Yuhaana 9
9
Yeesu wumtinii dimdaaɗo e bumdam
1No Yeesu yawtata, o yi'i gorko dimdaaɗo e bumdam. 2Aahiiɓe makko ƴami mo, wi'i: «Moodibbo, moy waɗi hakke, kanko naa, naa baaba e inna makko nun, go o rimdaa e bumdam?» 3Yeesu toontii ɓe wi'i: «Kanko bane waɗi hakke, baaba e inna makko bo bane. Amma gam baawɗe Alla hollitoo diga e makko nun acci o rimdaa bumdam. 4No jayŋol na'on taw, haani gaɗen golle liloyɗo am. Gam jemma waran de goɗɗo waawataa ko gollii. 5Wakkati gonumi der duuniyaaru, min woni jayŋol mayru.»
6Den, no o bati kaa ɗon, o tuuti joode e leydi, o laawi loope e joode ɗen, o moomi e gite bumɗo on. 7O wi'i mo: «Yahu sulmaa weeldere Silowe.» (Silowe filliti nun Lilaaɗo). O yahi, o sulmii. O warti oo yi'a.
8Wondunooɓe e makko, e yi'annooɓe mo oo fiya bara, wi'i: «Hinaa oo ɗo jooɗinoo e fiya bara na?» 9Woɓɓe wi'i: «Kanko nun!» Woɓɓe bo wi'i: «Kanko bane! Nandi makko nun!» Gorko on e hoore mum wi'i: «Min nun lalley!» 10Ɓe ƴami mo: «Noy bumtirɗaa?» 11O toontii o wi'i: «Gorko bi'eteeɗo Yeesu nun laawi loope, moomi e gite am, wi'immi: "Yahu weeldere Silowe, culmoɗaa". Jahumi, culmiimi, go bumtumi.» 12Ɓe ƴami mo: «Toy gorko on woni?» O toonti: «Mi annaa!»
Farisaaɓe e ƴantinoo bumtinaaɗo on
13Den ɓe jaari bumtinaaɗo on to *Farisaaɓe. 14Nyalaane Yeesu laawi loope wumtini mo, laati nun nyalaane siwteteene. 15*Farisaaɓe bo ƴami mo, wi'i: «Noy bumtirɗaa?» O toontii ɓe: «O moomu nun loope e gite am, go culmiimi, go bumtumi.» 16Der *Farisaaɓe woɓɓe mum wi'i: «Gorko on waawataa ko ƴiwi to Alla, gam o teddinay nyalaane siwteteene.» Woɓɓe bo wi'i: «Noy gaɗoowo hakke waawirta ko waɗi iri haaynaareeji ɗii ɗo?» Go ɓe ceenniri hakkune maɓɓe.
17*Farisaaɓe ƴami bumtinaaɗo on kade, wi'i: «An kaye batataa dow bumtinɗo maa on?» O toontii ɓe, o wi'i: «Annabiijo nun o laatii.»
18Hooreeɓe *Yahuduuɓe jaɓay naa oo laatino bumɗo, go jooni oo yi'a, go ɓe noddi baaba e inna makko. 19Ɓe ƴami ɓe: «Oo ɗo ɓiɗɗo mooɗon mo bi'uɗon rimdaa e bumdam on nun ɗon na? Jooni kan noy o wumtiri?» 20Baabiiko e inniiko toontii wi'i: «Emen anni ɓiɗɗo amen nun, e bumdam nun bo o rimdaa. 21Amma no o wumtiri jooni, men annaa. Men annaa bo moy wumtini mo. Kanko bo o mawɗo nun. O waawan ko toontanii hoore makko. Ƴamee mo!»
22Baabiiko e inniiko toontorake non non gam ɓee kula hooreeɓe *Yahuduuɓe. Gam ɓe desu nun: Neɗɗo fu jaɓi Yeesu laati nun *Almasiihu, ɓe diiwa mo, ɓe burtina waajorde. 23Gam majjum saareeji makko wi'i: «O mawnii, ƴamee mo!»
24*Farisaaɓe nodditii bumtinaaɗo on, ɓe bi'i mo: «Teddin Alla, emen anni, menen kan, gorko on hakkeejo nun.» 25O wi'i ɓe: «To o hakkeejo nun, min kan, mi annaa. Goota tan annumi: Mi bumunooɗo, jooni mii yi'a.» 26Ɓe ƴami mo: «Ume nun o waɗani maa? Noy o wumtiniri maa?» 27O toontii ɓe, o wi'i: «Mi batiino on ɗum, amma on kettinaaki. Gam ume go oon jiɗi nanitaago ka kade? Naa onon bo, on jiɗu nun laataago aahiiɓe makko?»
28Ɓe jenni mo, ɓe bi'i: «An woni aahiijo makko! Menen, men aahiiɓe Muusa nun. 29Menen, emen anni no Alla baddii e Muusa, amma kanko, men annaa to o ƴiwi.»
30Gorko on toontii ɓe, wi'i: «E ɗum haaynii no on annaa to o ƴiwi, go o wumtinimmi! 31Een anni Alla hettinantaako waɗooɓe hakke, amma oo hettinanoo teddinɗo mo, gaɗoowo sago makko. 32Daɗey nanaaka bumtinɗo dimdaaɗo e bumdam. 33To hinaa to Alla gorko on ƴiwi, o waawataano ko waɗi goɗɗum.»
34Ɓe toontii mo: «An, der hakkeeji dimaɗaa mam mam, an janŋinta men!» Ɓe diiwi mo yaasi.
Bumdam der ɓerne
35Yeesu nani no ɓe diiwii bumtinaaɗo on. No o yi'itii mo, o ƴami mo: «An kan, aa goonɗini Ɓii neɗɗo na?» 36O toontii o wi'i: «Moodibbo, batan, moy woni Ɓii neɗɗo on, gam mi goonɗina mo.» 37Yeesu wi'i mo: «A yi'ii mo, baddoowo e maa woni kanko.» 38O toontii: «Moodibbo, mi goonɗinii.» O sujidani Yeesu.
39Den Yeesu wi'i mo: «Mi waru nun der duuniyaaru mi waɗa kiita, gam wumuɓe yi'a, yi'ooɓe wuma.» 40*Farisaaɓe tawanooɓe ɗon, nani ka, ƴami mo, wi'i: «Menen bo, men wumuɓe na?» 41Yeesu toontii ɓe: «To oon bumunoo, on goodataano boofi. No bi'oton jooni oon ji'a, gam majjum boofi mooɗon tabitii.»
Iliyochaguliwa sasa
Yuhaana 9: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Yuhaana 9
9
Yeesu wumtinii dimdaaɗo e bumdam
1No Yeesu yawtata, o yi'i gorko dimdaaɗo e bumdam. 2Aahiiɓe makko ƴami mo, wi'i: «Moodibbo, moy waɗi hakke, kanko naa, naa baaba e inna makko nun, go o rimdaa e bumdam?» 3Yeesu toontii ɓe wi'i: «Kanko bane waɗi hakke, baaba e inna makko bo bane. Amma gam baawɗe Alla hollitoo diga e makko nun acci o rimdaa bumdam. 4No jayŋol na'on taw, haani gaɗen golle liloyɗo am. Gam jemma waran de goɗɗo waawataa ko gollii. 5Wakkati gonumi der duuniyaaru, min woni jayŋol mayru.»
6Den, no o bati kaa ɗon, o tuuti joode e leydi, o laawi loope e joode ɗen, o moomi e gite bumɗo on. 7O wi'i mo: «Yahu sulmaa weeldere Silowe.» (Silowe filliti nun Lilaaɗo). O yahi, o sulmii. O warti oo yi'a.
8Wondunooɓe e makko, e yi'annooɓe mo oo fiya bara, wi'i: «Hinaa oo ɗo jooɗinoo e fiya bara na?» 9Woɓɓe wi'i: «Kanko nun!» Woɓɓe bo wi'i: «Kanko bane! Nandi makko nun!» Gorko on e hoore mum wi'i: «Min nun lalley!» 10Ɓe ƴami mo: «Noy bumtirɗaa?» 11O toontii o wi'i: «Gorko bi'eteeɗo Yeesu nun laawi loope, moomi e gite am, wi'immi: "Yahu weeldere Silowe, culmoɗaa". Jahumi, culmiimi, go bumtumi.» 12Ɓe ƴami mo: «Toy gorko on woni?» O toonti: «Mi annaa!»
Farisaaɓe e ƴantinoo bumtinaaɗo on
13Den ɓe jaari bumtinaaɗo on to *Farisaaɓe. 14Nyalaane Yeesu laawi loope wumtini mo, laati nun nyalaane siwteteene. 15*Farisaaɓe bo ƴami mo, wi'i: «Noy bumtirɗaa?» O toontii ɓe: «O moomu nun loope e gite am, go culmiimi, go bumtumi.» 16Der *Farisaaɓe woɓɓe mum wi'i: «Gorko on waawataa ko ƴiwi to Alla, gam o teddinay nyalaane siwteteene.» Woɓɓe bo wi'i: «Noy gaɗoowo hakke waawirta ko waɗi iri haaynaareeji ɗii ɗo?» Go ɓe ceenniri hakkune maɓɓe.
17*Farisaaɓe ƴami bumtinaaɗo on kade, wi'i: «An kaye batataa dow bumtinɗo maa on?» O toontii ɓe, o wi'i: «Annabiijo nun o laatii.»
18Hooreeɓe *Yahuduuɓe jaɓay naa oo laatino bumɗo, go jooni oo yi'a, go ɓe noddi baaba e inna makko. 19Ɓe ƴami ɓe: «Oo ɗo ɓiɗɗo mooɗon mo bi'uɗon rimdaa e bumdam on nun ɗon na? Jooni kan noy o wumtiri?» 20Baabiiko e inniiko toontii wi'i: «Emen anni ɓiɗɗo amen nun, e bumdam nun bo o rimdaa. 21Amma no o wumtiri jooni, men annaa. Men annaa bo moy wumtini mo. Kanko bo o mawɗo nun. O waawan ko toontanii hoore makko. Ƴamee mo!»
22Baabiiko e inniiko toontorake non non gam ɓee kula hooreeɓe *Yahuduuɓe. Gam ɓe desu nun: Neɗɗo fu jaɓi Yeesu laati nun *Almasiihu, ɓe diiwa mo, ɓe burtina waajorde. 23Gam majjum saareeji makko wi'i: «O mawnii, ƴamee mo!»
24*Farisaaɓe nodditii bumtinaaɗo on, ɓe bi'i mo: «Teddin Alla, emen anni, menen kan, gorko on hakkeejo nun.» 25O wi'i ɓe: «To o hakkeejo nun, min kan, mi annaa. Goota tan annumi: Mi bumunooɗo, jooni mii yi'a.» 26Ɓe ƴami mo: «Ume nun o waɗani maa? Noy o wumtiniri maa?» 27O toontii ɓe, o wi'i: «Mi batiino on ɗum, amma on kettinaaki. Gam ume go oon jiɗi nanitaago ka kade? Naa onon bo, on jiɗu nun laataago aahiiɓe makko?»
28Ɓe jenni mo, ɓe bi'i: «An woni aahiijo makko! Menen, men aahiiɓe Muusa nun. 29Menen, emen anni no Alla baddii e Muusa, amma kanko, men annaa to o ƴiwi.»
30Gorko on toontii ɓe, wi'i: «E ɗum haaynii no on annaa to o ƴiwi, go o wumtinimmi! 31Een anni Alla hettinantaako waɗooɓe hakke, amma oo hettinanoo teddinɗo mo, gaɗoowo sago makko. 32Daɗey nanaaka bumtinɗo dimdaaɗo e bumdam. 33To hinaa to Alla gorko on ƴiwi, o waawataano ko waɗi goɗɗum.»
34Ɓe toontii mo: «An, der hakkeeji dimaɗaa mam mam, an janŋinta men!» Ɓe diiwi mo yaasi.
Bumdam der ɓerne
35Yeesu nani no ɓe diiwii bumtinaaɗo on. No o yi'itii mo, o ƴami mo: «An kan, aa goonɗini Ɓii neɗɗo na?» 36O toontii o wi'i: «Moodibbo, batan, moy woni Ɓii neɗɗo on, gam mi goonɗina mo.» 37Yeesu wi'i mo: «A yi'ii mo, baddoowo e maa woni kanko.» 38O toontii: «Moodibbo, mi goonɗinii.» O sujidani Yeesu.
39Den Yeesu wi'i mo: «Mi waru nun der duuniyaaru mi waɗa kiita, gam wumuɓe yi'a, yi'ooɓe wuma.» 40*Farisaaɓe tawanooɓe ɗon, nani ka, ƴami mo, wi'i: «Menen bo, men wumuɓe na?» 41Yeesu toontii ɓe: «To oon bumunoo, on goodataano boofi. No bi'oton jooni oon ji'a, gam majjum boofi mooɗon tabitii.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.