Luka 11
11
Yeesu e ekkitina no du'ortee
(Matiye 6:9-13, 7:7-11)
1Nyalaane gom, Yeesu e du'oo der nokkuure gom. No o heennyi, aahiiɓe makko gooto mum, wi'i mo: «Joomiraawo, ekkitin men no du'aare waɗirtee hande no Yuhaana ekkitiniri aahiiɓe mum.» 2Yeesu wi'i ɓe: «To oon du'oo, oon bi'a:
Baaba,
inne maa seniine teddinee.
Laamaare maa wara.
3Hokku men ko men nyaamata nyalaane fu.
4Sawrana men hakkeeji amen
gam menen bo emen cawranoo woofananɓe men.
Taa accu men naata der jarbeeji.»
5Yeesu wi'i ɓe kade: «Hande jooni to goɗɗo mon e woodi igo mum, go igo on wari tawi mo caka jemma, wi'i mo: "Igo am, nyallam peen tato. 6Gam igooɓe am gooto mum ƴiwoy diga jahaaŋal wari weeri wuro am, nani bo mi woodaa ko kokkan moo mi." 7Den ko oo ɗon toontoo mo diga der suudu wi'a: "Taa ɓillam min kan, gam dammugal maɓɓaama, feɗaa koo. Min e sukaaɓe am bo men pukkake, mi waawataa ko ummii, hokke peen." 8Mii bata on, baa to o ummaaki o hokki mo gam oo igo makko, o ummoto o hokka mo gam oo ɗon e ɓilla mo. 9Min, mii bata on: eelee, on kokkete, daartee, on keɓan, piyee dammugal, on maɓɓitante. 10Gam eeloowo fu hokkete, dartoowo fu bo heɓan, piyoowo dammugal fu, maɓɓitante. 11To goɗɗo mon e laatii baaba, go ɓiyiiko eeli mo peen, o hokkan mo hayre na? Naa bo to o eelii mo linŋol, o hokkan mo boddi na? 12Naa bo to o eelii mo ɓoccoone, o hokkan mo yaare na? 13To onon laatiiɓe halluɓe, oon baawi hokkugo sukaaɓe mon ko wooɗi, noy Baaba mon gonuɗo dow kammu hokkirtaa eelanɓe mo Ruuhu Ceniiɗo?»
E baawɗe Alla nun Yeesu riiwirta ginnaaji
(Matiye 12:22-30, Marku 3:19-27)
14Yeesu wurtinii ginnawol muumiɗinŋol goɗɗo. No ŋol wurtii, muumo on yanti e bata, go jama'aare haayɗinii. 15Amma woɓɓe wi'i: «E baawɗe Beljebul hooreejo ginnaaji nun o riiwirta ginnaaji.»
16Woɓɓe e yiɗi fonnugo mo, go ɓe ƴami mo o waɗa maane ƴiwune dow kammu. 17Amma no Yeesu e anni miilooji maɓɓe, o wi'i ɓe: «Laamaare fu, to himɓe mum seenniri e haɓa hakkune mum, ne halkan, wurooji mayre yanan nyoƴƴontira. 18To Seyɗan e haɓida hoore mum, noy laamaare makko tabitortoo? Go oon bi'a Beljebul nun hokkimmi baawɗe riiwugo ginnaaji. 19To e baawɗe Beljebul nun diiwiranmi ginnaaji, den e baawɗe moy ɓiɓɓe mooɗon riiwirta ɗi? Gam majjum, kamɓe e hoore maɓɓe nun hiitoytooɓe on. 20Amma to e baawɗe Alla nun diiwiranmi ginnaaji, eɗum hollita no Laamaare Alla yottake on.
21To goɗɗo semmenteejo gooduɗo kaɓirɗum geetum e reeni wuro mum, jawdi makko fu wonoto e jam. 22Amma to ɓuruɗo mo semme gom warii, go jaalii mo, teetan gineeji makko kaɓirɗi ɗi o hoolinoo, seennana woɓɓe jawdi makko.
23Mo wonday e am fu, ganyo am nun. Mo wallay am hawritingo fu, sankitan nun.»
Wittoygo ginnawol der wuro mum hiinŋo
(Matiye 12:43-45)
24«To ginnawol wurtake diga e goɗɗo, ŋol yahan nun ŋol yiilitoo der nokkuuje jorɗe, eŋol daarta to ŋol siwtotoo. To ŋol heɓay, ŋol wi'a: "Mi wittan nun der suudu am to eggunoomi." 25To ŋol wittii ŋol tawa suudu wuuwaama, moƴƴinaa faa wooɗi, 26den ŋol witta, ŋol waddaa ginnaaji goɗɗi jeeɗiɗi ɓuruɗi ŋol hallugo, ɗi bittidaa ɗi jooɗoo ɗon. Goonki neɗɗo on cakitiiki ɓura arandehi hallugo.»
Barke gooŋakuuje
27No Yeesu batata ka, debbo gom bati diga caka jama'aare e daane towne wi'i: «Barke laatanii caawuɗo reedu maa, e enɗi ɗi musinɗaa.» 28Amma Yeesu toontii mo wi'i: «Ko ɓuri ɗum woni, barke laatanii hettiniiɓe haala Alla e gollira ka.»
Himɓe e ƴama Yeesu waɗa ko haaynii
(Matiye 12:38-42)
29Jama'aare ɗuunne ummoy e hawritoo ley Yeesu, o etti haala, o wi'i ɓe: «Himɓe jaamanuuru hanne laati nun halluɓe, ɓee daarta haaynaare. Amma ɓe keɓataa haaynaare gom, to hinaa haaynaare annabi Yonasi. 30Gam hande no Yonasi laatoranii himɓe Niniwe haaynaare, non non bo Ɓii neɗɗo laatorantoo himɓe jaamanuuru hanne haaynaare. 31Nyalaane darŋal, laamiiɗo debbo mo hoore fuɗo hiitoto himɓe jaamanuuru hanne. Gam o ƴiwii diga nokkuuje ɓuruɗe woɗɗugo, gam o nana haalaaji Suleymaanu ɗi faamu. Nani bo ɓuruɗo Suleymaanu manŋu nun woni ɗo. 32Nyalaane darŋal, himɓe Niniwe daroyto yeeso himɓe jaamanuuru hanne, doƴƴa ɓe kiita, gam ɓe tuubi no Yonasi waajii ɓe haala Alla. Nani bo ɓuruɗo Yonasi manŋu nun woni ɗo!»
Ballool fitilla
(Matiye 6:22-23)
33«Goɗɗo jannataa fitilla gam suuɗa ka, naa bo gam omma ka gummal, amma o yowan ka nun dow yesirde fitilla, gam naatooɓe fu yi'a jayŋol. 34Gite maa laatii fitilla ɓannu maa. To gite maa e yanɗi, ɓannu maa fu wonoto der jayŋol, amma to gite maa yanɗaa, ɓannu maa bo wonoto der niwre. 35Gam majjum, sey kakkilaa gam to jayŋol tawaaŋol der maa laata niwre. 36Den mum, to ɓannu maa fu na'on der jayŋol, nokkun maggol tawaaka der niwre, ŋol fu, ŋol wonoto der jayŋol hande to fitilla yaynanii maa jayŋol mum.»
Yeesu e fela *Farisaaɓe e Moodiɓɓe tawreeta
(Matiye 23:1-36, Marku 12:38-40)
37No Yeesu batata, *Farisaajo gom noddi mo o wara nyaamɗe to mum. O naati der suudu, o jooɗii gam o nyaama. 38*Farisaajo on haayɗinii no o yi'i Yeesu lootay juuɗe mum hande no tawaaŋal maɓɓe ƴami, go e nyaama. 39Amma Joomiraawo wi'i mo: «Onon *Farisaaɓe, oon laaɓina ɓaawo jarirkon e ɓaawo keeɗe, amma der mooɗon, oon kebbi suuno, e guyka, e hallumaru. 40Onon ɓe walaa hakkillo! Taguɗo ɓaawo huune tagay der majjum na? 41Kokkee talkaaɓe sadaka ko tawaa der ɓerɗe mooɗon, den ko horii laatanto on laaɓuɗum.
42Amma bone laatanto on onon *Farisaaɓe! Gam oon cutta jakka haakooji bi'eteeɗi maantu, e bi'eteeɗi ru, e kade haakooji nyaameteeɗi fu. Amma oon jeeboo foonnitaare e yidde Alla, kanjum haani gaɗon. Amma to on jeebee bo koriiɗum.
43Bone laatanto on onon *Farisaaɓe! Gam oon jiɗi jooɗaago der joonɗe arandeeje der cuuɗi baajorɗi. Oon jiɗi bo sanneego der jayri to himɓe hawritinta. 44Bone laatanto on! Gam oon nandi hande janaale ɗe goɗɗo yi'ataa, ɗe dow mum neɗɗo tokkata baa faamay!»
45Go moodiɓɓe tawreeta ɓen gooto mum wi'i mo: «Moodibbo, to aa batira nii, menen nun jennataa fa!»
46Yeesu toontii mo wi'i: «Onon bo, bone laatanto on onon moodiɓɓe tawreeta! Gam oon doonina himɓe dolle tedduɗe, ɗe onon e ko'e mon on meemataa baa e kollel. 47Bone tawan on! Gam oon maha janaale *annabiiɓe, ɓe kookiraaɓe mon wari. 48Kanjum hollata no ko kookiraaɓe mon waɗi fottanii on, gam kamɓe ɓe barii *annabiiɓe, go onon oon maha janaale maɓɓe. 49Kanjum nun Alla anni, go bati wi'i: "Mi lildanan ɓe *annabiiɓe e lilaaɓe, ɓe baran woɓɓe, ɓe toora bo woɓɓe." 50Gam majjum, himɓe jaamanuuru hanne ƴamoyte ƴiiƴam *annabiiɓe waraaɓe, diga ko duuniyaaru tagaa fu. 51Diga ƴiiƴam Habiila faa e ɗam Jekariya baraaɗo hakkune hiisirde e suudu Alla. Mii bata on e gooŋa, himɓe jaamanuuru hanne ƴamoyte ɗam ɗam fu.
52Bone laatanto on onon moodiɓɓe tawreeta! Gam on maɓɓii dammugal, kaɗuɗon himɓe heɓugo annal. Onon e ko'e mooɗon on naatay, oon kaɗa bo yiɗuɓe naatugo naakki.»
53No Yeesu wurtii diga nokkuure nen, Moodiɓɓe tawreeta e *Farisaaɓe yanti e ɓilla mo, e ƴama mo ƴanɗe ɗuuɗɗe. 54Ɓee tunnana mo pitti, gam ɓe keɓa der haala makko ka ɓe gaccortoo mo.
Iliyochaguliwa sasa
Luka 11: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 11
11
Yeesu e ekkitina no du'ortee
(Matiye 6:9-13, 7:7-11)
1Nyalaane gom, Yeesu e du'oo der nokkuure gom. No o heennyi, aahiiɓe makko gooto mum, wi'i mo: «Joomiraawo, ekkitin men no du'aare waɗirtee hande no Yuhaana ekkitiniri aahiiɓe mum.» 2Yeesu wi'i ɓe: «To oon du'oo, oon bi'a:
Baaba,
inne maa seniine teddinee.
Laamaare maa wara.
3Hokku men ko men nyaamata nyalaane fu.
4Sawrana men hakkeeji amen
gam menen bo emen cawranoo woofananɓe men.
Taa accu men naata der jarbeeji.»
5Yeesu wi'i ɓe kade: «Hande jooni to goɗɗo mon e woodi igo mum, go igo on wari tawi mo caka jemma, wi'i mo: "Igo am, nyallam peen tato. 6Gam igooɓe am gooto mum ƴiwoy diga jahaaŋal wari weeri wuro am, nani bo mi woodaa ko kokkan moo mi." 7Den ko oo ɗon toontoo mo diga der suudu wi'a: "Taa ɓillam min kan, gam dammugal maɓɓaama, feɗaa koo. Min e sukaaɓe am bo men pukkake, mi waawataa ko ummii, hokke peen." 8Mii bata on, baa to o ummaaki o hokki mo gam oo igo makko, o ummoto o hokka mo gam oo ɗon e ɓilla mo. 9Min, mii bata on: eelee, on kokkete, daartee, on keɓan, piyee dammugal, on maɓɓitante. 10Gam eeloowo fu hokkete, dartoowo fu bo heɓan, piyoowo dammugal fu, maɓɓitante. 11To goɗɗo mon e laatii baaba, go ɓiyiiko eeli mo peen, o hokkan mo hayre na? Naa bo to o eelii mo linŋol, o hokkan mo boddi na? 12Naa bo to o eelii mo ɓoccoone, o hokkan mo yaare na? 13To onon laatiiɓe halluɓe, oon baawi hokkugo sukaaɓe mon ko wooɗi, noy Baaba mon gonuɗo dow kammu hokkirtaa eelanɓe mo Ruuhu Ceniiɗo?»
E baawɗe Alla nun Yeesu riiwirta ginnaaji
(Matiye 12:22-30, Marku 3:19-27)
14Yeesu wurtinii ginnawol muumiɗinŋol goɗɗo. No ŋol wurtii, muumo on yanti e bata, go jama'aare haayɗinii. 15Amma woɓɓe wi'i: «E baawɗe Beljebul hooreejo ginnaaji nun o riiwirta ginnaaji.»
16Woɓɓe e yiɗi fonnugo mo, go ɓe ƴami mo o waɗa maane ƴiwune dow kammu. 17Amma no Yeesu e anni miilooji maɓɓe, o wi'i ɓe: «Laamaare fu, to himɓe mum seenniri e haɓa hakkune mum, ne halkan, wurooji mayre yanan nyoƴƴontira. 18To Seyɗan e haɓida hoore mum, noy laamaare makko tabitortoo? Go oon bi'a Beljebul nun hokkimmi baawɗe riiwugo ginnaaji. 19To e baawɗe Beljebul nun diiwiranmi ginnaaji, den e baawɗe moy ɓiɓɓe mooɗon riiwirta ɗi? Gam majjum, kamɓe e hoore maɓɓe nun hiitoytooɓe on. 20Amma to e baawɗe Alla nun diiwiranmi ginnaaji, eɗum hollita no Laamaare Alla yottake on.
21To goɗɗo semmenteejo gooduɗo kaɓirɗum geetum e reeni wuro mum, jawdi makko fu wonoto e jam. 22Amma to ɓuruɗo mo semme gom warii, go jaalii mo, teetan gineeji makko kaɓirɗi ɗi o hoolinoo, seennana woɓɓe jawdi makko.
23Mo wonday e am fu, ganyo am nun. Mo wallay am hawritingo fu, sankitan nun.»
Wittoygo ginnawol der wuro mum hiinŋo
(Matiye 12:43-45)
24«To ginnawol wurtake diga e goɗɗo, ŋol yahan nun ŋol yiilitoo der nokkuuje jorɗe, eŋol daarta to ŋol siwtotoo. To ŋol heɓay, ŋol wi'a: "Mi wittan nun der suudu am to eggunoomi." 25To ŋol wittii ŋol tawa suudu wuuwaama, moƴƴinaa faa wooɗi, 26den ŋol witta, ŋol waddaa ginnaaji goɗɗi jeeɗiɗi ɓuruɗi ŋol hallugo, ɗi bittidaa ɗi jooɗoo ɗon. Goonki neɗɗo on cakitiiki ɓura arandehi hallugo.»
Barke gooŋakuuje
27No Yeesu batata ka, debbo gom bati diga caka jama'aare e daane towne wi'i: «Barke laatanii caawuɗo reedu maa, e enɗi ɗi musinɗaa.» 28Amma Yeesu toontii mo wi'i: «Ko ɓuri ɗum woni, barke laatanii hettiniiɓe haala Alla e gollira ka.»
Himɓe e ƴama Yeesu waɗa ko haaynii
(Matiye 12:38-42)
29Jama'aare ɗuunne ummoy e hawritoo ley Yeesu, o etti haala, o wi'i ɓe: «Himɓe jaamanuuru hanne laati nun halluɓe, ɓee daarta haaynaare. Amma ɓe keɓataa haaynaare gom, to hinaa haaynaare annabi Yonasi. 30Gam hande no Yonasi laatoranii himɓe Niniwe haaynaare, non non bo Ɓii neɗɗo laatorantoo himɓe jaamanuuru hanne haaynaare. 31Nyalaane darŋal, laamiiɗo debbo mo hoore fuɗo hiitoto himɓe jaamanuuru hanne. Gam o ƴiwii diga nokkuuje ɓuruɗe woɗɗugo, gam o nana haalaaji Suleymaanu ɗi faamu. Nani bo ɓuruɗo Suleymaanu manŋu nun woni ɗo. 32Nyalaane darŋal, himɓe Niniwe daroyto yeeso himɓe jaamanuuru hanne, doƴƴa ɓe kiita, gam ɓe tuubi no Yonasi waajii ɓe haala Alla. Nani bo ɓuruɗo Yonasi manŋu nun woni ɗo!»
Ballool fitilla
(Matiye 6:22-23)
33«Goɗɗo jannataa fitilla gam suuɗa ka, naa bo gam omma ka gummal, amma o yowan ka nun dow yesirde fitilla, gam naatooɓe fu yi'a jayŋol. 34Gite maa laatii fitilla ɓannu maa. To gite maa e yanɗi, ɓannu maa fu wonoto der jayŋol, amma to gite maa yanɗaa, ɓannu maa bo wonoto der niwre. 35Gam majjum, sey kakkilaa gam to jayŋol tawaaŋol der maa laata niwre. 36Den mum, to ɓannu maa fu na'on der jayŋol, nokkun maggol tawaaka der niwre, ŋol fu, ŋol wonoto der jayŋol hande to fitilla yaynanii maa jayŋol mum.»
Yeesu e fela *Farisaaɓe e Moodiɓɓe tawreeta
(Matiye 23:1-36, Marku 12:38-40)
37No Yeesu batata, *Farisaajo gom noddi mo o wara nyaamɗe to mum. O naati der suudu, o jooɗii gam o nyaama. 38*Farisaajo on haayɗinii no o yi'i Yeesu lootay juuɗe mum hande no tawaaŋal maɓɓe ƴami, go e nyaama. 39Amma Joomiraawo wi'i mo: «Onon *Farisaaɓe, oon laaɓina ɓaawo jarirkon e ɓaawo keeɗe, amma der mooɗon, oon kebbi suuno, e guyka, e hallumaru. 40Onon ɓe walaa hakkillo! Taguɗo ɓaawo huune tagay der majjum na? 41Kokkee talkaaɓe sadaka ko tawaa der ɓerɗe mooɗon, den ko horii laatanto on laaɓuɗum.
42Amma bone laatanto on onon *Farisaaɓe! Gam oon cutta jakka haakooji bi'eteeɗi maantu, e bi'eteeɗi ru, e kade haakooji nyaameteeɗi fu. Amma oon jeeboo foonnitaare e yidde Alla, kanjum haani gaɗon. Amma to on jeebee bo koriiɗum.
43Bone laatanto on onon *Farisaaɓe! Gam oon jiɗi jooɗaago der joonɗe arandeeje der cuuɗi baajorɗi. Oon jiɗi bo sanneego der jayri to himɓe hawritinta. 44Bone laatanto on! Gam oon nandi hande janaale ɗe goɗɗo yi'ataa, ɗe dow mum neɗɗo tokkata baa faamay!»
45Go moodiɓɓe tawreeta ɓen gooto mum wi'i mo: «Moodibbo, to aa batira nii, menen nun jennataa fa!»
46Yeesu toontii mo wi'i: «Onon bo, bone laatanto on onon moodiɓɓe tawreeta! Gam oon doonina himɓe dolle tedduɗe, ɗe onon e ko'e mon on meemataa baa e kollel. 47Bone tawan on! Gam oon maha janaale *annabiiɓe, ɓe kookiraaɓe mon wari. 48Kanjum hollata no ko kookiraaɓe mon waɗi fottanii on, gam kamɓe ɓe barii *annabiiɓe, go onon oon maha janaale maɓɓe. 49Kanjum nun Alla anni, go bati wi'i: "Mi lildanan ɓe *annabiiɓe e lilaaɓe, ɓe baran woɓɓe, ɓe toora bo woɓɓe." 50Gam majjum, himɓe jaamanuuru hanne ƴamoyte ƴiiƴam *annabiiɓe waraaɓe, diga ko duuniyaaru tagaa fu. 51Diga ƴiiƴam Habiila faa e ɗam Jekariya baraaɗo hakkune hiisirde e suudu Alla. Mii bata on e gooŋa, himɓe jaamanuuru hanne ƴamoyte ɗam ɗam fu.
52Bone laatanto on onon moodiɓɓe tawreeta! Gam on maɓɓii dammugal, kaɗuɗon himɓe heɓugo annal. Onon e ko'e mooɗon on naatay, oon kaɗa bo yiɗuɓe naatugo naakki.»
53No Yeesu wurtii diga nokkuure nen, Moodiɓɓe tawreeta e *Farisaaɓe yanti e ɓilla mo, e ƴama mo ƴanɗe ɗuuɗɗe. 54Ɓee tunnana mo pitti, gam ɓe keɓa der haala makko ka ɓe gaccortoo mo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.