Luka 7
7
Yeesu nyawtii maccuɗo hooreejo soogeeji Roma gom
(Matiye 8:5-13)
1No Yeesu heennyi waajaago himɓe hettinaniiɓe mo, o yahi Kafarnahum. 2Hooreejo soogeeji Roma gom e woodi maccuɗo mum jiɗaaɗo. Maccuɗo on nyawi faa faanii maayugo. 3No hooreejo soogeeji on nani Yeesu e batanee, o lili *dottiiɓe *Yahuduuɓe woɓɓe gam ɓe noddanaa mo Yeesu wara nyawta maccuɗo makko. 4No ɓe jottii to makko, ɓe eeli mo ɓe eelitii, ɓe bi'i: «E haani ballaa neɗɗo on.» 5Gam oo yiɗi lenyol men, kanko nun bo waɗi suudu waajorde men mahaa.
6Go Yeesu e yaada e maɓɓe. No ɓe paani wuro, soogeeru nun lili igooɓe mum ɓe bi'a mo: «Joomiraawo, taa tooru hoore maa, mi fotay naataa wuro am. 7Gam majjum daarumi mi fotay ko yahi min e hoore am to maaɗa. Amma batu haala goota tan, den maccuɗo am yoofoo. 8Gam min e hoore am mii woodi ɓe ɗowtaniimi, min bo mii woodi ɗowtaniiɓe am. To mi wi'ii oo ɗo: "Yahu!" O yahan nun. To mi wi'i oo to: "War!" O waran nun bo, to mi batii maccuɗo am bi'umi: "Waɗu ɗum ɗo!" O waɗan ɗum bo!»
9No Yeesu nani boliiɗe ɗe, haaynaare soogeeru nun waɗi mo. O yeeƴitii far to jama'aare tokkune mo, o wi'i: «Mii bata on, baa der Isira'iila, daɗey mi meeɗay ko yi'i goonɗinki iri kii ɗo.» 10No lilaaɓe ɓen hooti wuro soogeeru nun, ɓe tawi maccuɗo on yoofake.
Yeesu fintinii suka debbo gowniijo gom
11Fini mum, Yeesu e yaha siire wi'eteene Nayin, aahiiɓe makko e jama'aare ɗuunne yaadi e makko. 12Wakkati ɓe paanii dammugal siire nen, ɓe potti maayɗo gom e yaaree uwirde. O laati nun ɓii debbo gowniijo gom bajjo. Himɓe siire nen ɗuuɓɓe mum yahi e wondi e makko. 13No Joomiraawo yi'i debbo on, yurumeene makko waɗi mo, o wi'i: «Taa wullu!» 14O ɓattii, o meemi pakoroowal ettirgal maayɓe, rooniiɓe mo darii, o wi'i: «Suka gorko, mii batee, umma!» 15Maayɗo on ummii jooɗii, yanti e bata. Yeesu hokkiti mo inniiko. 16Ɓe fu, kulol nanŋi ɓe, ɓee teddina Alla ɓee bi'a: «Annabiijo mawɗo suppitanake en! Alla warii wallugo himɓe mum!» 17Habaru Yeesu sankitii der Yahudiya, e der gureeje pilfitiiɗe ton fu.
Yuhaana gaɗoowo *batisi lilii aahiiɓe mum to Yeesu
(Matiye 11:2-19)
18Aahiiɓe Yuhaana fillanii mo huune ɗum fu. Yuhaana noddi ɗiɗo maɓɓe, 19o lili ɓe to Joomiraawo gam ɓe ƴama mo ɓe bi'a: «An nun laatii garoowo naa, naa men kettinoo goɗɗo?» 20No ɓe jottii to Yeesu, ɓe bi'i mo: «Yuhaana gaɗoowo *batisi nun liloy men men ƴame men bi'a: "An nun laatii garoowo naa, naa men kettinoo goɗɗo?"»
21Der wakkati mum, Yeesu nyawti nyawɓe ɗuuɓɓe, nyawɓe nyawuuji feere feere, o faabii ɓe ginnaaji toorata, o wumtini bo wumuɓe ɗuuɓɓe. 22O toontii lilaaɓe ɓen o wi'i: «Jahee pillanoɗon Yuhaana ko ji'uɗon e ko nanuɗon: wumuɓe e yi'a, laƴooɓe e yaha, sesseɓɓe e laaɓinee, pahiɗinɓe e nana, maayɓe bo e finta, talkaaɓe e batee *linjiila. 23Barke laatanto mo woppay hoolaare mum gam am!»
24No lilaaɓe Yuhaana yawti, Yeesu yanti e bata jama'aare haala Yuhaana e wi'a: «Ume jahuɗon daaroygo der ladde yorne? Ƴommal ŋal hennu dimmata na? 25Den ume daaroyɗon? Tagaaɗo ɓorniiɗo gineeji booɗɗi na? Ɓorniiɓe gineeji booɗɗi, go e wuuri der goonnan, der wuro laamiiɓe nun ɓe gonii. 26To, kade ume jahuɗon daaroygo? *Annabiijo na? Oo, mii bata on e gooŋa, oo ɓuri *annabiijo. 27Gam Yuhaana laati nun mo Binni Ceniini batani. Alla wi'i:
"Nani, mii lila lilaaɗo am yeeso maa gam o moƴƴinane laawol#7:27 Malakiya 3:1."
28Yeesu ɓeydi kade wi'i: Mii bata on: "Der ɓe rewɓe rimi fu, walaa ɓuruɗo Yuhaana manŋu, amma ɓuruɗo faanɗugo der Laamaare Alla e ɓuri Yuhaana manŋu."
29Himɓe hettinaniiɓe mo fu, e jaɓooɓe ceede faada, annitii no Alla laati nun poonnitiiɗo, go Yuhaana waɗani ɓe *batisi. 30Amma *Farisaaɓe, e moodiɓɓe tawreeta salii Yuhaana waɗana ɓe *batisi, non non ɓe calorii ko Alla yiɗannoo ɓe.» 31Yeesu wi'i kade: «Ume nandiniranmi e himɓe jaamanuuru nuu ɗo? E moy ɓe nandi? 32Ɓee nandi e sukaaɓe jooɗiiɓe luumo e noddontira e wi'a:
"Men puuranii on fuuraanu, amma on pijay!
Men jimanii on jimi maayde, amma on cimaaki."
33Gam Yuhaana gaɗoowo *batisi warii o ƴakkataa peen, o yarataa bo innabojam, amma on bi'ii: "O ginnaajiijo nun!" 34Ɓii neɗɗo kan warii e nyaama e yara, amma on bi'ii: "O miijantaako maa nyaamɗe e jarɗe innabojam tan, o laati nun bo igo jaɓooɓe ceede faada, e hakkeeɓe!" 35Amma jaɓuɓe faamu Alla e hollita no ŋu laato nun gooŋa.»
Yeesu yahii wuro Simon *Farisaajo
36*Farisaajo gom noddini Yeesu nyaamɗe. O yahi o jooɗii ɓee nyaamda. 37Der siire nen, debbo hakkeejo gom e tawaa ɗon. No o nani Yeesu na'on nyaamda e *Farisaajo on, o waddoy faanu kebbuŋol wardi, 38o darii ɓaawo Yeesu, ley koyɗe mum. Oo wulla, go gonɗi makko e soofina#7:38 Soofina: Woɓɓe e wi'a leppina koyɗe Yeesu, oo moyta gonɗi ɗii e gaasa makko, o mammilii ɗe, o misi ɗe wardi ɗam. 39No *Farisaajo noddinɗo Yeesu nyaamɗe on yi'i ɗum, o wi'i der ɓerne makko: «To neɗɗo oo e laatinoo *annabiijo, o annitanno no debbo meemoowo mo on, laati nun hakkeejo.» 40Yeesu etti haala, bati *Farisaajo on wi'i: «Simon, mii woodi gokka ka batan maa mi.» Simon toontii wi'i: «Batu moodibbo!» 41Yeesu wi'i: «Himɓe ɗiɗo nun joganii goɗɗo nyamaane, oo ɗo e joganii mo hande ceede jaka golle duuɓol gootol e seɗɗa, oo to bo jaka ceede golle lewru gootol e seɗɗa. 42No ɓe fu ɓe goodaa ko ɓe joɓirta mo, o yaafanii ɓe nyamaane nen ɓe fu ɗiɗo. Moy nun e maɓɓe ɓurata yiɗugo mo?» 43Simon toontii mo wi'i: «Mii miiji mo o yaafanii nyamaane ɗuunne nun.» Yeesu wi'i mo: «A batii gooŋa.» 44O yee'itii far to debbo on, o wi'i Simon: «A yi'ii debbo oo ɗo hinaa? Mi naatii wuro maa, a hokkay am diyam caƴƴumi koyɗe am, amma kanko, o soofini koyɗe am e gonɗi makko, o moytii ɗe e gaasa makko. 45A jaɓɓaaki am e mammilaaɗe, amma kanko o accay mammilaago koyɗe am diga naatumi ɗo. 46A waanjay nebbam e hoore am, amma kanko o waanjii wardi e koyɗe am. 47Gam majjum, mii wi'e: No hakkeeji makko ɗuuɗiri fu, ɗi jaafaama, gam majjum o yiɗimmi sanne. Amma jaafanaaɗo seɗɗa, yiɗan nun seɗɗa.» 48Go Yeesu bati debbo on wi'i: «Hakkeeji maa yaafaama.» 49Nyaamdannooɓe e makko yanti e wi'a der ɓerɗe mum: «Iri moy nun oo ɗo, cuusoowo yaafaago hakkeeji?» 50Amma Yeesu bati debbo on wi'i: «Goonɗinki maa hisinii maa, yahu e jam.»
Iliyochaguliwa sasa
Luka 7: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 7
7
Yeesu nyawtii maccuɗo hooreejo soogeeji Roma gom
(Matiye 8:5-13)
1No Yeesu heennyi waajaago himɓe hettinaniiɓe mo, o yahi Kafarnahum. 2Hooreejo soogeeji Roma gom e woodi maccuɗo mum jiɗaaɗo. Maccuɗo on nyawi faa faanii maayugo. 3No hooreejo soogeeji on nani Yeesu e batanee, o lili *dottiiɓe *Yahuduuɓe woɓɓe gam ɓe noddanaa mo Yeesu wara nyawta maccuɗo makko. 4No ɓe jottii to makko, ɓe eeli mo ɓe eelitii, ɓe bi'i: «E haani ballaa neɗɗo on.» 5Gam oo yiɗi lenyol men, kanko nun bo waɗi suudu waajorde men mahaa.
6Go Yeesu e yaada e maɓɓe. No ɓe paani wuro, soogeeru nun lili igooɓe mum ɓe bi'a mo: «Joomiraawo, taa tooru hoore maa, mi fotay naataa wuro am. 7Gam majjum daarumi mi fotay ko yahi min e hoore am to maaɗa. Amma batu haala goota tan, den maccuɗo am yoofoo. 8Gam min e hoore am mii woodi ɓe ɗowtaniimi, min bo mii woodi ɗowtaniiɓe am. To mi wi'ii oo ɗo: "Yahu!" O yahan nun. To mi wi'i oo to: "War!" O waran nun bo, to mi batii maccuɗo am bi'umi: "Waɗu ɗum ɗo!" O waɗan ɗum bo!»
9No Yeesu nani boliiɗe ɗe, haaynaare soogeeru nun waɗi mo. O yeeƴitii far to jama'aare tokkune mo, o wi'i: «Mii bata on, baa der Isira'iila, daɗey mi meeɗay ko yi'i goonɗinki iri kii ɗo.» 10No lilaaɓe ɓen hooti wuro soogeeru nun, ɓe tawi maccuɗo on yoofake.
Yeesu fintinii suka debbo gowniijo gom
11Fini mum, Yeesu e yaha siire wi'eteene Nayin, aahiiɓe makko e jama'aare ɗuunne yaadi e makko. 12Wakkati ɓe paanii dammugal siire nen, ɓe potti maayɗo gom e yaaree uwirde. O laati nun ɓii debbo gowniijo gom bajjo. Himɓe siire nen ɗuuɓɓe mum yahi e wondi e makko. 13No Joomiraawo yi'i debbo on, yurumeene makko waɗi mo, o wi'i: «Taa wullu!» 14O ɓattii, o meemi pakoroowal ettirgal maayɓe, rooniiɓe mo darii, o wi'i: «Suka gorko, mii batee, umma!» 15Maayɗo on ummii jooɗii, yanti e bata. Yeesu hokkiti mo inniiko. 16Ɓe fu, kulol nanŋi ɓe, ɓee teddina Alla ɓee bi'a: «Annabiijo mawɗo suppitanake en! Alla warii wallugo himɓe mum!» 17Habaru Yeesu sankitii der Yahudiya, e der gureeje pilfitiiɗe ton fu.
Yuhaana gaɗoowo *batisi lilii aahiiɓe mum to Yeesu
(Matiye 11:2-19)
18Aahiiɓe Yuhaana fillanii mo huune ɗum fu. Yuhaana noddi ɗiɗo maɓɓe, 19o lili ɓe to Joomiraawo gam ɓe ƴama mo ɓe bi'a: «An nun laatii garoowo naa, naa men kettinoo goɗɗo?» 20No ɓe jottii to Yeesu, ɓe bi'i mo: «Yuhaana gaɗoowo *batisi nun liloy men men ƴame men bi'a: "An nun laatii garoowo naa, naa men kettinoo goɗɗo?"»
21Der wakkati mum, Yeesu nyawti nyawɓe ɗuuɓɓe, nyawɓe nyawuuji feere feere, o faabii ɓe ginnaaji toorata, o wumtini bo wumuɓe ɗuuɓɓe. 22O toontii lilaaɓe ɓen o wi'i: «Jahee pillanoɗon Yuhaana ko ji'uɗon e ko nanuɗon: wumuɓe e yi'a, laƴooɓe e yaha, sesseɓɓe e laaɓinee, pahiɗinɓe e nana, maayɓe bo e finta, talkaaɓe e batee *linjiila. 23Barke laatanto mo woppay hoolaare mum gam am!»
24No lilaaɓe Yuhaana yawti, Yeesu yanti e bata jama'aare haala Yuhaana e wi'a: «Ume jahuɗon daaroygo der ladde yorne? Ƴommal ŋal hennu dimmata na? 25Den ume daaroyɗon? Tagaaɗo ɓorniiɗo gineeji booɗɗi na? Ɓorniiɓe gineeji booɗɗi, go e wuuri der goonnan, der wuro laamiiɓe nun ɓe gonii. 26To, kade ume jahuɗon daaroygo? *Annabiijo na? Oo, mii bata on e gooŋa, oo ɓuri *annabiijo. 27Gam Yuhaana laati nun mo Binni Ceniini batani. Alla wi'i:
"Nani, mii lila lilaaɗo am yeeso maa gam o moƴƴinane laawol#7:27 Malakiya 3:1."
28Yeesu ɓeydi kade wi'i: Mii bata on: "Der ɓe rewɓe rimi fu, walaa ɓuruɗo Yuhaana manŋu, amma ɓuruɗo faanɗugo der Laamaare Alla e ɓuri Yuhaana manŋu."
29Himɓe hettinaniiɓe mo fu, e jaɓooɓe ceede faada, annitii no Alla laati nun poonnitiiɗo, go Yuhaana waɗani ɓe *batisi. 30Amma *Farisaaɓe, e moodiɓɓe tawreeta salii Yuhaana waɗana ɓe *batisi, non non ɓe calorii ko Alla yiɗannoo ɓe.» 31Yeesu wi'i kade: «Ume nandiniranmi e himɓe jaamanuuru nuu ɗo? E moy ɓe nandi? 32Ɓee nandi e sukaaɓe jooɗiiɓe luumo e noddontira e wi'a:
"Men puuranii on fuuraanu, amma on pijay!
Men jimanii on jimi maayde, amma on cimaaki."
33Gam Yuhaana gaɗoowo *batisi warii o ƴakkataa peen, o yarataa bo innabojam, amma on bi'ii: "O ginnaajiijo nun!" 34Ɓii neɗɗo kan warii e nyaama e yara, amma on bi'ii: "O miijantaako maa nyaamɗe e jarɗe innabojam tan, o laati nun bo igo jaɓooɓe ceede faada, e hakkeeɓe!" 35Amma jaɓuɓe faamu Alla e hollita no ŋu laato nun gooŋa.»
Yeesu yahii wuro Simon *Farisaajo
36*Farisaajo gom noddini Yeesu nyaamɗe. O yahi o jooɗii ɓee nyaamda. 37Der siire nen, debbo hakkeejo gom e tawaa ɗon. No o nani Yeesu na'on nyaamda e *Farisaajo on, o waddoy faanu kebbuŋol wardi, 38o darii ɓaawo Yeesu, ley koyɗe mum. Oo wulla, go gonɗi makko e soofina#7:38 Soofina: Woɓɓe e wi'a leppina koyɗe Yeesu, oo moyta gonɗi ɗii e gaasa makko, o mammilii ɗe, o misi ɗe wardi ɗam. 39No *Farisaajo noddinɗo Yeesu nyaamɗe on yi'i ɗum, o wi'i der ɓerne makko: «To neɗɗo oo e laatinoo *annabiijo, o annitanno no debbo meemoowo mo on, laati nun hakkeejo.» 40Yeesu etti haala, bati *Farisaajo on wi'i: «Simon, mii woodi gokka ka batan maa mi.» Simon toontii wi'i: «Batu moodibbo!» 41Yeesu wi'i: «Himɓe ɗiɗo nun joganii goɗɗo nyamaane, oo ɗo e joganii mo hande ceede jaka golle duuɓol gootol e seɗɗa, oo to bo jaka ceede golle lewru gootol e seɗɗa. 42No ɓe fu ɓe goodaa ko ɓe joɓirta mo, o yaafanii ɓe nyamaane nen ɓe fu ɗiɗo. Moy nun e maɓɓe ɓurata yiɗugo mo?» 43Simon toontii mo wi'i: «Mii miiji mo o yaafanii nyamaane ɗuunne nun.» Yeesu wi'i mo: «A batii gooŋa.» 44O yee'itii far to debbo on, o wi'i Simon: «A yi'ii debbo oo ɗo hinaa? Mi naatii wuro maa, a hokkay am diyam caƴƴumi koyɗe am, amma kanko, o soofini koyɗe am e gonɗi makko, o moytii ɗe e gaasa makko. 45A jaɓɓaaki am e mammilaaɗe, amma kanko o accay mammilaago koyɗe am diga naatumi ɗo. 46A waanjay nebbam e hoore am, amma kanko o waanjii wardi e koyɗe am. 47Gam majjum, mii wi'e: No hakkeeji makko ɗuuɗiri fu, ɗi jaafaama, gam majjum o yiɗimmi sanne. Amma jaafanaaɗo seɗɗa, yiɗan nun seɗɗa.» 48Go Yeesu bati debbo on wi'i: «Hakkeeji maa yaafaama.» 49Nyaamdannooɓe e makko yanti e wi'a der ɓerɗe mum: «Iri moy nun oo ɗo, cuusoowo yaafaago hakkeeji?» 50Amma Yeesu bati debbo on wi'i: «Goonɗinki maa hisinii maa, yahu e jam.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.