴakkontira nyiiƴe.»
13Ɓaawo mum, Yeesu wi'i hooreejo soogeeji on: «Hootu! Ɗum laatane hande no goonɗinirɗaa.» Wakkati mum, maccuɗo makko on yoofii.
Yeesu nyawtii nyawɓe ɗuuɓɓe
(Marku 1:29-34, Luka 4:38-41)
14Yeesu yahi wuro Piyer. O tawi esiraawo Piyer debbo e fukkii, e yontaa. 15Yeesu meemi juunŋo makko, go yontere nen acci mo. Den o ummii, oo jagganoo ɓe.
16No kiikiiɗe waɗi, Yeesu waddanaa himɓe ɗuuɓɓe, ɓe ginnaaji woni e mum. O riiwiri ɗi e haala makko, o nyawti nyawɓe fu. 17Hande non haala annabaaku Esaaya hebbiri, ka o wi'i:
«O jaɓii roonaago tampe meeɗen,
o nyawtii nyawuuji meeɗen#8:17 Esaaya 53:4.»
No haani Yeesu tokkiree
(Luka 9:57-60)
18Yeesu yi'i jama'aare ɗuunne e huuritii mo, o wi'i aahiiɓe makko ɓe jola fonŋo far to. 19Ɗon Moodibbo tawreeta gom ɓattii mo, wi'i: «Moodibbo, mi tokkete to jahataa fu.»
20Yeesu wi'i mo: «Dondonɗehon e woodi gayɗe, pooli bo e woodi daɗɗa mum, amma Ɓii neɗɗo woodaa to fukkinta hoore mum gam siwtoo.»
21Aahiiɓe makko gooto mum wi'i mo: «Joomiraawo, accu mi yaha, mi uwaa baaba am taw.»
22Yeesu toontii mo, wi'i: «Tokkam, accu maayɓe uwa maayɓe mum.»
Yeesu deƴƴitinii hennu
(Marku 4:31-41, Luka 8:23-25)
23Yeesu naati der laana diyam, go aahiiɓe makko e tokki mo. 24Ɗon maa ɗon, hennu manŋol ummii e wifa der maayo. Ŋol wifi, faa galmaaji diyam e yiɗi mutina laana diyam ŋan. Amma Yeesu e ɗaanii. 25Aahiiɓe ɓen ɓattii mo, finnini mo, wi'i: «Joomiraawo, faaba men! Men na'on kalka!»
26O toontii ɓe, o wi'i: «Onon ɓe goonɗinki paanɗuki, gam ume ko kuluɗon?» Den, o ummii, o falmi hennu e maayo. Ɗum yeewi siriw! 27Ɓe fu, haaynaare nanŋi ɓe, ɓee bi'a: «Iri moy nun oo ɗoo, faa hennu e maayo e ɗowtanoo mo?»
Yeesu nyawtii ginnaajiiɓe ɗiɗo
(Marku 5:1-20, Luka 8:26-39)
28Yeesu joli fonŋo maayo, yottii der leydi Gadarena. Ɗon worɓe ɗiɗo wooduɓe ginnaaji wurtii e janaale, fotti e makko. Ɓee kulnii sanne, faa goɗɗo suusataa ko tokki laawol ŋol. 29Ɓe darii ɓee bata e semme, ɓee bi'a: «An Ɓiɗɗo Alla, ume jiɗuɗaa waɗugo men? A warii ɗoo gam toora men diga wakkati waɗay naa?»
30Foti darne afaaji mawne gom e durannoo takkol ɗon. 31Ginnaaji ɗin eeli Yeesu, wi'i: «To a riiwii men, accu men naataa der darne afaaji nee ɗo.»
32O wi'i ɗi: «Jahee!» Ginnaaji ɗin wurtii, naatoy der afaaji ɗin. Ɗon maa ɗon, darne afaaji nen fu dirtii diga takkol waanne, simmitii der maayo, yoolii e diyam.
33Durooɓe afaaji ɗin doggi, hooti wuro. Ɓe batoy ko waɗi ɗon fu, e ko tawi wooduɓe ginnaaji ɗiɗo ɓen. 34Den, himɓe siire nen fu wurtoy fotti e Yeesu. No ɓe ji'i mo, ɓe eeli mo o wurtoo leydi maɓɓe.
Iliyochaguliwa sasa
Matiye 8: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Matiye 8
8
Yeesu nyawtii ceccefo gom
(Marku 1:40-45, Luka 5:12-16)
1Yeesu jippii diga dow waanne, go jama'aare ɗuunne e tokki mo. 2Wakkati mum, ceccefo gom wari, jiccii yeeso makko, wi'i mo: «Joomiraawo, to aa yiɗi, a waawan ko nyawtimmi.»
3Yeesu forti juunŋo mum, meemi mo, wi'i: «Mii yiɗi, yanɗitin!» Ɗon maa ɗon, gorko on yanɗiti. 4Den Yeesu wi'i mo: «Hakkil! Taa batu ka goɗɗo. Amma yahu holloy hoore maa *liimaamiijo. Den, gaɗaa sadaka ka Muusa wi'i on gaɗon, gam anninaa ɓe a yoofake.»
Yeesu nyawtii maccuɗo hooreejo soogeeji Roma
(Luka 7:1-10, Yuhaana 4:43-54)
5Wakkati Yeesu naatata siire Kafarnahum, hooreejo soogeeji gom ɓattii mo, eeli mo, wi'i: 6«Joomiraawo, maccuɗo am na'on fukkii wuro, yanɗaa, faa juuɗe e koyɗe fu waatii, oo naawee sanne!» 7Yeesu wi'i mo: «Mi yahan, mi nyawta mo.» 8Amma hooreejo soogeeji on toontii, wi'i: «Joomiraawo, mi fotay naataa wuro am. Amma batu woliine woore tan, maccuɗo am yoofoto. 9Min e hoore am, mii woodi mawɓe ɓe ɗowtaniimi, min bo mii woodi ɗowtaniiɓe am. To mi wi'ii, oo ɗoo, ‹yahu›, oo yaha. To mi wi'ii, oo too, ‹war›, oo wara. To mi wi'ii, maccuɗo am, ‹waɗu nii›, oo waɗa.»
10No Yeesu nani ka, haaynaare nanŋi mo, wi'i tokkuɓe mo: «E gooŋa batanmi on, mi yi'ay iri goonɗinki kii ɗoo to goɗɗo, baa der Isira'iilaaɓe. 11Mii bata on, ɗuuɓɓe waran diga lettugal e gorgal. Ɓe jooɗodo e Iburaahiima e Isiyaaku e Yaakuubu, ɓe nyaamda der Laamaare Alla. 12Amma laatiiɓe ɓiɓɓe Laamaare, faɗɗete yaasi, der niwre. Ton ɓe bullata, ɓe ƴakkontira nyiiƴe.»
13Ɓaawo mum, Yeesu wi'i hooreejo soogeeji on: «Hootu! Ɗum laatane hande no goonɗinirɗaa.» Wakkati mum, maccuɗo makko on yoofii.
Yeesu nyawtii nyawɓe ɗuuɓɓe
(Marku 1:29-34, Luka 4:38-41)
14Yeesu yahi wuro Piyer. O tawi esiraawo Piyer debbo e fukkii, e yontaa. 15Yeesu meemi juunŋo makko, go yontere nen acci mo. Den o ummii, oo jagganoo ɓe.
16No kiikiiɗe waɗi, Yeesu waddanaa himɓe ɗuuɓɓe, ɓe ginnaaji woni e mum. O riiwiri ɗi e haala makko, o nyawti nyawɓe fu. 17Hande non haala annabaaku Esaaya hebbiri, ka o wi'i:
«O jaɓii roonaago tampe meeɗen,
o nyawtii nyawuuji meeɗen#8:17 Esaaya 53:4.»
No haani Yeesu tokkiree
(Luka 9:57-60)
18Yeesu yi'i jama'aare ɗuunne e huuritii mo, o wi'i aahiiɓe makko ɓe jola fonŋo far to. 19Ɗon Moodibbo tawreeta gom ɓattii mo, wi'i: «Moodibbo, mi tokkete to jahataa fu.»
20Yeesu wi'i mo: «Dondonɗehon e woodi gayɗe, pooli bo e woodi daɗɗa mum, amma Ɓii neɗɗo woodaa to fukkinta hoore mum gam siwtoo.»
21Aahiiɓe makko gooto mum wi'i mo: «Joomiraawo, accu mi yaha, mi uwaa baaba am taw.»
22Yeesu toontii mo, wi'i: «Tokkam, accu maayɓe uwa maayɓe mum.»
Yeesu deƴƴitinii hennu
(Marku 4:31-41, Luka 8:23-25)
23Yeesu naati der laana diyam, go aahiiɓe makko e tokki mo. 24Ɗon maa ɗon, hennu manŋol ummii e wifa der maayo. Ŋol wifi, faa galmaaji diyam e yiɗi mutina laana diyam ŋan. Amma Yeesu e ɗaanii. 25Aahiiɓe ɓen ɓattii mo, finnini mo, wi'i: «Joomiraawo, faaba men! Men na'on kalka!»
26O toontii ɓe, o wi'i: «Onon ɓe goonɗinki paanɗuki, gam ume ko kuluɗon?» Den, o ummii, o falmi hennu e maayo. Ɗum yeewi siriw! 27Ɓe fu, haaynaare nanŋi ɓe, ɓee bi'a: «Iri moy nun oo ɗoo, faa hennu e maayo e ɗowtanoo mo?»
Yeesu nyawtii ginnaajiiɓe ɗiɗo
(Marku 5:1-20, Luka 8:26-39)
28Yeesu joli fonŋo maayo, yottii der leydi Gadarena. Ɗon worɓe ɗiɗo wooduɓe ginnaaji wurtii e janaale, fotti e makko. Ɓee kulnii sanne, faa goɗɗo suusataa ko tokki laawol ŋol. 29Ɓe darii ɓee bata e semme, ɓee bi'a: «An Ɓiɗɗo Alla, ume jiɗuɗaa waɗugo men? A warii ɗoo gam toora men diga wakkati waɗay naa?»
30Foti darne afaaji mawne gom e durannoo takkol ɗon. 31Ginnaaji ɗin eeli Yeesu, wi'i: «To a riiwii men, accu men naataa der darne afaaji nee ɗo.»
32O wi'i ɗi: «Jahee!» Ginnaaji ɗin wurtii, naatoy der afaaji ɗin. Ɗon maa ɗon, darne afaaji nen fu dirtii diga takkol waanne, simmitii der maayo, yoolii e diyam.
33Durooɓe afaaji ɗin doggi, hooti wuro. Ɓe batoy ko waɗi ɗon fu, e ko tawi wooduɓe ginnaaji ɗiɗo ɓen. 34Den, himɓe siire nen fu wurtoy fotti e Yeesu. No ɓe ji'i mo, ɓe eeli mo o wurtoo leydi maɓɓe.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.