Luka 8
8
Rewɓe wonduɓe e Yeesu
1Ɓaawo mum Yeesu yahi der ci'e mawɗe e ci'on petton, oo waajoo, oo fiina *linjiila dow Laamaare Alla. Aahiiɓe makko sappo e ɗiɗo (12) e wondi e makko, 2e kade bo, rewɓe woɓɓe, ɓe o wurtini ginnaaji e mum, e ɓe o nyawti e wondi e makko. Kamɓe woni: Mariyama bi'eteeɗo mo Magadala, mo o wurtini ginnaaji jeeɗiɗi e mum, 3e Yowana, debbo Hujja, kakkilanoowo jawdi Eroodu, e Susana, e woɓɓe kade, ettuɓe jawdi mum, walliri Yeesu e aahiiɓe mum.
Ballool aawoowo
(Matiye 13:1-9, Marku 4:1-9)
4Jama'aare ɗuunne hawritii to Yeesu. Ɓe garii diga genniije feere feere, go o waɗani ɓe ballool ŋol ɗo o wi'i:
5«Aawoowo gom nun wurtii gam aawa aawdiiri mum. No o aawata, gonni saami sera laawol, ni yaaɓaa, colli nyaami ni. 6Gonni bo saami dow kaaƴe. No ni fuɗi, ni yoori gam dullere peewɗum. 7Gonni bo saami caka gi'e, gi'e ɗen ummodii e mayri, ɗe ɓiɗɗi ni. 8Amma gonni mayri saami to leydi geeri, ni fuɗi, sammere fu rimi cammeeje hewre (100).» No Yeesu heennyi batugo ka, o wi'i e daane towne: «Gooduɗo noppi gam nanugo fu nana!»
Gam ume ko Yeesu e waɗa ballaaji?
(Matiye 13:10-17, Marku 4:10-12)
9Aahiiɓe Yeesu ƴami mo ko ballool ŋol fillitii. 10O toontii ɓe o wi'i: «Onon on anninaama ko suuɗi der Laamaare Alla, amma woɓɓe kan bata ka nun e ballaaji
"gam baa ɓee daari to ɓe ji'u,
baa ɓe nana bo to ɓe paamu."»
Yeesu e faamina ballool aawoowo
(Matiye 13:18-23, Marku 4:13-20)
11«Nani ɗo ko ballool ŋol fillitii: Aawdiiri nin, haala Alla nun. 12Sera laawol to aawdiiri nin saami e nandi hande hettiniiɓe haala Alla. To ɓe nanii ka, Seyɗan wara sutta ka diga der ɓerɗe maɓɓe gam to ɓe goonɗin, hakko ɓe kisa. 13Woɓɓe bo e nandi hande kaaƴe. Ɓe nanan haala kan, ɓe jaɓa ka e seyo. Amma, ɓe accataa ka waɗa ɗaɗi der maɓɓe, wakkati gooti tan ɓe goonɗinta, to toora yottake ɓe bitta ɓaawo. 14Aawdiiri caamuni der gi'e laati nun hande nanuɓe haala Alla, go acci miilooji e jawdi e suuno duuniyaaru ɓiɗɗi ka, goonɗinki maɓɓe rimataa ɓikkon. 15Aawdiiri caamuni der leydi geeri laatii hande nanuɓe haala Alla, ko jaɓi ka e ɓerɗe geete, laaɓuɗe. Gam sabbu tinnaare maɓɓe ɓe diman ɓikkon.»
Ballool fitilla
(Marku 4:21-25)
16«Goɗɗo jannataa fitilla gam omma ka gummal, naa bo sorna ka ley banni. Amma ka yowete nun dow resirde fitilla gam naatooɓe fu yi'a jayŋol. 17Gam walaa cuuɗiiɗum ko suuɗitintaako, walaa bo asiiri ko wurtintaake laaɓinee. 18Gam majjum kakkilee e no nanirton! Gam gooduɗo huune nun ɓeydantee. Amma mo woodaa, baa ko o miili oo woodi teetete.»
Miiraaɓe Yeesu e inna mum
(Matiye 12:46-50, Marku 3:31-35)
19Inna e miiraaɓe Yeesu warii to makko, amma ɓe baaway ko yottii mo gam jama'aare. 20Yeesu bataa wi'aa: «Inna maa e miiraaɓe maa na'on darii yaasi, ɓee jiɗi yi'ugo maa.» 21Amma Yeesu toontii ɓe wi'i: «Inna am e miiraaɓe am woni hettintooɓe haala Alla, e gollira ka.»
Yeesu deƴƴitini hennu manŋol
(Matiye 8:23-27, Marku 4:35-41)
22Nyalaane gom, Yeesu naati der laana diyam e aahiiɓe mum, o wi'i ɓe: «En jolee fonŋo maayo far nii.» Go ɓe jawti. 23Wakkati ɓe jolata, Yeesu ɗaanii. Tifere woore, hennu manŋol gom yanti e wifa dow maayo ŋon faa laana ŋan e hebba diyam, go ɓee gonii der kaliire. 24Aahiiɓe ɓen ɓattii mo, finnini mo wi'i: «Moodibbo! Moodibbo! En na'on kalka!» Yeesu fini, falmi hennu e galmaaji diyam e semme, ɗum fu ɗum deƴƴiti, go deƴƴere mawne waɗi. 25Yeesu wi'i ɓe: «Toy goonɗinki mon woni?» Amma kulol e haaynaare hebbi ɓe, go ɓee bi'ontira hakkune maɓɓe: «Moy nun iri gorko oo ɗoo, bi'oowo baa hennu e diyam deƴƴa, go eɗum ɗowtanoo mo?»
Yeesu nyawtii mo ginnaaji toorata
(Matiye 8:28-34, Marku 5:1-20)
26Ɓe jottii leydi Gerasankeeɓe, daarontirni e Galili. 27No Yeesu jippii e leydi, ɗon gorko gom jeyaaɗo der genni nin, mo ginnaaji ɗuuɗɗi woni e mum, wari fotti e makko. Diga ko ɓooyi, gorko on ɓornataako gineeji, o wonataako der suudu bo, amma caka janaale o tawete. 28No o yi'i Yeesu, o halɓi, o yani ley koyɗe mum, o bati e semme o wi'i: «Ume jiɗuɗaa waɗango am, an Ɓiɗɗo Alla mo dow? Mii sawrine taa tooram!» 29O batu ka nun gam Yeesu wi'i ginnaaji ɗin wurtoo e makko, gam de ɗuuɗɗum nun ɗi ummantoo mo, koyɗe makko e juuɗe makko e haɓɓiree e callalluuji, amma oo tannya ɗi ɗi fu. Ginnaaji ɗin e yaara mo faa der ladde yorne. 30Yeesu ƴami mo: «Noy inne maa?» O toontii: «Inne am nun Ujuneeje.» Gam ginnaaji ɗuuɗɗi nun woni der makko. 31Ɗii eela Yeesu to wattu ɗi der gayka lugguka.
32Darne afaaji mawne gom bo e tawaa ɗon e dura dow waanne, go ginnaaji ɗin eeli mo o hokka ɗi laawol ɗi naata der afaaji ɗin. O nootanii ɗi. 33Ginnaaji ɗin wurtii diga e tagaaɗo on, naati der afaaji. Darne afaaji nen fu dirtoy diga dow waanne nen e doggudu, ɗi joolii der maayo.
34No durooɓe afaaji ɗin yi'i ɗum, ɓe doggi ɓe batoy habaru majjum der ci'e wanŋarde nen, e ci'on mum petton. 35Himɓe wurtoy wari daarugo ko waɗi, ɓe jottii to Yeesu, go ɓe tawi gorko mo ginnaaji toorannoo on e jooɗii ley koyɗe Yeesu e ɓornii gineeji mum e deƴƴiti, go ɓe kuli. 36Yi'uɓe no ɗum waɗiri, fillanii ɓe no o nyawtiri gorko mo ginnaaji toorannoo on. 37Go himɓe leydi Gerasankeeɓe fu, eeli Yeesu yawta gam ɓe kulii sanne. Yeesu naati der laana diyam yawti. 38Gorko mo ginnaaji wurtii e mum on sawrini Yeesu acca o tokka mo. Amma Yeesu wi'i mo: 39«Wittu hootu wuro maa, pilloɗaa ko Alla waɗani maa fu.» Gorko on witti, yahi e bata der siire nen fu ko Yeesu waɗani mo.
Ɓiɗɗo Jayrusu debbo, e yeeraajo meemuɗo toggoore Yeesu
(Matiye 9:18-26, Marku 5:21-43)
40No Yeesu wittoy diga fonŋo maayo ton, jama'aare fotti e makko, gam ɓe fu ɓe kettinino mo nun. 41Go gorko bi'eteeɗo Jayrusu wari. O laati nun hooreejo waajorde. O jiccii yeeso Yeesu, o eeli mo o eelitii o yaha wuro makko. 42Gam oo woodi suka debbo bajjo mo jaka duuɓi sappo e ɗiɗi (12). Suka on nyawii faa ɓattii maayugo. Wakkati Yeesu yahata ton, jama'aare ɓilli mo. 43Debbo gom bo e tawaa ɗon mo lefol mum salii ko haggii diga duuɓi sappo e ɗiɗi (12). [O nyaami ko o woodi fu to nyawtooɓe]. Amma goɗɗo maɓɓe waaway nyawtugo mo. 44O ɓattii Yeesu ɓawɓawre, o meemi kommulol toggoore mum. Ɗon maa ɗon, ilol ƴiiƴam ɗam haggii. 45Yeesu ƴami wi'i: «Moy nun meemimmi?» Moy maɓɓe fu wi'i: Min bane. Go Piyer wi'i: «Moodibbo, jama'aare e tummu maa e ɓiɗɗu maa. [Go aa wi'a, moy meemi maa?]» 46Amma Yeesu wi'i: «Goɗɗo meemii am, gam mi annitii semme gom wurtake diga e am.»
47Debbo on faami no ɗum annitaama. O wari oo diwna, o jiccii yeeso Yeesu. O fillii yeeso jama'aare ko acci o meemi Yeesu, e no o yooforii ɗon maa ɗon. 48Yeesu wi'i mo: «Sakiike am, goonɗinki maa nyawtii maa, yahu e jam.»
49Diga Yeesu batiday ka, lilaaɗo gom ƴiwoy diga wuro hooreejo waajorde on, wari wi'i mo: «Suka maaɗa maayii, taa ɓillu kade moodibbo.» 50Amma no Yeesu nani ka, o bati hooreejo waajorde on o wi'i: «Taa hulu, goonɗin tan, o yoofoto.» 51No o yottii wuro ŋon, o accay goɗɗo naatidi e makko, sey Piyer, e Yuhaana, e Yaakuuba, e baaba e inna suka on. 52Ɓe fu, ɓee bulla ɓee cimoo gam suka on, go Yeesu wi'i: «To on bullee, o maayay, amma o ɗaani nun.» 53Ɓe jali mo, gam ɓee anni suka on maayii. 54Amma Yeesu jogii mo e juunŋo, bati e semme wi'i: «Suka, umma!» 55Yonki makko wittoy, go o ummii sikan. Yeesu wi'i ɓe, ɓe kokka mo ko nyaametee. 56Haaynaare nanŋi himɓe makko. Amma Yeesu wi'i ɓe, to ɓe pillana goɗɗo ko waɗi.
Iliyochaguliwa sasa
Luka 8: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 8
8
Rewɓe wonduɓe e Yeesu
1Ɓaawo mum Yeesu yahi der ci'e mawɗe e ci'on petton, oo waajoo, oo fiina *linjiila dow Laamaare Alla. Aahiiɓe makko sappo e ɗiɗo (12) e wondi e makko, 2e kade bo, rewɓe woɓɓe, ɓe o wurtini ginnaaji e mum, e ɓe o nyawti e wondi e makko. Kamɓe woni: Mariyama bi'eteeɗo mo Magadala, mo o wurtini ginnaaji jeeɗiɗi e mum, 3e Yowana, debbo Hujja, kakkilanoowo jawdi Eroodu, e Susana, e woɓɓe kade, ettuɓe jawdi mum, walliri Yeesu e aahiiɓe mum.
Ballool aawoowo
(Matiye 13:1-9, Marku 4:1-9)
4Jama'aare ɗuunne hawritii to Yeesu. Ɓe garii diga genniije feere feere, go o waɗani ɓe ballool ŋol ɗo o wi'i:
5«Aawoowo gom nun wurtii gam aawa aawdiiri mum. No o aawata, gonni saami sera laawol, ni yaaɓaa, colli nyaami ni. 6Gonni bo saami dow kaaƴe. No ni fuɗi, ni yoori gam dullere peewɗum. 7Gonni bo saami caka gi'e, gi'e ɗen ummodii e mayri, ɗe ɓiɗɗi ni. 8Amma gonni mayri saami to leydi geeri, ni fuɗi, sammere fu rimi cammeeje hewre (100).» No Yeesu heennyi batugo ka, o wi'i e daane towne: «Gooduɗo noppi gam nanugo fu nana!»
Gam ume ko Yeesu e waɗa ballaaji?
(Matiye 13:10-17, Marku 4:10-12)
9Aahiiɓe Yeesu ƴami mo ko ballool ŋol fillitii. 10O toontii ɓe o wi'i: «Onon on anninaama ko suuɗi der Laamaare Alla, amma woɓɓe kan bata ka nun e ballaaji
"gam baa ɓee daari to ɓe ji'u,
baa ɓe nana bo to ɓe paamu."»
Yeesu e faamina ballool aawoowo
(Matiye 13:18-23, Marku 4:13-20)
11«Nani ɗo ko ballool ŋol fillitii: Aawdiiri nin, haala Alla nun. 12Sera laawol to aawdiiri nin saami e nandi hande hettiniiɓe haala Alla. To ɓe nanii ka, Seyɗan wara sutta ka diga der ɓerɗe maɓɓe gam to ɓe goonɗin, hakko ɓe kisa. 13Woɓɓe bo e nandi hande kaaƴe. Ɓe nanan haala kan, ɓe jaɓa ka e seyo. Amma, ɓe accataa ka waɗa ɗaɗi der maɓɓe, wakkati gooti tan ɓe goonɗinta, to toora yottake ɓe bitta ɓaawo. 14Aawdiiri caamuni der gi'e laati nun hande nanuɓe haala Alla, go acci miilooji e jawdi e suuno duuniyaaru ɓiɗɗi ka, goonɗinki maɓɓe rimataa ɓikkon. 15Aawdiiri caamuni der leydi geeri laatii hande nanuɓe haala Alla, ko jaɓi ka e ɓerɗe geete, laaɓuɗe. Gam sabbu tinnaare maɓɓe ɓe diman ɓikkon.»
Ballool fitilla
(Marku 4:21-25)
16«Goɗɗo jannataa fitilla gam omma ka gummal, naa bo sorna ka ley banni. Amma ka yowete nun dow resirde fitilla gam naatooɓe fu yi'a jayŋol. 17Gam walaa cuuɗiiɗum ko suuɗitintaako, walaa bo asiiri ko wurtintaake laaɓinee. 18Gam majjum kakkilee e no nanirton! Gam gooduɗo huune nun ɓeydantee. Amma mo woodaa, baa ko o miili oo woodi teetete.»
Miiraaɓe Yeesu e inna mum
(Matiye 12:46-50, Marku 3:31-35)
19Inna e miiraaɓe Yeesu warii to makko, amma ɓe baaway ko yottii mo gam jama'aare. 20Yeesu bataa wi'aa: «Inna maa e miiraaɓe maa na'on darii yaasi, ɓee jiɗi yi'ugo maa.» 21Amma Yeesu toontii ɓe wi'i: «Inna am e miiraaɓe am woni hettintooɓe haala Alla, e gollira ka.»
Yeesu deƴƴitini hennu manŋol
(Matiye 8:23-27, Marku 4:35-41)
22Nyalaane gom, Yeesu naati der laana diyam e aahiiɓe mum, o wi'i ɓe: «En jolee fonŋo maayo far nii.» Go ɓe jawti. 23Wakkati ɓe jolata, Yeesu ɗaanii. Tifere woore, hennu manŋol gom yanti e wifa dow maayo ŋon faa laana ŋan e hebba diyam, go ɓee gonii der kaliire. 24Aahiiɓe ɓen ɓattii mo, finnini mo wi'i: «Moodibbo! Moodibbo! En na'on kalka!» Yeesu fini, falmi hennu e galmaaji diyam e semme, ɗum fu ɗum deƴƴiti, go deƴƴere mawne waɗi. 25Yeesu wi'i ɓe: «Toy goonɗinki mon woni?» Amma kulol e haaynaare hebbi ɓe, go ɓee bi'ontira hakkune maɓɓe: «Moy nun iri gorko oo ɗoo, bi'oowo baa hennu e diyam deƴƴa, go eɗum ɗowtanoo mo?»
Yeesu nyawtii mo ginnaaji toorata
(Matiye 8:28-34, Marku 5:1-20)
26Ɓe jottii leydi Gerasankeeɓe, daarontirni e Galili. 27No Yeesu jippii e leydi, ɗon gorko gom jeyaaɗo der genni nin, mo ginnaaji ɗuuɗɗi woni e mum, wari fotti e makko. Diga ko ɓooyi, gorko on ɓornataako gineeji, o wonataako der suudu bo, amma caka janaale o tawete. 28No o yi'i Yeesu, o halɓi, o yani ley koyɗe mum, o bati e semme o wi'i: «Ume jiɗuɗaa waɗango am, an Ɓiɗɗo Alla mo dow? Mii sawrine taa tooram!» 29O batu ka nun gam Yeesu wi'i ginnaaji ɗin wurtoo e makko, gam de ɗuuɗɗum nun ɗi ummantoo mo, koyɗe makko e juuɗe makko e haɓɓiree e callalluuji, amma oo tannya ɗi ɗi fu. Ginnaaji ɗin e yaara mo faa der ladde yorne. 30Yeesu ƴami mo: «Noy inne maa?» O toontii: «Inne am nun Ujuneeje.» Gam ginnaaji ɗuuɗɗi nun woni der makko. 31Ɗii eela Yeesu to wattu ɗi der gayka lugguka.
32Darne afaaji mawne gom bo e tawaa ɗon e dura dow waanne, go ginnaaji ɗin eeli mo o hokka ɗi laawol ɗi naata der afaaji ɗin. O nootanii ɗi. 33Ginnaaji ɗin wurtii diga e tagaaɗo on, naati der afaaji. Darne afaaji nen fu dirtoy diga dow waanne nen e doggudu, ɗi joolii der maayo.
34No durooɓe afaaji ɗin yi'i ɗum, ɓe doggi ɓe batoy habaru majjum der ci'e wanŋarde nen, e ci'on mum petton. 35Himɓe wurtoy wari daarugo ko waɗi, ɓe jottii to Yeesu, go ɓe tawi gorko mo ginnaaji toorannoo on e jooɗii ley koyɗe Yeesu e ɓornii gineeji mum e deƴƴiti, go ɓe kuli. 36Yi'uɓe no ɗum waɗiri, fillanii ɓe no o nyawtiri gorko mo ginnaaji toorannoo on. 37Go himɓe leydi Gerasankeeɓe fu, eeli Yeesu yawta gam ɓe kulii sanne. Yeesu naati der laana diyam yawti. 38Gorko mo ginnaaji wurtii e mum on sawrini Yeesu acca o tokka mo. Amma Yeesu wi'i mo: 39«Wittu hootu wuro maa, pilloɗaa ko Alla waɗani maa fu.» Gorko on witti, yahi e bata der siire nen fu ko Yeesu waɗani mo.
Ɓiɗɗo Jayrusu debbo, e yeeraajo meemuɗo toggoore Yeesu
(Matiye 9:18-26, Marku 5:21-43)
40No Yeesu wittoy diga fonŋo maayo ton, jama'aare fotti e makko, gam ɓe fu ɓe kettinino mo nun. 41Go gorko bi'eteeɗo Jayrusu wari. O laati nun hooreejo waajorde. O jiccii yeeso Yeesu, o eeli mo o eelitii o yaha wuro makko. 42Gam oo woodi suka debbo bajjo mo jaka duuɓi sappo e ɗiɗi (12). Suka on nyawii faa ɓattii maayugo. Wakkati Yeesu yahata ton, jama'aare ɓilli mo. 43Debbo gom bo e tawaa ɗon mo lefol mum salii ko haggii diga duuɓi sappo e ɗiɗi (12). [O nyaami ko o woodi fu to nyawtooɓe]. Amma goɗɗo maɓɓe waaway nyawtugo mo. 44O ɓattii Yeesu ɓawɓawre, o meemi kommulol toggoore mum. Ɗon maa ɗon, ilol ƴiiƴam ɗam haggii. 45Yeesu ƴami wi'i: «Moy nun meemimmi?» Moy maɓɓe fu wi'i: Min bane. Go Piyer wi'i: «Moodibbo, jama'aare e tummu maa e ɓiɗɗu maa. [Go aa wi'a, moy meemi maa?]» 46Amma Yeesu wi'i: «Goɗɗo meemii am, gam mi annitii semme gom wurtake diga e am.»
47Debbo on faami no ɗum annitaama. O wari oo diwna, o jiccii yeeso Yeesu. O fillii yeeso jama'aare ko acci o meemi Yeesu, e no o yooforii ɗon maa ɗon. 48Yeesu wi'i mo: «Sakiike am, goonɗinki maa nyawtii maa, yahu e jam.»
49Diga Yeesu batiday ka, lilaaɗo gom ƴiwoy diga wuro hooreejo waajorde on, wari wi'i mo: «Suka maaɗa maayii, taa ɓillu kade moodibbo.» 50Amma no Yeesu nani ka, o bati hooreejo waajorde on o wi'i: «Taa hulu, goonɗin tan, o yoofoto.» 51No o yottii wuro ŋon, o accay goɗɗo naatidi e makko, sey Piyer, e Yuhaana, e Yaakuuba, e baaba e inna suka on. 52Ɓe fu, ɓee bulla ɓee cimoo gam suka on, go Yeesu wi'i: «To on bullee, o maayay, amma o ɗaani nun.» 53Ɓe jali mo, gam ɓee anni suka on maayii. 54Amma Yeesu jogii mo e juunŋo, bati e semme wi'i: «Suka, umma!» 55Yonki makko wittoy, go o ummii sikan. Yeesu wi'i ɓe, ɓe kokka mo ko nyaametee. 56Haaynaare nanŋi himɓe makko. Amma Yeesu wi'i ɓe, to ɓe pillana goɗɗo ko waɗi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.