Matiye 7
7
Hiitaago woɓɓe
(Luka 6:37-38,41-42)
1«To on kiitee woɓɓe, gam to Alla hiita on. 2Gam no kiitoriɗon woɓɓe, non non kiitorteɗon. Etorde ne etiranɗon woɓɓe, kayre etiranteɗon. 3Ume waɗi go aa daara kuɗeel der itere banniraawo maa, go a faamanay legga gonuŋa der itere maa? 4Noy baawirtaa ko wi'i banniraawo maa: "Accu mi suttane kuɗeel gonuŋel der itere maa", nani bo legga e woni der ne maa? 5Munaafitiijo, suttu legga gonuŋa der itere maa taw, den gite maa laaɓan, keɓaa no cuttirɗaa kuɗeel gonuŋel der itere banniraawo maa.
6To on kokkee dawaaɗi ko senii, gam to ɗi bittoy ɗi ŋata on. To on cankitee kaaƴe mooɗon dime yeeso afaaji, gam to ɗi jaaɓu ɗe.»
Alla e toontoo eelanɓe mo
(Luka 11:9-13)
7«Eelee, on kokkete, daartee, on keɓan, cilminee, on maɓɓitante. 8Gam eeloowo fu, hokkete, daartoowo fu, heɓan, piyoowo dammugal fu, maɓɓitante. 9Moy caka mooɗon hokkata ɓiyum hayre to o eelii mo peen? 10Ɗum bo to o eelii mo linŋol, o hokkan mo boddi? 11Onon halluɓe, oon baawi hokkugo ɓiɓɓe mooɗon dokke booɗɗe, hakko Baaba mooɗon gonuɗo dow kammu. Oo hokka eelanɓe mo fu dokke booɗɗe.
12Gam majjum ko jiɗuɗon himɓe waɗana on fu, onon bo, gaɗanee ɓe ɗum. Kanjum nun *tawreeta e dewte *annabiiɓe ekkitinta.»
Dammugal paanɗuŋal
(Luka 13:24)
13«Naatiree dammugal paanɗuŋal, gam dammugal jaajuŋal e laawol koyuŋol, e yaara der halkere. Himɓe ɗuuɓɓe nun tokki ŋol. 14Amma dammugal paanɗuŋal, e laawol ɓilliiŋol, e yaara to yonki, yiituɓe ŋol ɗuuɗaa.»
Hakkilango *annabiiɓe fewrekuuɓe
(Luka 6:43-44)
15«Kakkilanee *annabiiɓe fewrekuuɓe. Ɓe garan to mooɗon, ɓee ɓornii guri baali, amma der maɓɓe, ɓee laatii bu'i bonuɗi. 16E gaɗu maɓɓe annitirton ɓe. Innabooje ɓorataake dow janjayɗe, ibbe bo ɓorataake dow gi'e danehi. 17Leggal booɗuŋal fu riman ɓikkon booɗukon, amma leggal kalluŋal riman ɓikkon kallukon. 18Leggal booɗuŋal waawataa ko rimi ɓikkon kallukon, nun bo leggal kalluŋal waawataa ko rimi ɓikkon booɗukon. 19Leggal fu ŋal rimataa ɓikkon booɗukon wudditinte, faɗɗee der yiite. 20Hande non nun, annitirton ɓe diga e gaɗu maɓɓe.»
Mi annaa on abada
(Luka 13:25-27)
21«Hinaa wi'ooɓe am ‹Joomiraawo, Joomiraawo›, fu naatata Laamaare Alla, sey waɗooɓe ko Baaba am gonuɗo dow kammu yiɗi tan. 22Nyalaane darŋal, ɗuuɓɓe wi'an am: "Joomiraawo, Joomiraawo! E inne maa nun men gaɗiri annabaaku. E inne maa nun men diiwiri ginnaaji. E inne maa nun men gaɗiri haaynaareeji ɗuuɗɗi." 23Wakkati mum, mi toontoto ɓe mi wi'a: "Mi annaa on abada. Boɗɗee am, onon waɗooɓe ko halli!"»
Cuuɗi ɗiɗi
(Luka 6:46-49)
24«Hande non nun, neɗɗo fu kettiniiɗo haala am, go e gollira ka, e nandi e neɗɗo kakkilɗo, mahuɗo suudu mum dow tepaare. 25Yoone toɓi, gooruuji hebbi, keni mawɗi wifi dow maggol. Amma ŋol yanay, gam dow tepaare nun ŋol daɗɗaa. 26Amma kettiniiɗo haala am fu, go tokkay ka, e nandi e neɗɗo mo walaa hakkillo, mahuɗo suudu mum dow jaaneeri. 27Yoone toɓi, gooruuji hebbi, keni mawɗi wifi dow maggol. Den ŋol yani yanande mawne.»
Baawɗe Yeesu
28No Yeesu heennyi waajuuji ɗin, haaynaare nanŋi jama'aare sanne gam waaji makko. 29Gam o janŋinirii ɓe e baawɗe, hinaa hande no moodiɓɓe tawreeta janŋinirta.
Iliyochaguliwa sasa
Matiye 7: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Matiye 7
7
Hiitaago woɓɓe
(Luka 6:37-38,41-42)
1«To on kiitee woɓɓe, gam to Alla hiita on. 2Gam no kiitoriɗon woɓɓe, non non kiitorteɗon. Etorde ne etiranɗon woɓɓe, kayre etiranteɗon. 3Ume waɗi go aa daara kuɗeel der itere banniraawo maa, go a faamanay legga gonuŋa der itere maa? 4Noy baawirtaa ko wi'i banniraawo maa: "Accu mi suttane kuɗeel gonuŋel der itere maa", nani bo legga e woni der ne maa? 5Munaafitiijo, suttu legga gonuŋa der itere maa taw, den gite maa laaɓan, keɓaa no cuttirɗaa kuɗeel gonuŋel der itere banniraawo maa.
6To on kokkee dawaaɗi ko senii, gam to ɗi bittoy ɗi ŋata on. To on cankitee kaaƴe mooɗon dime yeeso afaaji, gam to ɗi jaaɓu ɗe.»
Alla e toontoo eelanɓe mo
(Luka 11:9-13)
7«Eelee, on kokkete, daartee, on keɓan, cilminee, on maɓɓitante. 8Gam eeloowo fu, hokkete, daartoowo fu, heɓan, piyoowo dammugal fu, maɓɓitante. 9Moy caka mooɗon hokkata ɓiyum hayre to o eelii mo peen? 10Ɗum bo to o eelii mo linŋol, o hokkan mo boddi? 11Onon halluɓe, oon baawi hokkugo ɓiɓɓe mooɗon dokke booɗɗe, hakko Baaba mooɗon gonuɗo dow kammu. Oo hokka eelanɓe mo fu dokke booɗɗe.
12Gam majjum ko jiɗuɗon himɓe waɗana on fu, onon bo, gaɗanee ɓe ɗum. Kanjum nun *tawreeta e dewte *annabiiɓe ekkitinta.»
Dammugal paanɗuŋal
(Luka 13:24)
13«Naatiree dammugal paanɗuŋal, gam dammugal jaajuŋal e laawol koyuŋol, e yaara der halkere. Himɓe ɗuuɓɓe nun tokki ŋol. 14Amma dammugal paanɗuŋal, e laawol ɓilliiŋol, e yaara to yonki, yiituɓe ŋol ɗuuɗaa.»
Hakkilango *annabiiɓe fewrekuuɓe
(Luka 6:43-44)
15«Kakkilanee *annabiiɓe fewrekuuɓe. Ɓe garan to mooɗon, ɓee ɓornii guri baali, amma der maɓɓe, ɓee laatii bu'i bonuɗi. 16E gaɗu maɓɓe annitirton ɓe. Innabooje ɓorataake dow janjayɗe, ibbe bo ɓorataake dow gi'e danehi. 17Leggal booɗuŋal fu riman ɓikkon booɗukon, amma leggal kalluŋal riman ɓikkon kallukon. 18Leggal booɗuŋal waawataa ko rimi ɓikkon kallukon, nun bo leggal kalluŋal waawataa ko rimi ɓikkon booɗukon. 19Leggal fu ŋal rimataa ɓikkon booɗukon wudditinte, faɗɗee der yiite. 20Hande non nun, annitirton ɓe diga e gaɗu maɓɓe.»
Mi annaa on abada
(Luka 13:25-27)
21«Hinaa wi'ooɓe am ‹Joomiraawo, Joomiraawo›, fu naatata Laamaare Alla, sey waɗooɓe ko Baaba am gonuɗo dow kammu yiɗi tan. 22Nyalaane darŋal, ɗuuɓɓe wi'an am: "Joomiraawo, Joomiraawo! E inne maa nun men gaɗiri annabaaku. E inne maa nun men diiwiri ginnaaji. E inne maa nun men gaɗiri haaynaareeji ɗuuɗɗi." 23Wakkati mum, mi toontoto ɓe mi wi'a: "Mi annaa on abada. Boɗɗee am, onon waɗooɓe ko halli!"»
Cuuɗi ɗiɗi
(Luka 6:46-49)
24«Hande non nun, neɗɗo fu kettiniiɗo haala am, go e gollira ka, e nandi e neɗɗo kakkilɗo, mahuɗo suudu mum dow tepaare. 25Yoone toɓi, gooruuji hebbi, keni mawɗi wifi dow maggol. Amma ŋol yanay, gam dow tepaare nun ŋol daɗɗaa. 26Amma kettiniiɗo haala am fu, go tokkay ka, e nandi e neɗɗo mo walaa hakkillo, mahuɗo suudu mum dow jaaneeri. 27Yoone toɓi, gooruuji hebbi, keni mawɗi wifi dow maggol. Den ŋol yani yanande mawne.»
Baawɗe Yeesu
28No Yeesu heennyi waajuuji ɗin, haaynaare nanŋi jama'aare sanne gam waaji makko. 29Gam o janŋinirii ɓe e baawɗe, hinaa hande no moodiɓɓe tawreeta janŋinirta.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.