Matiye 23
23
Yeesu felii moodiɓɓe tawreeta e Farisaaɓe
(Marku 12:38-40, Luka 11:37-54, 20:45-47)
1Den, Yeesu baddi jama'aare e aahiiɓe mum, wi'i: 2«*Moodiɓɓe tawreeta e *Farisaaɓe, yowanaama janŋingo *tawreeta Muusa. 3Gam majjum, nananee ɓe, gaɗee ko ɓe bi'i on fu. Amma to on gaɗee ko ɓe gaɗata, gam ɓee bata, amma ɓe gaɗataa ko ɓe bati. 4Ɓee kaɓɓa dolle tedduɗe, ɓee doonina himɓe. Amma kamɓe, ɓe jiɗaa meemugo ɗe baa e kollel. 5Ko ɓe gaɗata fu, ɓee gaɗa ɗum gam himɓe yi'ana ɓe. Kanjum acci ɓee binna aayaaje dow laayaaji, ɓe kaɓɓa e tiiɗe, e dow came maɓɓe. Ɓee juutina sariiji toggooje maɓɓe. 6Ɓee jiɗi joonɗe arandeeje to ɓe noddinaama nyaamɗe. Ɓee jiɗi joonɗe ɗe tedduŋal, der cuuɗi baajorɗi. 7Ɓee jiɗi sanneego caka jayri to jama'aare hawti, e noddeego ‹Moodibbo›. 8Amma onon, to on nootee noddeɗon ‹Moodibbo›, gam moodibbo gooto tan gooduɗon, onon kan, on fu oon banniraaɓe. 9To on noddee goɗɗo ‹Baaba› e duuniyaaru ɗo, gam Baaba gooto tan gooduɗon, kanko woni gonuɗo dow kammu. 10To on jaɓee noddeego ‹Hooreejo›, gam hooreejo gooto tan gooduɗon, kanko woni *Almasiihu. 11Ɓuruɗo mawnugo caka mooɗon laatoo gollantooɗo horiiɓe. 12Mawninɗo hoore mum fu, leesinte. Leesinɗo hoore mum bo, mawninte.»
Yeesu e gaccoo munaafitaare
(Marku 12:40, Luka 11:39-52, 20:45-47)
13Bone laatanto on, onon moodiɓɓe tawreeta e *Farisaaɓe, munaafitiiɓe! Gam oon maɓɓana himɓe dammugal Laamaare Alla. Onon e ko'e mon on naatataa, on accay yiɗuɓe naatugo bo, naata. 14[Bone laatanto on onon moodiɓɓe e *Farisaaɓe munaafitiiɓe! Oon teeta jawdi ni gowniiɓe woodi fu, oon juutina du'aaje gam himɓe mana on. Gam majjum, on kiitete kiita ɓuruka naawugo.]
15Bone laatanto on, onon moodiɓɓe tawreeta e *Farisaaɓe, munaafitiiɓe! Gam oon boositoo leyɗe, e maayo fu, gam keɓon baa gooto naata diina mon. To on keɓii mo, laatinon mo naatoowo der yiite jahannama, de ɗiɗi, ɓura no mooɗon.
16Bone laatanto on, onon wumuɓe ardiiɓe! Oon bi'a: "To neɗɗo hunorake suudu Alla, ɗum laataaki goɗɗum. Amma to o hunorake kanŋeeri suudu Alla, doole o hebbina hunayeere makko." 17Onon majjuɓe, e wumuɓe! Ume ɓuri mawnugo, kanŋeeri na, naa suudu Alla laaɓinoowol kanŋeeri? 18Oon bi'a kade: "To neɗɗo hunorake hiisirde ɗum laataaki goɗɗum. Amma to o hunorake sadaka cakkaaka dow hiisirde, doole o hebbina hunayeere makko." 19Onon wumuɓe! Ume nun ɓuri mawnugo: sadaka kiisaaka na, naa hiisirde laaɓinoore sadaka kan? 20To non non kunoriiɗo hiisirde, hunorake hiisirde e ko woni dow mayre fu. 21Kunoriiɗo suudu Alla, hunorake ŋol e Alla tawaaɗo der maggol. 22Kunoriiɗo kammu bo, hunorake gurol Laamaare Alla, e Alla jooɗiiɗo dow maggol.
23Bone laatanto on, onon moodiɓɓe tawreeta e *Farisaaɓe, munaafitiiɓe! Gam oon cutta jakka haakooji bi'eteeɗi maantu, e anisa, e kume, amma oon jeeboo ko ɓuri teddugo der tawreeta, kan woni foonnitaare e enɗam, e goonɗinki, kanjum haanunoo oon jogii. Amma to on jeebee ko horii. 24Onon wumuɓe ardiiɓe! To buubol yantii der jaram mooɗon, oon cekoo, cutton ŋol, amma oon moɗa jeelooba!
25Bone laatanto on, onon moodiɓɓe tawreeta e *Farisaaɓe, munaafitiiɓe! Gam oon layɓa ɓaawo jarirkon, e ɓaawo keeɗe. Amma der majje e heewi huune ko wujjaa, e ko teetaa. 26An *Farisaajo bumɗo! Layɓu taw der jarirkon e der keeɗe, den ɓaawo majje bo laaɓan.
27Bone laatanto on, onon moodiɓɓe tawreeta e *Farisaaɓe, munaafitiiɓe! Gam oon nandi hande janaale dawninaaɗe. Yaasi majje e wooɗi, amma der e hebbi ƴi'e maayuɓe, e huune ko nyoli fu. 28Onon bo, hande non non laatiɗon. E gite himɓe, oon nandi hande foonnitiiɓe, amma der mooɗon e hebbi munaafitaare, e luudaare.
29Bone laatanto on, onon moodiɓɓe tawreeta e *Farisaaɓe, munaafitiiɓe! Gam oon maha janaale *annabiiɓe, oon jura janaale foonnitiiɓe. 30Den oon bi'a: "To men na'onno wakkati kookiraaɓe amen, men kawtataano e maɓɓe dow barki *annabiiɓe ɓen." 31Hande non non, nootoriɗon no onon e ko'e mon oon laatii ɓiɓɓe warunooɓe *annabiiɓe. 32To non non, keennyitee golle ɗe kookiraaɓe mooɗon fuɗɗuno! 33Onon ɓiɓɓe bolle pure! Noy baawirton ko daɗi yiite jahannama? 34Gam majjum, mii lildana on *annabiiɓe, e wooduɓe hakkillo, e moodiɓɓe tawreeta. On baran woɓɓe, tiggon woɓɓe dow leɗɗe palaaɗe, woɓɓe, piyon ɓe looci der cuuɗi mooɗon baajorɗi, tooron ɓe der ci'e e ci'e. 35Alla hiitoto on sabbu ƴiiƴam himɓe foonnitiiɓe, waraaɓe. Ɗum fuɗɗan diga ƴiiƴam Habiila, poonnitiiɗo, faa ƴiiƴam Jekariya, ɓii Barakiya, mo baruɗon hakkune suudu Alla e hiisirde. 36E gooŋa batanmi on: Huune ɗum fu, tawan himɓe jaamanuuru nuu ɗo!
Yeesu yurumake himɓe *Urusaliima
(Luka 13:34-35)
37«*Urusaliima, *Urusaliima! An baroowo *annabiiɓe, e paɗɗoowo ɓe Alla lildanoy maa kaaƴe! De ɗuuɗɗum jiɗumi hawritingo ɓiɓɓe maaɗa hande no gertogal hawritirta coppi mum ley bippooɗe mum. Amma an e ɓiɓɓe maa on jaɓay. 38Gam majjum, on accante genni mooɗon, ni laatoo bille. 39E gooŋa batanmi on, on ji'ataa am kade faa nyalaane bi'oyton: "Barke woodani gariroowo e inne Joomiraawo!"»
Iliyochaguliwa sasa
Matiye 23: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Matiye 23
23
Yeesu felii moodiɓɓe tawreeta e Farisaaɓe
(Marku 12:38-40, Luka 11:37-54, 20:45-47)
1Den, Yeesu baddi jama'aare e aahiiɓe mum, wi'i: 2«*Moodiɓɓe tawreeta e *Farisaaɓe, yowanaama janŋingo *tawreeta Muusa. 3Gam majjum, nananee ɓe, gaɗee ko ɓe bi'i on fu. Amma to on gaɗee ko ɓe gaɗata, gam ɓee bata, amma ɓe gaɗataa ko ɓe bati. 4Ɓee kaɓɓa dolle tedduɗe, ɓee doonina himɓe. Amma kamɓe, ɓe jiɗaa meemugo ɗe baa e kollel. 5Ko ɓe gaɗata fu, ɓee gaɗa ɗum gam himɓe yi'ana ɓe. Kanjum acci ɓee binna aayaaje dow laayaaji, ɓe kaɓɓa e tiiɗe, e dow came maɓɓe. Ɓee juutina sariiji toggooje maɓɓe. 6Ɓee jiɗi joonɗe arandeeje to ɓe noddinaama nyaamɗe. Ɓee jiɗi joonɗe ɗe tedduŋal, der cuuɗi baajorɗi. 7Ɓee jiɗi sanneego caka jayri to jama'aare hawti, e noddeego ‹Moodibbo›. 8Amma onon, to on nootee noddeɗon ‹Moodibbo›, gam moodibbo gooto tan gooduɗon, onon kan, on fu oon banniraaɓe. 9To on noddee goɗɗo ‹Baaba› e duuniyaaru ɗo, gam Baaba gooto tan gooduɗon, kanko woni gonuɗo dow kammu. 10To on jaɓee noddeego ‹Hooreejo›, gam hooreejo gooto tan gooduɗon, kanko woni *Almasiihu. 11Ɓuruɗo mawnugo caka mooɗon laatoo gollantooɗo horiiɓe. 12Mawninɗo hoore mum fu, leesinte. Leesinɗo hoore mum bo, mawninte.»
Yeesu e gaccoo munaafitaare
(Marku 12:40, Luka 11:39-52, 20:45-47)
13Bone laatanto on, onon moodiɓɓe tawreeta e *Farisaaɓe, munaafitiiɓe! Gam oon maɓɓana himɓe dammugal Laamaare Alla. Onon e ko'e mon on naatataa, on accay yiɗuɓe naatugo bo, naata. 14[Bone laatanto on onon moodiɓɓe e *Farisaaɓe munaafitiiɓe! Oon teeta jawdi ni gowniiɓe woodi fu, oon juutina du'aaje gam himɓe mana on. Gam majjum, on kiitete kiita ɓuruka naawugo.]
15Bone laatanto on, onon moodiɓɓe tawreeta e *Farisaaɓe, munaafitiiɓe! Gam oon boositoo leyɗe, e maayo fu, gam keɓon baa gooto naata diina mon. To on keɓii mo, laatinon mo naatoowo der yiite jahannama, de ɗiɗi, ɓura no mooɗon.
16Bone laatanto on, onon wumuɓe ardiiɓe! Oon bi'a: "To neɗɗo hunorake suudu Alla, ɗum laataaki goɗɗum. Amma to o hunorake kanŋeeri suudu Alla, doole o hebbina hunayeere makko." 17Onon majjuɓe, e wumuɓe! Ume ɓuri mawnugo, kanŋeeri na, naa suudu Alla laaɓinoowol kanŋeeri? 18Oon bi'a kade: "To neɗɗo hunorake hiisirde ɗum laataaki goɗɗum. Amma to o hunorake sadaka cakkaaka dow hiisirde, doole o hebbina hunayeere makko." 19Onon wumuɓe! Ume nun ɓuri mawnugo: sadaka kiisaaka na, naa hiisirde laaɓinoore sadaka kan? 20To non non kunoriiɗo hiisirde, hunorake hiisirde e ko woni dow mayre fu. 21Kunoriiɗo suudu Alla, hunorake ŋol e Alla tawaaɗo der maggol. 22Kunoriiɗo kammu bo, hunorake gurol Laamaare Alla, e Alla jooɗiiɗo dow maggol.
23Bone laatanto on, onon moodiɓɓe tawreeta e *Farisaaɓe, munaafitiiɓe! Gam oon cutta jakka haakooji bi'eteeɗi maantu, e anisa, e kume, amma oon jeeboo ko ɓuri teddugo der tawreeta, kan woni foonnitaare e enɗam, e goonɗinki, kanjum haanunoo oon jogii. Amma to on jeebee ko horii. 24Onon wumuɓe ardiiɓe! To buubol yantii der jaram mooɗon, oon cekoo, cutton ŋol, amma oon moɗa jeelooba!
25Bone laatanto on, onon moodiɓɓe tawreeta e *Farisaaɓe, munaafitiiɓe! Gam oon layɓa ɓaawo jarirkon, e ɓaawo keeɗe. Amma der majje e heewi huune ko wujjaa, e ko teetaa. 26An *Farisaajo bumɗo! Layɓu taw der jarirkon e der keeɗe, den ɓaawo majje bo laaɓan.
27Bone laatanto on, onon moodiɓɓe tawreeta e *Farisaaɓe, munaafitiiɓe! Gam oon nandi hande janaale dawninaaɗe. Yaasi majje e wooɗi, amma der e hebbi ƴi'e maayuɓe, e huune ko nyoli fu. 28Onon bo, hande non non laatiɗon. E gite himɓe, oon nandi hande foonnitiiɓe, amma der mooɗon e hebbi munaafitaare, e luudaare.
29Bone laatanto on, onon moodiɓɓe tawreeta e *Farisaaɓe, munaafitiiɓe! Gam oon maha janaale *annabiiɓe, oon jura janaale foonnitiiɓe. 30Den oon bi'a: "To men na'onno wakkati kookiraaɓe amen, men kawtataano e maɓɓe dow barki *annabiiɓe ɓen." 31Hande non non, nootoriɗon no onon e ko'e mon oon laatii ɓiɓɓe warunooɓe *annabiiɓe. 32To non non, keennyitee golle ɗe kookiraaɓe mooɗon fuɗɗuno! 33Onon ɓiɓɓe bolle pure! Noy baawirton ko daɗi yiite jahannama? 34Gam majjum, mii lildana on *annabiiɓe, e wooduɓe hakkillo, e moodiɓɓe tawreeta. On baran woɓɓe, tiggon woɓɓe dow leɗɗe palaaɗe, woɓɓe, piyon ɓe looci der cuuɗi mooɗon baajorɗi, tooron ɓe der ci'e e ci'e. 35Alla hiitoto on sabbu ƴiiƴam himɓe foonnitiiɓe, waraaɓe. Ɗum fuɗɗan diga ƴiiƴam Habiila, poonnitiiɗo, faa ƴiiƴam Jekariya, ɓii Barakiya, mo baruɗon hakkune suudu Alla e hiisirde. 36E gooŋa batanmi on: Huune ɗum fu, tawan himɓe jaamanuuru nuu ɗo!
Yeesu yurumake himɓe *Urusaliima
(Luka 13:34-35)
37«*Urusaliima, *Urusaliima! An baroowo *annabiiɓe, e paɗɗoowo ɓe Alla lildanoy maa kaaƴe! De ɗuuɗɗum jiɗumi hawritingo ɓiɓɓe maaɗa hande no gertogal hawritirta coppi mum ley bippooɗe mum. Amma an e ɓiɓɓe maa on jaɓay. 38Gam majjum, on accante genni mooɗon, ni laatoo bille. 39E gooŋa batanmi on, on ji'ataa am kade faa nyalaane bi'oyton: "Barke woodani gariroowo e inne Joomiraawo!"»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.